{"id":"an6.14","title":"A Good Death","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.14","title":"A Good Death","units":[{"id":"an6.14:0","sourceIds":["an6.14:0.1","an6.14:0.2","an6.14:0.3"],"kind":"text","text":{"pi":"Aṅguttara Nikāya 6.14\n2. Sāraṇīyavagga\nBhaddakasutta","en":"Numbered Discourses 6.14\n2. Warm-hearted\nA Good Death"}},{"id":"an6.14:1","sourceIds":["an6.14:1.1","an6.14:1.2","an6.14:1.3","an6.14:1.4"],"kind":"text","text":{"pi":"Tatra kho āyasmā sāriputto bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato sāriputtassa paccassosuṁ.\nĀyasmā sāriputto etadavoca:","en":"There Sāriputta addressed the mendicants:\n“Reverends, mendicants!”\n“Reverend,” they replied.\nSāriputta said this:"}},{"id":"an6.14:2","sourceIds":["an6.14:2.1","an6.14:2.2"],"kind":"text","text":{"pi":"“Tathā tathā, āvuso, bhikkhu vihāraṁ kappeti yathā yathāssa vihāraṁ kappayato na bhaddakaṁ maraṇaṁ hoti, na bhaddikā kālakiriyā.\nKathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato na bhaddakaṁ maraṇaṁ hoti, na bhaddikā kālakiriyā?","en":"“A mendicant lives life so as to not have a good death.\nAnd how do they live life so as to not have a good death?"}},{"id":"an6.14:3","sourceIds":["an6.14:3.1","an6.14:3.2","an6.14:3.3","an6.14:3.4"],"kind":"text","text":{"pi":"Idhāvuso, bhikkhu kammārāmo hoti kammarato kammārāmataṁ anuyutto, bhassārāmo hoti bhassarato bhassārāmataṁ anuyutto, niddārāmo hoti niddārato niddārāmataṁ anuyutto, saṅgaṇikārāmo hoti saṅgaṇikarato saṅgaṇikārāmataṁ anuyutto, saṁsaggārāmo hoti saṁsaggarato saṁsaggārāmataṁ anuyutto, papañcārāmo hoti papañcarato papañcārāmataṁ anuyutto.\nEvaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato na bhaddakaṁ maraṇaṁ hoti, na bhaddikā kālakiriyā.\nAyaṁ vuccatāvuso:\n‘bhikkhu sakkāyābhirato nappajahāsi sakkāyaṁ sammā dukkhassa antakiriyāya’.","en":"Take a mendicant who relishes work, talk, sleep, company, closeness, and proliferation. They love these things and like to relish them.\nA mendicant who lives life like this does not have a good death.\nThis is called\na mendicant who enjoys substantial reality, who hasn’t given up substantial reality to rightly make an end of suffering."}},{"id":"an6.14:4","sourceIds":["an6.14:4.1","an6.14:4.2"],"kind":"text","text":{"pi":"Tathā tathāvuso, bhikkhu vihāraṁ kappeti yathā yathāssa vihāraṁ kappayato bhaddakaṁ maraṇaṁ hoti, bhaddikā kālakiriyā.\nKathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato bhaddakaṁ maraṇaṁ hoti, bhaddikā kālakiriyā?","en":"A mendicant lives life so as to have a good death.\nAnd how do they live life so as to have a good death?"}},{"id":"an6.14:5","sourceIds":["an6.14:5.1","an6.14:5.2","an6.14:5.3","an6.14:5.4"],"kind":"text","text":{"pi":"Idhāvuso, bhikkhu na kammārāmo hoti na kammarato na kammārāmataṁ anuyutto, na bhassārāmo hoti na bhassarato na bhassārāmataṁ anuyutto, na niddārāmo hoti na niddārato na niddārāmataṁ anuyutto, na saṅgaṇikārāmo hoti na saṅgaṇikarato na saṅgaṇikārāmataṁ anuyutto, na saṁsaggārāmo hoti na saṁsaggarato na saṁsaggārāmataṁ anuyutto, na papañcārāmo hoti na papañcarato na papañcārāmataṁ anuyutto.\nEvaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato bhaddakaṁ maraṇaṁ hoti, bhaddikā kālakiriyā.\nAyaṁ vuccatāvuso:\n‘bhikkhu nibbānābhirato pajahāsi sakkāyaṁ sammā dukkhassa antakiriyāyā’ti.","en":"Take a mendicant who doesn’t relish work, talk, sleep, company, closeness, and proliferation. They don’t love these things or like to relish them.\nA mendicant who lives life like this has a good death.\nThis is called\na mendicant who delights in extinguishment, who has given up substantial reality to rightly make an end of suffering."}},{"id":"an6.14:6","sourceIds":["an6.14:6.1","an6.14:6.2","an6.14:6.3","an6.14:6.4"],"kind":"text","text":{"pi":"Yo papañcamanuyutto,\npapañcābhirato mago;\nVirādhayī so nibbānaṁ,\nyogakkhemaṁ anuttaraṁ.","en":"A beast who likes to proliferate,\nenjoying proliferation,\nfails to win extinguishment,\nthe supreme sanctuary from the yoke."}},{"id":"an6.14:7","sourceIds":["an6.14:7.1","an6.14:7.2","an6.14:7.3","an6.14:7.4","an6.14:7.5"],"kind":"text","text":{"pi":"Yo ca papañcaṁ hitvāna,\nnippapañcapade rato;\nĀrādhayī so nibbānaṁ,\nyogakkhemaṁ anuttaran”ti.\nCatutthaṁ.","en":"But one who gives up proliferation,\nenjoying the state of non-proliferation,\nwins extinguishment,\nthe supreme sanctuary from the yoke.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}