{"id":"an6.16","title":"Nakula’s Father","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.16","title":"Nakula’s Father","units":[{"id":"an6.16:0","sourceIds":["an6.16:0.1","an6.16:0.2","an6.16:0.3"],"kind":"text","text":{"pi":"Aṅguttara Nikāya 6.16\n2. Sāraṇīyavagga\nNakulapitusutta","en":"Numbered Discourses 6.16\n2. Warm-hearted\nNakula’s Father"}},{"id":"an6.16:1","sourceIds":["an6.16:1.1","an6.16:1.2","an6.16:1.3"],"kind":"text","text":{"pi":"Ekaṁ samayaṁ bhagavā bhaggesu viharati susumāragire bhesakaḷāvane migadāye.\nTena kho pana samayena nakulapitā gahapati ābādhiko hoti dukkhito bāḷhagilāno.\nAtha kho nakulamātā gahapatānī nakulapitaraṁ gahapatiṁ etadavoca:","en":"At one time the Buddha was staying in the land of the Bhaggas at Crocodile’s Bellow, in the deer park at Bhesakaḷā’s Wood.\nNow at that time the householder Nakula’s father was sick, suffering, gravely ill.\nThen the housewife Nakula’s mother said to him:"}},{"id":"an6.16:2","sourceIds":["an6.16:2.1","an6.16:2.2","an6.16:2.3","an6.16:2.4","an6.16:2.5","an6.16:2.6","an6.16:2.7","an6.16:2.8","an6.16:2.9","an6.16:2.10","an6.16:2.11"],"kind":"text","text":{"pi":"“Mā kho tvaṁ, gahapati, sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.\nSiyā kho pana te, gahapati, evamassa:\n‘na nakulamātā gahapatānī mamaccayena sakkhissati dārake posetuṁ, gharāvāsaṁ santharitun’ti.\nNa kho panetaṁ, gahapati, evaṁ daṭṭhabbaṁ.\nKusalāhaṁ, gahapati, kappāsaṁ kantituṁ veṇiṁ olikhituṁ.\nSakkomahaṁ, gahapati, tavaccayena dārake posetuṁ, gharāvāsaṁ santharituṁ.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.","en":"“Householder, don’t pass away with concerns.\nSuch concern is suffering,\nand it’s criticized by the Buddha.\nHouseholder, you might think:\n‘When I’ve gone, the housewife Nakula’s mother won’t be able to provide for the children and keep up the household carpets.’\nBut you should not see it like this.\nI’m skilled at spinning cotton and carding wool.\nI’m able to provide for the children and keep up the household carpets.\nSo householder, don’t pass away with concerns …"}},{"id":"an6.16:3","sourceIds":["an6.16:3.1","an6.16:3.2","an6.16:3.3","an6.16:3.4","an6.16:3.5","an6.16:3.6","an6.16:3.7"],"kind":"text","text":{"pi":"Siyā kho pana te, gahapati, evamassa:\n‘nakulamātā gahapatānī mamaccayena aññaṁ gharaṁ gamissatī’ti.\nNa kho panetaṁ, gahapati, evaṁ daṭṭhabbaṁ.\nTvañceva kho, gahapati, jānāsi ahañca, yaṁ no soḷasavassāni gahaṭṭhakaṁ brahmacariyaṁ samāciṇṇaṁ.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.","en":"Householder, you might think:\n‘When I’ve gone, the housewife Nakula’s mother will take another husband.’\nBut you should not see it like this.\nBoth you and I know that we have remained chaste while at home for the past sixteen years.\nSo householder, don’t pass away with concerns …"}},{"id":"an6.16:4","sourceIds":["an6.16:4.1","an6.16:4.2","an6.16:4.3","an6.16:4.4","an6.16:4.5","an6.16:4.6","an6.16:4.7"],"kind":"text","text":{"pi":"Siyā kho pana te, gahapati, evamassa:\n‘nakulamātā gahapatānī mamaccayena na dassanakāmā bhavissati bhagavato na dassanakāmā bhikkhusaṅghassā’ti.\nNa kho panetaṁ, gahapati, evaṁ daṭṭhabbaṁ.\nAhañhi, gahapati, tavaccayena dassanakāmatarā ceva bhavissāmi bhagavato, dassanakāmatarā ca bhikkhusaṅghassa.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.","en":"Householder, you might think:\n‘When I’ve gone, the housewife Nakula’s mother won’t want to see the Buddha and his Saṅgha of mendicants.’\nBut you should not see it like this.\nWhen you’ve gone, I’ll want to see the Buddha and his mendicant Saṅgha even more.\nSo householder, don’t pass away with concerns …"}},{"id":"an6.16:5","sourceIds":["an6.16:5.1","an6.16:5.2","an6.16:5.3","an6.16:5.4","an6.16:5.5","an6.16:5.6","an6.16:5.7","an6.16:5.8"],"kind":"text","text":{"pi":"Siyā kho pana te, gahapati, evamassa:\n‘na nakulamātā gahapatānī mamaccayena sīlesu paripūrakārinī’ti.\nNa kho panetaṁ, gahapati, evaṁ daṭṭhabbaṁ.\nYāvatā kho, gahapati, tassa bhagavato sāvikā gihī odātavasanā sīlesu paripūrakāriniyo, ahaṁ tāsaṁ aññatarā.\nYassa kho panassa kaṅkhā vā vimati vā—ayaṁ so bhagavā arahaṁ sammāsambuddho bhaggesu viharati susumāragire bhesakaḷāvane migadāye—taṁ bhagavantaṁ upasaṅkamitvā pucchatu.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.","en":"Householder, you might think:\n‘The housewife Nakula’s mother won’t fulfill ethics.’\nBut you should not see it like this.\nI am one of those white-robed disciples of the Buddha who fulfills their ethics.\nFor whoever doubts this, that Blessed One, the perfected one, the fully awakened Buddha is staying in the land of the Bhaggas at Crocodile’s Bellow, in the deer park at Bhesakaḷā’s Wood. Let them approach him and ask.\nSo householder, don’t pass away with concerns …"}},{"id":"an6.16:6","sourceIds":["an6.16:6.1","an6.16:6.2","an6.16:6.3","an6.16:6.4","an6.16:6.5","an6.16:6.6","an6.16:6.7","an6.16:6.8"],"kind":"text","text":{"pi":"Siyā kho pana te, gahapati, evamassa:\n‘na nakulamātā gahapatānī lābhinī ajjhattaṁ cetosamathassā’ti.\nNa kho panetaṁ, gahapati, evaṁ daṭṭhabbaṁ.\nYāvatā kho, gahapati, tassa bhagavato sāvikā gihī odātavasanā lābhiniyo ajjhattaṁ cetosamathassa, ahaṁ tāsaṁ aññatarā.\nYassa kho panassa kaṅkhā vā vimati vā—ayaṁ so bhagavā arahaṁ sammāsambuddho bhaggesu viharati susumāragire bhesakaḷāvane migadāye—taṁ bhagavantaṁ upasaṅkamitvā pucchatu.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā.","en":"Householder, you might think:\n‘The housewife Nakula’s mother doesn’t have internal serenity of heart.’\nBut you should not see it like this.\nI am one of those white-robed disciples of the Buddha who has internal serenity of heart.\nFor whoever doubts this, that Blessed One is staying in the land of the Bhaggas at Crocodile’s Bellow, in the deer park at Bhesakaḷā’s Wood. Let them approach him and ask.\nSo householder, don’t pass away with concerns …"}},{"id":"an6.16:7","sourceIds":["an6.16:7.1","an6.16:7.2","an6.16:7.3","an6.16:7.4","an6.16:7.5","an6.16:7.6","an6.16:7.7","an6.16:7.8"],"kind":"text","text":{"pi":"Siyā kho pana te, gahapati, evamassa:\n‘na nakulamātā gahapatānī imasmiṁ dhammavinaye ogādhappattā patigādhappattā assāsappattā tiṇṇavicikicchā vigatakathaṅkathā vesārajjappattā aparappaccayā satthusāsane viharatī’ti.\nNa kho panetaṁ, gahapati, evaṁ daṭṭhabbaṁ.\nYāvatā kho, gahapati, tassa bhagavato sāvikā gihī odātavasanā imasmiṁ dhammavinaye ogādhappattā patigādhappattā assāsappattā tiṇṇavicikicchā vigatakathaṅkathā vesārajjappattā aparappaccayā satthusāsane viharanti, ahaṁ tāsaṁ aññatarā.\nYassa kho panassa kaṅkhā vā vimati vā—ayaṁ so bhagavā arahaṁ sammāsambuddho bhaggesu viharati susumāragire bhesakaḷāvane migadāye—taṁ bhagavantaṁ upasaṅkamitvā pucchatu.\nTasmātiha tvaṁ, gahapati, mā sāpekkho kālamakāsi.\nDukkhā, gahapati, sāpekkhassa kālakiriyā;\ngarahitā ca bhagavatā sāpekkhassa kālakiriyā”ti.","en":"Householder, you might think:\n‘The housewife Nakula’s mother has not found a footing, a firm footing, and solace in this teaching and training. She has not gone beyond doubt, got rid of indecision, and gained assurance. And she’s not independent of others in the Teacher’s instructions.’\nBut you should not see it like this.\nI am one of those white-robed disciples of the Buddha who has found a footing, a firm footing, and solace in this teaching and training. I have gone beyond doubt, got rid of indecision, and gained assurance. And I am independent of others in the Teacher’s instructions.\nFor whoever doubts this, that Blessed One is staying in the land of the Bhaggas at Crocodile’s Bellow, in the deer park at Bhesakaḷā’s Wood. Let them approach him and ask.\nSo householder, don’t pass away with concerns.\nSuch concern is suffering,\nand it’s criticized by the Buddha.”"}},{"id":"an6.16:8","sourceIds":["an6.16:8.1","an6.16:8.2","an6.16:8.3","an6.16:8.4"],"kind":"text","text":{"pi":"Atha kho nakulapituno gahapatissa nakulamātarā gahapatāniyā iminā ovādena ovadiyamānassa so ābādho ṭhānaso paṭippassambhi.\nVuṭṭhahi ca nakulapitā gahapati tamhā ābādhā;\ntathā pahīno ca pana nakulapituno gahapatissa so ābādho ahosi.\nAtha kho nakulapitā gahapati gilānā vuṭṭhito aciravuṭṭhito gelaññā daṇḍamolubbha yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho nakulapitaraṁ gahapatiṁ bhagavā etadavoca:","en":"And then, as Nakula’s mother was giving this advice to Nakula’s father, his illness died down on the spot.\nAnd that’s how Nakula’s father recovered from that illness.\nSoon after recovering, leaning on a staff he went to the Buddha, bowed, and sat down to one side. The Buddha said to him:"}},{"id":"an6.16:9","sourceIds":["an6.16:9.1","an6.16:9.2","an6.16:9.3","an6.16:9.4","an6.16:9.5","an6.16:9.6","an6.16:9.7","an6.16:9.8"],"kind":"text","text":{"pi":"“Lābhā te, gahapati, suladdhaṁ te, gahapati.\nYassa te nakulamātā gahapatānī anukampikā atthakāmā ovādikā anusāsikā.\nYāvatā kho, gahapati, mama sāvikā gihī odātavasanā sīlesu paripūrakāriniyo, nakulamātā gahapatānī tāsaṁ aññatarā.\nYāvatā kho, gahapati, mama sāvikā gihī odātavasanā lābhiniyo ajjhattaṁ cetosamathassa, nakulamātā gahapatānī tāsaṁ aññatarā.\nYāvatā kho, gahapati, mama sāvikā gihī odātavasanā imasmiṁ dhammavinaye ogādhappattā patigādhappattā assāsappattā tiṇṇavicikicchā vigatakathaṅkathā vesārajjappattā aparappaccayā satthusāsane viharanti, nakulamātā gahapatānī tāsaṁ aññatarā.\nLābhā te, gahapati, suladdhaṁ te, gahapati.\nYassa te nakulamātā gahapatānī anukampikā atthakāmā ovādikā anusāsikā”ti.\nChaṭṭhaṁ.","en":"“You’re fortunate, householder, so very fortunate,\nto have the housewife Nakula’s mother advise and instruct you out of kindness and sympathy.\nShe is one of those white-robed disciples of the Buddha who fulfills their ethics.\nShe is one of those white-robed disciples of the Buddha who has internal serenity of heart.\nShe is one of those white-robed disciples of the Buddha who has found a footing, a firm footing, and solace in this teaching and training. She has gone beyond doubt, got rid of indecision, and gained assurance. And she is independent of others in the Teacher’s instructions.\nYou’re fortunate, householder, so very fortunate,\nto have the housewife Nakula’s mother advise and instruct you out of kindness and sympathy.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.16/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}