{"id":"an5.37","title":"Food","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.37","title":"Food","units":[{"id":"an5.37:0","sourceIds":["an5.37:0.1","an5.37:0.2","an5.37:0.3"],"kind":"text","text":{"pi":"Aṅguttara Nikāya 5.37\n4. Sumanavagga\nBhojanasutta","en":"Numbered Discourses 5.37\n4. With Sumanā\nFood"}},{"id":"an5.37:1","sourceIds":["an5.37:1.1","an5.37:1.2","an5.37:1.3","an5.37:1.4","an5.37:1.5","an5.37:1.6","an5.37:1.7","an5.37:1.8","an5.37:1.9"],"kind":"text","text":{"pi":"“Bhojanaṁ, bhikkhave, dadamāno dāyako paṭiggāhakānaṁ pañca ṭhānāni deti.\nKatamāni pañca?\nĀyuṁ deti, vaṇṇaṁ deti, sukhaṁ deti, balaṁ deti, paṭibhānaṁ deti.\nĀyuṁ kho pana datvā āyussa bhāgī hoti dibbassa vā mānusassa vā;\nvaṇṇaṁ datvā vaṇṇassa bhāgī hoti dibbassa vā mānusassa vā;\nsukhaṁ datvā sukhassa bhāgī hoti dibbassa vā mānusassa vā;\nbalaṁ datvā balassa bhāgī hoti dibbassa vā mānusassa vā;\npaṭibhānaṁ datvā paṭibhānassa bhāgī hoti dibbassa vā mānusassa vā.\nBhojanaṁ, bhikkhave, dadamāno dāyako paṭiggāhakānaṁ imāni pañca ṭhānāni detīti.","en":"“Mendicants, when a giver gives food, they give the recipients five things.\nWhat five?\nLong life, beauty, happiness, strength, and eloquence.\nGiving long life, they have long life as a god or human.\nGiving beauty, they have beauty as a god or human.\nGiving happiness, they have happiness as a god or human.\nGiving strength, they have strength as a god or human.\nGiving eloquence, they are eloquent as a god or human.\nWhen a giver gives food, they give the recipients five things."}},{"id":"an5.37:2","sourceIds":["an5.37:2.1","an5.37:2.2","an5.37:2.3","an5.37:2.4"],"kind":"text","text":{"pi":"Āyudo balado dhīro,\nvaṇṇado paṭibhānado;\nSukhassa dātā medhāvī,\nsukhaṁ so adhigacchati.","en":"Being attentive, one is a giver of life, strength,\nbeauty, and eloquence.\nAn intelligent giver of happiness\ngains happiness in return."}},{"id":"an5.37:3","sourceIds":["an5.37:3.1","an5.37:3.2","an5.37:3.3","an5.37:3.4","an5.37:3.5"],"kind":"text","text":{"pi":"Āyuṁ datvā balaṁ vaṇṇaṁ,\nsukhañca paṭibhānakaṁ;\nDīghāyu yasavā hoti,\nyattha yatthūpapajjatī”ti.\nSattamaṁ.","en":"Giving life, strength, beauty,\nhappiness, and eloquence,\nthey’re long-lived and famous\nwherever they’re reborn.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.37/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}