{"id":"an4.96","title":"Removing Greed","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.96","title":"Removing Greed","units":[{"id":"an4.96:0","sourceIds":["an4.96:0.1","an4.96:0.2","an4.96:0.3"],"kind":"text","text":{"pi":"Aṅguttara Nikāya 4.96\n10. Asuravagga\nRāgavinayasutta","en":"Numbered Discourses 4.96\n10. Titans\nRemoving Greed"}},{"id":"an4.96:1","sourceIds":["an4.96:1.1","an4.96:1.2","an4.96:1.3","an4.96:1.4","an4.96:1.5","an4.96:1.6"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nAttahitāya paṭipanno no parahitāya,\nparahitāya paṭipanno no attahitāya,\nnevattahitāya paṭipanno no parahitāya,\nattahitāya ceva paṭipanno parahitāya ca.","en":"“Mendicants, these four individuals are found in the world.\nWhat four?\nOne who practices to benefit themselves, but not others;\none who practices to benefit others, but not themselves;\none who practices to benefit neither themselves nor others; and\none who practices to benefit both themselves and others."}},{"id":"an4.96:2","sourceIds":["an4.96:2.1","an4.96:2.2","an4.96:2.3","an4.96:2.4","an4.96:2.5"],"kind":"text","text":{"pi":"Kathañca, bhikkhave, puggalo attahitāya paṭipanno hoti no parahitāya?\nIdha, bhikkhave, ekacco puggalo attanā rāgavinayāya paṭipanno hoti, no paraṁ rāgavinayāya samādapeti;\nattanā dosavinayāya paṭipanno hoti, no paraṁ dosavinayāya samādapeti;\nattanā mohavinayāya paṭipanno hoti, no paraṁ mohavinayāya samādapeti.\nEvaṁ kho, bhikkhave, puggalo attahitāya paṭipanno hoti, no parahitāya.","en":"And how does an individual practice to benefit themselves, but not others?\nIt’s when an individual practices to remove their own greed, hate, and delusion, but doesn’t encourage others to do the same.\nThat’s how an individual practices to benefit themselves, but not others."}},{"id":"an4.96:3","sourceIds":["an4.96:3.1","an4.96:3.2","an4.96:3.3","an4.96:3.4","an4.96:3.5"],"kind":"text","text":{"pi":"Kathañca, bhikkhave, puggalo parahitāya paṭipanno hoti, no attahitāya?\nIdha, bhikkhave, ekacco puggalo attanā na rāgavinayāya paṭipanno hoti, paraṁ rāgavinayāya samādapeti;\nattanā na dosavinayāya paṭipanno hoti, paraṁ dosavinayāya samādapeti;\nattanā na mohavinayāya paṭipanno hoti, paraṁ mohavinayāya samādapeti.\nEvaṁ kho, bhikkhave, puggalo parahitāya paṭipanno hoti, no attahitāya.","en":"And how does an individual practice to benefit others, but not themselves?\nIt’s when an individual doesn’t practice to remove their own greed, hate, and delusion, but encourages others to remove theirs.\nThat’s how an individual practices to benefit others, but not themselves."}},{"id":"an4.96:4","sourceIds":["an4.96:4.1","an4.96:4.2","an4.96:4.3","an4.96:4.4","an4.96:4.5"],"kind":"text","text":{"pi":"Kathañca, bhikkhave, puggalo nevattahitāya paṭipanno hoti, no parahitāya?\nIdha, bhikkhave, ekacco puggalo attanā na rāgavinayāya paṭipanno hoti, no paraṁ rāgavinayāya samādapeti;\nattanā na dosavinayāya paṭipanno hoti, no paraṁ dosavinayāya samādapeti;\nattanā na mohavinayāya paṭipanno hoti, no paraṁ mohavinayāya samādapeti.\nEvaṁ kho, bhikkhave, puggalo nevattahitāya paṭipanno hoti, no parahitāya.","en":"And how does an individual practice to benefit neither themselves nor others?\nIt’s when an individual doesn’t practice to remove their own greed, hate, and delusion, nor do they encourage others to remove theirs.\nThat’s how an individual practices to benefit neither themselves nor others."}},{"id":"an4.96:5","sourceIds":["an4.96:5.1","an4.96:5.2","an4.96:5.3","an4.96:5.4","an4.96:5.5","an4.96:5.6","an4.96:5.7"],"kind":"text","text":{"pi":"Kathañca, bhikkhave, puggalo attahitāya ceva paṭipanno hoti parahitāya ca?\nIdha, bhikkhave, ekacco puggalo attanā ca rāgavinayāya paṭipanno hoti, parañca rāgavinayāya samādapeti;\nattanā ca dosavinayāya paṭipanno hoti, parañca dosavinayāya samādapeti;\nattanā ca mohavinayāya paṭipanno hoti, parañca mohavinayāya samādapeti.\nEvaṁ kho, bhikkhave, puggalo attahitāya ceva paṭipanno hoti parahitāya ca.\nIme kho, bhikkhave, cattāro puggalā santo saṁvijjamānā lokasmin”ti.\nChaṭṭhaṁ.","en":"And how does an individual practice to benefit both themselves and others?\nIt’s when an individual practices to remove their own greed, hate, and delusion, and encourages others to remove theirs.\nThat’s how an individual practices to benefit both themselves and others.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.96/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}