{"id":"an7.22","title":"With Vassakāra","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.22","title":"With Vassakāra","units":[{"id":"an7.22:0","sourceIds":["an7.22:0.1","an7.22:0.2","an7.22:0.3"],"kind":"text","text":{"pi":"Aṅguttara Nikāya 7.22\n3. Vajjisattakavagga\nVassakārasutta","en":"Numbered Discourses 7.22\n3. The Vajji Seven\nWith Vassakāra"}},{"id":"an7.22:1","sourceIds":["an7.22:1.1","an7.22:1.2","an7.22:1.3","an7.22:1.4","an7.22:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati gijjhakūṭe pabbate.\nTena kho pana samayena rājā māgadho ajātasattu vedehiputto vajjī abhiyātukāmo hoti.\nSo evamāha:\n“ahaṁ hime vajjī evaṁmahiddhike evaṁmahānubhāve ucchecchāmi, vajjī vināsessāmi, vajjī anayabyasanaṁ āpādessāmī”ti.","en":"So I have heard.\nAt one time the Buddha was staying near Rājagaha, on the Vulture’s Peak Mountain.\nNow at that time King Ajātasattu of Magadha, son of the princess of Videha, wanted to invade the Vajjis.\nHe said:\n“I shall wipe out these Vajjis, so mighty and powerful! I shall destroy them, and lay ruin and devastation upon them!”"}},{"id":"an7.22:2","sourceIds":["an7.22:2.1","an7.22:2.2","an7.22:2.3","an7.22:2.4","an7.22:2.5","an7.22:2.6","an7.22:2.7","an7.22:2.8","an7.22:2.9"],"kind":"text","text":{"pi":"Atha kho rājā māgadho ajātasattu vedehiputto vassakāraṁ brāhmaṇaṁ māgadhamahāmattaṁ āmantesi:\n“ehi tvaṁ, brāhmaṇa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi, appābādhaṁ appātaṅkaṁ lahuṭṭhānaṁ balaṁ phāsuvihāraṁ puccha:\n‘rājā, bhante, māgadho ajātasattu vedehiputto bhagavato pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchatī’ti.\nEvañca vadehi:\n‘rājā, bhante, māgadho ajātasattu vedehiputto vajjī abhiyātukāmo.\nSo evamāha—\nahaṁ hime vajjī evaṁmahiddhike evaṁmahānubhāve ucchecchāmi, vajjī vināsessāmi, vajjī anayabyasanaṁ āpādessāmī’ti.\nYathā te bhagavā byākaroti, taṁ sādhukaṁ uggahetvā mama āroceyyāsi.\nNa hi tathāgatā vitathaṁ bhaṇantī”ti.","en":"And then King Ajātasattu addressed Vassakāra the brahmin, a chief minister of Magadha,\n“Please, brahmin, go to the Buddha, and in my name bow with your head to his feet. Ask him if he is healthy and well, nimble, strong, and living comfortably.\nAnd then say:\n‘Sir, King Ajātasattu of Magadha, son of the princess of Videha, wants to invade the Vajjis.\nHe said:\n“I shall wipe out these Vajjis, so mighty and powerful! I shall destroy them, and lay ruin and devastation upon them!”’\nRemember well how the Buddha answers and tell it to me.\nFor Realized Ones say nothing that is not so.”"}},{"id":"an7.22:3","sourceIds":["an7.22:3.1","an7.22:3.2","an7.22:3.3","an7.22:3.4","an7.22:3.5","an7.22:3.6"],"kind":"text","text":{"pi":"“Evaṁ, bho”ti kho vassakāro brāhmaṇo māgadhamahāmatto rañño māgadhassa ajātasattussa vedehiputtassa paṭissutvā yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vassakāro brāhmaṇo māgadhamahāmatto bhagavantaṁ etadavoca:\n“rājā, bho gotama, māgadho ajātasattu vedehiputto bhoto gotamassa pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati.\nRājā, bho gotama, māgadho ajātasattu vedehiputto vajjī abhiyātukāmo.\nSo evamāha:\n‘ahaṁ hime vajjī evaṁmahiddhike evaṁmahānubhāve ucchecchāmi, vajjī vināsessāmi, vajjī anayabyasanaṁ āpādessāmī’”ti.","en":"“Yes, worthy sir,” Vassakāra replied. He went to the Buddha and exchanged greetings with him.\nWhen the greetings and polite conversation were over, he sat down to one side and said to the Buddha:\n“Worthy Gotama, King Ajātasattu bows with his head to your feet. He asks if you are healthy and well, nimble, strong, and living comfortably.\nKing Ajātasattu wants to invade the Vajjis.\nHe said:\n‘I shall wipe out these Vajjis, so mighty and powerful! I shall destroy them, and lay ruin and devastation upon them!’”"}},{"id":"an7.22:4","sourceIds":["an7.22:4.1","an7.22:4.2","an7.22:4.3","an7.22:4.4","an7.22:4.5"],"kind":"text","text":{"pi":"Tena kho pana samayena āyasmā ānando bhagavato piṭṭhito ṭhito hoti bhagavantaṁ bījayamāno.\nAtha kho bhagavā āyasmantaṁ ānandaṁ āmantesi:\n“kinti te, ānanda, sutaṁ: ‘vajjī abhiṇhaṁ sannipātā sannipātabahulā’”ti?\n“Sutaṁ metaṁ, bhante: ‘vajjī abhiṇhaṁ sannipātā sannipātabahulā’”ti.\n“Yāvakīvañca, ānanda, vajjī abhiṇhaṁ sannipātā bhavissanti sannipātabahulā; vuddhiyeva, ānanda, vajjīnaṁ pāṭikaṅkhā, no parihāni.","en":"Now at that time Venerable Ānanda was standing behind the Buddha fanning him.\nThen the Buddha said to him:\n“Ānanda, have you heard that the Vajjis meet frequently and have many meetings?”\n“I have heard that, sir.”\n“As long as the Vajjis meet frequently and have many meetings, they can expect growth, not decline."}},{"id":"an7.22:5","sourceIds":["an7.22:5.1","an7.22:5.2","an7.22:5.3"],"kind":"text","text":{"pi":"Kinti te, ānanda, sutaṁ: ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’”ti?\n“Sutaṁ metaṁ, bhante: ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’”ti.\n“Yāvakīvañca, ānanda, vajjī samaggā sannipatissanti, samaggā vuṭṭhahissanti, samaggā vajjikaraṇīyāni karissanti; vuddhiyeva, ānanda, vajjīnaṁ pāṭikaṅkhā, no parihāni.","en":"Ānanda, have you heard that the Vajjis meet in harmony, leave in harmony, and carry on their business in harmony?”\n“I have heard that, sir.”\n“As long as the Vajjis meet in harmony, leave in harmony, and carry on their business in harmony, they can expect growth, not decline."}},{"id":"an7.22:6","sourceIds":["an7.22:6.1","an7.22:6.2","an7.22:6.3"],"kind":"text","text":{"pi":"Kinti te, ānanda, sutaṁ: ‘vajjī apaññattaṁ na paññāpenti, paññattaṁ na samucchindanti, yathāpaññatte porāṇe vajjidhamme samādāya vattantī’”ti?\n“Sutaṁ metaṁ, bhante: ‘vajjī apaññattaṁ na paññāpenti, paññattaṁ na samucchindanti, yathāpaññatte porāṇe vajjidhamme samādāya vattantī’”ti.\n“Yāvakīvañca, ānanda, vajjī apaññattaṁ na paññāpessanti, paññattaṁ na samucchindissanti, yathāpaññatte porāṇe vajjidhamme samādāya vattissanti; vuddhiyeva, ānanda, vajjīnaṁ pāṭikaṅkhā, no parihāni.","en":"Ānanda, have you heard that the Vajjis don’t make new decrees or abolish existing decrees, but proceed having undertaken the ancient Vajjian principles as they have been decreed?”\n“I have heard that, sir.”\n“As long as the Vajjis don’t make new decrees or abolish existing decrees, but proceed having undertaken the ancient Vajjian principles as they have been decreed, they can expect growth, not decline."}},{"id":"an7.22:7","sourceIds":["an7.22:7.1","an7.22:7.2","an7.22:7.3"],"kind":"text","text":{"pi":"Kinti te, ānanda, sutaṁ: ‘vajjī ye te vajjīnaṁ vajjimahallakā te sakkaronti garuṁ karonti mānenti pūjenti, tesañca sotabbaṁ maññantī’”ti?\n“Sutaṁ metaṁ, bhante: ‘vajjī ye te vajjīnaṁ vajjimahallakā te sakkaronti garuṁ karonti mānenti pūjenti, tesañca sotabbaṁ maññantī’”ti.\n“Yāvakīvañca, ānanda, vajjī ye te vajjīnaṁ vajjimahallakā te sakkarissanti garuṁ karissanti mānessanti pūjessanti, tesañca sotabbaṁ maññissanti; vuddhiyeva, ānanda, vajjīnaṁ pāṭikaṅkhā, no parihāni.","en":"Ānanda, have you heard that the Vajjis honor, respect, esteem, and venerate Vajjian elders, and think them worth listening to?”\n“I have heard that, sir.”\n“As long as the Vajjis honor, respect, esteem, and venerate Vajjian elders, and think them worth listening to, they can expect growth, not decline."}},{"id":"an7.22:8","sourceIds":["an7.22:8.1","an7.22:8.2","an7.22:8.3"],"kind":"text","text":{"pi":"Kinti te, ānanda, sutaṁ: ‘vajjī yā tā kulitthiyo kulakumāriyo tā na okassa pasayha vāsentī’”ti?\n“Sutaṁ metaṁ, bhante: ‘vajjī yā tā kulitthiyo kulakumāriyo tā na okassa pasayha vāsentī’”ti.\n“Yāvakīvañca, ānanda, vajjī yā tā kulitthiyo kulakumāriyo tā na okassa pasayha vāsessanti; vuddhiyeva, ānanda, vajjīnaṁ pāṭikaṅkhā, no parihāni.","en":"Ānanda, have you heard that the Vajjis don’t forcibly abduct the women or girls of the clans and make them live with them?”\n“I have heard that, sir.”\n“As long as the Vajjis don’t forcibly abduct the women or girls of the clans and make them live with them, they can expect growth, not decline."}},{"id":"an7.22:9","sourceIds":["an7.22:9.1","an7.22:9.2","an7.22:9.3"],"kind":"text","text":{"pi":"Kinti te, ānanda, sutaṁ: ‘vajjī yāni tāni vajjīnaṁ vajjicetiyāni abbhantarāni ceva bāhirāni ca tāni sakkaronti garuṁ karonti mānenti pūjenti, tesañca dinnapubbaṁ katapubbaṁ dhammikaṁ baliṁ no parihāpentī’”ti?\n“Sutaṁ metaṁ, bhante: ‘vajjī yāni tāni vajjīnaṁ vajjicetiyāni abbhantarāni ceva bāhirāni ca tāni sakkaronti garuṁ karonti mānenti pūjenti, tesañca dinnapubbaṁ katapubbaṁ dhammikaṁ baliṁ no parihāpentī’”ti.\n“Yāvakīvañca, ānanda, vajjī yāni tāni vajjīnaṁ vajjicetiyāni abbhantarāni ceva bāhirāni ca tāni sakkarissanti garuṁ karissanti mānessanti pūjessanti, tesañca dinnapubbaṁ katapubbaṁ dhammikaṁ baliṁ no parihāpessanti; vuddhiyeva, ānanda, vajjīnaṁ pāṭikaṅkhā, no parihāni.","en":"Ānanda, have you heard that the Vajjis honor, respect, esteem, and venerate the Vajjian shrines, whether inner or outer, not neglecting the proper spirit-offerings that were given and made in the past?”\n“I have heard that, sir.”\n“As long as the Vajjis honor, respect, esteem, and venerate the Vajjian shrines, whether inner or outer, not neglecting the proper spirit-offerings that were given and made in the past, they can expect growth, not decline."}},{"id":"an7.22:10","sourceIds":["an7.22:10.1","an7.22:10.2","an7.22:10.3"],"kind":"text","text":{"pi":"Kinti te, ānanda, sutaṁ: ‘vajjīnaṁ arahantesu dhammikā rakkhāvaraṇagutti susaṁvihitā—kinti anāgatā ca arahanto vijitaṁ āgaccheyyuṁ, āgatā ca arahanto vijite phāsuṁ vihareyyun’”ti?\n“Sutaṁ metaṁ, bhante: ‘vajjīnaṁ arahantesu dhammikā rakkhāvaraṇagutti susaṁvihitā bhavissati—kinti anāgatā ca arahanto vijitaṁ āgaccheyyuṁ, āgatā ca arahanto vijite phāsuṁ vihareyyun’”ti.\n“Yāvakīvañca, ānanda, vajjīnaṁ arahantesu dhammikā rakkhāvaraṇagutti susaṁvihitā bhavissati: ‘kinti anāgatā ca arahanto vijitaṁ āgaccheyyuṁ, āgatā ca arahanto vijite phāsuṁ vihareyyun’ti; vuddhiyeva, ānanda, vajjīnaṁ pāṭikaṅkhā, no parihānī”ti.","en":"Ānanda, have you heard that the Vajjis organize proper protection, shelter, and security for perfected ones, so that more perfected ones might come to the realm and those already here may live in comfort?”\n“I have heard that, sir.”\n“As long as the Vajjis organize proper protection, shelter, and security for perfected ones, so that more perfected ones might come to the realm and those already here may live in comfort, they can expect growth, not decline.”"}},{"id":"an7.22:11","sourceIds":["an7.22:11.1","an7.22:11.2","an7.22:11.3","an7.22:11.4"],"kind":"text","text":{"pi":"Atha kho bhagavā vassakāraṁ brāhmaṇaṁ māgadhamahāmattaṁ āmantesi:\n“ekamidāhaṁ, brāhmaṇa, samayaṁ vesāliyaṁ viharāmi sārandade cetiye.\nTatrāhaṁ, brāhmaṇa, vajjīnaṁ ime satta aparihāniye dhamme desesiṁ.\nYāvakīvañca, brāhmaṇa, ime satta aparihāniyā dhammā vajjīsu ṭhassanti, imesu ca sattasu aparihāniyesu dhammesu vajjī sandississanti; vuddhiyeva, brāhmaṇa, vajjīnaṁ pāṭikaṅkhā, no parihānī”ti.","en":"Then the Buddha said to Vassakāra:\n“Brahmin, this one time I was staying near Vesālī at the Sārandada Shrine.\nThere I taught the Vajjis these principles that prevent decline.\nAs long as these seven principles that prevent decline last among the Vajjis, and as long as the Vajjis are seen following them, they can expect growth, not decline.”"}},{"id":"an7.22:12","sourceIds":["an7.22:12.1","an7.22:12.2","an7.22:12.3","an7.22:12.4","an7.22:12.5","an7.22:12.6","an7.22:12.7"],"kind":"text","text":{"pi":"“Ekamekenapi, bho gotama, aparihāniyena dhammena samannāgatānaṁ vajjīnaṁ vuddhiyeva pāṭikaṅkhā, no parihāni;\nko pana vādo sattahi aparihāniyehi dhammehi.\nAkaraṇīyā ca, bho gotama, vajjī raññā māgadhena ajātasattunā vedehiputtena yadidaṁ yuddhassa, aññatra upalāpanāya, aññatra mithubhedā.\nHanda ca dāni mayaṁ, bho gotama, gacchāma, bahukiccā mayaṁ bahukaraṇīyā”ti.\n“Yassadāni tvaṁ, brāhmaṇa, kālaṁ maññasī”ti.\nAtha kho vassakāro brāhmaṇo māgadhamahāmatto bhagavato bhāsitaṁ abhinanditvā anumoditvā uṭṭhāyāsanā pakkāmīti.\nDutiyaṁ.","en":"When the Buddha had spoken, Vassakāra said to him: “Worthy Gotama, if the Vajjis follow even a single one of these principles they can expect growth, not decline.\nHow much more so all seven!\nKing Ajātasattu cannot defeat the Vajjis in war, unless by bribery or by sowing dissension.\nWell, now, worthy Gotama, I must go. I have many duties, and much to do.”\n“Please, brahmin, go at your convenience.”\nThen Vassakāra the brahmin, having approved and agreed with what the Buddha said, rose from his seat and left."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}