{"id":"an5.30","title":"With Nāgita","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.30","title":"With Nāgita","units":[{"id":"an5.30:0","sourceIds":["an5.30:0.1","an5.30:0.2","an5.30:0.3"],"kind":"text","text":{"pi":"Aṅguttara Nikāya 5.30\n3. Pañcaṅgikavagga\nNāgitasutta","en":"Numbered Discourses 5.30\n3. With Five Factors\nWith Nāgita"}},{"id":"an5.30:1","sourceIds":["an5.30:1.1","an5.30:1.2","an5.30:1.3","an5.30:1.4","an5.30:1.5","an5.30:1.6","an5.30:1.7","an5.30:1.8","an5.30:1.9","an5.30:1.10","an5.30:1.11"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ yena icchānaṅgalaṁ nāma kosalānaṁ brāhmaṇagāmo tadavasari.\nTatra sudaṁ bhagavā icchānaṅgale viharati icchānaṅgalavanasaṇḍe.\nAssosuṁ kho icchānaṅgalakā brāhmaṇagahapatikā:\n“samaṇo khalu bho gotamo sakyaputto sakyakulā pabbajito icchānaṅgalaṁ anuppatto; icchānaṅgale viharati icchānaṅgalavanasaṇḍe.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi, satthā devamanussānaṁ buddho bhagavāti’.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.\nAtha kho icchānaṅgalakā brāhmaṇagahapatikā tassā rattiyā accayena pahūtaṁ khādanīyaṁ bhojanīyaṁ ādāya yena icchānaṅgalavanasaṇḍo tenupasaṅkamiṁsu; upasaṅkamitvā bahidvārakoṭṭhake aṭṭhaṁsu uccāsaddamahāsaddā.","en":"So I have heard.\nAt one time the Buddha was wandering in the land of the Kosalans together with a large Saṅgha of mendicants when he arrived at a village of the Kosalan brahmins named Icchānaṅgala.\nHe stayed in a forest near Icchānaṅgala.\nThe brahmins and householders of Icchānaṅgala heard:\n“It seems the ascetic Gotama—a Sakyan, gone forth from a Sakyan family—has arrived at Icchānaṅgala. He is staying in a forest near Icchānaṅgala.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”\nThen, when the night had passed, they took abundant fresh and cooked foods and went to the forest near Icchānaṅgala, where they stood outside the gates making a colossal racket."}},{"id":"an5.30:2","sourceIds":["an5.30:2.1","an5.30:2.2","an5.30:2.3","an5.30:2.4","an5.30:2.5","an5.30:2.6","an5.30:2.7"],"kind":"text","text":{"pi":"Tena kho pana samayena āyasmā nāgito bhagavato upaṭṭhāko hoti.\nAtha kho bhagavā āyasmantaṁ nāgitaṁ āmantesi:\n“ke pana kho, nāgita, uccāsaddamahāsaddā, kevaṭṭā maññe macchavilope”ti?\n“Ete, bhante, icchānaṅgalakā brāhmaṇagahapatikā pahūtaṁ khādanīyaṁ bhojanīyaṁ ādāya bahidvārakoṭṭhake ṭhitā bhagavantaññeva uddissa bhikkhusaṅghañcā”ti.\n“Māhaṁ, nāgita, yasena samāgamaṁ, mā ca mayā yaso.\nYo kho, nāgita, nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaṁ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī.\nSo taṁ mīḷhasukhaṁ middhasukhaṁ lābhasakkārasilokasukhaṁ sādiyeyyā”ti.","en":"Now, at that time Venerable Nāgita was the Buddha’s attendant.\nThen the Buddha said to Nāgita,\n“Nāgita, who’s making that colossal racket? You’d think it was fishermen hauling in a catch!”\n“Sir, it’s these brahmins and householders of Icchānaṅgala. They’ve brought many fresh and cooked foods, and they’re standing outside the gates wanting to offer it specially to the Buddha and the mendicant Saṅgha.”\n“Nāgita, may I never become famous. May fame not come to me.\nThere are those who can’t get the pleasure of renunciation, the pleasure of seclusion, the pleasure of peace, the pleasure of awakening when they want, without trouble or difficulty like I can.\nLet them enjoy the filthy, lazy pleasure of possessions, honor, and popularity.”"}},{"id":"an5.30:3","sourceIds":["an5.30:3.1","an5.30:3.2","an5.30:3.3","an5.30:3.4","an5.30:3.5","an5.30:3.6","an5.30:3.7"],"kind":"text","text":{"pi":"“Adhivāsetu dāni, bhante, bhagavā, adhivāsetu sugato;\nadhivāsanakālo dāni, bhante, bhagavato.\nYena yeneva dāni bhagavā gamissati taṁninnāva gamissanti brāhmaṇagahapatikā negamā ceva jānapadā ca.\nSeyyathāpi, bhante, thullaphusitake deve vassante yathāninnaṁ udakāni pavattanti;\nevamevaṁ kho, bhante, yena yeneva dāni bhagavā gamissati, taṁninnāva gamissanti brāhmaṇagahapatikā negamā ceva jānapadā ca.\nTaṁ kissa hetu?\nTathā hi, bhante, bhagavato sīlapaññāṇan”ti.","en":"“Sir, may the Blessed One please relent now! May the Holy One relent!\nNow is the time for the Buddha to relent.\nWherever the Buddha now goes, the brahmins and householders, and people of town and country will incline the same way.\nIt’s like when the heavens rain heavily and the water flows downhill.\nIn the same way, wherever the Buddha now goes, the brahmins and householders, and people of town and country will incline the same way.\nWhy is that?\nBecause of the Buddha’s ethics and wisdom.”"}},{"id":"an5.30:4","sourceIds":["an5.30:4.1","an5.30:4.2","an5.30:4.3","an5.30:4.4","an5.30:4.5","an5.30:4.6","an5.30:4.7","an5.30:4.8","an5.30:4.9","an5.30:4.10","an5.30:4.11","an5.30:4.12","an5.30:4.13","an5.30:4.14","an5.30:4.15"],"kind":"text","text":{"pi":"“Māhaṁ, nāgita, yasena samāgamaṁ, mā ca mayā yaso.\nYo kho, nāgita, nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaṁ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī.\nSo taṁ mīḷhasukhaṁ middhasukhaṁ lābhasakkārasilokasukhaṁ sādiyeyya.\nAsitapītakhāyitasāyitassa kho, nāgita, uccārapassāvo—\neso tassa nissando.\nPiyānaṁ kho, nāgita, vipariṇāmaññathābhāvā uppajjanti sokaparidevadukkhadomanassupāyāsā—\neso tassa nissando.\nAsubhanimittānuyogaṁ anuyuttassa kho, nāgita, subhanimitte pāṭikulyatā saṇṭhāti—\neso tassa nissando.\nChasu kho, nāgita, phassāyatanesu aniccānupassino viharato phasse pāṭikulyatā saṇṭhāti—\neso tassa nissando.\nPañcasu kho, nāgita, upādānakkhandhesu udayabbayānupassino viharato upādāne pāṭikulyatā saṇṭhāti—\neso tassa nissando”ti.\nDasamaṁ.\nPañcaṅgikavaggo tatiyo.","en":"“Nāgita, may I never become famous. May fame not come to me.\nThere are those who can’t get the pleasure of renunciation, the pleasure of seclusion, the pleasure of peace, the pleasure of awakening when they want, without trouble or difficulty like I can.\nLet them enjoy the filthy, lazy pleasure of possessions, honor, and popularity.\nWhat you eat, drink, chew, and taste ends up as excrement and urine.\nThis is its outcome.\nWhen loved ones decay and perish, sorrow, lamentation, pain, sadness, and distress arise.\nThis is its outcome.\nWhen you pursue meditation on the feature of ugliness, revulsion at the feature of beauty becomes stabilized.\nThis is its outcome.\nWhen you meditate observing impermanence in the six fields of contact, revulsion at contact becomes stabilized.\nThis is its outcome.\nWhen you meditate observing rise and fall in the five grasping aggregates, revulsion at grasping becomes stabilized.\nThis is its outcome.”"}},{"id":"an5.30:5","sourceIds":["an5.30:5.0","an5.30:5.1","an5.30:5.2","an5.30:5.3","an5.30:5.4"],"kind":"text","text":{"pi":"Tassuddānaṁ\nDve agāravupakkilesā,\nDussīlānuggahitena ca;\nVimuttisamādhipañcaṅgikā,\nCaṅkamaṁ nāgitena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}