{"id":"an5.5","title":"Disrobing","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.5","title":"Disrobing","units":[{"id":"an5.5:0","sourceIds":["an5.5:0.1","an5.5:0.2","an5.5:0.3"],"kind":"text","text":{"pi":"Aṅguttara Nikāya 5.5\n1. Sekhabalavagga\nSikkhāsutta","en":"Numbered Discourses 5.5\n1. Powers of a Trainee\nDisrobing"}},{"id":"an5.5:1","sourceIds":["an5.5:1.1","an5.5:1.2","an5.5:1.3","an5.5:1.4"],"kind":"text","text":{"pi":"“Yo hi koci, bhikkhave, bhikkhu vā bhikkhunī vā sikkhaṁ paccakkhāya hīnāyāvattati, tassa diṭṭheva dhamme pañca sahadhammikā vādānupātā gārayhā ṭhānā āgacchanti.\nKatame pañca?\nSaddhāpi nāma te nāhosi kusalesu dhammesu, hirīpi nāma te nāhosi kusalesu dhammesu, ottappampi nāma te nāhosi kusalesu dhammesu, vīriyampi nāma te nāhosi kusalesu dhammesu, paññāpi nāma te nāhosi kusalesu dhammesu.\nYo hi koci, bhikkhave, bhikkhu vā bhikkhunī vā sikkhaṁ paccakkhāya hīnāyāvattati, tassa diṭṭheva dhamme ime pañca sahadhammikā vādānupātā gārayhā ṭhānā āgacchanti.","en":"“Mendicants, any monk or nun who resigns the training and returns to a lesser life deserves rebuttal and criticism on five legitimate grounds in this very life.\nWhat five?\n‘You had no faith, conscience, prudence, energy, or wisdom regarding skillful qualities.’\nAny monk or nun who resigns the training and returns to a lesser life deserves rebuttal and criticism on these five legitimate grounds in this very life."}},{"id":"an5.5:2","sourceIds":["an5.5:2.1","an5.5:2.2","an5.5:2.3","an5.5:2.4","an5.5:2.5"],"kind":"text","text":{"pi":"Yo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho rudamāno paripuṇṇaṁ parisuddhaṁ brahmacariyaṁ carati, tassa diṭṭheva dhamme pañca sahadhammikā pāsaṁsā ṭhānā āgacchanti.\nKatame pañca?\nSaddhāpi nāma te ahosi kusalesu dhammesu, hirīpi nāma te ahosi kusalesu dhammesu, ottappampi nāma te ahosi kusalesu dhammesu, vīriyampi nāma te ahosi kusalesu dhammesu, paññāpi nāma te ahosi kusalesu dhammesu.\nYo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho rudamāno paripuṇṇaṁ parisuddhaṁ brahmacariyaṁ carati, tassa diṭṭheva dhamme ime pañca sahadhammikā pāsaṁsā ṭhānā āgacchantī”ti.\nPañcamaṁ.","en":"Any monk or nun who lives the full and pure spiritual life in pain and sadness, weeping, with tearful face, deserves praise on five legitimate grounds in this very life.\nWhat five?\n‘You had faith, conscience, prudence, energy, and wisdom regarding skillful qualities.’\nAny monk or nun who lives the full and pure spiritual life in pain and sadness, weeping, with tearful face, deserves praise on these five legitimate grounds in this very life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}