{"id":"an8.25","title":"With Mahānāma","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.25","title":"With Mahānāma","units":[{"id":"an8.25:0","sourceIds":["an8.25:0.1","an8.25:0.2","an8.25:0.3"],"kind":"text","text":{"pi":"Aṅguttara Nikāya 8.25\n3. Gahapativagga\nMahānāmasutta","en":"Numbered Discourses 8.25\n3. Householders\nWith Mahānāma"}},{"id":"an8.25:1","sourceIds":["an8.25:1.1","an8.25:1.2","an8.25:1.3","an8.25:1.4","an8.25:1.5"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:\n“kittāvatā nu kho, bhante, upāsako hotī”ti?\n“Yato kho, mahānāma, buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti;\nettāvatā kho, mahānāma, upāsako hotī”ti.","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nThen Mahānāma the Sakyan went up to the Buddha, bowed, sat down to one side, and said to him:\n“Sir, how is a lay follower defined?”\n“Mahānāma, when you’ve gone for refuge to the Buddha, the teaching, and the Saṅgha,\nyou’re considered to be a lay follower.”"}},{"id":"an8.25:2","sourceIds":["an8.25:2.1","an8.25:2.2","an8.25:2.3"],"kind":"text","text":{"pi":"“Kittāvatā pana, bhante, upāsako sīlavā hotī”ti?\n“Yato kho, mahānāma, upāsako pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti;\nettāvatā kho, mahānāma, upāsako sīlavā hotī”ti.","en":"“But how is an ethical lay follower defined?”\n“When a lay follower doesn’t kill living creatures, steal, commit sexual misconduct, lie, or consume intoxicants of beer, wine, and liquor,\nthey’re considered to be an ethical lay follower.”"}},{"id":"an8.25:3","sourceIds":["an8.25:3.1","an8.25:3.2","an8.25:3.3","an8.25:3.4","an8.25:3.5","an8.25:3.6","an8.25:3.7","an8.25:3.8","an8.25:3.9","an8.25:3.10"],"kind":"text","text":{"pi":"“Kittāvatā pana, bhante, upāsako attahitāya paṭipanno hoti, no parahitāyā”ti?\n“Yato kho, mahānāma, upāsako attanāva saddhāsampanno hoti, no paraṁ saddhāsampadāya samādapeti;\nattanāva sīlasampanno hoti, no paraṁ sīlasampadāya samādapeti;\nattanāva cāgasampanno hoti, no paraṁ cāgasampadāya samādapeti;\nattanāva bhikkhūnaṁ dassanakāmo hoti, no paraṁ bhikkhūnaṁ dassane samādapeti;\nattanāva saddhammaṁ sotukāmo hoti, no paraṁ saddhammassavane samādapeti;\nattanāva sutānaṁ dhammānaṁ dhāraṇajātiko hoti, no paraṁ dhammadhāraṇāya samādapeti;\nattanāva sutānaṁ dhammānaṁ atthūpaparikkhitā hoti, no paraṁ atthūpaparikkhāya samādapeti;\nattanāva atthamaññāya dhammamaññāya dhammānudhammappaṭipanno hoti, no paraṁ dhammānudhammappaṭipattiyā samādapeti.\nEttāvatā kho, mahānāma, upāsako attahitāya paṭipanno hoti, no parahitāyā”ti.","en":"“But how do we define a lay follower who is practicing to benefit themselves, not others?”\n“A lay follower is accomplished in faith, but doesn’t encourage others to do the same.\nThey’re accomplished in ethical conduct, but don’t encourage others to do the same.\nThey’re accomplished in generosity, but don’t encourage others to do the same.\nThey like to see the mendicants, but don’t encourage others to do the same.\nThey like to hear the true teaching, but don’t encourage others to do the same.\nThey readily memorize the teachings they’ve heard, but don’t encourage others to do the same.\nThey examine the meaning of the teachings they’ve memorized, but don’t encourage others to do the same.\nUnderstanding the meaning and the teaching, they practice in line with the teaching, but they don’t encourage others to do the same.\nThat’s how we define a lay follower who is practicing to benefit themselves, not others.”"}},{"id":"an8.25:4","sourceIds":["an8.25:4.1","an8.25:4.2","an8.25:4.3","an8.25:4.4","an8.25:4.5","an8.25:4.6","an8.25:4.7","an8.25:4.8","an8.25:4.9","an8.25:4.10","an8.25:4.11"],"kind":"text","text":{"pi":"“Kittāvatā pana, bhante, upāsako attahitāya ca paṭipanno hoti parahitāya cā”ti?\n“Yato kho, mahānāma, upāsako attanā ca saddhāsampanno hoti, parañca saddhāsampadāya samādapeti;\nattanā ca sīlasampanno hoti, parañca sīlasampadāya samādapeti;\nattanā ca cāgasampanno hoti, parañca cāgasampadāya samādapeti;\nattanā ca bhikkhūnaṁ dassanakāmo hoti, parañca bhikkhūnaṁ dassane samādapeti;\nattanā ca saddhammaṁ sotukāmo hoti, parañca saddhammassavane samādapeti;\nattanā ca sutānaṁ dhammānaṁ dhāraṇajātiko hoti, parañca dhammadhāraṇāya samādapeti;\nattanā ca sutānaṁ dhammānaṁ atthūpaparikkhitā hoti, parañca atthūpaparikkhāya samādapeti,\nattanā ca atthamaññāya dhammamaññāya dhammānudhammappaṭipanno hoti, parañca dhammānudhammappaṭipattiyā samādapeti.\nEttāvatā kho, mahānāma, upāsako attahitāya ca paṭipanno hoti parahitāya cā”ti.\nPañcamaṁ.","en":"“But how do we define a lay follower who is practicing to benefit both themselves and others?”\n“A lay follower is accomplished in faith and encourages others to do the same.\nThey’re accomplished in ethical conduct and encourage others to do the same.\nThey’re accomplished in generosity and encourage others to do the same.\nThey like to see the mendicants and encourage others to do the same.\nThey like to hear the true teaching and encourage others to do the same.\nThey readily memorize the teachings they’ve heard and encourage others to do the same.\nThey examine the meaning of the teachings they’ve memorized and encourage others to do the same.\nUnderstanding the meaning and the teaching, they practice in line with the teaching and they encourage others to do the same.\nThat’s how we define a lay follower who is practicing to benefit both themselves and others.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.25/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}