{"id":"an7.9","title":"Giving Up","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.9","title":"Giving Up","units":[{"id":"an7.9:0","sourceIds":["an7.9:0.1","an7.9:0.2","an7.9:0.3"],"kind":"text","text":{"pi":"Aṅguttara Nikāya 7.9\n1. Dhanavagga\nPahānasutta","en":"Numbered Discourses 7.9\n1. Wealth\nGiving Up"}},{"id":"an7.9:1","sourceIds":["an7.9:1.1","an7.9:1.2","an7.9:1.3","an7.9:1.4","an7.9:1.5","an7.9:1.6","an7.9:1.7","an7.9:1.8","an7.9:1.9","an7.9:1.10","an7.9:1.11","an7.9:1.12","an7.9:1.13","an7.9:1.14","an7.9:1.15","an7.9:1.16","an7.9:1.17","an7.9:1.18"],"kind":"text","text":{"pi":"“Sattannaṁ, bhikkhave, saṁyojanānaṁ pahānāya samucchedāya brahmacariyaṁ vussati.\nKatamesaṁ sattannaṁ?\nAnunayasaṁyojanassa pahānāya samucchedāya brahmacariyaṁ vussati, paṭighasaṁyojanassa …pe…\ndiṭṭhisaṁyojanassa …\nvicikicchāsaṁyojanassa …\nmānasaṁyojanassa …\nbhavarāgasaṁyojanassa …\navijjāsaṁyojanassa pahānāya samucchedāya brahmacariyaṁ vussati.\nImesaṁ kho, bhikkhave, sattannaṁ saṁyojanānaṁ pahānāya samucchedāya brahmacariyaṁ vussati.\nYato ca kho, bhikkhave, bhikkhuno anunayasaṁyojanaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.\nPaṭighasaṁyojanaṁ …pe…\ndiṭṭhisaṁyojanaṁ …\nvicikicchāsaṁyojanaṁ …\nmānasaṁyojanaṁ …\nbhavarāgasaṁyojanaṁ …\navijjāsaṁyojanaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.\nAyaṁ vuccati, bhikkhave, bhikkhu acchecchi taṇhaṁ, vivattayi saṁyojanaṁ, sammā mānābhisamayā antamakāsi dukkhassā”ti.\nNavamaṁ.","en":"“Mendicants, the spiritual life is lived to give up and cut out these seven fetters.\nWhat seven?\nThe fetters of attraction, aversion, views, doubt, conceit, desire to be reborn, and ignorance.\nThe spiritual life is lived to give up and cut out these seven fetters.\nWhen a mendicant has given up the fetters of attraction, repulsion, views, doubt, conceit, desire to be reborn, and ignorance—cut them off at the root, made them like a palm stump, obliterated them, so they are unable to arise in the future—\nthey’re called a mendicant who has cut off craving, cast off the fetters, and by rightly comprehending conceit has made an end of suffering.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}