{"id":"an5.196","title":"The Great Dreams","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.196","title":"The Great Dreams","units":[{"id":"an5.196:0","sourceIds":["an5.196:0.1","an5.196:0.2","an5.196:0.3"],"kind":"text","text":{"pi":"Aṅguttara Nikāya 5.196\n20. Brāhmaṇavagga\nMahāsupinasutta","en":"Numbered Discourses 5.196\n20. Brahmins\nThe Great Dreams"}},{"id":"an5.196:1","sourceIds":["an5.196:1.1","an5.196:1.2","an5.196:1.3","an5.196:1.4"],"kind":"text","text":{"pi":"“Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato pañca mahāsupinā pāturahesuṁ.\nKatame pañca?\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ mahāpathavī mahāsayanaṁ ahosi, himavā pabbatarājā bibbohanaṁ ahosi, puratthime samudde vāmo hattho ohito ahosi, pacchime samudde dakkhiṇo hattho ohito ahosi, dakkhiṇe samudde ubho pādā ohitā ahesuṁ.\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ paṭhamo mahāsupino pāturahosi.","en":"“Mendicants, before his awakening five great dreams appeared to the Realized One, the perfected one, the fully awakened Buddha, when he was still not awake but intent on awakening.\nWhat five?\nThis great earth was his bed. Himalaya, king of mountains, was his pillow. His left hand was laid down in the eastern sea. His right hand was laid down in the western sea. And both his feet were laid down in the southern sea.\nThis is the first great dream that appeared to the Realized One before his awakening."}},{"id":"an5.196:2","sourceIds":["an5.196:2.1","an5.196:2.2"],"kind":"text","text":{"pi":"Puna caparaṁ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇajāti nābhiyā uggantvā nabhaṁ āhacca ṭhitā ahosi.\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ dutiyo mahāsupino pāturahosi.","en":"Next, a kind of grass called ‘the crosser’ grew up from his navel and stood pressing against the cloudy sky.\nThis is the second great dream that appeared to the Realized One before his awakening."}},{"id":"an5.196:3","sourceIds":["an5.196:3.1","an5.196:3.2"],"kind":"text","text":{"pi":"Puna caparaṁ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā (…) yāva jāṇumaṇḍalā paṭicchādesuṁ.\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ tatiyo mahāsupino pāturahosi.","en":"Next, white caterpillars with black heads crawled up from his feet and covered his knees.\nThis is the third great dream that appeared to the Realized One before his awakening."}},{"id":"an5.196:4","sourceIds":["an5.196:4.1","an5.196:4.2"],"kind":"text","text":{"pi":"Puna caparaṁ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiṁsu.\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ catuttho mahāsupino pāturahosi.","en":"Next, four birds of different colors came from the four quarters. They fell at his feet, turning pure white.\nThis is the fourth great dream that appeared to the Realized One before his awakening."}},{"id":"an5.196:5","sourceIds":["an5.196:5.1","an5.196:5.2"],"kind":"text","text":{"pi":"Puna caparaṁ, bhikkhave, tathāgato arahaṁ sammāsambuddho pubbeva sambodhā anabhisambuddho bodhisattova samāno mahato mīḷhapabbatassa uparūpari caṅkamati alippamāno mīḷhena.\nTathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṁ pañcamo mahāsupino pāturahosi.","en":"Next, he walked back and forth on top of a big mountain of filth while remaining unsoiled.\nThis is the fifth great dream that appeared to the Realized One before his awakening."}},{"id":"an5.196:6","sourceIds":["an5.196:6.1","an5.196:6.2","an5.196:6.3"],"kind":"text","text":{"pi":"Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato ayaṁ mahāpathavī mahāsayanaṁ ahosi, himavā pabbatarājā bibbohanaṁ ahosi, puratthime samudde vāmo hattho ohito ahosi, pacchime samudde dakkhiṇo hattho ohito ahosi, dakkhiṇe samudde ubho pādā ohitā ahesuṁ;\ntathāgatena, bhikkhave, arahatā sammāsambuddhena anuttarā sammāsambodhi abhisambuddhā.\nTassā abhisambodhāya ayaṁ paṭhamo mahāsupino pāturahosi.","en":"Now, as to when, before his awakening, the Realized One, the perfected one, the fully awakened Buddha was still not awake but intent on awakening. This great earth was his bed. Himalaya, king of mountains, was his pillow. His left hand was laid down in the eastern sea. His right hand was laid down in the western sea. And both his feet were laid down in the southern sea.\nThis was fulfilled when the Buddha awakened to the perfect awakening.\nThis was the first great dream that appeared to him while he was still not awakened."}},{"id":"an5.196:7","sourceIds":["an5.196:7.1","an5.196:7.2","an5.196:7.3"],"kind":"text","text":{"pi":"Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇajāti nābhiyā uggantvā nabhaṁ āhacca ṭhitā ahosi;\ntathāgatena, bhikkhave, arahatā sammāsambuddhena ariyo aṭṭhaṅgiko maggo abhisambujjhitvā yāva devamanussehi suppakāsito.\nTassa abhisambodhāya ayaṁ dutiyo mahāsupino pāturahosi.","en":"As to when a kind of grass called ‘the crosser’ grew up from his navel and stood pressing against the cloudy sky.\nThis was fulfilled when, after the Buddha had awakened to the noble eightfold path, it was fully revealed among gods and humans.\nThis was the second great dream that appeared to him while he was still not awakened."}},{"id":"an5.196:8","sourceIds":["an5.196:8.1","an5.196:8.2","an5.196:8.3"],"kind":"text","text":{"pi":"Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā yāva jāṇumaṇḍalā paṭicchādesuṁ;\nbahū, bhikkhave, gihī odātavasanā tathāgataṁ pāṇupetā saraṇaṁ gatā.\nTassa abhisambodhāya ayaṁ tatiyo mahāsupino pāturahosi.","en":"As to when white caterpillars with black heads crawled up from his feet and covered his knees.\nThis was fulfilled when many white-clothed laypeople went for refuge to him for life.\nThis was the third great dream that appeared to him while he was still not awakened."}},{"id":"an5.196:9","sourceIds":["an5.196:9.1","an5.196:9.2","an5.196:9.3"],"kind":"text","text":{"pi":"Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiṁsu;\ncattārome, bhikkhave, vaṇṇā khattiyā brāhmaṇā vessā suddā te tathāgatappavedite dhammavinaye agārasmā anagāriyaṁ pabbajitvā anuttaraṁ vimuttiṁ sacchikaronti.\nTassa abhisambodhāya ayaṁ catuttho mahāsupino pāturahosi.","en":"As to when four birds of different colors came from the four quarters. They fell at his feet, turning pure white.\nThis was fulfilled when members of the four classes—aristocrats, brahmins, peasants, and menials—went forth from the lay life to homelessness in the teaching and training proclaimed by the Realized One and realized supreme freedom.\nThis was the fourth great dream that appeared to him while he was still not awakened."}},{"id":"an5.196:10","sourceIds":["an5.196:10.1","an5.196:10.2","an5.196:10.3"],"kind":"text","text":{"pi":"Yampi, bhikkhave, tathāgato arahaṁ sammāsambuddho pubbeva sambodhā anabhisambuddho bodhisattova samāno mahato mīḷhapabbatassa uparūpari caṅkamati alippamāno mīḷhena;\nlābhī, bhikkhave, tathāgato cīvarapiṇḍapātasenāsanagilānappaccayabhesajjaparikkhārānaṁ, taṁ tathāgato agathito amucchito anajjhosanno ādīnavadassāvī nissaraṇapañño paribhuñjati.\nTassa abhisambodhāya ayaṁ pañcamo mahāsupino pāturahosi.","en":"As to when he walked back and forth on top of a big mountain of filth while remaining unsoiled.\nThis was fulfilled when the Realized One received robes, almsfood, lodgings, and medicines and supplies for the sick. And he used them untied, uninfatuated, unattached, seeing the drawbacks, and understanding the escape.\nThis was the fifth great dream that appeared to him while he was still not awakened."}},{"id":"an5.196:11","sourceIds":["an5.196:11.1","an5.196:11.2"],"kind":"text","text":{"pi":"Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ime pañca mahāsupinā pāturahesun”ti.\nChaṭṭhaṁ.","en":"Before his awakening these five great dreams appeared to the Realized One, the perfected one, the fully awakened Buddha, when he was still not awake but intent on awakening.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.196/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}