{"id":"an7.64","title":"Irritable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.64","title":"Irritable","units":[{"id":"an7.64:0","sourceIds":["an7.64:0.1","an7.64:0.2","an7.64:0.3"],"kind":"text","text":{"pi":"Aṅguttara Nikāya 7.64\n6. Abyākatavagga\nKodhanasutta","en":"Numbered Discourses 7.64\n6. The Undeclared Points\nIrritable"}},{"id":"an7.64:1","sourceIds":["an7.64:1.1","an7.64:1.2","an7.64:1.3","an7.64:1.4","an7.64:1.5","an7.64:1.6","an7.64:1.7","an7.64:1.8","an7.64:1.9"],"kind":"text","text":{"pi":"“Sattime, bhikkhave, dhammā sapattakantā sapattakaraṇā kodhanaṁ āgacchanti itthiṁ vā purisaṁ vā.\nKatame satta?\nIdha, bhikkhave, sapatto sapattassa evaṁ icchati:\n‘aho vatāyaṁ dubbaṇṇo assā’ti.\nTaṁ kissa hetu?\nNa, bhikkhave, sapatto sapattassa vaṇṇavatāya nandati.\nKodhanoyaṁ, bhikkhave, purisapuggalo kodhābhibhūto kodhapareto, kiñcāpi so hoti sunhāto suvilitto kappitakesamassu odātavatthavasano;\natha kho so dubbaṇṇova hoti kodhābhibhūto.\nAyaṁ, bhikkhave, paṭhamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"“Mendicants, these seven things that please and assist an enemy happen to an irritable woman or man.\nWhat seven?\nFirstly, an enemy wishes for an enemy:\n‘If only they’d become ugly!’\nWhy is that?\nBecause an enemy doesn’t like to have a beautiful enemy.\nAn irritable individual, overcome and overwhelmed by anger, is ugly, even though they’re nicely bathed and anointed, with hair and beard dressed, and wearing white clothes.\nThis is the first thing that pleases and assists an enemy which happens to an irritable woman or man."}},{"id":"an7.64:2","sourceIds":["an7.64:2.1","an7.64:2.2","an7.64:2.3","an7.64:2.4","an7.64:2.5","an7.64:2.6","an7.64:2.7"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ dukkhaṁ sayeyyā’ti.\nTaṁ kissa hetu?\nNa, bhikkhave, sapatto sapattassa sukhaseyyāya nandati.\nKodhanoyaṁ, bhikkhave, purisapuggalo kodhābhibhūto kodhapareto, kiñcāpi so pallaṅke seti gonakatthate paṭalikatthate kadalimigapavarapaccattharaṇe sauttaracchade ubhatolohitakūpadhāne;\natha kho so dukkhaññeva seti kodhābhibhūto.\nAyaṁ, bhikkhave, dutiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only they’d sleep badly!’\nWhy is that?\nBecause an enemy doesn’t like to have an enemy who sleeps at ease.\nAn irritable individual, overcome and overwhelmed by anger, sleeps badly, even though they sleep on a couch spread with woolen covers—shag-piled, pure white, or embroidered with flowers—and spread with a fine deer hide, with a canopy above and red pillows at both ends.\nThis is the second thing …"}},{"id":"an7.64:3","sourceIds":["an7.64:3.1","an7.64:3.2","an7.64:3.3","an7.64:3.4","an7.64:3.5","an7.64:3.6","an7.64:3.7"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ na pacurattho assā’ti.\nTaṁ kissa hetu?\nNa, bhikkhave, sapatto sapattassa pacuratthatāya nandati.\nKodhanoyaṁ, bhikkhave, purisapuggalo kodhābhibhūto kodhapareto, anatthampi gahetvā ‘attho me gahito’ti maññati, atthampi gahetvā ‘anattho me gahito’ti maññati.\nTassime dhammā aññamaññaṁ vipaccanīkā gahitā dīgharattaṁ ahitāya dukkhāya saṁvattanti kodhābhibhūtassa.\nAyaṁ, bhikkhave, tatiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only their needs are not amply satisfied!’\nWhy is that?\nBecause an enemy doesn’t like to have an enemy whose needs are amply satisfied.\nWhen an irritable individual, overcome and overwhelmed by anger, gets what they don’t need they think, ‘I’ve got what I need.’ When they get what they need they think, ‘I’ve got what I don’t need.’\nWhen an angry person gets these things that are the exact opposite of what they need, it’s for their lasting harm and suffering.\nThis is the third thing …"}},{"id":"an7.64:4","sourceIds":["an7.64:4.1","an7.64:4.2","an7.64:4.3","an7.64:4.4","an7.64:4.5","an7.64:4.6"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ na bhogavā assā’ti.\nTaṁ kissa hetu?\nNa, bhikkhave, sapatto sapattassa bhogavatāya nandati.\nKodhanassa, bhikkhave, purisapuggalassa kodhābhibhūtassa kodhaparetassa, yepissa te honti bhogā uṭṭhānavīriyādhigatā bāhābalaparicitā sedāvakkhittā dhammikā dhammaladdhā, tepi rājāno rājakosaṁ pavesenti kodhābhibhūtassa.\nAyaṁ, bhikkhave, catuttho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only they weren’t wealthy!’\nWhy is that?\nBecause an enemy doesn’t like to have an enemy who is wealthy.\nWhen an individual is irritable, overcome and overwhelmed by anger, the rulers seize the legitimate wealth they’ve earned by their efforts, built up with their own hands, gathered by the sweat of their brow.\nThis is the fourth thing …"}},{"id":"an7.64:5","sourceIds":["an7.64:5.1","an7.64:5.2","an7.64:5.3","an7.64:5.4","an7.64:5.5","an7.64:5.6"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ na yasavā assā’ti.\nTaṁ kissa hetu?\nNa, bhikkhave, sapatto sapattassa yasavatāya nandati.\nKodhanoyaṁ, bhikkhave, purisapuggalo kodhābhibhūto kodhapareto, yopissa so hoti yaso appamādādhigato, tamhāpi dhaṁsati kodhābhibhūto.\nAyaṁ, bhikkhave, pañcamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only they weren’t famous!’\nWhy is that?\nBecause an enemy doesn’t like to have a famous enemy.\nWhen an individual is irritable, overcome and overwhelmed by anger, any fame they have acquired by diligence falls to dust.\nThis is the fifth thing …"}},{"id":"an7.64:6","sourceIds":["an7.64:6.1","an7.64:6.2","an7.64:6.3","an7.64:6.4","an7.64:6.5","an7.64:6.6"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ na mittavā assā’ti.\nTaṁ kissa hetu?\nNa, bhikkhave, sapatto sapattassa mittavatāya nandati.\nKodhanaṁ, bhikkhave, purisapuggalaṁ kodhābhibhūtaṁ kodhaparetaṁ, yepissa te honti mittāmaccā ñātisālohitā, tepi ārakā parivajjanti kodhābhibhūtaṁ.\nAyaṁ, bhikkhave, chaṭṭho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only they had no friends!’\nWhy is that?\nBecause an enemy doesn’t like to have an enemy with friends.\nWhen an individual is irritable, overcome and overwhelmed by anger, their friends and colleagues, relatives and kin avoid them from afar.\nThis is the sixth thing …"}},{"id":"an7.64:7","sourceIds":["an7.64:7.1","an7.64:7.2","an7.64:7.3","an7.64:7.4","an7.64:7.5","an7.64:7.6","an7.64:7.7","an7.64:7.8"],"kind":"text","text":{"pi":"Puna caparaṁ, bhikkhave, sapatto sapattassa evaṁ icchati:\n‘aho vatāyaṁ kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyyā’ti.\nTaṁ kissa hetu?\nNa, bhikkhave, sapatto sapattassa sugatigamane nandati.\nKodhanoyaṁ, bhikkhave, purisapuggalo kodhābhibhūto kodhapareto kāyena duccaritaṁ carati, vācāya duccaritaṁ carati, manasā duccaritaṁ carati.\nSo kāyena duccaritaṁ caritvā vācāya …pe…\nkāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati kodhābhibhūto.\nAyaṁ, bhikkhave, sattamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.","en":"Furthermore, an enemy wishes for an enemy:\n‘If only, when their body breaks up, after death, they’re reborn in a place of loss, a bad place, the underworld, hell!’\nWhy is that?\nBecause an enemy doesn’t like to have an enemy who goes to a good place.\nWhen an individual is irritable, overcome and overwhelmed by anger, they do bad things by way of body, speech, and mind.\nWhen their body breaks up, after death, they’re reborn in a place of loss, a bad place, the underworld, hell.\nThis is the seventh thing that pleases and assists an enemy which happens to an irritable woman or man."}},{"id":"an7.64:8","sourceIds":["an7.64:8.1"],"kind":"text","text":{"pi":"Ime kho, bhikkhave, satta dhammā sapattakantā sapattakaraṇā kodhanaṁ āgacchanti itthiṁ vā purisaṁ vāti.","en":"These are the seven things that please and assist an enemy which happen to an irritable woman or man."}},{"id":"an7.64:9","sourceIds":["an7.64:9.1","an7.64:9.2","an7.64:9.3","an7.64:9.4"],"kind":"text","text":{"pi":"Kodhano dubbaṇṇo hoti,\natho dukkhampi seti so;\nAtho atthaṁ gahetvāna,\nanatthaṁ adhipajjati.","en":"An irritable person is ugly\nand they sleep badly.\nWhen they get what they need,\nthey take it to be what they don’t need."}},{"id":"an7.64:10","sourceIds":["an7.64:10.1","an7.64:10.2","an7.64:10.3","an7.64:10.4"],"kind":"text","text":{"pi":"Tato kāyena vācāya,\nvadhaṁ katvāna kodhano;\nKodhābhibhūto puriso,\ndhanajāniṁ nigacchati.","en":"An angry person\nkills with body or speech;\novercome with anger,\nthey lose their wealth."}},{"id":"an7.64:11","sourceIds":["an7.64:11.1","an7.64:11.2","an7.64:11.3","an7.64:11.4"],"kind":"text","text":{"pi":"Kodhasammadasammatto,\nāyasakyaṁ nigacchati;\nÑātimittā suhajjā ca,\nparivajjanti kodhanaṁ.","en":"Mad with anger,\nthey fall into disgrace.\nFamily, friends, and loved ones\navoid an irritable person."}},{"id":"an7.64:12","sourceIds":["an7.64:12.1","an7.64:12.2","an7.64:12.3","an7.64:12.4"],"kind":"text","text":{"pi":"Anatthajanano kodho,\nkodho cittappakopano;\nBhayamantarato jātaṁ,\ntaṁ jano nāvabujjhati.","en":"Anger creates harm;\nanger upsets the mind.\nThat person doesn’t recognize\nthe danger that arises within."}},{"id":"an7.64:13","sourceIds":["an7.64:13.1","an7.64:13.2","an7.64:13.3","an7.64:13.4"],"kind":"text","text":{"pi":"Kuddho atthaṁ na jānāti,\nkuddho dhammaṁ na passati;\nAndhatamaṁ tadā hoti,\nyaṁ kodho sahate naraṁ.","en":"An angry person doesn’t know the good.\nAn angry person doesn’t see the truth.\nWhen a person is beset by anger,\nonly blind darkness is left."}},{"id":"an7.64:14","sourceIds":["an7.64:14.1","an7.64:14.2","an7.64:14.3","an7.64:14.4"],"kind":"text","text":{"pi":"Yaṁ kuddho uparodheti,\nsukaraṁ viya dukkaraṁ;\nPacchā so vigate kodhe,\naggidaḍḍhova tappati.","en":"An angry person destroys with ease\nwhat was hard to build.\nAfterwards, when the anger is spent,\nthey’re tormented as if burnt by fire."}},{"id":"an7.64:15","sourceIds":["an7.64:15.1","an7.64:15.2","an7.64:15.3","an7.64:15.4"],"kind":"text","text":{"pi":"Dummaṅkuyaṁ padasseti,\ndhūmaṁ dhūmīva pāvako;\nYato patāyati kodho,\nyena kujjhanti mānavā.","en":"Their look betrays their sulkiness\nlike a fire’s smoky plume.\nAnd when their anger flares up,\nthey make others angry."}},{"id":"an7.64:16","sourceIds":["an7.64:16.1","an7.64:16.2","an7.64:16.3","an7.64:16.4"],"kind":"text","text":{"pi":"Nāssa hirī na ottappaṁ,\nna vāco hoti gāravo;\nKodhena abhibhūtassa,\nna dīpaṁ hoti kiñcanaṁ.","en":"They have no conscience or prudence,\nnor any respectful speech.\nOne overcome by anger\nhas no island refuge anywhere."}},{"id":"an7.64:17","sourceIds":["an7.64:17.1","an7.64:17.2","an7.64:17.3","an7.64:17.4"],"kind":"text","text":{"pi":"Tapanīyāni kammāni,\nyāni dhammehi ārakā;\nTāni ārocayissāmi,\ntaṁ suṇātha yathā tathaṁ.","en":"The deeds that torment a man\nare far from those that are good.\nI’ll explain them now;\nlisten to this, for it is the truth."}},{"id":"an7.64:18","sourceIds":["an7.64:18.1","an7.64:18.2","an7.64:18.3","an7.64:18.4"],"kind":"text","text":{"pi":"Kuddho hi pitaraṁ hanti,\nhanti kuddho samātaraṁ;\nKuddho hi brāhmaṇaṁ hanti,\nhanti kuddho puthujjanaṁ.","en":"An angry person slays their father;\ntheir mother, too, they slay.\nAn angry person slays a saint;\na normal person, too, they slay."}},{"id":"an7.64:19","sourceIds":["an7.64:19.1","an7.64:19.2","an7.64:19.3","an7.64:19.4"],"kind":"text","text":{"pi":"Yāya mātu bhato poso,\nimaṁ lokaṁ avekkhati;\nTampi pāṇadadiṁ santiṁ,\nhanti kuddho puthujjano.","en":"A man is raised by his mother,\nwho shows him the world.\nBut an angry ordinary person slays\neven that good woman who gave him life."}},{"id":"an7.64:20","sourceIds":["an7.64:20.1","an7.64:20.2","an7.64:20.3","an7.64:20.4"],"kind":"text","text":{"pi":"Attūpamā hi te sattā,\nattā hi paramo piyo;\nHanti kuddho puthuttānaṁ,\nnānārūpesu mucchito.","en":"Like oneself, those sentient beings\nhold themselves most dear.\nBut when angered, they kill themselves in different ways,\ndistraught in many respects."}},{"id":"an7.64:21","sourceIds":["an7.64:21.1","an7.64:21.2","an7.64:21.3","an7.64:21.4"],"kind":"text","text":{"pi":"Asinā hanti attānaṁ,\nvisaṁ khādanti mucchitā;\nRajjuyā bajjha mīyanti,\npabbatāmapi kandare.","en":"Some kill themselves with swords,\nsome, distraught, take poison.\nSome hang themselves with rope,\nor fling themselves down a mountain gorge."}},{"id":"an7.64:22","sourceIds":["an7.64:22.1","an7.64:22.2","an7.64:22.3","an7.64:22.4"],"kind":"text","text":{"pi":"Bhūnahaccāni kammāni,\nattamāraṇiyāni ca;\nKarontā nāvabujjhanti,\nkodhajāto parābhavo.","en":"When they commit deeds of baby-killing,\nand killing themselves,\nthey don’t realize what they do,\nfor anger leads to their downfall."}},{"id":"an7.64:23","sourceIds":["an7.64:23.1","an7.64:23.2","an7.64:23.3","an7.64:23.4"],"kind":"text","text":{"pi":"Itāyaṁ kodharūpena,\nmaccupāso guhāsayo;\nTaṁ damena samucchinde,\npaññāvīriyena diṭṭhiyā.","en":"The snare of death in the form of anger\nlies hidden in the heart.\nYou should cut it out by self-control,\nby wisdom, energy, and right ideas."}},{"id":"an7.64:24","sourceIds":["an7.64:24.1","an7.64:24.2","an7.64:24.3","an7.64:24.4"],"kind":"text","text":{"pi":"Yathā metaṁ akusalaṁ,\nsamucchindetha paṇḍito;\nTatheva dhamme sikkhetha,\nmā no dummaṅkuyaṁ ahu.","en":"An astute person should cut out\nthis unskillful thing.\nAnd they’d train in the teaching in just the same way,\nnot yielding to sulkiness."}},{"id":"an7.64:25","sourceIds":["an7.64:25.1","an7.64:25.2","an7.64:25.3","an7.64:25.4","an7.64:25.5","an7.64:25.6"],"kind":"text","text":{"pi":"Vītakodhā anāyāsā,\nVītalobhā anussukā;\nDantā kodhaṁ pahantvāna,\nParinibbanti anāsavā”ti.\nEkādasamaṁ.\nAbyākatavaggo chaṭṭho.","en":"Free of anger, free of despair,\nfree of greed, with no more longing,\ntamed, having given up anger,\nthe undefiled are fully extinguished.”"}},{"id":"an7.64:26","sourceIds":["an7.64:26.0","an7.64:26.1","an7.64:26.2","an7.64:26.3","an7.64:26.4"],"kind":"text","text":{"pi":"Tassuddānaṁ\nAbyākato purisagati,\nTissa sīha arakkhiyaṁ;\nKimilaṁ satta pacalā,\nMettā bhariyā kodhekādasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.64/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}