{"id":"an4.69","title":"Effort","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.69","title":"Effort","units":[{"id":"an4.69:0","sourceIds":["an4.69:0.1","an4.69:0.2","an4.69:0.3"],"kind":"text","text":{"pi":"Aṅguttara Nikāya 4.69\n7. Pattakammavagga\nPadhānasutta","en":"Numbered Discourses 4.69\n7. Fitting Deeds\nEffort"}},{"id":"an4.69:1","sourceIds":["an4.69:1.1","an4.69:1.2","an4.69:1.3","an4.69:1.4","an4.69:1.5","an4.69:1.6"],"kind":"text","text":{"pi":"“Cattārimāni, bhikkhave, padhānāni.\nKatamāni cattāri?\nSaṁvarappadhānaṁ, pahānappadhānaṁ, bhāvanāppadhānaṁ, anurakkhaṇāppadhānaṁ.\nKatamañca, bhikkhave, saṁvarappadhānaṁ?\nIdha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati.\nIdaṁ vuccati, bhikkhave, saṁvarappadhānaṁ.","en":"“Mendicants, there are these four efforts.\nWhat four?\nThe efforts to restrain, to give up, to develop, and to preserve.\nAnd what, mendicants, is the effort to restrain?\nIt’s when you generate enthusiasm, try, make an effort, exert the mind, and strive so that bad, unskillful qualities don’t arise.\nThis is called the effort to restrain."}},{"id":"an4.69:2","sourceIds":["an4.69:2.1","an4.69:2.2","an4.69:2.3"],"kind":"text","text":{"pi":"Katamañca, bhikkhave, pahānappadhānaṁ?\nIdha, bhikkhave, bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati.\nIdaṁ vuccati, bhikkhave, pahānappadhānaṁ.","en":"And what, mendicants, is the effort to give up?\nIt’s when you generate enthusiasm, try, make an effort, exert the mind, and strive so that bad, unskillful qualities are given up.\nThis is called the effort to give up."}},{"id":"an4.69:3","sourceIds":["an4.69:3.1","an4.69:3.2","an4.69:3.3"],"kind":"text","text":{"pi":"Katamañca, bhikkhave, bhāvanāppadhānaṁ?\nIdha, bhikkhave, bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati.\nIdaṁ vuccati, bhikkhave, bhāvanāppadhānaṁ.","en":"And what, mendicants, is the effort to develop?\nIt’s when you generate enthusiasm, try, make an effort, exert the mind, and strive so that skillful qualities arise.\nThis is called the effort to develop."}},{"id":"an4.69:4","sourceIds":["an4.69:4.1","an4.69:4.2","an4.69:4.3","an4.69:4.4"],"kind":"text","text":{"pi":"Katamañca, bhikkhave, anurakkhaṇāppadhānaṁ?\nIdha, bhikkhave, bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nIdaṁ vuccati, bhikkhave, anurakkhaṇāppadhānaṁ.\nImāni kho, bhikkhave, cattāri padhānānīti.","en":"And what, mendicants, is the effort to preserve?\nIt’s when you generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are fully developed.\nThis is called the effort to preserve.\nThese are the four efforts."}},{"id":"an4.69:5","sourceIds":["an4.69:5.1","an4.69:5.2","an4.69:5.3","an4.69:5.4","an4.69:5.5","an4.69:5.6","an4.69:5.7"],"kind":"text","text":{"pi":"Saṁvaro ca pahānañca,\nbhāvanā anurakkhaṇā;\nEte padhānā cattāro,\ndesitādiccabandhunā;\nYo hi bhikkhu idhātāpī,\nkhayaṁ dukkhassa pāpuṇe”ti.\nNavamaṁ.","en":"Restraint and giving up,\ndevelopment and preservation:\nthese are the four efforts\ntaught by the Kinsman of the Sun.\nAny mendicant who keenly applies these\nmay attain the ending of suffering.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.69/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}