{"id":"an5.176","title":"Rapture","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.176","title":"Rapture","units":[{"id":"an5.176:0","sourceIds":["an5.176:0.1","an5.176:0.2","an5.176:0.3"],"kind":"text","text":{"pi":"Aṅguttara Nikāya 5.176\n18. Upāsakavagga\nPītisutta","en":"Numbered Discourses 5.176\n18. A Lay Follower\nRapture"}},{"id":"an5.176:1","sourceIds":["an5.176:1.1"],"kind":"text","text":{"pi":"Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:","en":"Then the householder Anāthapiṇḍika, escorted by around five hundred lay followers, went up to the Buddha, bowed, and sat down to one side. The Buddha said to him:"}},{"id":"an5.176:2","sourceIds":["an5.176:2.1","an5.176:2.2","an5.176:2.3","an5.176:2.4","an5.176:2.5","an5.176:2.6"],"kind":"text","text":{"pi":"“Tumhe kho, gahapati, bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena.\nNa kho, gahapati, tāvatakeneva tuṭṭhi karaṇīyā:\n‘mayaṁ bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārenā’ti.\nTasmātiha, gahapati, evaṁ sikkhitabbaṁ:\n‘kinti mayaṁ kālena kālaṁ pavivekaṁ pītiṁ upasampajja vihareyyāmā’ti.\nEvañhi vo, gahapati, sikkhitabban”ti.","en":"“Householders, you have supplied the mendicant Saṅgha with robes, almsfood, lodgings, and medicines and supplies for the sick.\nBut you should not be content with just this much.\nSo you should train like this:\n‘How can we, from time to time, enter and dwell in the rapture of seclusion?’\nThat’s how you should train.”"}},{"id":"an5.176:3","sourceIds":["an5.176:3.1","an5.176:3.2","an5.176:3.3","an5.176:3.4","an5.176:3.5","an5.176:3.6","an5.176:3.7","an5.176:3.8","an5.176:3.9","an5.176:3.10","an5.176:3.11","an5.176:3.12","an5.176:3.13","an5.176:3.14","an5.176:3.15","an5.176:3.16"],"kind":"text","text":{"pi":"Evaṁ vutte, āyasmā sāriputto bhagavantaṁ etadavoca:\n“acchariyaṁ, bhante, abbhutaṁ, bhante.\nYāva subhāsitañcidaṁ, bhante, bhagavatā:\n‘tumhe kho, gahapati, bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena.\nNa kho, gahapati, tāvatakeneva tuṭṭhi karaṇīyā—\nmayaṁ bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārenāti.\nTasmātiha, gahapati, evaṁ sikkhitabbaṁ—\nkinti mayaṁ kālena kālaṁ pavivekaṁ pītiṁ upasampajja vihareyyāmāti.\nEvañhi vo, gahapati, sikkhitabban’ti.\nYasmiṁ, bhante, samaye ariyasāvako pavivekaṁ pītiṁ upasampajja viharati, pañcassa ṭhānāni tasmiṁ samaye na honti.\nYampissa kāmūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYampissa kāmūpasaṁhitaṁ sukhaṁ somanassaṁ, tampissa tasmiṁ samaye na hoti.\nYampissa akusalūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYampissa akusalūpasaṁhitaṁ sukhaṁ somanassaṁ, tampissa tasmiṁ samaye na hoti.\nYampissa kusalūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYasmiṁ, bhante, samaye ariyasāvako pavivekaṁ pītiṁ upasampajja viharati, imānissa pañca ṭhānāni tasmiṁ samaye na hontī”ti.","en":"When he said this, Venerable Sāriputta said to the Buddha,\n“It’s incredible, sir, it’s amazing!\nHow well said this was by the Buddha:\n‘Householders, you have supplied the mendicant Saṅgha with robes, almsfood, lodgings, and medicines and supplies for the sick.\nBut you should not be content with just this much.\nSo you should train like this:\n“How can we, from time to time, enter and dwell in the rapture of seclusion?”\nThat’s how you should train.’\nAt a time when a noble disciple enters and dwells in the rapture of seclusion, five things aren’t present in him.\nThe pain and sadness connected with sensual pleasures.\nThe pleasure and happiness connected with sensual pleasures.\nThe pain and sadness connected with the unskillful.\nThe pleasure and happiness connected with the unskillful.\nThe pain and sadness connected with the skillful.\nAt a time when a noble disciple enters and dwells in the rapture of seclusion, these five things aren’t present in him.”"}},{"id":"an5.176:4","sourceIds":["an5.176:4.1","an5.176:4.2","an5.176:4.3","an5.176:4.4","an5.176:4.5","an5.176:4.6","an5.176:4.7","an5.176:4.8","an5.176:4.9"],"kind":"text","text":{"pi":"“Sādhu sādhu, sāriputta.\nYasmiṁ, sāriputta, samaye ariyasāvako pavivekaṁ pītiṁ upasampajja viharati, pañcassa ṭhānāni tasmiṁ samaye na honti.\nYampissa kāmūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYampissa kāmūpasaṁhitaṁ sukhaṁ somanassaṁ, tampissa tasmiṁ samaye na hoti.\nYampissa akusalūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYampissa akusalūpasaṁhitaṁ sukhaṁ somanassaṁ, tampissa tasmiṁ samaye na hoti.\nYampissa kusalūpasaṁhitaṁ dukkhaṁ domanassaṁ, tampissa tasmiṁ samaye na hoti.\nYasmiṁ, sāriputta, samaye ariyasāvako pavivekaṁ pītiṁ upasampajja viharati, imānissa pañca ṭhānāni tasmiṁ samaye na hontī”ti.\nChaṭṭhaṁ.","en":"“Good, good, Sāriputta!\nAt a time when a noble disciple enters and dwells in the rapture of seclusion, five things aren’t present in him.\nThe pain and sadness connected with sensual pleasures.\nThe pleasure and happiness connected with sensual pleasures.\nThe pain and sadness connected with the unskillful.\nThe pleasure and happiness connected with the unskillful.\nThe pain and sadness connected with the skillful.\nAt a time when a noble disciple enters and dwells in the rapture of seclusion, these five things aren’t present in him.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.176/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}