{"id":"an5.200","title":"Elements of Escape","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.200","title":"Elements of Escape","units":[{"id":"an5.200:0","sourceIds":["an5.200:0.1","an5.200:0.2","an5.200:0.3"],"kind":"text","text":{"pi":"Aṅguttara Nikāya 5.200\n20. Brāhmaṇavagga\nNissāraṇīyasutta","en":"Numbered Discourses 5.200\n20. Brahmins\nElements of Escape"}},{"id":"an5.200:1","sourceIds":["an5.200:1.1","an5.200:1.2","an5.200:1.3","an5.200:1.4","an5.200:1.5","an5.200:1.6","an5.200:1.7"],"kind":"text","text":{"pi":"“Pañcimā, bhikkhave, nissāraṇīyā dhātuyo.\nKatamā pañca?\nIdha, bhikkhave, bhikkhuno kāmaṁ manasikaroto kāmesu cittaṁ na pakkhandati nappasīdati na santiṭṭhati na vimuccati.\nNekkhammaṁ kho panassa manasikaroto nekkhamme cittaṁ pakkhandati pasīdati santiṭṭhati vimuccati.\nTassa taṁ cittaṁ sugataṁ subhāvitaṁ suvuṭṭhitaṁ suvimuttaṁ suvisaṁyuttaṁ kāmehi;\nye ca kāmapaccayā uppajjanti āsavā vighātapariḷāhā, mutto so tehi, na so taṁ vedanaṁ vediyati.\nIdamakkhātaṁ kāmānaṁ nissaraṇaṁ.","en":"“Mendicants, there are these five elements of escape.\nWhat five?\nTake a case where a mendicant focuses on sensual pleasures, but on that their mind does not leap forth, gain confidence, settle down, and become decided.\nBut when they focus on renunciation, on that their mind leaps forth, gains confidence, settles down, and becomes decided.\nTheir mind is in a good state, well developed, well risen, well freed, and well detached from sensual pleasures.\nThey’re freed from the distressing and feverish defilements that arise because of sensual pleasures, so they don’t experience that kind of feeling.\nThis is how the escape from sensual pleasures is explained."}},{"id":"an5.200:2","sourceIds":["an5.200:2.1","an5.200:2.2","an5.200:2.3","an5.200:2.4","an5.200:2.5"],"kind":"text","text":{"pi":"Puna caparaṁ, bhikkhave, bhikkhuno byāpādaṁ manasikaroto byāpāde cittaṁ na pakkhandati nappasīdati na santiṭṭhati na vimuccati.\nAbyāpādaṁ kho panassa manasikaroto abyāpāde cittaṁ pakkhandati pasīdati santiṭṭhati vimuccati.\nTassa taṁ cittaṁ sugataṁ subhāvitaṁ suvuṭṭhitaṁ suvimuttaṁ suvisaṁyuttaṁ byāpādena;\nye ca byāpādapaccayā uppajjanti āsavā vighātapariḷāhā, mutto so tehi, na so taṁ vedanaṁ vediyati.\nIdamakkhātaṁ byāpādassa nissaraṇaṁ.","en":"Take another case where a mendicant focuses on ill will, but their mind does not leap forth …\nBut when they focus on good will, their mind leaps forth …\nTheir mind is in a good state … well detached from ill will.\nThey’re freed from the distressing and feverish defilements that arise because of ill will, so they don’t experience that kind of feeling.\nThis is how the escape from ill will is explained."}},{"id":"an5.200:3","sourceIds":["an5.200:3.1","an5.200:3.2","an5.200:3.3","an5.200:3.4","an5.200:3.5"],"kind":"text","text":{"pi":"Puna caparaṁ, bhikkhave, bhikkhuno vihesaṁ manasikaroto vihesāya cittaṁ na pakkhandati nappasīdati na santiṭṭhati na vimuccati.\nAvihesaṁ kho panassa manasikaroto avihesāya cittaṁ pakkhandati pasīdati santiṭṭhati vimuccati.\nTassa taṁ cittaṁ sugataṁ subhāvitaṁ suvuṭṭhitaṁ suvimuttaṁ suvisaṁyuttaṁ vihesāya;\nye ca vihesāpaccayā uppajjanti āsavā vighātapariḷāhā, mutto so tehi, na so taṁ vedanaṁ vediyati.\nIdamakkhātaṁ vihesāya nissaraṇaṁ.","en":"Take another case where a mendicant focuses on harming, but their mind does not leap forth …\nBut when they focus on compassion, their mind leaps forth …\nTheir mind is in a good state … well detached from harming.\nThey’re freed from the distressing and feverish defilements that arise because of harming, so they don’t experience that kind of feeling.\nThis is how the escape from harming is explained."}},{"id":"an5.200:4","sourceIds":["an5.200:4.1","an5.200:4.2","an5.200:4.3","an5.200:4.4","an5.200:4.5"],"kind":"text","text":{"pi":"Puna caparaṁ, bhikkhave, bhikkhuno rūpaṁ manasikaroto rūpe cittaṁ na pakkhandati nappasīdati na santiṭṭhati na vimuccati.\nArūpaṁ kho panassa manasikaroto arūpe cittaṁ pakkhandati pasīdati santiṭṭhati vimuccati.\nTassa taṁ cittaṁ sugataṁ subhāvitaṁ suvuṭṭhitaṁ suvimuttaṁ suvisaṁyuttaṁ rūpehi;\nye ca rūpapaccayā uppajjanti āsavā vighātapariḷāhā, mutto so tehi, na so taṁ vedanaṁ vediyati.\nIdamakkhātaṁ rūpānaṁ nissaraṇaṁ.","en":"Take another case where a mendicant focuses on form, but their mind does not leap forth …\nBut when they focus on the formless, their mind leaps forth …\nTheir mind is in a good state … well detached from forms.\nThey’re freed from the distressing and feverish defilements that arise because of form, so they don’t experience that kind of feeling.\nThis is how the escape from forms is explained."}},{"id":"an5.200:5","sourceIds":["an5.200:5.1","an5.200:5.2","an5.200:5.3","an5.200:5.4","an5.200:5.5"],"kind":"text","text":{"pi":"Puna caparaṁ, bhikkhave, bhikkhuno sakkāyaṁ manasikaroto sakkāye cittaṁ na pakkhandati nappasīdati na santiṭṭhati na vimuccati.\nSakkāyanirodhaṁ kho panassa manasikaroto sakkāyanirodhe cittaṁ pakkhandati pasīdati santiṭṭhati vimuccati.\nTassa taṁ cittaṁ sugataṁ subhāvitaṁ suvuṭṭhitaṁ suvimuttaṁ suvisaṁyuttaṁ sakkāyena;\nye ca sakkāyapaccayā uppajjanti āsavā vighātapariḷāhā, mutto so tehi, na so taṁ vedanaṁ vediyati.\nIdamakkhātaṁ sakkāyassa nissaraṇaṁ.","en":"Take a case where a mendicant focuses on substantial reality, but their mind does not leap forth, gain confidence, settle down, and become decided.\nBut when they focus on the cessation of substantial reality, their mind leaps forth, gains confidence, settles down, and becomes decided.\nTheir mind is in a good state, well developed, well risen, well freed, and well detached from substantial reality.\nThey’re freed from the distressing and feverish defilements that arise because of substantial reality, so they don’t experience that kind of feeling.\nThis is how the escape from substantial reality is explained."}},{"id":"an5.200:6","sourceIds":["an5.200:6.1","an5.200:6.2","an5.200:6.3","an5.200:6.4","an5.200:6.5"],"kind":"text","text":{"pi":"Tassa kāmanandīpi nānuseti, byāpādanandīpi nānuseti, vihesānandīpi nānuseti, rūpanandīpi nānuseti, sakkāyanandīpi nānuseti so kāmanandiyāpi ananusayā, byāpādanandiyāpi ananusayā, vihesānandiyāpi ananusayā, rūpanandiyāpi ananusayā, sakkāyanandiyāpi ananusayā.\nAyaṁ vuccati, bhikkhave, bhikkhu niranusayo, acchecchi taṇhaṁ, vivattayi saṁyojanaṁ, sammā mānābhisamayā antamakāsi dukkhassa.\nImā kho, bhikkhave, pañca nissāraṇīyā dhātuyo”ti.\nDasamaṁ.\nBrāhmaṇavaggo pañcamo.","en":"Delight in sensual pleasures, ill will, harming, form, and substantial reality don’t linger within them.\nThat’s why they’re called a mendicant who is without underlying tendencies, who has cut off craving, cast off the fetters, and by rightly comprehending conceit has made an end of suffering.\nThese are the five elements of escape.”"}},{"id":"an5.200:7","sourceIds":["an5.200:7.0","an5.200:7.1","an5.200:7.2","an5.200:7.3","an5.200:7.4","an5.200:7.5"],"kind":"text","text":{"pi":"Tassuddānaṁ\nSoṇo doṇo saṅgāravo,\nKāraṇapālī ca piṅgiyānī;\nSupinā ca vassā vācā,\nKulaṁ nissāraṇīyena cāti.\nCatuttho paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.200/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}