{"id":"an5.162","title":"Getting Rid of Resentment (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.162","title":"Getting Rid of Resentment (2nd)","units":[{"id":"an5.162:0","sourceIds":["an5.162:0.1","an5.162:0.2","an5.162:0.3"],"kind":"text","text":{"pi":"Aṅguttara Nikāya 5.162\n17. Āghātavagga\nDutiyaāghātapaṭivinayasutta","en":"Numbered Discourses 5.162\n17. Resentment\nGetting Rid of Resentment (2nd)"}},{"id":"an5.162:1","sourceIds":["an5.162:1.1","an5.162:1.2","an5.162:1.3","an5.162:1.4"],"kind":"text","text":{"pi":"Tatra kho āyasmā sāriputto bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato sāriputtassa paccassosuṁ.\nĀyasmā sāriputto etadavoca:","en":"There Venerable Sāriputta addressed the mendicants:\n“Reverends, mendicants!”\n“Reverend,” they replied.\nSāriputta said this:"}},{"id":"an5.162:2","sourceIds":["an5.162:2.1","an5.162:2.2","an5.162:2.3","an5.162:2.4","an5.162:2.5","an5.162:2.6","an5.162:2.7","an5.162:2.8","an5.162:2.9","an5.162:2.10","an5.162:2.11","an5.162:2.12"],"kind":"text","text":{"pi":"“Pañcime, āvuso, āghātapaṭivinayā yattha bhikkhuno uppanno āghāto sabbaso paṭivinetabbo.\nKatame pañca?\nIdhāvuso, ekacco puggalo aparisuddhakāyasamācāro hoti parisuddhavacīsamācāro;\nevarūpepi, āvuso, puggale āghāto paṭivinetabbo.\nIdha panāvuso, ekacco puggalo aparisuddhavacīsamācāro hoti parisuddhakāyasamācāro;\nevarūpepi, āvuso, puggale āghāto paṭivinetabbo.\nIdha panāvuso, ekacco puggalo aparisuddhakāyasamācāro hoti aparisuddhavacīsamācāro, labhati ca kālena kālaṁ cetaso vivaraṁ cetaso pasādaṁ;\nevarūpepi, āvuso, puggale āghāto paṭivinetabbo.\nIdha panāvuso, ekacco puggalo aparisuddhakāyasamācāro hoti aparisuddhavacīsamācāro, na ca labhati kālena kālaṁ cetaso vivaraṁ cetaso pasādaṁ;\nevarūpepi, āvuso, puggale āghāto paṭivinetabbo.\nIdha panāvuso, ekacco puggalo parisuddhakāyasamācāro parisuddhavacīsamācāro, labhati ca kālena vā kālaṁ cetaso vivaraṁ cetaso pasādaṁ;\nevarūpepi, āvuso, puggale āghāto paṭivinetabbo.","en":"“Reverends, a mendicant should use these five ways to completely get rid of resentment when it has arisen toward anyone.\nWhat five?\nIn the case of an individual whose behavior by way of body is impure, but whose behavior by way of speech is pure,\nyou should get rid of resentment for that kind of individual.\nIn the case of an individual whose behavior by way of speech is impure, but whose behavior by way of body is pure, …\nIn the case of an individual whose behavior by way of body and speech is impure, but who gets an openness and clarity of heart from time to time, …\nIn the case of an individual whose behavior by way of body and speech is impure, and who doesn’t get an openness and clarity of heart from time to time, …\nIn the case of an individual whose behavior by way of body and speech is pure, and who gets an openness and clarity of heart from time to time,\nyou should get rid of resentment for that kind of individual."}},{"id":"an5.162:3","sourceIds":["an5.162:3.1","an5.162:3.2","an5.162:3.3","an5.162:3.4"],"kind":"text","text":{"pi":"Tatrāvuso, yvāyaṁ puggalo aparisuddhakāyasamācāro parisuddhavacīsamācāro, kathaṁ tasmiṁ puggale āghāto paṭivinetabbo?\nSeyyathāpi, āvuso, bhikkhu paṁsukūliko rathiyāya nantakaṁ disvā vāmena pādena niggaṇhitvā dakkhiṇena pādena pattharitvā, yo tattha sāro taṁ paripātetvā ādāya pakkameyya;\nevamevaṁ khvāvuso, yvāyaṁ puggalo aparisuddhakāyasamācāro parisuddhavacīsamācāro, yāssa aparisuddhakāyasamācāratā na sāssa tasmiṁ samaye manasi kātabbā, yā ca khvassa parisuddhavacīsamācāratā sāssa tasmiṁ samaye manasi kātabbā.\nEvaṁ tasmiṁ puggale āghāto paṭivinetabbo.","en":"How should you get rid of resentment for an individual whose behavior by way of body is impure, but whose behavior by way of speech is pure?\nSuppose a mendicant wearing rag robes sees a rag by the side of the road. They’d hold it down with the left foot, spread it out with the right foot, tear out what was intact, and take it away with them.\nIn the same way, at that time you should ignore that individual’s impure behavior by way of body and focus on their pure behavior by way of speech.\nThat’s how to get rid of resentment for that individual."}},{"id":"an5.162:4","sourceIds":["an5.162:4.1","an5.162:4.2","an5.162:4.3","an5.162:4.4","an5.162:4.5","an5.162:4.6"],"kind":"text","text":{"pi":"Tatrāvuso, yvāyaṁ puggalo aparisuddhavacīsamācāro parisuddhakāyasamācāro, kathaṁ tasmiṁ puggale āghāto paṭivinetabbo?\nSeyyathāpi, āvuso, pokkharaṇī sevālapaṇakapariyonaddhā.\nAtha puriso āgaccheyya ghammābhitatto ghammapareto kilanto tasito pipāsito.\nSo taṁ pokkharaṇiṁ ogāhetvā ubhohi hatthehi iticiti ca sevālapaṇakaṁ apaviyūhitvā añjalinā pivitvā pakkameyya.\nEvamevaṁ kho, āvuso, yvāyaṁ puggalo aparisuddhavacīsamācāro parisuddhakāyasamācāro, yāssa aparisuddhavacīsamācāratā na sāssa tasmiṁ samaye manasi kātabbā, yā ca khvassa parisuddhakāyasamācāratā sāssa tasmiṁ samaye manasi kātabbā.\nEvaṁ tasmiṁ puggale āghāto paṭivinetabbo.","en":"How should you get rid of resentment for an individual whose behavior by way of speech is impure, but whose behavior by way of body is pure?\nSuppose there was a lotus pond enveloped with moss and aquatic plants.\nThen along comes a person struggling in the oppressive heat, weary, thirsty, and parched.\nThey’d plunge into the lotus pond, sweep apart the moss and aquatic plants, drink from their cupped hands, and be on their way.\nIn the same way, at that time you should ignore that individual’s impure behavior by way of speech and focus on their pure behavior by way of body.\nThat’s how to get rid of resentment for that individual."}},{"id":"an5.162:5","sourceIds":["an5.162:5.1","an5.162:5.2","an5.162:5.3","an5.162:5.4","an5.162:5.5","an5.162:5.6","an5.162:5.7","an5.162:5.8","an5.162:5.9","an5.162:5.10","an5.162:5.11","an5.162:5.12"],"kind":"text","text":{"pi":"Tatrāvuso, yvāyaṁ puggalo aparisuddhakāyasamācāro aparisuddhavacīsamācāro labhati ca kālena kālaṁ cetaso vivaraṁ cetaso pasādaṁ, kathaṁ tasmiṁ puggale āghāto paṭivinetabbo?\nSeyyathāpi, āvuso, parittaṁ gopade udakaṁ.\nAtha puriso āgaccheyya ghammābhitatto ghammapareto kilanto tasito pipāsito.\nTassa evamassa:\n‘idaṁ kho parittaṁ gopade udakaṁ.\nSacāhaṁ añjalinā vā pivissāmi bhājanena vā khobhessāmipi taṁ loḷessāmipi taṁ apeyyampi taṁ karissāmi.\nYannūnāhaṁ catukkuṇḍiko nipatitvā gopītakaṁ pivitvā pakkameyyan’ti.\nSo catukkuṇḍiko nipatitvā gopītakaṁ pivitvā pakkameyya.\nEvamevaṁ kho, āvuso, yvāyaṁ puggalo aparisuddhakāyasamācāro aparisuddhavacīsamācāro labhati ca kālena kālaṁ cetaso vivaraṁ cetaso pasādaṁ, yāssa aparisuddhakāyasamācāratā na sāssa tasmiṁ samaye manasi kātabbā;\nyāpissa aparisuddhavacīsamācāratā na sāpissa tasmiṁ samaye manasi kātabbā.\nYañca kho so labhati kālena kālaṁ cetaso vivaraṁ cetaso pasādaṁ, tamevassa tasmiṁ samaye manasi kātabbaṁ.\nEvaṁ tasmiṁ puggale āghāto paṭivinetabbo.","en":"How should you get rid of resentment for an individual whose behavior by way of body and speech is impure, but who gets an openness and clarity of heart from time to time?\nSuppose there was a little water in a cow’s hoofprint.\nThen along comes a person struggling in the oppressive heat, weary, thirsty, and parched.\nThey might think:\n‘This little bit of water is in a cow’s hoofprint.\nIf I drink it with my cupped hands or a bowl, I’ll stir it and disturb it, making it undrinkable.\nWhy don’t I get down on all fours and drink it up like a cow, then be on my way?’\nSo that’s what they do.\nIn the same way, at that time you should ignore that individual’s impure behavior by way of speech and body,\nand focus on the fact that they get an openness and clarity of heart from time to time.\nThat’s how to get rid of resentment for that individual."}},{"id":"an5.162:6","sourceIds":["an5.162:6.1","an5.162:6.2","an5.162:6.3","an5.162:6.4","an5.162:6.5","an5.162:6.6","an5.162:6.7","an5.162:6.8","an5.162:6.9","an5.162:6.10","an5.162:6.11","an5.162:6.12","an5.162:6.13","an5.162:6.14"],"kind":"text","text":{"pi":"Tatrāvuso, yvāyaṁ puggalo aparisuddhakāyasamācāro aparisuddhavacīsamācāro na ca labhati kālena kālaṁ cetaso vivaraṁ cetaso pasādaṁ, kathaṁ tasmiṁ puggale āghāto paṭivinetabbo?\nSeyyathāpi, āvuso, puriso ābādhiko dukkhito bāḷhagilāno addhānamaggappaṭipanno.\nTassa puratopissa dūre gāmo pacchatopissa dūre gāmo.\nSo na labheyya sappāyāni bhojanāni, na labheyya sappāyāni bhesajjāni, na labheyya patirūpaṁ upaṭṭhākaṁ, na labheyya gāmantanāyakaṁ.\nTamenaṁ aññataro puriso passeyya addhānamaggappaṭipanno.\nSo tasmiṁ purise kāruññaṁyeva upaṭṭhāpeyya, anuddayaṁyeva upaṭṭhāpeyya, anukampaṁyeva upaṭṭhāpeyya:\n‘aho vatāyaṁ puriso labheyya sappāyāni bhojanāni, labheyya sappāyāni bhesajjāni, labheyya patirūpaṁ upaṭṭhākaṁ, labheyya gāmantanāyakaṁ.\nTaṁ kissa hetu?\nMāyaṁ puriso idheva anayabyasanaṁ āpajjī’ti.\nEvamevaṁ kho, āvuso, yvāyaṁ puggalo aparisuddhakāyasamācāro aparisuddhavacīsamācāro na ca labhati kālena kālaṁ cetaso vivaraṁ cetaso pasādaṁ, evarūpepi, āvuso, puggale kāruññaṁyeva upaṭṭhāpetabbaṁ anuddayāyeva upaṭṭhāpetabbā anukampāyeva upaṭṭhāpetabbā:\n‘aho vata ayamāyasmā kāyaduccaritaṁ pahāya kāyasucaritaṁ bhāveyya, vacīduccaritaṁ pahāya vacīsucaritaṁ bhāveyya, manoduccaritaṁ pahāya manosucaritaṁ bhāveyya.\nTaṁ kissa hetu?\nMāyaṁ āyasmā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjī’ti.\nEvaṁ tasmiṁ puggale āghāto paṭivinetabbo.","en":"How should you get rid of resentment for an individual whose behavior by way of body and speech is impure, and who doesn’t get an openness and clarity of heart from time to time?\nSuppose a person was traveling along a road, and they were sick, suffering, gravely ill.\nAnd it was a long way to a village, whether ahead or behind.\nAnd they didn’t have any suitable food or medicine, or a competent carer, or someone to bring them within a village.\nAnother person traveling along the road might see them,\nand think of them with nothing but compassion, kindness, and sympathy:\n‘Oh, may this person get suitable food or medicine, or a competent carer, or someone to bring them within a village.\nWhy is that?\nSo that they don’t come to ruin right here.’\nIn the same way, at that time you should ignore that individual’s impure behavior by way of speech and body, and the fact that they don’t get an openness and clarity of heart from time to time, and think of them with nothing but compassion, kindness, and sympathy:\n‘Oh, may this venerable give up bad conduct by way of body, speech, and mind, and develop good conduct by way of body, speech, and mind.\nWhy is that?\nSo that, when their body breaks up, after death, they’re not reborn in a place of loss, a bad place, the underworld, hell.’\nThat’s how to get rid of resentment for that individual."}},{"id":"an5.162:7","sourceIds":["an5.162:7.1","an5.162:7.2","an5.162:7.3","an5.162:7.4"],"kind":"text","text":{"pi":"Tatrāvuso, yvāyaṁ puggalo parisuddhakāyasamācāro parisuddhavacīsamācāro labhati ca kālena kālaṁ cetaso vivaraṁ cetaso pasādaṁ, kathaṁ tasmiṁ puggale āghāto paṭivinetabbo?\nSeyyathāpi, āvuso, pokkharaṇī acchodakā sātodakā sītodakā setakā supatitthā ramaṇīyā nānārukkhehi sañchannā.\nAtha puriso āgaccheyya ghammābhitatto ghammapareto kilanto tasito pipāsito.\nSo taṁ pokkharaṇiṁ ogāhetvā nhātvā ca pivitvā ca paccuttaritvā tattheva rukkhacchāyāya nisīdeyya vā nipajjeyya vā.","en":"How should you get rid of resentment for an individual whose behavior by way of body and speech is pure, and who gets an openness and clarity of heart from time to time?\nSuppose there was a lotus pond with clear, sweet, cool water, clean, with smooth banks, delightful, and shaded by many trees.\nThen along comes a person struggling in the oppressive heat, weary, thirsty, and parched.\nThey’d plunge into the lotus pond to bathe and drink. And after emerging they’d sit or lie down right there in the shade of the trees."}},{"id":"an5.162:8","sourceIds":["an5.162:8.1","an5.162:8.2","an5.162:8.3","an5.162:8.4","an5.162:8.5"],"kind":"text","text":{"pi":"Evamevaṁ kho, āvuso, yvāyaṁ puggalo parisuddhakāyasamācāro parisuddhavacīsamācāro labhati ca kālena kālaṁ cetaso vivaraṁ cetaso pasādaṁ, yāpissa parisuddhakāyasamācāratā sāpissa tasmiṁ samaye manasi kātabbā;\nyāpissa parisuddhavacīsamācāratā sāpissa tasmiṁ samaye manasi kātabbā;\nyampi labhati kālena kālaṁ cetaso vivaraṁ cetaso pasādaṁ, tampissa tasmiṁ samaye manasi kātabbaṁ.\nEvaṁ tasmiṁ puggale āghāto paṭivinetabbo.\nSamantapāsādikaṁ, āvuso, puggalaṁ āgamma cittaṁ pasīdati.","en":"In the same way, at that time you should focus on that individual’s pure behavior by way of body and speech, and on the fact that they get an openness and clarity of heart from time to time.\nThat’s how to get rid of resentment for that individual.\nRelying on an individual who is impressive all around, the mind becomes confident."}},{"id":"an5.162:9","sourceIds":["an5.162:9.1","an5.162:9.2"],"kind":"text","text":{"pi":"Ime kho, āvuso, pañca āghātapaṭivinayā, yattha bhikkhuno uppanno āghāto sabbaso paṭivinetabbo”ti.\nDutiyaṁ.","en":"A mendicant should use these five ways to completely get rid of resentment when it has arisen toward anyone.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.162/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}