{"id":"an7.73","title":"About Sunetta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.73","title":"About Sunetta","units":[{"id":"an7.73:0","sourceIds":["an7.73:0.1","an7.73:0.2","an7.73:0.3"],"kind":"text","text":{"pi":"Aṅguttara Nikāya 7.73\n7. Mahāvagga\nSunettasutta","en":"Numbered Discourses 7.73\n7. The Great Chapter\nAbout Sunetta"}},{"id":"an7.73:1","sourceIds":["an7.73:1.1","an7.73:1.2","an7.73:1.3","an7.73:1.4","an7.73:1.5"],"kind":"text","text":{"pi":"“Bhūtapubbaṁ, bhikkhave, sunetto nāma satthā ahosi titthakaro kāmesu vītarāgo.\nSunettassa kho pana, bhikkhave, satthuno anekāni sāvakasatāni ahesuṁ.\nSunetto satthā sāvakānaṁ brahmalokasahabyatāya dhammaṁ desesi.\nYe kho pana, bhikkhave, sunettassa satthuno brahmalokasahabyatāya dhammaṁ desentassa cittāni nappasādesuṁ te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjiṁsu.\nYe kho pana, bhikkhave, sunettassa satthuno brahmalokasahabyatāya dhammaṁ desentassa cittāni pasādesuṁ te kāyassa bhedā paraṁ maraṇā sugatiṁ saggaṁ lokaṁ upapajjiṁsu.","en":"“Once upon a time, mendicants, there was a teacher named Sunetta. He was a religious founder and was free of desire for sensual pleasures.\nHe had many hundreds of disciples.\nHe taught them a Dhamma for rebirth in the company of Divinity.\nThose lacking confidence in Sunetta were—when their body broke up, after death—reborn in a place of loss, a bad place, the underworld, hell.\nThose full of confidence in Sunetta were—when their body broke up, after death—reborn in a good place, a heavenly realm."}},{"id":"an7.73:2","sourceIds":["an7.73:2.1","an7.73:2.2","an7.73:2.3","an7.73:2.4","an7.73:2.5","an7.73:2.6","an7.73:2.7","an7.73:2.8","an7.73:2.9","an7.73:2.10"],"kind":"text","text":{"pi":"Bhūtapubbaṁ, bhikkhave, mūgapakkho nāma satthā ahosi …pe…\naranemi nāma satthā ahosi …pe…\nkuddālako nāma satthā ahosi …pe…\nhatthipālo nāma satthā ahosi …pe…\njotipālo nāma satthā ahosi …pe…\narako nāma satthā ahosi titthakaro kāmesu vītarāgo.\nArakassa kho pana, bhikkhave, satthuno anekāni sāvakasatāni ahesuṁ.\nArako nāma satthā sāvakānaṁ brahmalokasahabyatāya dhammaṁ desesi.\nYe kho pana, bhikkhave, arakassa satthuno brahmalokasahabyatāya dhammaṁ desentassa cittāni nappasādesuṁ, te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjiṁsu.\nYe kho pana, bhikkhave, arakassa satthuno brahmalokasahabyatāya dhammaṁ desentassa cittāni pasādesuṁ, te kāyassa bhedā paraṁ maraṇā sugatiṁ saggaṁ lokaṁ upapajjiṁsu.","en":"Once upon a time, there was a teacher named Mūgapakkha …\nAranemi …\nKuddālaka …\nHatthipāla …\nJotipāla …\nAraka. He was a religious founder and was free of desire for sensual pleasures.\nHe had many hundreds of disciples.\nHe taught them a Dhamma for rebirth in the company of Divinity.\nThose lacking confidence in Araka were—when their body broke up, after death—reborn in a place of loss, a bad place, the underworld, hell.\nThose full of confidence in Araka were—when their body broke up, after death—reborn in a good place, a heavenly realm."}},{"id":"an7.73:3","sourceIds":["an7.73:3.1","an7.73:3.2","an7.73:3.3","an7.73:3.4","an7.73:3.5","an7.73:3.6","an7.73:3.7"],"kind":"text","text":{"pi":"Taṁ kiṁ maññatha, bhikkhave,\nyo ime satta satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṁ so apuññaṁ pasaveyyā”ti?\n“Evaṁ, bhante”.\n“Yo, bhikkhave, ime satta satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṁ so apuññaṁ pasaveyya.\nYo ekaṁ diṭṭhisampannaṁ puggalaṁ paduṭṭhacitto akkosati paribhāsati, ayaṁ tato bahutaraṁ apuññaṁ pasavati.\nTaṁ kissa hetu?\nNāhaṁ, bhikkhave, ito bahiddhā evarūpiṁ khantiṁ vadāmi yathāmaṁ sabrahmacārīsu.","en":"What do you think, mendicants?\nIf someone with malicious intent were to abuse and insult these seven teachers with their hundreds of followers, would they not brim with much wickedness?”\n“Yes, sir.”\n“They would indeed.\nBut someone who abuses and insults a single individual accomplished in view with malicious intent brims even more with wickedness.\nWhy is that?\nI say that any injury done by those outside of the Buddhist community does not compare with what is done to one’s own spiritual companions."}},{"id":"an7.73:4","sourceIds":["an7.73:4.1","an7.73:4.2","an7.73:4.3","an7.73:4.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘na no sabrahmacārīsu cittāni paduṭṭhāni bhavissantī’ti.\nEvañhi vo, bhikkhave, sikkhitabban”ti.\nNavamaṁ.","en":"So you should train like this:\n‘We will have no malicious intent for our spiritual companions.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.73/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}