{"id":"an6.36","title":"Roots of Dispute","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.36","title":"Roots of Dispute","units":[{"id":"an6.36:0","sourceIds":["an6.36:0.1","an6.36:0.2","an6.36:0.3"],"kind":"text","text":{"pi":"Aṅguttara Nikāya 6.36\n4. Devatāvagga\nVivādamūlasutta","en":"Numbered Discourses 6.36\n4. Deities\nRoots of Dispute"}},{"id":"an6.36:1","sourceIds":["an6.36:1.1","an6.36:1.2","an6.36:1.3","an6.36:1.4","an6.36:1.5","an6.36:1.6","an6.36:1.7","an6.36:1.8"],"kind":"text","text":{"pi":"“Chayimāni, bhikkhave, vivādamūlāni.\nKatamāni cha?\nIdha, bhikkhave, bhikkhu kodhano hoti upanāhī.\nYo so, bhikkhave, bhikkhu kodhano hoti upanāhī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.\nYo so, bhikkhave, bhikkhu satthari agāravo viharati appatisso, dhamme agāravo viharati appatisso, saṅghe agāravo viharati appatisso, sikkhāya na paripūrakārī so saṅghe vivādaṁ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.\nEvarūpañce tumhe, bhikkhave, vivādamūlaṁ ajjhattaṁ vā bahiddhā vā samanupasseyyātha. Tatra tumhe, bhikkhave, tasseva pāpakassa vivādamūlassa pahānāya vāyameyyātha.\nEvarūpañce tumhe, bhikkhave, vivādamūlaṁ ajjhattaṁ vā bahiddhā vā na samanupasseyyātha, tatra tumhe, bhikkhave, tasseva pāpakassa vivādamūlassa āyatiṁ anavassavāya paṭipajjeyyātha.\nEvametassa pāpakassa vivādamūlassa pahānaṁ hoti. Evametassa pāpakassa vivādamūlassa āyatiṁ anavassavo hoti.","en":"“Mendicants, there are these six roots of dispute.\nWhat six?\nFirstly, a mendicant is irritable and acrimonious.\nSuch a mendicant lacks respect and reverence for the Teacher, the teaching, and the Saṅgha, and they don’t fulfill the training.\nThey create a dispute in the Saṅgha, which is for the detriment and unhappiness of the people, against the people, for the harm, detriment, and suffering of gods and humans.\nIf you see such a root of dispute in yourselves or others, you should try to give up this bad thing.\nIf you don’t see it, you should practice so that it doesn’t come up in the future.\nThat’s how to give up this bad root of dispute, so it doesn’t come up in the future."}},{"id":"an6.36:2","sourceIds":["an6.36:2.1","an6.36:2.2","an6.36:2.3","an6.36:2.4","an6.36:2.5","an6.36:2.6","an6.36:2.7","an6.36:2.8","an6.36:2.9","an6.36:2.10","an6.36:2.11","an6.36:2.12"],"kind":"text","text":{"pi":"Puna caparaṁ, bhikkhave, bhikkhu makkhī hoti paḷāsī …pe…\nissukī hoti maccharī …\nsaṭho hoti māyāvī …\npāpiccho hoti micchādiṭṭhi …\nsandiṭṭhiparāmāsī hoti ādhānaggāhī duppaṭinissaggī.\nYo so, bhikkhave, bhikkhu sandiṭṭhiparāmāsī hoti ādhānaggāhī duppaṭinissaggī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.\nYo so, bhikkhave, bhikkhu satthari agāravo viharati appatisso, dhamme … saṅghe agāravo viharati appatisso, sikkhāya na paripūrakārī, so saṅghe vivādaṁ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.\nEvarūpañce tumhe, bhikkhave, vivādamūlaṁ ajjhattaṁ vā bahiddhā vā samanupasseyyātha. Tatra tumhe, bhikkhave, tasseva pāpakassa vivādamūlassa pahānāya vāyameyyātha.\nEvarūpañce tumhe, bhikkhave, vivādamūlaṁ ajjhattaṁ vā bahiddhā vā na samanupasseyyātha. Tatra tumhe, bhikkhave, tasseva pāpakassa vivādamūlassa āyatiṁ anavassavāya paṭipajjeyyātha.\nEvametassa pāpakassa vivādamūlassa pahānaṁ hoti. Evametassa pāpakassa vivādamūlassa āyatiṁ anavassavo hoti.\nImāni kho, bhikkhave, cha vivādamūlānī”ti.\nChaṭṭhaṁ.","en":"Furthermore, a mendicant is offensive and contemptuous …\nThey’re jealous and stingy …\nThey’re devious and deceitful …\nThey have corrupt wishes and wrong view …\nThey’re attached to their own views, holding them tight, and refusing to let go.\nSuch a mendicant lacks respect and reverence for the Teacher, the teaching, and the Saṅgha, and they don’t fulfill the training.\nThey create a dispute in the Saṅgha, which is for the detriment and unhappiness of the people, against the people, for the harm, detriment, and suffering of gods and humans.\nIf you see such a root of dispute in yourselves or others, you should try to give up this bad thing.\nIf you don’t see it, you should practice so that it doesn’t come up in the future.\nThat’s how to give up this bad root of dispute, so it doesn’t come up in the future.\nThese are the six roots of dispute.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.36/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}