{"id":"an4.83","title":"Where Criticism Takes You","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.83","title":"Where Criticism Takes You","units":[{"id":"an4.83:0","sourceIds":["an4.83:0.1","an4.83:0.2","an4.83:0.3"],"kind":"text","text":{"pi":"Aṅguttara Nikāya 4.83\n9. Macalavagga\nAvaṇṇārahasutta","en":"Numbered Discourses 4.83\n9. Confirmed\nWhere Criticism Takes You"}},{"id":"an4.83:1","sourceIds":["an4.83:1.1","an4.83:1.2","an4.83:1.3","an4.83:1.4","an4.83:1.5","an4.83:1.6"],"kind":"text","text":{"pi":"“Catūhi, bhikkhave, dhammehi samannāgato yathābhataṁ nikkhitto evaṁ niraye.\nKatamehi catūhi?\nAnanuvicca apariyogāhetvā avaṇṇārahassa vaṇṇaṁ bhāsati,\nananuvicca apariyogāhetvā vaṇṇārahassa avaṇṇaṁ bhāsati,\nananuvicca apariyogāhetvā appasādanīye ṭhāne pasādaṁ upadaṁseti, ananuvicca apariyogāhetvā pasādanīye ṭhāne appasādaṁ upadaṁseti—\nimehi kho, bhikkhave, catūhi dhammehi samannāgato yathābhataṁ nikkhitto evaṁ niraye.","en":"“Mendicants, someone with four qualities is placed in hell as if delivered there.\nWhat four?\nWithout examining or scrutinizing, they praise those deserving of criticism,\nand they criticize those deserving of praise.\nThey arouse faith in things that are dubious, and they don’t arouse faith in things that are inspiring.\nSomeone with these four qualities is placed in hell as if delivered there."}},{"id":"an4.83:2","sourceIds":["an4.83:2.1","an4.83:2.2","an4.83:2.3","an4.83:2.4","an4.83:2.5","an4.83:2.6","an4.83:2.7","an4.83:2.8"],"kind":"text","text":{"pi":"Catūhi, bhikkhave, dhammehi samannāgato yathābhataṁ nikkhitto evaṁ sagge.\nKatamehi catūhi?\nAnuvicca pariyogāhetvā avaṇṇārahassa avaṇṇaṁ bhāsati,\nanuvicca pariyogāhetvā vaṇṇārahassa vaṇṇaṁ bhāsati,\nanuvicca pariyogāhetvā appasādanīye ṭhāne appasādaṁ upadaṁseti\nanuvicca pariyogāhetvā pasādanīye ṭhāne pasādaṁ upadaṁseti—\nimehi kho, bhikkhave, catūhi dhammehi samannāgato yathābhataṁ nikkhitto evaṁ sagge”ti.\nTatiyaṁ.","en":"Someone with four qualities is placed in heaven as if delivered there.\nWhat four?\nAfter examining and scrutinizing, they criticize those deserving of criticism,\nand they praise those deserving of praise.\nThey don’t arouse faith in things that are dubious,\nand they do arouse faith in things that are inspiring.\nSomeone with these four qualities is placed in heaven as if delivered there.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.83/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}