{"id":"an6.40","title":"With Kimbila","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.40","title":"With Kimbila","units":[{"id":"an6.40:0","sourceIds":["an6.40:0.1","an6.40:0.2","an6.40:0.3"],"kind":"text","text":{"pi":"Aṅguttara Nikāya 6.40\n4. Devatāvagga\nKimilasutta","en":"Numbered Discourses 6.40\n4. Deities\nWith Kimbila"}},{"id":"an6.40:1","sourceIds":["an6.40:1.1","an6.40:1.2","an6.40:1.3","an6.40:1.4","an6.40:1.5","an6.40:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kimilāyaṁ viharati niculavane.\nAtha kho āyasmā kimilo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā kimilo bhagavantaṁ etadavoca:\n“ko nu kho, bhante, hetu ko paccayo yena tathāgate parinibbute saddhammo na ciraṭṭhitiko hotī”ti?\n“Idha, kimila, tathāgate parinibbute bhikkhū bhikkhuniyo upāsakā upāsikāyo satthari agāravā viharanti appatissā, dhamme agāravā viharanti appatissā, saṅghe agāravā viharanti appatissā, sikkhāya agāravā viharanti appatissā, appamāde agāravā viharanti appatissā, paṭisanthāre agāravā viharanti appatissā.\nAyaṁ kho, kimila, hetu ayaṁ paccayo yena tathāgate parinibbute saddhammo na ciraṭṭhitiko hoti”.","en":"So I have heard.\nAt one time the Buddha was staying near Kimbilā in the Freshwater Mangrove Wood.\nThen Venerable Kimbila went up to the Buddha, bowed, sat down to one side, and said to him:\n“What is the cause, sir, what is the reason why the true teaching does not last long after the final quenching of the Realized One?”\n“Kimbila, it’s when the monks, nuns, laymen, and laywomen lack respect and reverence for the Teacher, the teaching, the Saṅgha, the training, diligence, and hospitality after the final quenching of the Realized One.\nThis is the cause, this is the reason why the true teaching does not last long after the final quenching of the Realized One.”"}},{"id":"an6.40:2","sourceIds":["an6.40:2.1","an6.40:2.2","an6.40:2.3","an6.40:2.4"],"kind":"text","text":{"pi":"“Ko pana, bhante, hetu ko paccayo yena tathāgate parinibbute saddhammo ciraṭṭhitiko hotī”ti?\n“Idha, kimila, tathāgate parinibbute bhikkhū bhikkhuniyo upāsakā upāsikāyo satthari sagāravā viharanti sappatissā, dhamme sagāravā viharanti sappatissā, saṅghe sagāravā viharanti sappatissā, sikkhāya sagāravā viharanti sappatissā, appamāde sagāravā viharanti sappatissā, paṭisanthāre sagāravā viharanti sappatissā.\nAyaṁ kho, kimila, hetu ayaṁ paccayo yena tathāgate parinibbute saddhammo ciraṭṭhitiko hotī”ti.\nDasamaṁ.","en":"“What is the cause, sir, what is the reason why the true teaching does last long after the final quenching of the Realized One?”\n“Kimbila, it’s when the monks, nuns, laymen, and laywomen maintain respect and reverence for the Teacher, the teaching, the Saṅgha, the training, diligence, and hospitality after the final quenching of the Realized One.\nThis is the cause, this is the reason why the true teaching does last long after the final quenching of the Realized One.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.40/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}