{"id":"an8.10","title":"Trash","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.10","title":"Trash","units":[{"id":"an8.10:0","sourceIds":["an8.10:0.1","an8.10:0.2","an8.10:0.3"],"kind":"text","text":{"pi":"Aṅguttara Nikāya 8.10\n1. Mettāvagga\nKāraṇḍavasutta","en":"Numbered Discourses 8.10\n1. Love\nTrash"}},{"id":"an8.10:1","sourceIds":["an8.10:1.1","an8.10:1.2","an8.10:1.3"],"kind":"text","text":{"pi":"Ekaṁ samayaṁ bhagavā campāyaṁ viharati gaggarāya pokkharaṇiyā tīre.\nTena kho pana samayena bhikkhū bhikkhuṁ āpattiyā codenti.\nSo bhikkhu bhikkhūhi āpattiyā codiyamāno aññenāññaṁ paṭicarati, bahiddhā kathaṁ apanāmeti, kopañca dosañca appaccayañca pātukaroti.","en":"At one time the Buddha was staying near Campā on the banks of the Gaggarā Lotus Pond.\nNow at that time the mendicants accused a mendicant of an offense.\nThe accused mendicant dodged the issue, distracted the discussion with irrelevant points, and displayed annoyance, hate, and bitterness."}},{"id":"an8.10:2","sourceIds":["an8.10:2.1","an8.10:2.2","an8.10:2.3","an8.10:2.4","an8.10:2.5","an8.10:2.6","an8.10:2.7","an8.10:2.8","an8.10:2.9","an8.10:2.10","an8.10:2.11","an8.10:2.12"],"kind":"text","text":{"pi":"Atha kho bhagavā bhikkhū āmantesi:\n“niddhamathetaṁ, bhikkhave, puggalaṁ;\nniddhamathetaṁ, bhikkhave, puggalaṁ.\nApaneyyeso, bhikkhave, puggalo.\nKiṁ vo tena paraputtena visodhitena.\nIdha, bhikkhave, ekaccassa puggalassa tādisaṁyeva hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ, seyyathāpi aññesaṁ bhaddakānaṁ bhikkhūnaṁ—\nyāvassa bhikkhū āpattiṁ na passanti.\nYato ca khvassa bhikkhū āpattiṁ passanti, tamenaṁ evaṁ jānanti:\n‘samaṇadūsīvāyaṁ samaṇapalāpo samaṇakāraṇḍavo’ti.\nTamenaṁ iti viditvā bahiddhā nāsenti.\nTaṁ kissa hetu?\nMā aññe bhaddake bhikkhū dūsesīti.","en":"Then the Buddha said to the mendicants,\n“Mendicants, throw this individual out!\nThrow this individual out!\nThis individual should be shown the door.\nWhy should you be vexed by an outsider?\nTake a case where a certain individual looks just the same as other good-natured mendicants when going out and coming back, when looking ahead and aside, when bending and extending the limbs, and when bearing the outer robe, bowl and robes.\nThat is, so long as the mendicants don’t notice his offense.\nBut when the mendicants notice the offense, they know that he’s\na corrupt ascetic, just useless trash.\nWhen they realize this they send him away.\nWhy is that?\nSo that he doesn’t corrupt good-natured mendicants."}},{"id":"an8.10:3","sourceIds":["an8.10:3.1","an8.10:3.2","an8.10:3.3","an8.10:3.4","an8.10:3.5","an8.10:3.6","an8.10:3.7","an8.10:3.8","an8.10:3.9","an8.10:3.10"],"kind":"text","text":{"pi":"Seyyathāpi, bhikkhave, sampanne yavakaraṇe yavadūsī jāyetha yavapalāpo yavakāraṇḍavoti.\nTassa tādisaṁyeva mūlaṁ hoti, seyyathāpi aññesaṁ bhaddakānaṁ yavānaṁ;\ntādisaṁyeva nāḷaṁ hoti, seyyathāpi aññesaṁ bhaddakānaṁ yavānaṁ;\ntādisaṁyeva pattaṁ hoti, seyyathāpi aññesaṁ bhaddakānaṁ yavānaṁ—\nyāvassa sīsaṁ na nibbattati.\nYato ca khvassa sīsaṁ nibbattati, tamenaṁ evaṁ jānanti:\n‘yavadūsīvāyaṁ yavapalāpo yavakāraṇḍavo’ti.\nTamenaṁ iti viditvā samūlaṁ uppāṭetvā bahiddhā yavakaraṇassa chaḍḍenti.\nTaṁ kissa hetu?\nMā aññe bhaddake yave dūsesīti.","en":"Suppose in a growing field of barley some bad barley appeared, just useless trash.\nIts roots, stem, and leaves would look just the same as the healthy barley.\nThat is, so long as the head doesn’t appear.\nBut when the head appears, they know that it’s\nbad barley, just useless trash.\nWhen they realize this they pull it up by the roots and throw it outside the field.\nWhy is that?\nSo that it doesn’t spoil the good barley."}},{"id":"an8.10:4","sourceIds":["an8.10:4.1","an8.10:4.2","an8.10:4.3","an8.10:4.4","an8.10:4.5","an8.10:4.6","an8.10:4.7"],"kind":"text","text":{"pi":"Evamevaṁ kho, bhikkhave, idhekaccassa puggalassa tādisaṁyeva hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ, seyyathāpi aññesaṁ bhaddakānaṁ bhikkhūnaṁ—\nyāvassa bhikkhū āpattiṁ na passanti.\nYato ca khvassa bhikkhū āpattiṁ passanti, tamenaṁ evaṁ jānanti:\n‘samaṇadūsīvāyaṁ samaṇapalāpo samaṇakāraṇḍavo’ti.\nTamenaṁ iti viditvā bahiddhā nāsenti.\nTaṁ kissa hetu?\nMā aññe bhaddake bhikkhū dūsesīti.","en":"In the same way, take a case where a certain individual looks just the same as other good-natured mendicants when going out and coming back, when looking ahead and aside, when bending and extending the limbs, and when bearing the outer robe, bowl and robes.\nThat is, so long as the mendicants don’t notice his offense.\nBut when the mendicants notice the offense, they know that he’s\na corrupt ascetic, just useless trash.\nWhen they realize this they send him away.\nWhy is that?\nSo that he doesn’t corrupt good-natured mendicants."}},{"id":"an8.10:5","sourceIds":["an8.10:5.1","an8.10:5.2","an8.10:5.3","an8.10:5.4","an8.10:5.5","an8.10:5.6","an8.10:5.7","an8.10:5.8","an8.10:5.9","an8.10:5.10","an8.10:5.11"],"kind":"text","text":{"pi":"Seyyathāpi, bhikkhave, mahato dhaññarāsissa phuṇamānassa tattha yāni tāni dhaññāni daḷhāni sāravantāni tāni ekamantaṁ puñjaṁ hoti, yāni pana tāni dhaññāni dubbalāni palāpāni tāni vāto ekamantaṁ apavahati.\nTamenaṁ sāmikā sammajjaniṁ gahetvā bhiyyoso mattāya apasammajjanti.\nTaṁ kissa hetu?\nMā aññe bhaddake dhaññe dūsesīti.\nEvamevaṁ kho, bhikkhave, idhekaccassa puggalassa tādisaṁyeva hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ, seyyathāpi aññesaṁ bhaddakānaṁ bhikkhūnaṁ—\nyāvassa bhikkhū āpattiṁ na passanti.\nYato ca khvassa bhikkhū āpattiṁ passanti, tamenaṁ evaṁ jānanti:\n‘samaṇadūsīvāyaṁ samaṇapalāpo samaṇakāraṇḍavo’ti.\nTamenaṁ iti viditvā bahiddhā nāsenti.\nTaṁ kissa hetu?\nMā aññe bhaddake bhikkhū dūsesīti.","en":"Suppose that a large heap of grain is being winnowed. The grains that are firm and solid form a heap on one side. And the grains that are flimsy and insubstantial are blown over to the other side.\nThe owners take a broom and sweep them even further away.\nWhy is that?\nSo that it doesn’t spoil the good grain.\nIn the same way, take a case where a certain individual looks just the same as other good-natured mendicants when going out and coming back, when looking ahead and aside, when bending and extending the limbs, and when bearing the outer robe, bowl and robes.\nThat is, so long as the mendicants don’t notice his offense.\nBut when the mendicants notice the offense, they know that he’s\na corrupt ascetic, just useless trash.\nWhen they realize this they send him away.\nWhy is that?\nSo that he doesn’t corrupt good-natured mendicants."}},{"id":"an8.10:6","sourceIds":["an8.10:6.1","an8.10:6.2","an8.10:6.3","an8.10:6.4","an8.10:6.5","an8.10:6.6","an8.10:6.7","an8.10:6.8","an8.10:6.9","an8.10:6.10","an8.10:6.11"],"kind":"text","text":{"pi":"Seyyathāpi, bhikkhave, puriso udapānapanāḷiyatthiko tiṇhaṁ kuṭhāriṁ ādāya vanaṁ paviseyya.\nSo yaṁ yadeva rukkhaṁ kuṭhāripāsena ākoṭeyya tattha yāni tāni rukkhāni daḷhāni sāravantāni tāni kuṭhāripāsena ākoṭitāni kakkhaḷaṁ paṭinadanti;\nyāni pana tāni rukkhāni antopūtīni avassutāni kasambujātāni tāni kuṭhāripāsena ākoṭitāni daddaraṁ paṭinadanti.\nTamenaṁ mūle chindati, mūle chinditvā agge chindati, agge chinditvā anto suvisodhitaṁ visodheti, anto suvisodhitaṁ visodhetvā udapānapanāḷiṁ yojeti.\nEvamevaṁ kho, bhikkhave, idhekaccassa puggalassa tādisaṁyeva hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ, seyyathāpi aññesaṁ bhaddakānaṁ bhikkhūnaṁ—\nyāvassa bhikkhū āpattiṁ na passanti.\nYato ca khvassa bhikkhū āpattiṁ passanti, tamenaṁ evaṁ jānanti:\n‘samaṇadūsīvāyaṁ samaṇapalāpo samaṇakāraṇḍavo’ti.\nTamenaṁ iti viditvā bahiddhā nāsenti.\nTaṁ kissa hetu?\nMā aññe bhaddake bhikkhū dūsesīti.","en":"Suppose a man needs an irrigation gutter for a well. He’d take a sharp axe and enter the wood,\nwhere he’d knock various trees with the axe. The trees that were firm and solid made a cracking sound.\nBut the trees that were rotten inside, decomposing and decayed, made a thud.\nHe’d cut down such a tree at the root, lop off the crown, and thoroughly clear out the insides. Then he’d use it as an irrigation gutter for the well.\nIn the same way, take a case where a certain individual looks just the same as other good-natured mendicants when going out and coming back, when looking ahead and aside, when bending and extending the limbs, and when bearing the outer robe, bowl and robes.\nThat is, so long as the mendicants don’t notice his offense.\nBut when the mendicants notice the offense, they know that he’s\na corrupt ascetic, just useless trash.\nWhen they realize this they send him away.\nWhy is that?\nSo that he doesn’t corrupt good-natured mendicants."}},{"id":"an8.10:7","sourceIds":["an8.10:7.1","an8.10:7.2","an8.10:7.3","an8.10:7.4"],"kind":"text","text":{"pi":"Saṁvāsāyaṁ vijānātha,\npāpiccho kodhano iti;\nMakkhī thambhī paḷāsī ca,\nissukī maccharī saṭho.","en":"By living together, know that\nthey’re irritable, with corrupt wishes,\noffensive, stubborn, and contemptuous,\njealous, stingy, and devious."}},{"id":"an8.10:8","sourceIds":["an8.10:8.1","an8.10:8.2","an8.10:8.3","an8.10:8.4"],"kind":"text","text":{"pi":"Santavāco janavati,\nsamaṇo viya bhāsati;\nRaho karoti karaṇaṁ,\npāpadiṭṭhi anādaro.","en":"They speak to people with a voice\nso smooth, just like an ascetic.\nBut they act in secret, with their bad views\nand their lack of regard for others."}},{"id":"an8.10:9","sourceIds":["an8.10:9.1","an8.10:9.2","an8.10:9.3","an8.10:9.4"],"kind":"text","text":{"pi":"Saṁsappī ca musāvādī,\ntaṁ viditvā yathātathaṁ;\nSabbe samaggā hutvāna,\nabhinibbajjayātha naṁ.","en":"You should recognize them for what they are:\na creep and liar.\nThen having gathered in harmony,\nyou should expel them."}},{"id":"an8.10:10","sourceIds":["an8.10:10.1","an8.10:10.2","an8.10:10.3","an8.10:10.4"],"kind":"text","text":{"pi":"Kāraṇḍavaṁ niddhamatha,\nKasambuṁ apakassatha;\nTato palāpe vāhetha,\nAssamaṇe samaṇamānine.","en":"Throw out the trash!\nGet rid of the rubbish!\nAnd sweep away the scraps—\nthey’re not ascetics, they just think they are."}},{"id":"an8.10:11","sourceIds":["an8.10:11.1","an8.10:11.2","an8.10:11.3","an8.10:11.4","an8.10:11.5","an8.10:11.6","an8.10:11.7","an8.10:11.8"],"kind":"text","text":{"pi":"Niddhamitvāna pāpicche,\npāpaācāragocare;\nSuddhāsuddhehi saṁvāsaṁ,\nkappayavho patissatā;\nTato samaggā nipakā,\ndukkhassantaṁ karissathā”ti.\nDasamaṁ.\nMettāvaggo paṭhamo.","en":"When you’ve thrown out those of corrupt wishes,\nof bad behavior and alms-resort,\ndwell in communion, ever mindful,\nthe pure with the pure.\nThen in harmony, alert,\nyou’ll make an end of suffering.”"}},{"id":"an8.10:12","sourceIds":["an8.10:12.0","an8.10:12.1","an8.10:12.2","an8.10:12.3","an8.10:12.4"],"kind":"text","text":{"pi":"Tassuddānaṁ\nMettaṁ paññā ca dve piyā,\ndve lokā dve vipattiyo;\nDevadatto ca uttaro,\nnando kāraṇḍavena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}