{"id":"an6.37","title":"A Gift With Six Factors","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.37","title":"A Gift With Six Factors","units":[{"id":"an6.37:0","sourceIds":["an6.37:0.1","an6.37:0.2","an6.37:0.3"],"kind":"text","text":{"pi":"Aṅguttara Nikāya 6.37\n4. Devatāvagga\nChaḷaṅgadānasutta","en":"Numbered Discourses 6.37\n4. Deities\nA Gift With Six Factors"}},{"id":"an6.37:1","sourceIds":["an6.37:1.1","an6.37:1.2","an6.37:1.3","an6.37:1.4","an6.37:1.5"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena veḷukaṇḍakī nandamātā upāsikā sāriputtamoggallānappamukhe bhikkhusaṅghe chaḷaṅgasamannāgataṁ dakkhiṇaṁ patiṭṭhāpeti.\nAddasā kho bhagavā dibbena cakkhunā visuddhena atikkantamānusakena veḷukaṇḍakiṁ nandamātaraṁ upāsikaṁ sāriputtamoggallānappamukhe bhikkhusaṅghe chaḷaṅgasamannāgataṁ dakkhiṇaṁ patiṭṭhāpentiṁ.\nDisvā bhikkhū āmantesi:\n“esā, bhikkhave, veḷukaṇḍakī nandamātā upāsikā sāriputtamoggallānappamukhe bhikkhusaṅghe chaḷaṅgasamannāgataṁ dakkhiṇaṁ patiṭṭhāpeti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Veḷukaṇṭakī, Nanda’s mother, was preparing a religious donation with six factors for the mendicant Saṅgha headed by Sāriputta and Moggallāna.\nThe Buddha saw her doing this, with his clairvoyance that is purified and superhuman,\nand he addressed the mendicants:\n“This Veḷukaṇṭakī, Nanda’s mother, is preparing a religious donation with six factors for the mendicant Saṅgha headed by Sāriputta and Moggallāna."}},{"id":"an6.37:2","sourceIds":["an6.37:2.1","an6.37:2.2","an6.37:2.3","an6.37:2.4","an6.37:2.5"],"kind":"text","text":{"pi":"Kathañca, bhikkhave, chaḷaṅgasamannāgatā dakkhiṇā hoti?\nIdha, bhikkhave, dāyakassa tīṇaṅgāni honti, paṭiggāhakānaṁ tīṇaṅgāni.\nKatamāni dāyakassa tīṇaṅgāni?\nIdha, bhikkhave, dāyako pubbeva dānā sumano hoti, dadaṁ cittaṁ pasādeti, datvā attamano hoti.\nImāni dāyakassa tīṇaṅgāni.","en":"And how does a religious donation have six factors?\nThree factors apply to the donor and three to the recipients.\nWhat three factors apply to the donor?\nIt’s when a donor is in a good mood before giving, while giving they feel confident, and after giving they’re uplifted.\nThese three factors apply to the donor."}},{"id":"an6.37:3","sourceIds":["an6.37:3.1","an6.37:3.2","an6.37:3.3","an6.37:3.4","an6.37:3.5"],"kind":"text","text":{"pi":"Katamāni paṭiggāhakānaṁ tīṇaṅgāni?\nIdha, bhikkhave, paṭiggāhakā vītarāgā vā honti rāgavinayāya vā paṭipannā, vītadosā vā honti dosavinayāya vā paṭipannā, vītamohā vā honti mohavinayāya vā paṭipannā.\nImāni paṭiggāhakānaṁ tīṇaṅgāni.\nIti dāyakassa tīṇaṅgāni, paṭiggāhakānaṁ tīṇaṅgāni.\nEvaṁ kho, bhikkhave, chaḷaṅgasamannāgatā dakkhiṇā hoti.","en":"What three factors apply to the recipients?\nIt’s when the recipients are free of greed, hate, and delusion, or practicing to be free of them.\nThese three factors apply to the recipients.\nThus three factors apply to the donor and three to the recipients.\nThat’s how a religious donation has six factors."}},{"id":"an6.37:4","sourceIds":["an6.37:4.1","an6.37:4.2","an6.37:4.3"],"kind":"text","text":{"pi":"Evaṁ chaḷaṅgasamannāgatāya, bhikkhave, dakkhiṇāya na sukaraṁ puññassa pamāṇaṁ gahetuṁ:\n‘ettako puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattatī’ti.\nAtha kho asaṅkhyeyyo appameyyo mahāpuññakkhandhotveva saṅkhaṁ gacchati.","en":"It’s not easy to grasp the merit of such a six-factored donation by saying that\nthis is the extent of their overflowing merit, overflowing goodness that nurtures happiness and is conducive to heaven, ripening in happiness and leading to heaven. And it leads to what is likable, desirable, agreeable, to welfare and happiness.\nIt’s simply reckoned as an incalculable, immeasurable, great mass of merit."}},{"id":"an6.37:5","sourceIds":["an6.37:5.1","an6.37:5.2","an6.37:5.3","an6.37:5.4","an6.37:5.5","an6.37:5.6"],"kind":"text","text":{"pi":"Seyyathāpi, bhikkhave, mahāsamudde na sukaraṁ udakassa pamāṇaṁ gahetuṁ:\n‘ettakāni udakāḷhakānīti vā ettakāni udakāḷhakasatānīti vā ettakāni udakāḷhakasahassānīti vā ettakāni udakāḷhakasatasahassānī’ti vā.\nAtha kho asaṅkhyeyyo appameyyo mahāudakakkhandhotveva saṅkhaṁ gacchati.\nEvamevaṁ kho, bhikkhave, evaṁ chaḷaṅgasamannāgatāya dakkhiṇāya na sukaraṁ puññassa pamāṇaṁ gahetuṁ:\n‘ettako puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattatī’ti.\nAtha kho asaṅkhyeyyo appameyyo mahāpuññakkhandhotveva saṅkhaṁ gacchatī”ti.","en":"It’s like trying to grasp how much water is in the ocean. It’s not easy to say\nhow many gallons, how many hundreds, thousands, hundreds of thousands of gallons there are.\nIt’s simply reckoned as an incalculable, immeasurable, great mass of water.\nIn the same way, it’s not easy to grasp the merit of such a six-factored donation …"}},{"id":"an6.37:6","sourceIds":["an6.37:6.1","an6.37:6.2","an6.37:6.3","an6.37:6.4"],"kind":"text","text":{"pi":"“Pubbeva dānā sumano,\ndadaṁ cittaṁ pasādaye;\nDatvā attamano hoti,\nesā yaññassa sampadā.","en":"A good mood before giving,\nconfidence while giving,\nfeeling uplifted after giving:\nthis is the perfect sacrifice."}},{"id":"an6.37:7","sourceIds":["an6.37:7.1","an6.37:7.2","an6.37:7.3","an6.37:7.4"],"kind":"text","text":{"pi":"Vītarāgā vītadosā,\nvītamohā anāsavā;\nKhettaṁ yaññassa sampannaṁ,\nsaññatā brahmacārayo.","en":"Free of greed, free of hate,\nfree of delusion, undefiled;\nthis is the field for the perfect sacrifice,\nthe disciplined spiritual practitioners."}},{"id":"an6.37:8","sourceIds":["an6.37:8.1","an6.37:8.2","an6.37:8.3","an6.37:8.4"],"kind":"text","text":{"pi":"Sayaṁ ācamayitvāna,\ndatvā sakehi pāṇibhi;\nAttano parato ceso,\nyañño hoti mahapphalo.","en":"After rinsing,\nyou give with your own hands.\nThis sacrifice is very fruitful\nfor both yourself and others."}},{"id":"an6.37:9","sourceIds":["an6.37:9.1","an6.37:9.2","an6.37:9.3","an6.37:9.4","an6.37:9.5"],"kind":"text","text":{"pi":"Evaṁ yajitvā medhāvī,\nsaddho muttena cetasā;\nAbyāpajjaṁ sukhaṁ lokaṁ,\npaṇḍito upapajjatī”ti.\nSattamaṁ.","en":"When an intelligent, faithful person,\nsacrifices like this, with a mind of letting go,\nthat astute one is reborn\nin a happy, pleasing world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.37/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}