{"id":"an5.6","title":"Becoming","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.6","title":"Becoming","units":[{"id":"an5.6:0","sourceIds":["an5.6:0.1","an5.6:0.2","an5.6:0.3"],"kind":"text","text":{"pi":"Aṅguttara Nikāya 5.6\n1. Sekhabalavagga\nSamāpattisutta","en":"Numbered Discourses 5.6\n1. Powers of a Trainee\nBecoming"}},{"id":"an5.6:1","sourceIds":["an5.6:1.1","an5.6:1.2","an5.6:1.3"],"kind":"text","text":{"pi":"“Na tāva, bhikkhave, akusalassa samāpatti hoti yāva saddhā paccupaṭṭhitā hoti kusalesu dhammesu.\nYato ca kho, bhikkhave, saddhā antarahitā hoti, assaddhiyaṁ pariyuṭṭhāya tiṭṭhati;\natha akusalassa samāpatti hoti.","en":"“Mendicants, you don’t become unskillful as long as faith is established in skillful qualities.\nBut when faith vanishes and faithlessness takes over,\nyou become unskillful."}},{"id":"an5.6:2","sourceIds":["an5.6:2.1","an5.6:2.2","an5.6:2.3"],"kind":"text","text":{"pi":"Na tāva, bhikkhave, akusalassa samāpatti hoti yāva hirī paccupaṭṭhitā hoti kusalesu dhammesu.\nYato ca kho, bhikkhave, hirī antarahitā hoti, ahirikaṁ pariyuṭṭhāya tiṭṭhati;\natha akusalassa samāpatti hoti.","en":"You don’t become unskillful as long as conscience … prudence … energy … wisdom is established in skillful qualities."}},{"id":"an5.6:3","sourceIds":["an5.6:3.1","an5.6:3.2","an5.6:3.3"],"kind":"text","text":{"pi":"Na tāva, bhikkhave, akusalassa samāpatti hoti yāva ottappaṁ paccupaṭṭhitaṁ hoti kusalesu dhammesu.\nYato ca kho, bhikkhave, ottappaṁ antarahitaṁ hoti, anottappaṁ pariyuṭṭhāya tiṭṭhati;\natha akusalassa samāpatti hoti."}},{"id":"an5.6:4","sourceIds":["an5.6:4.1","an5.6:4.2","an5.6:4.3"],"kind":"text","text":{"pi":"Na tāva, bhikkhave, akusalassa samāpatti hoti yāva vīriyaṁ paccupaṭṭhitaṁ hoti kusalesu dhammesu.\nYato ca kho, bhikkhave, vīriyaṁ antarahitaṁ hoti, kosajjaṁ pariyuṭṭhāya tiṭṭhati;\natha akusalassa samāpatti hoti."}},{"id":"an5.6:5","sourceIds":["an5.6:5.1","an5.6:5.2","an5.6:5.3","an5.6:5.4"],"kind":"text","text":{"pi":"Na tāva, bhikkhave, akusalassa samāpatti hoti yāva paññā paccupaṭṭhitā hoti kusalesu dhammesu.\nYato ca kho, bhikkhave, paññā antarahitā hoti, duppaññā pariyuṭṭhāya tiṭṭhati;\natha akusalassa samāpatti hotī”ti.\nChaṭṭhaṁ.","en":"But when wisdom vanishes and witlessness takes over,\nyou become unskillful.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}