{"id":"an5.140","title":"A Listener","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.140","title":"A Listener","units":[{"id":"an5.140:0","sourceIds":["an5.140:0.1","an5.140:0.2","an5.140:0.3"],"kind":"text","text":{"pi":"Aṅguttara Nikāya 5.140\n14. Rājavagga\nSotasutta","en":"Numbered Discourses 5.140\n14. Kings\nA Listener"}},{"id":"an5.140:1","sourceIds":["an5.140:1.1","an5.140:1.2","an5.140:1.3"],"kind":"text","text":{"pi":"“Pañcahi, bhikkhave, aṅgehi samannāgato rañño nāgo rājāraho hoti rājabhoggo, rañño aṅgaṁtveva saṅkhaṁ gacchati.\nKatamehi pañcahi?\nIdha, bhikkhave, rañño nāgo sotā ca hoti, hantā ca, rakkhitā ca, khantā ca, gantā ca.","en":"“Mendicants, a royal bull elephant with five factors is worthy of a king, fit to serve a king, and is reckoned a factor of kingship.\nWhat five?\nA royal bull elephant listens, destroys, protects, endures, and goes fast."}},{"id":"an5.140:2","sourceIds":["an5.140:2.1","an5.140:2.2","an5.140:2.3","an5.140:2.4","an5.140:2.5"],"kind":"text","text":{"pi":"Kathañca, bhikkhave, rañño nāgo sotā hoti?\nIdha, bhikkhave, rañño nāgo yamenaṁ hatthidammasārathi kāraṇaṁ kāreti—\nyadi vā katapubbaṁ yadi vā akatapubbaṁ—\ntaṁ aṭṭhiṁ katvā manasi katvā sabbaṁ cetasā samannāharitvā ohitasoto suṇāti.\nEvaṁ kho, bhikkhave, rañño nāgo sotā hoti.","en":"And how does a royal bull elephant listen?\nIt’s when a royal bull elephant pays attention, applies the mind, concentrates wholeheartedly, and actively listens to whatever task the elephant trainer has it do,\nwhether or not it has done it before.\nThat’s how a royal bull elephant listens."}},{"id":"an5.140:3","sourceIds":["an5.140:3.1","an5.140:3.2","an5.140:3.3"],"kind":"text","text":{"pi":"Kathañca, bhikkhave, rañño nāgo hantā hoti?\nIdha, bhikkhave, rañño nāgo saṅgāmagato hatthimpi hanati, hatthāruhampi hanati, assampi hanati, assāruhampi hanati, rathampi hanati, rathikampi hanati, pattikampi hanati.\nEvaṁ kho, bhikkhave, rañño nāgo hantā hoti.","en":"And how does a royal bull elephant destroy?\nIt’s when a royal bull elephant in battle destroys elephants with their riders, horses with their riders, chariots and charioteers, and foot soldiers.\nThat’s how a royal bull elephant destroys."}},{"id":"an5.140:4","sourceIds":["an5.140:4.1","an5.140:4.2","an5.140:4.3"],"kind":"text","text":{"pi":"Kathañca, bhikkhave, rañño nāgo rakkhitā hoti?\nIdha, bhikkhave, rañño nāgo saṅgāmagato rakkhati purimaṁ kāyaṁ, rakkhati pacchimaṁ kāyaṁ, rakkhati purime pāde, rakkhati pacchime pāde, rakkhati sīsaṁ, rakkhati kaṇṇe, rakkhati dante, rakkhati soṇḍaṁ, rakkhati vāladhiṁ, rakkhati hatthāruhaṁ.\nEvaṁ kho, bhikkhave, rañño nāgo rakkhitā hoti.","en":"And how does a royal bull elephant protect?\nIt’s when a royal bull elephant in battle protects its fore-quarters and hind-quarters, its fore-feet and hind-feet, and its head, ears, tusks, trunk, tail, and rider.\nThat’s how a royal bull elephant protects."}},{"id":"an5.140:5","sourceIds":["an5.140:5.1","an5.140:5.2","an5.140:5.3"],"kind":"text","text":{"pi":"Kathañca, bhikkhave, rañño nāgo khantā hoti?\nIdha, bhikkhave, rañño nāgo saṅgāmagato khamo hoti sattippahārānaṁ asippahārānaṁ usuppahārānaṁ pharasuppahārānaṁ bheripaṇavasaṅkhatiṇavaninnādasaddānaṁ.\nEvaṁ kho, bhikkhave, rañño nāgo khantā hoti.","en":"And how does a royal bull elephant endure?\nIt’s when a royal bull elephant in battle endures being struck by spears, swords, arrows, and axes; it endures the thunder of the drums, kettledrums, horns, and cymbals.\nThat’s how a royal bull elephant endures."}},{"id":"an5.140:6","sourceIds":["an5.140:6.1","an5.140:6.2","an5.140:6.3","an5.140:6.4","an5.140:6.5"],"kind":"text","text":{"pi":"Kathañca, bhikkhave, rañño nāgo gantā hoti?\nIdha, bhikkhave, rañño nāgo yamenaṁ hatthidammasārathi disaṁ peseti—\nyadi vā gatapubbaṁ yadi vā agatapubbaṁ—\ntaṁ khippameva gantā hoti.\nEvaṁ kho, bhikkhave, rañño nāgo gantā hoti.","en":"And how does a royal bull elephant go fast?\nIt’s when a royal bull elephant swiftly goes in whatever direction the elephant trainer sends it,\nwhether or not it has been there before.\nThat’s how a royal bull elephant goes fast."}},{"id":"an5.140:7","sourceIds":["an5.140:7.1"],"kind":"text","text":{"pi":"Imehi kho, bhikkhave, pañcahi aṅgehi samannāgato rañño nāgo rājāraho hoti rājabhoggo, rañño aṅgantveva saṅkhaṁ gacchati.","en":"A royal bull elephant with these five factors is worthy of a king, fit to serve a king, and is reckoned a factor of kingship."}},{"id":"an5.140:8","sourceIds":["an5.140:8.1","an5.140:8.2","an5.140:8.3"],"kind":"text","text":{"pi":"Evamevaṁ kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa.\nKatamehi pañcahi?\nIdha, bhikkhave, bhikkhu sotā ca hoti, hantā ca, rakkhitā ca, khantā ca, gantā ca.","en":"In the same way, a mendicant with five qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.\nWhat five?\nA mendicant listens, destroys, protects, endures, and goes fast."}},{"id":"an5.140:9","sourceIds":["an5.140:9.1","an5.140:9.2","an5.140:9.3"],"kind":"text","text":{"pi":"Kathañca, bhikkhave, bhikkhu sotā hoti?\nIdha, bhikkhave, bhikkhu tathāgatappavedite dhammavinaye desiyamāne aṭṭhiṅkatvā manasi katvā sabbaṁ cetasā samannāharitvā ohitasoto dhammaṁ suṇāti.\nEvaṁ kho, bhikkhave, bhikkhu sotā hoti.","en":"And how does a mendicant listen?\nIt’s when a mendicant pays attention, applies the mind, concentrates wholeheartedly, and actively listens when the teaching and training proclaimed by a Realized One is being taught.\nThat’s how a mendicant listens."}},{"id":"an5.140:10","sourceIds":["an5.140:10.1","an5.140:10.2","an5.140:10.3"],"kind":"text","text":{"pi":"Kathañca, bhikkhave, bhikkhu hantā hoti?\nIdha, bhikkhave, bhikkhu uppannaṁ kāmavitakkaṁ nādhivāseti, pajahati vinodeti hanati byantīkaroti anabhāvaṁ gameti; uppannaṁ byāpādavitakkaṁ …pe… uppannaṁ vihiṁsāvitakkaṁ …pe… uppannuppanne pāpake akusale dhamme nādhivāseti, pajahati vinodeti hanati byantīkaroti anabhāvaṁ gameti.\nEvaṁ kho, bhikkhave, bhikkhu hantā hoti.","en":"And how does a mendicant destroy?\nIt’s when a mendicant doesn’t tolerate a sensual, malicious, or cruel thought. They don’t tolerate any bad, unskillful qualities that have arisen, but give them up, dispel them, calm them, eliminate them, and obliterate them.\nThat’s how a mendicant destroys."}},{"id":"an5.140:11","sourceIds":["an5.140:11.1","an5.140:11.2","an5.140:11.3","an5.140:11.4","an5.140:11.5","an5.140:11.6","an5.140:11.7","an5.140:11.8","an5.140:11.9","an5.140:11.10"],"kind":"text","text":{"pi":"Kathañca, bhikkhave, bhikkhu rakkhitā hoti?\nIdha, bhikkhave, bhikkhu cakkhunā rūpaṁ disvā na nimittaggāhī hoti nānubyañjanaggāhī.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati cakkhundriyaṁ; cakkhundriye saṁvaraṁ āpajjati.\nSotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na nimittaggāhī hoti nānubyañjanaggāhī.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati manindriyaṁ; manindriye saṁvaraṁ āpajjati.\nEvaṁ kho, bhikkhave, bhikkhu rakkhitā hoti.","en":"And how does a mendicant protect?\nWhen a mendicant sees a sight with the eyes, they don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving its restraint.\nHearing a sound with their ears …\nSmelling an odor with their nose …\nTasting a flavor with their tongue …\nEncountering a touch with their body …\nKnowing an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nThat’s how a mendicant protects."}},{"id":"an5.140:12","sourceIds":["an5.140:12.1","an5.140:12.2","an5.140:12.3"],"kind":"text","text":{"pi":"Kathañca, bhikkhave, bhikkhu khantā hoti?\nIdha, bhikkhave, bhikkhu khamo hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ; duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātiko hoti.\nEvaṁ kho, bhikkhave, bhikkhu khantā hoti.","en":"And how does a mendicant endure?\nIt’s when a mendicant endures cold, heat, hunger, and thirst; the touch of flies, mosquitoes, wind, sun, and reptiles; rude and unwelcome criticism; and puts up with physical pain—sharp, severe, acute, unpleasant, disagreeable, and life-threatening.\nThat’s how a mendicant endures."}},{"id":"an5.140:13","sourceIds":["an5.140:13.1","an5.140:13.2","an5.140:13.3"],"kind":"text","text":{"pi":"Kathañca, bhikkhave, bhikkhu gantā hoti?\nIdha, bhikkhave, bhikkhu yā sā disā agatapubbā iminā dīghena addhunā, yadidaṁ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ, taṁ khippaññeva gantā hoti.\nEvaṁ kho, bhikkhave, bhikkhu gantā hoti.","en":"And how does a mendicant go fast?\nIt’s when a mendicant swiftly goes in the direction they’ve never gone before in all this long time; that is, the stilling of all activities, the letting go of all attachments, the ending of craving, fading away, cessation, extinguishment.\nThat’s how a mendicant goes fast."}},{"id":"an5.140:14","sourceIds":["an5.140:14.1","an5.140:14.2","an5.140:14.3"],"kind":"text","text":{"pi":"Imehi kho, bhikkhave, pañcahi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.\nDasamaṁ.\nRājavaggo catuttho.","en":"A mendicant with these five qualities … is the supreme field of merit for the world.”"}},{"id":"an5.140:15","sourceIds":["an5.140:15.0","an5.140:15.1","an5.140:15.2","an5.140:15.3","an5.140:15.4"],"kind":"text","text":{"pi":"Tassuddānaṁ\nCakkānuvattanā rājā,\nYassaṁdisaṁ dve ceva patthanā;\nAppaṁsupati bhattādo,\nAkkhamo ca sotena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.140/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}