{"id":"an4.97","title":"Quick-witted","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.97","title":"Quick-witted","units":[{"id":"an4.97:0","sourceIds":["an4.97:0.1","an4.97:0.2","an4.97:0.3"],"kind":"text","text":{"pi":"Aṅguttara Nikāya 4.97\n10. Asuravagga\nKhippanisantisutta","en":"Numbered Discourses 4.97\n10. Titans\nQuick-witted"}},{"id":"an4.97:1","sourceIds":["an4.97:1.1","an4.97:1.2","an4.97:1.3","an4.97:1.4","an4.97:1.5","an4.97:1.6"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nattahitāya paṭipanno no parahitāya,\nparahitāya paṭipanno no attahitāya,\nnevattahitāya paṭipanno no parahitāya,\nattahitāya ceva paṭipanno parahitāya ca.","en":"“Mendicants, these four individuals are found in the world.\nWhat four?\nOne who practices to benefit themselves, but not others;\none who practices to benefit others, but not themselves;\none who practices to benefit neither themselves nor others; and\none who practices to benefit both themselves and others."}},{"id":"an4.97:2","sourceIds":["an4.97:2.1","an4.97:2.2","an4.97:2.3","an4.97:2.4"],"kind":"text","text":{"pi":"Kathañca, bhikkhave, puggalo attahitāya paṭipanno hoti, no parahitāya?\nIdha, bhikkhave, ekacco puggalo khippanisantī ca hoti kusalesu dhammesu, sutānañca dhammānaṁ dhārakajātiko hoti, dhātānañca dhammānaṁ atthūpaparikkhī hoti atthamaññāya dhammamaññāya, dhammānudhammappaṭipanno hoti;\nno ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā, no ca sandassako hoti samādapako samuttejako sampahaṁsako sabrahmacārīnaṁ.\nEvaṁ kho, bhikkhave, puggalo attahitāya paṭipanno hoti, no parahitāya.","en":"And how does an individual practice to benefit themselves, but not others?\nIt’s when an individual is quick-witted when it comes to skillful teachings. They readily memorize the teachings they’ve heard. They examine the meaning of teachings they’ve memorized. Understanding the meaning and the teaching, they practice in line with the teaching.\nBut they’re not a good speaker and do not enunciate well. Their voice isn’t polished, clear, articulate, and doesn’t express the meaning. They don’t educate, encourage, fire up, and inspire their spiritual companions.\nThat’s how an individual practices to benefit themselves, but not others."}},{"id":"an4.97:3","sourceIds":["an4.97:3.1","an4.97:3.2","an4.97:3.3","an4.97:3.4"],"kind":"text","text":{"pi":"Kathañca, bhikkhave, puggalo parahitāya paṭipanno hoti, no attahitāya?\nIdha, bhikkhave, ekacco puggalo na heva kho khippanisantī hoti kusalesu dhammesu, no ca sutānaṁ dhammānaṁ dhārakajātiko hoti, no ca dhātānaṁ dhammānaṁ atthūpaparikkhī hoti, no ca atthamaññāya dhammamaññāya dhammānudhammappaṭipanno hoti;\nkalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā, sandassako ca hoti samādapako samuttejako sampahaṁsako sabrahmacārīnaṁ.\nEvaṁ kho, bhikkhave, puggalo parahitāya paṭipanno hoti, no attahitāya.","en":"And how does an individual practice to benefit others, but not themselves?\nIt’s when an individual is not quick-witted when it comes to skillful teachings. …\nBut they’re a good speaker. …\nThat’s how an individual practices to benefit others, but not themselves."}},{"id":"an4.97:4","sourceIds":["an4.97:4.1","an4.97:4.2","an4.97:4.3","an4.97:4.4"],"kind":"text","text":{"pi":"Kathañca, bhikkhave, puggalo nevattahitāya paṭipanno hoti, no parahitāya?\nIdha, bhikkhave, ekacco puggalo na heva kho khippanisantī hoti kusalesu dhammesu, no ca sutānaṁ dhammānaṁ dhārakajātiko hoti, no ca dhātānaṁ dhammānaṁ atthūpaparikkhī hoti, no ca atthamaññāya dhammamaññāya dhammānudhammappaṭipanno hoti;\nno ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā, no ca sandassako hoti samādapako samuttejako sampahaṁsako sabrahmacārīnaṁ.\nEvaṁ kho, bhikkhave, puggalo nevattahitāya paṭipanno hoti, no parahitāya.","en":"And how does an individual practice to benefit neither themselves nor others?\nIt’s when an individual is not quick-witted when it comes to skillful teachings. …\nNor are they a good speaker. …\nThat’s how an individual practices to benefit neither themselves nor others."}},{"id":"an4.97:5","sourceIds":["an4.97:5.1","an4.97:5.2","an4.97:5.3","an4.97:5.4","an4.97:5.5","an4.97:5.6"],"kind":"text","text":{"pi":"Kathañca, bhikkhave, puggalo attahitāya ceva paṭipanno hoti parahitāya ca?\nIdha, bhikkhave, ekacco puggalo khippanisantī ca hoti kusalesu dhammesu, sutānañca dhammānaṁ dhārakajātiko hoti, dhātānañca dhammānaṁ atthūpaparikkhī hoti atthamaññāya dhammamaññāya, dhammānudhammappaṭipanno hoti;\nkalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā, sandassako ca hoti samādapako samuttejako sampahaṁsako sabrahmacārīnaṁ.\nEvaṁ kho, bhikkhave, puggalo attahitāya ceva paṭipanno hoti parahitāya ca.\nIme kho, bhikkhave, cattāro puggalā santo saṁvijjamānā lokasmin”ti.\nSattamaṁ.","en":"And how does an individual practice to benefit both themselves and others?\nIt’s when an individual is quick-witted when it comes to skillful teachings. …\nAnd they’re a good speaker. …\nThat’s how an individual practices to benefit both themselves and others.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.97/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}