{"id":"an4.70","title":"Unprincipled","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.70","title":"Unprincipled","units":[{"id":"an4.70:0","sourceIds":["an4.70:0.1","an4.70:0.2","an4.70:0.3"],"kind":"text","text":{"pi":"Aṅguttara Nikāya 4.70\n7. Pattakammavagga\nAdhammikasutta","en":"Numbered Discourses 4.70\n7. Fitting Deeds\nUnprincipled"}},{"id":"an4.70:1","sourceIds":["an4.70:1.1","an4.70:1.2","an4.70:1.3","an4.70:1.4","an4.70:1.5","an4.70:1.6","an4.70:1.7","an4.70:1.8","an4.70:1.9","an4.70:1.10","an4.70:1.11","an4.70:1.12","an4.70:1.13"],"kind":"text","text":{"pi":"“Yasmiṁ, bhikkhave, samaye rājāno adhammikā honti, rājāyuttāpi tasmiṁ samaye adhammikā honti.\nRājāyuttesu adhammikesu brāhmaṇagahapatikāpi tasmiṁ samaye adhammikā honti.\nBrāhmaṇagahapatikesu adhammikesu negamajānapadāpi tasmiṁ samaye adhammikā honti.\nNegamajānapadesu adhammikesu visamaṁ candimasūriyā parivattanti.\nVisamaṁ candimasūriyesu parivattantesu visamaṁ nakkhattāni tārakarūpāni parivattanti.\nVisamaṁ nakkhattesu tārakarūpesu parivattantesu visamaṁ rattindivā parivattanti.\nVisamaṁ rattindivesu parivattantesu visamaṁ māsaddhamāsā parivattanti.\nVisamaṁ māsaddhamāsesu parivattantesu visamaṁ utusaṁvaccharā parivattanti.\nVisamaṁ utusaṁvaccharesu parivattantesu visamaṁ vātā vāyanti visamā apañjasā.\nVisamaṁ vātesu vāyantesu visamesu apañjasesu devatā parikupitā bhavanti.\nDevatāsu parikupitāsu devo na sammā dhāraṁ anuppavecchati.\nDeve na sammā dhāraṁ anuppavecchante visamapākāni sassāni bhavanti.\nVisamapākāni, bhikkhave, sassāni manussā paribhuñjantā appāyukā honti dubbaṇṇā ca bavhābādhā ca.","en":"“At a time when kings are unprincipled, royal officials become unprincipled.\nWhen royal officials are unprincipled, brahmins and householders become unprincipled.\nWhen brahmins and householders are unprincipled, the people of town and country become unprincipled.\nWhen the people of town and country are unprincipled, the courses of the moon and sun become erratic.\n… the courses of the stars and constellations …\nthe days and nights …\nthe months and fortnights …\nthe seasons and years become erratic.\n… the blowing of the winds becomes erratic and chaotic.\n… the deities are angered.\n… the heavens don’t provide enough rain.\n… the crops ripen erratically.\nWhen people eat crops that have ripened erratically, they become short-lived, ugly, weak, and sickly."}},{"id":"an4.70:2","sourceIds":["an4.70:2.1","an4.70:2.2","an4.70:2.3","an4.70:2.4","an4.70:2.5","an4.70:2.6","an4.70:2.7","an4.70:2.8","an4.70:2.9","an4.70:2.10","an4.70:2.11","an4.70:2.12","an4.70:2.13"],"kind":"text","text":{"pi":"Yasmiṁ, bhikkhave, samaye rājāno dhammikā honti, rājāyuttāpi tasmiṁ samaye dhammikā honti.\nRājāyuttesu dhammikesu brāhmaṇagahapatikāpi tasmiṁ samaye dhammikā honti.\nBrāhmaṇagahapatikesu dhammikesu negamajānapadāpi tasmiṁ samaye dhammikā honti.\nNegamajānapadesu dhammikesu samaṁ candimasūriyā parivattanti.\nSamaṁ candimasūriyesu parivattantesu samaṁ nakkhattāni tārakarūpāni parivattanti.\nSamaṁ nakkhattesu tārakarūpesu parivattantesu samaṁ rattindivā parivattanti.\nSamaṁ rattindivesu parivattantesu samaṁ māsaddhamāsā parivattanti.\nSamaṁ māsaddhamāsesu parivattantesu samaṁ utusaṁvaccharā parivattanti.\nSamaṁ utusaṁvaccharesu parivattantesu samaṁ vātā vāyanti samā pañjasā.\nSamaṁ vātesu vāyantesu samesu pañjasesu devatā aparikupitā bhavanti.\nDevatāsu aparikupitāsu devo sammā dhāraṁ anuppavecchati.\nDeve sammā dhāraṁ anuppavecchante samapākāni sassāni bhavanti.\nSamapākāni, bhikkhave, sassāni manussā paribhuñjantā dīghāyukā ca honti vaṇṇavanto ca balavanto ca appābādhā cāti.","en":"At a time when kings are principled, royal officials become principled.\n… brahmins and householders …\npeople of town and country become principled.\nWhen the people of town and country are principled, the courses of the sun and moon become regular.\n… the stars and constellations …\nthe days and nights …\nthe months and fortnights …\nthe seasons and years become regular.\n… the blowing of the winds becomes regular and orderly.\n… the deities are not angered.\n… the heavens provide plenty of rain.\nWhen the heavens provide plenty of rain, the crops ripen well.\nWhen people eat crops that have ripened well, they become long-lived, beautiful, strong, and healthy."}},{"id":"an4.70:3","sourceIds":["an4.70:3.1","an4.70:3.2","an4.70:3.3","an4.70:3.4"],"kind":"text","text":{"pi":"Gunnañce taramānānaṁ,\njimhaṁ gacchati puṅgavo;\nSabbā tā jimhaṁ gacchanti,\nnette jimhaṁ gate sati.","en":"When cattle cross a river,\nif the bull goes off course,\nthey all go off course,\nbecause their leader is off course."}},{"id":"an4.70:4","sourceIds":["an4.70:4.1","an4.70:4.2","an4.70:4.3","an4.70:4.4","an4.70:4.5","an4.70:4.6"],"kind":"text","text":{"pi":"Evamevaṁ manussesu,\nyo hoti seṭṭhasammato;\nSo ce adhammaṁ carati,\npageva itarā pajā;\nSabbaṁ raṭṭhaṁ dukkhaṁ seti,\nrājā ce hoti adhammiko.","en":"So it is for humans:\nwhen the one deemed chief\nbehaves badly,\nwhat do you expect the rest to do?\nThe whole nation sleeps badly,\nwhen the king is unprincipled."}},{"id":"an4.70:5","sourceIds":["an4.70:5.1","an4.70:5.2","an4.70:5.3","an4.70:5.4"],"kind":"text","text":{"pi":"Gunnañce taramānānaṁ,\nujuṁ gacchati puṅgavo;\nSabbā tā ujuṁ gacchanti,\nnette ujuṁ gate sati.","en":"When cattle cross a river,\nif the bull goes straight,\nthey all go straight,\nbecause their leader is straight."}},{"id":"an4.70:6","sourceIds":["an4.70:6.1","an4.70:6.2","an4.70:6.3","an4.70:6.4","an4.70:6.5","an4.70:6.6","an4.70:6.7","an4.70:6.8"],"kind":"text","text":{"pi":"Evamevaṁ manussesu,\nyo hoti seṭṭhasammato;\nSo sace dhammaṁ carati,\npageva itarā pajā;\nSabbaṁ raṭṭhaṁ sukhaṁ seti,\nrājā ce hoti dhammiko”ti.\nDasamaṁ.\nPattakammavaggo dutiyo.","en":"So it is for humans:\nwhen the one deemed chief\ndoes the right thing,\nwhat do you expect the rest to do?\nThe whole nation sleeps at ease,\nwhen the king is just.”"}},{"id":"an4.70:7","sourceIds":["an4.70:7.0","an4.70:7.1","an4.70:7.2","an4.70:7.3","an4.70:7.4"],"kind":"text","text":{"pi":"Tassuddānaṁ\nPattakammaṁ ānaṇyako,\nSabrahmanirayā rūpena pañcamaṁ;\nSarāgaahirājā devadatto,\nPadhānaṁ adhammikena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}