{"id":"an5.165","title":"Asking Questions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.165","title":"Asking Questions","units":[{"id":"an5.165:0","sourceIds":["an5.165:0.1","an5.165:0.2","an5.165:0.3"],"kind":"text","text":{"pi":"Aṅguttara Nikāya 5.165\n17. Āghātavagga\nPañhapucchāsutta","en":"Numbered Discourses 5.165\n17. Resentment\nAsking Questions"}},{"id":"an5.165:1","sourceIds":["an5.165:1.1","an5.165:1.2","an5.165:1.3","an5.165:1.4","an5.165:1.5","an5.165:1.6","an5.165:1.7","an5.165:1.8"],"kind":"text","text":{"pi":"Tatra kho āyasmā sāriputto bhikkhū āmantesi …pe… “yo hi koci, āvuso, paraṁ pañhaṁ pucchati, sabbo so pañcahi ṭhānehi, etesaṁ vā aññatarena.\nKatamehi pañcahi?\nMandattā momūhattā paraṁ pañhaṁ pucchati, pāpiccho icchāpakato paraṁ pañhaṁ pucchati, paribhavaṁ paraṁ pañhaṁ pucchati, aññātukāmo paraṁ pañhaṁ pucchati, atha vā panevaṁcitto paraṁ pañhaṁ pucchati:\n‘sace me pañhaṁ puṭṭho sammadeva byākarissati iccetaṁ kusalaṁ, no ce me pañhaṁ puṭṭho sammadeva byākarissati ahamassa sammadeva byākarissāmī’ti.\nYo hi koci, āvuso, paraṁ pañhaṁ pucchati, sabbo so imehi pañcahi ṭhānehi, etesaṁ vā aññatarena.\nAhaṁ kho panāvuso, evaṁcitto paraṁ pañhaṁ pucchāmi:\n‘sace me pañhaṁ puṭṭho sammadeva byākarissati iccetaṁ kusalaṁ, no ce me pañhaṁ puṭṭho sammadeva byākarissati, ahamassa sammadeva byākarissāmī’”ti.\nPañcamaṁ.","en":"There Venerable Sāriputta addressed the mendicants: … “Whoever asks a question of another, does so for one or other of these five reasons.\nWhat five?\nSomeone asks a question of another from stupidity and folly. Or they ask from corrupt wishes, being of wishful temperament. Or they ask in order to disparage. Or they ask wanting to understand. Or they ask with the thought,\n‘If they correctly answer the question I ask it’s good. If not, I’ll correctly answer it for them.’\nWhoever asks a question of another, does so for one or other of these five reasons.\nAs for myself, I ask with the thought,\n‘If they correctly answer the question I ask it’s good. If not, I’ll correctly answer it for them.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.165/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}