{"id":"an5.7","title":"Sensual Pleasures","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.7","title":"Sensual Pleasures","units":[{"id":"an5.7:0","sourceIds":["an5.7:0.1","an5.7:0.2","an5.7:0.3"],"kind":"text","text":{"pi":"Aṅguttara Nikāya 5.7\n1. Sekhabalavagga\nKāmasutta","en":"Numbered Discourses 5.7\n1. Powers of a Trainee\nSensual Pleasures"}},{"id":"an5.7:1","sourceIds":["an5.7:1.1","an5.7:1.2","an5.7:1.3","an5.7:1.4","an5.7:1.5","an5.7:1.6","an5.7:1.7","an5.7:1.8","an5.7:1.9","an5.7:1.10","an5.7:1.11","an5.7:1.12","an5.7:1.13","an5.7:1.14","an5.7:1.15"],"kind":"text","text":{"pi":"“Yebhuyyena, bhikkhave, sattā kāmesu laḷitā.\nAsitabyābhaṅgiṁ, bhikkhave, kulaputto ohāya agārasmā anagāriyaṁ pabbajito hoti, ‘saddhāpabbajito kulaputto’ti alaṁvacanāya.\nTaṁ kissa hetu?\nLabbhā, bhikkhave, yobbanena kāmā te ca kho yādisā vā tādisā vā.\nYe ca, bhikkhave, hīnā kāmā ye ca majjhimā kāmā ye ca paṇītā kāmā, sabbe kāmā ‘kāmā’tveva saṅkhaṁ gacchanti.\nSeyyathāpi, bhikkhave, daharo kumāro mando uttānaseyyako dhātiyā pamādamanvāya kaṭṭhaṁ vā kaṭhalaṁ vā mukhe āhareyya.\nTamenaṁ dhāti sīghaṁ sīghaṁ manasi kareyya;\nsīghaṁ sīghaṁ manasi karitvā sīghaṁ sīghaṁ āhareyya.\nNo ce sakkuṇeyya sīghaṁ sīghaṁ āharituṁ, vāmena hatthena sīsaṁ pariggahetvā dakkhiṇena hatthena vaṅkaṅguliṁ karitvā salohitampi āhareyya.\nTaṁ kissa hetu?\n‘Atthesā, bhikkhave, kumārassa vihesā;\nnesā natthī’ti vadāmi.\nKaraṇīyañca kho etaṁ, bhikkhave, dhātiyā atthakāmāya hitesiniyā anukampikāya, anukampaṁ upādāya.\nYato ca kho, bhikkhave, so kumāro vuddho hoti alaṁpañño, anapekkhā dāni, bhikkhave, dhāti tasmiṁ kumāre hoti:\n‘attagutto dāni kumāro nālaṁ pamādāyā’ti.","en":"“Mendicants, sentient beings are mostly charmed by sensual pleasures.\nWhen a gentleman has abandoned the scythe and flail and gone forth from the lay life to homelessness, they’re qualified to be called ‘a faithful renunciate from a good family’.\nWhy is that?\nBecause a youth can get sensual pleasures of this kind or that.\nNow, all sensual pleasures are just reckoned as ‘sensual pleasures’, regardless of whether they’re inferior, average, or superior.\nSuppose there was a little baby boy who, because of his nursemaid’s negligence, puts a stick or stone in his mouth.\nThe nursemaid would very quickly notice\nand try to take it out.\nIf that didn’t work, she’d cradle his head with her left hand, and take it out using a hooked finger of her right hand, even if it drew blood.\nWhy is that?\nI admit she’d know, ‘This will distress the child,\nthere’s no denying.’\nStill, it should be done by a nursemaid who wants what’s best for him, out of kindness and sympathy.\nAnd when the boy has grown up and has enough sense, his nursemaid would not be concerned about him, thinking:\n‘The boy can look after himself. He won’t be negligent.’"}},{"id":"an5.7:2","sourceIds":["an5.7:2.1","an5.7:2.2","an5.7:2.3","an5.7:2.4"],"kind":"text","text":{"pi":"Evamevaṁ kho, bhikkhave, yāvakīvañca bhikkhuno saddhāya akataṁ hoti kusalesu dhammesu, hiriyā akataṁ hoti kusalesu dhammesu, ottappena akataṁ hoti kusalesu dhammesu, vīriyena akataṁ hoti kusalesu dhammesu, paññāya akataṁ hoti kusalesu dhammesu, anurakkhitabbo tāva me so, bhikkhave, bhikkhu hoti.\nYato ca kho, bhikkhave, bhikkhuno saddhāya kataṁ hoti kusalesu dhammesu, hiriyā kataṁ hoti kusalesu dhammesu, ottappena kataṁ hoti kusalesu dhammesu, vīriyena kataṁ hoti kusalesu dhammesu, paññāya kataṁ hoti kusalesu dhammesu, anapekkho dānāhaṁ, bhikkhave, tasmiṁ bhikkhusmiṁ homi:\n‘attagutto dāni bhikkhu nālaṁ pamādāyā’”ti.\nSattamaṁ.","en":"In the same way, I still need to look after a mendicant who hasn’t finished developing faith, conscience, prudence, energy, and wisdom regarding skillful qualities.\nBut when a mendicant has finished developing faith, conscience, prudence, energy, and wisdom regarding skillful qualities, I need not be concerned, thinking:\n‘They can look after themselves. They won’t be negligent.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}