{"id":"an6.32","title":"Non-decline (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.32","title":"Non-decline (1st)","units":[{"id":"an6.32:0","sourceIds":["an6.32:0.1","an6.32:0.2","an6.32:0.3"],"kind":"text","text":{"pi":"Aṅguttara Nikāya 6.32\n4. Devatāvagga\nPaṭhamaaparihānasutta","en":"Numbered Discourses 6.32\n4. Deities\nNon-decline (1st)"}},{"id":"an6.32:1","sourceIds":["an6.32:1.1"],"kind":"text","text":{"pi":"Atha kho aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā devatā bhagavantaṁ etadavoca:","en":"Then, late at night, a glorious deity, lighting up the entire Jeta’s Grove, went up to the Buddha, bowed, stood to one side, and said to him:"}},{"id":"an6.32:2","sourceIds":["an6.32:2.1","an6.32:2.2","an6.32:2.3","an6.32:2.4","an6.32:2.5","an6.32:2.6","an6.32:2.7"],"kind":"text","text":{"pi":"“Chayime, bhante, dhammā bhikkhuno aparihānāya saṁvattanti.\nKatame cha?\nSatthugāravatā, dhammagāravatā, saṅghagāravatā, sikkhāgāravatā, appamādagāravatā, paṭisanthāragāravatā—\nime kho, bhante, cha dhammā bhikkhuno aparihānāya saṁvattantī”ti.\nIdamavoca sā devatā.\nSamanuñño satthā ahosi.\nAtha kho sā devatā “samanuñño me satthā”ti bhagavantaṁ abhivādetvā padakkhiṇaṁ katvā tatthevantaradhāyi.","en":"“Sir, these six things don’t lead to the decline of a mendicant.\nWhat six?\nRespect for the Teacher, for the teaching, for the Saṅgha, for the training, for diligence, and for hospitality.\nThese six things don’t lead to the decline of a mendicant.”\nThat is what that deity said,\nand the Teacher concurred.\nThen that deity, knowing that the Teacher concurred, bowed, and respectfully circled the Buddha, keeping him on his right, before vanishing right there."}},{"id":"an6.32:3","sourceIds":["an6.32:3.1","an6.32:3.2","an6.32:3.3","an6.32:3.4","an6.32:3.5","an6.32:3.6","an6.32:3.7","an6.32:3.8"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhitā kho, bhikkhave, sā devatā maṁ etadavoca:\n‘chayime, bhante, dhammā bhikkhuno aparihānāya saṁvattanti.\nKatame cha?\nSatthugāravatā, dhammagāravatā, saṅghagāravatā, sikkhāgāravatā, appamādagāravatā, paṭisanthāragāravatā—\nime kho, bhante, cha dhammā bhikkhuno aparihānāya saṁvattantī’ti.\nIdamavoca, bhikkhave, sā devatā.\nIdaṁ vatvā maṁ abhivādetvā padakkhiṇaṁ katvā tatthevantaradhāyīti.","en":"Then, when the night had passed, the Buddha told the mendicants all that had happened, adding:"}},{"id":"an6.32:4","sourceIds":["an6.32:4.1","an6.32:4.2","an6.32:4.3","an6.32:4.4","an6.32:4.5","an6.32:4.6","an6.32:4.7"],"kind":"text","text":{"pi":"Satthugaru dhammagaru,\nsaṅghe ca tibbagāravo;\nAppamādagaru bhikkhu,\npaṭisanthāragāravo;\nAbhabbo parihānāya,\nnibbānasseva santike”ti.\nDutiyaṁ.","en":"“Respect for the Teacher and the teaching,\nand keen respect for the Saṅgha;\na mendicant who respects diligence\nand hospitality\ncan’t decline,\nand has drawn near to extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.32/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}