{"id":"an6.19","title":"Mindfulness of Death (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.19","title":"Mindfulness of Death (1st)","units":[{"id":"an6.19:0","sourceIds":["an6.19:0.1","an6.19:0.2","an6.19:0.3"],"kind":"text","text":{"pi":"Aṅguttara Nikāya 6.19\n2. Sāraṇīyavagga\nPaṭhamamaraṇassatisutta","en":"Numbered Discourses 6.19\n2. Warm-hearted\nMindfulness of Death (1st)"}},{"id":"an6.19:1","sourceIds":["an6.19:1.1","an6.19:1.2","an6.19:1.3","an6.19:1.4","an6.19:1.5","an6.19:1.6","an6.19:1.7"],"kind":"text","text":{"pi":"Ekaṁ samayaṁ bhagavā nātike viharati giñjakāvasathe.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:\n“maraṇassati, bhikkhave, bhāvitā bahulīkatā mahapphalā hoti mahānisaṁsā amatogadhā amatapariyosānā.\nBhāvetha no tumhe, bhikkhave, maraṇassatin”ti?","en":"At one time the Buddha was staying at Ñātika in the brick house.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:\n“Mendicants, when mindfulness of death is developed and cultivated it’s very fruitful and beneficial. It has freedom from death as its objective and culmination.\nBut do you develop mindfulness of death?”"}},{"id":"an6.19:2","sourceIds":["an6.19:2.1","an6.19:2.2","an6.19:2.3","an6.19:2.4","an6.19:2.5","an6.19:2.6"],"kind":"text","text":{"pi":"Evaṁ vutte, aññataro bhikkhu bhagavantaṁ etadavoca:\n“ahaṁ kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ rattindivaṁ jīveyyaṁ, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"When he said this, one of the mendicants said to the Buddha,\n“Sir, I develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live for another day and night, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:3","sourceIds":["an6.19:3.1","an6.19:3.2","an6.19:3.3","an6.19:3.4","an6.19:3.5","an6.19:3.6"],"kind":"text","text":{"pi":"Aññataropi kho bhikkhu bhagavantaṁ etadavoca:\n“ahampi kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ divasaṁ jīveyyaṁ, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"Another mendicant said to the Buddha,\n“Sir, I too develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live for another day, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:4","sourceIds":["an6.19:4.1","an6.19:4.2","an6.19:4.3","an6.19:4.4","an6.19:4.5","an6.19:4.6"],"kind":"text","text":{"pi":"Aññataropi kho bhikkhu bhagavantaṁ etadavoca:\n“ahampi kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ tadantaraṁ jīveyyaṁ yadantaraṁ ekapiṇḍapātaṁ bhuñjāmi, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"Another mendicant said to the Buddha,\n“Sir, I too develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live as long as it takes to eat a meal of almsfood, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:5","sourceIds":["an6.19:5.1","an6.19:5.2","an6.19:5.3","an6.19:5.4","an6.19:5.5","an6.19:5.6"],"kind":"text","text":{"pi":"Aññataropi kho bhikkhu bhagavantaṁ etadavoca:\n“ahampi kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ tadantaraṁ jīveyyaṁ yadantaraṁ cattāro pañca ālope saṅkhāditvā ajjhoharāmi, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"Another mendicant said to the Buddha,\n“Sir, I too develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live as long as it takes to chew and swallow four or five mouthfuls, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:6","sourceIds":["an6.19:6.1","an6.19:6.2","an6.19:6.3","an6.19:6.4","an6.19:6.5","an6.19:6.6"],"kind":"text","text":{"pi":"Aññataropi kho bhikkhu bhagavantaṁ etadavoca:\n“ahampi kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ tadantaraṁ jīveyyaṁ yadantaraṁ ekaṁ ālopaṁ saṅkhāditvā ajjhoharāmi, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"Another mendicant said to the Buddha,\n“Sir, I too develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live as long as it takes to chew and swallow a single mouthful, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:7","sourceIds":["an6.19:7.1","an6.19:7.2","an6.19:7.3","an6.19:7.4","an6.19:7.5","an6.19:7.6"],"kind":"text","text":{"pi":"Aññataropi kho bhikkhu bhagavantaṁ etadavoca:\n“ahampi kho, bhante, bhāvemi maraṇassatin”ti.\n“Yathā kathaṁ pana tvaṁ, bhikkhu, bhāvesi maraṇassatin”ti?\n“Idha mayhaṁ, bhante, evaṁ hoti:\n‘aho vatāhaṁ tadantaraṁ jīveyyaṁ yadantaraṁ assasitvā vā passasāmi passasitvā vā assasāmi, bhagavato sāsanaṁ manasi kareyyaṁ, bahu vata me kataṁ assā’ti.\nEvaṁ kho ahaṁ, bhante, bhāvemi maraṇassatin”ti.","en":"Another mendicant said to the Buddha,\n“Sir, I too develop mindfulness of death.”\n“But mendicant, how do you develop it?”\n“In this case, sir, I think:\n‘Oh, if I’d only live as long as it takes to breathe out after breathing in, or to breathe in after breathing out, I’d focus on the Buddha’s instructions and I could really achieve a lot.’\nThat’s how I develop mindfulness of death.”"}},{"id":"an6.19:8","sourceIds":["an6.19:8.1","an6.19:8.2","an6.19:8.3"],"kind":"text","text":{"pi":"Evaṁ vutte, bhagavā te bhikkhū etadavoca:\n“yo cāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ rattindivaṁ jīveyyaṁ, bhagavato sāsanaṁ manasi kareyyaṁ, bahu vata me kataṁ assā’ti.","en":"When this was said, the Buddha said to those mendicants:\n“As to the mendicants who develop mindfulness of death by wishing\nto live for a day and night …"}},{"id":"an6.19:9","sourceIds":["an6.19:9.1","an6.19:9.2"],"kind":"text","text":{"pi":"Yo cāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ divasaṁ jīveyyaṁ, bhagavato sāsanaṁ manasi kareyyaṁ, bahu vata me kataṁ assā’ti.","en":"or to live for a day …"}},{"id":"an6.19:10","sourceIds":["an6.19:10.1","an6.19:10.2"],"kind":"text","text":{"pi":"Yo cāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ tadantaraṁ jīveyyaṁ yadantaraṁ ekapiṇḍapātaṁ bhuñjāmi, bhagavato sāsanaṁ manasi kareyyaṁ, bahu vata me kataṁ assā’ti.","en":"or to live as long as it takes to eat a meal of almsfood …"}},{"id":"an6.19:11","sourceIds":["an6.19:11.1","an6.19:11.2"],"kind":"text","text":{"pi":"Yo cāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ tadantaraṁ jīveyyaṁ yadantaraṁ cattāro pañca ālope saṅkhāditvā ajjhoharāmi, bhagavato sāsanaṁ manasi kareyyaṁ, bahu vata me kataṁ assā’ti.","en":"or to live as long as it takes to chew and swallow four or five mouthfuls—"}},{"id":"an6.19:12","sourceIds":["an6.19:12.1"],"kind":"text","text":{"pi":"Ime vuccanti, bhikkhave, bhikkhū pamattā viharanti dandhaṁ maraṇassatiṁ bhāventi āsavānaṁ khayāya.","en":"these are called mendicants who live negligently. They slackly develop mindfulness of death for the ending of defilements."}},{"id":"an6.19:13","sourceIds":["an6.19:13.1","an6.19:13.2"],"kind":"text","text":{"pi":"Yo ca khvāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ tadantaraṁ jīveyyaṁ yadantaraṁ ekaṁ ālopaṁ saṅkhāditvā ajjhoharāmi, bhagavato sāsanaṁ manasi kareyyaṁ, bahu vata me kataṁ assā’ti.","en":"But as to the mendicants who develop mindfulness of death by wishing\nto live as long as it takes to chew and swallow a single mouthful …"}},{"id":"an6.19:14","sourceIds":["an6.19:14.1","an6.19:14.2"],"kind":"text","text":{"pi":"Yo cāyaṁ, bhikkhave, bhikkhu evaṁ maraṇassatiṁ bhāveti:\n‘aho vatāhaṁ tadantaraṁ jīveyyaṁ yadantaraṁ assasitvā vā passasāmi passasitvā vā assasāmi, bhagavato sāsanaṁ manasi kareyyaṁ, bahu vata me kataṁ assā’ti.","en":"or to live as long as it takes to breathe out after breathing in, or to breathe in after breathing out—"}},{"id":"an6.19:15","sourceIds":["an6.19:15.1"],"kind":"text","text":{"pi":"Ime vuccanti, bhikkhave, bhikkhū appamattā viharanti tikkhaṁ maraṇassatiṁ bhāventi āsavānaṁ khayāya.","en":"these are called mendicants who live diligently. They keenly develop mindfulness of death for the ending of defilements."}},{"id":"an6.19:16","sourceIds":["an6.19:16.1","an6.19:16.2","an6.19:16.3","an6.19:16.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘appamattā viharissāma, tikkhaṁ maraṇassatiṁ bhāvessāma āsavānaṁ khayāyā’ti.\nEvañhi vo, bhikkhave, sikkhitabban”ti.\nNavamaṁ.","en":"So you should train like this:\n‘We will live diligently. We will keenly develop mindfulness of death for the ending of defilements.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}