{"id":"an7.43","title":"Graduation (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.43","title":"Graduation (2nd)","units":[{"id":"an7.43:0","sourceIds":["an7.43:0.1","an7.43:0.2","an7.43:0.3"],"kind":"text","text":{"pi":"Aṅguttara Nikāya 7.43\n4. Devatāvagga\nDutiyaniddasasutta","en":"Numbered Discourses 7.43\n4. Deities\nGraduation (2nd)"}},{"id":"an7.43:1","sourceIds":["an7.43:1.1","an7.43:1.2","an7.43:1.3","an7.43:1.4","an7.43:1.5","an7.43:1.6","an7.43:1.7","an7.43:1.8"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nAtha kho āyasmā ānando pubbaṇhasamayaṁ nivāsetvā pattacīvaramādāya kosambiṁ piṇḍāya pāvisi.\nAtha kho āyasmato ānandassa etadahosi:\n“atippago kho tāva kosambiyaṁ piṇḍāya carituṁ.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan”ti.\nAtha kho āyasmā ānando yena aññatitthiyānaṁ paribbājakānaṁ ārāmo tenupasaṅkami; upasaṅkamitvā tehi aññatitthiyehi paribbājakehi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi.","en":"So I have heard.\nAt one time the Buddha was staying near Kosambī in Ghosita’s monastery.\nThen Venerable Ānanda robed up in the morning and, taking his bowl and robe, entered Kosambī for alms.\nThen it occurred to him,\n“It’s too early to wander for alms in Kosambī.\nWhy don’t I visit the monastery for the wanderers of other religions?”\nThen he went to the monastery for the wanderers of other religions and exchanged greetings with the wanderers there.\nWhen the greetings and polite conversation were over, he sat down to one side."}},{"id":"an7.43:2","sourceIds":["an7.43:2.1","an7.43:2.2"],"kind":"text","text":{"pi":"Tena kho pana samayena tesaṁ aññatitthiyānaṁ paribbājakānaṁ sannisinnānaṁ sannipatitānaṁ ayamantarākathā udapādi:\n“yo hi koci, āvuso, dvādasavassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāyā”ti.","en":"Now at that time while those wanderers of other religions were sitting together this discussion came up among them,\n“Reverends, anyone who lives the full and pure spiritual life for twelve years is qualified to be called a ‘graduate mendicant’.”"}},{"id":"an7.43:3","sourceIds":["an7.43:3.1","an7.43:3.2","an7.43:3.3","an7.43:3.4"],"kind":"text","text":{"pi":"Atha kho āyasmā ānando tesaṁ aññatitthiyānaṁ paribbājakānaṁ bhāsitaṁ neva abhinandi nappaṭikkosi.\nAnabhinanditvā appaṭikkositvā uṭṭhāyāsanā pakkāmi:\n“bhagavato santike etassa bhāsitassa atthaṁ ājānissāmī”ti.\nAtha kho āyasmā ānando kosambiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"Ānanda neither approved nor rejected that statement of the wanderers of other religions.\nHe rose from his seat, thinking,\n“I will learn the meaning of this statement from the Buddha himself.”\nThen Ānanda wandered for alms in Kosambī. After the meal, on his return from almsround, he went to the Buddha, bowed, sat down to one side, and told him what had happened, adding:"}},{"id":"an7.43:4","sourceIds":["an7.43:4.1","an7.43:4.2","an7.43:4.3","an7.43:4.4","an7.43:4.5","an7.43:4.6"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya kosambiṁ piṇḍāya pāvisiṁ.\nTassa mayhaṁ, bhante, etadahosi:\n‘atippago kho tāva kosambiyaṁ piṇḍāya carituṁ.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan’ti …pe…\ntehi saddhiṁ sammodiṁ.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁ."}},{"id":"an7.43:5","sourceIds":["an7.43:5.1","an7.43:5.2","an7.43:5.3","an7.43:5.4","an7.43:5.5","an7.43:5.6"],"kind":"text","text":{"pi":"Tena kho pana, bhante, samayena tesaṁ aññatitthiyānaṁ paribbājakānaṁ sannisinnānaṁ sannipatitānaṁ ayamantarākathā udapādi:\n‘yo hi koci, āvuso, dvādasavassāni paripuṇṇaṁ parisuddhaṁ brahmacariyaṁ carati, niddaso bhikkhūti alaṁvacanāyā’ti.\nAtha khvāhaṁ, bhante, tesaṁ aññatitthiyānaṁ paribbājakānaṁ bhāsitaṁ neva abhinandiṁ nappaṭikkosiṁ.\nAnabhinanditvā, appaṭikkositvā uṭṭhāyāsanā pakkamiṁ:\n‘bhagavato santike etassa bhāsitassa atthaṁ ājānissāmī’ti.\nSakkā nu kho, bhante, imasmiṁ dhammavinaye kevalaṁ vassagaṇanamattena niddaso bhikkhu paññāpetun”ti?","en":"“Sir, in this teaching and training can we describe a mendicant as a ‘graduate’ solely because they have completed a certain number of years?”"}},{"id":"an7.43:6","sourceIds":["an7.43:6.1","an7.43:6.2"],"kind":"text","text":{"pi":"“Na kho, ānanda, sakkā imasmiṁ dhammavinaye kevalaṁ vassagaṇanamattena niddaso bhikkhu paññāpetuṁ.\nSatta kho imāni, ānanda, niddasavatthūni mayā sayaṁ abhiññā sacchikatvā paveditāni.","en":"“No, Ānanda, we cannot.\nThese are the seven qualifications for graduation that I make known after realizing them with my own insight."}},{"id":"an7.43:7","sourceIds":["an7.43:7.1","an7.43:7.2","an7.43:7.3","an7.43:7.4","an7.43:7.5","an7.43:7.6","an7.43:7.7","an7.43:7.8"],"kind":"text","text":{"pi":"Katamāni satta?\nIdhānanda, bhikkhu, saddho hoti, hirīmā hoti, ottappī hoti, bahussuto hoti, āraddhavīriyo hoti, satimā hoti, paññavā hoti.\nImāni kho, ānanda, satta niddasavatthūni mayā sayaṁ abhiññā sacchikatvā paveditāni.\nImehi kho, ānanda, sattahi niddasavatthūhi samannāgato bhikkhu dvādasa cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya;\ncatubbīsati cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya;\nchattiṁsati cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya, aṭṭhacattārīsañcepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāyā”ti.\nDvādasamaṁ.\nDevatāvaggo catuttho.","en":"What seven?\nIt’s when someone is faithful, conscientious, prudent, learned, energetic, mindful, and wise.\nThese are the seven qualifications for graduation that I make known after realizing them with my own insight.\nA mendicant who possesses these seven qualifications for graduation is qualified to be called a ‘graduate mendicant’. This is so whether they have lived the full and pure spiritual life for twelve years,\ntwenty-four years,\nthirty-six years, or forty-eight years.”"}},{"id":"an7.43:8","sourceIds":["an7.43:8.0","an7.43:8.1","an7.43:8.2","an7.43:8.3","an7.43:8.4"],"kind":"text","text":{"pi":"Tassuddānaṁ\nAppamādo hirī ceva,\ndve suvacā duve mittā;\nDve paṭisambhidā dve vasā,\nduve niddasavatthunāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.43/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}