{"id":"an5.141","title":"Scorn","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.141","title":"Scorn","units":[{"id":"an5.141:0","sourceIds":["an5.141:0.1","an5.141:0.2","an5.141:0.3"],"kind":"text","text":{"pi":"Aṅguttara Nikāya 5.141\n15. Tikaṇḍakīvagga\nAvajānātisutta","en":"Numbered Discourses 5.141\n15. At Tikaṇḍakī\nScorn"}},{"id":"an5.141:1","sourceIds":["an5.141:1.1","an5.141:1.2","an5.141:1.3"],"kind":"text","text":{"pi":"“Pañcime, bhikkhave, puggalā santo saṁvijjamānā lokasmiṁ.\nKatame pañca?\nDatvā avajānāti, saṁvāsena avajānāti, ādheyyamukho hoti, lolo hoti, mando momūho hoti.","en":"“Mendicants, these five individuals are found in the world.\nWhat five?\nOne gives then scorns, one lives together then scorns, one is gullible for gossip, one is impulsive, and one is dull and stupid."}},{"id":"an5.141:2","sourceIds":["an5.141:2.1","an5.141:2.2","an5.141:2.3","an5.141:2.4","an5.141:2.5","an5.141:2.6","an5.141:2.7"],"kind":"text","text":{"pi":"Kathañca, bhikkhave, puggalo datvā avajānāti?\nIdha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṁ.\nTassa evaṁ hoti:\n‘ahaṁ demi;\nayaṁ paṭiggaṇhātī’ti.\nTamenaṁ datvā avajānāti.\nEvaṁ kho, bhikkhave, puggalo datvā avajānāti.","en":"And how does an individual give then scorn?\nIt’s when an individual gives an individual robes, almsfood, lodgings, and medicines and supplies for the sick.\nThey think:\n‘I give;\nthis one receives.’\nThey give to them, then they scorn them.\nThat’s how an individual gives then scorns."}},{"id":"an5.141:3","sourceIds":["an5.141:3.1","an5.141:3.2","an5.141:3.3","an5.141:3.4"],"kind":"text","text":{"pi":"Kathañca, bhikkhave, puggalo saṁvāsena avajānāti?\nIdha, bhikkhave, puggalo puggalena saddhiṁ saṁvasati dve vā tīṇi vā vassāni.\nTamenaṁ saṁvāsena avajānāti.\nEvaṁ kho, bhikkhave, puggalo saṁvāsena avajānāti.","en":"And how does an individual live together then scorn?\nIt’s when an individual lives with someone else for two or three years.\nThey live together with them, then they scorn them.\nThat’s how an individual lives together then scorns."}},{"id":"an5.141:4","sourceIds":["an5.141:4.1","an5.141:4.2","an5.141:4.3"],"kind":"text","text":{"pi":"Kathañca, bhikkhave, puggalo ādheyyamukho hoti?\nIdha, bhikkhave, ekacco puggalo parassa vaṇṇe vā avaṇṇe vā bhāsiyamāne taṁ khippaññeva adhimuccitā hoti.\nEvaṁ kho, bhikkhave, puggalo ādheyyamukho hoti.","en":"And how is an individual gullible for gossip?\nIt’s when they’re very quick to believe what a certain individual says in praise or criticism of another.\nThat’s how an individual is gullible for gossip."}},{"id":"an5.141:5","sourceIds":["an5.141:5.1","an5.141:5.2","an5.141:5.3"],"kind":"text","text":{"pi":"Kathañca, bhikkhave, puggalo lolo hoti?\nIdha, bhikkhave, ekacco puggalo ittarasaddho hoti ittarabhattī ittarapemo ittarappasādo.\nEvaṁ kho, bhikkhave, puggalo lolo hoti.","en":"And how is an individual impulsive?\nIt’s when a certain individual is fickle in faith, devotion, fondness, and confidence.\nThat’s how an individual is impulsive."}},{"id":"an5.141:6","sourceIds":["an5.141:6.1","an5.141:6.2","an5.141:6.3","an5.141:6.4","an5.141:6.5"],"kind":"text","text":{"pi":"Kathañca, bhikkhave, puggalo mando momūho hoti?\nIdha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti, kaṇhasukkasappaṭibhāge dhamme na jānāti.\nEvaṁ kho, bhikkhave, puggalo mando momūho hoti.\nIme kho, bhikkhave, pañca puggalā santo saṁvijjamānā lokasmin”ti.\nPaṭhamaṁ.","en":"And how is an individual dull and stupid?\nIt’s when they don’t know the difference between qualities that are skillful and unskillful, blameworthy and blameless, inferior and superior, and those with a portion of dark or bright.\nThat’s how an individual is dull and stupid.\nThese are the five individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.141/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}