{"id":"an8.40","title":"The Results of Misconduct","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.40","title":"The Results of Misconduct","units":[{"id":"an8.40:0","sourceIds":["an8.40:0.1","an8.40:0.2","an8.40:0.3"],"kind":"text","text":{"pi":"Aṅguttara Nikāya 8.40\n4. Dānavagga\nDuccaritavipākasutta","en":"Numbered Discourses 8.40\n4. Giving\nThe Results of Misconduct"}},{"id":"an8.40:1","sourceIds":["an8.40:1.1","an8.40:1.2"],"kind":"text","text":{"pi":"“Pāṇātipāto, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.\nYo sabbalahuso pāṇātipātassa vipāko, manussabhūtassa appāyukasaṁvattaniko hoti.","en":"“Mendicants, the killing of living creatures, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is a short lifespan."}},{"id":"an8.40:2","sourceIds":["an8.40:2.1","an8.40:2.2"],"kind":"text","text":{"pi":"Adinnādānaṁ, bhikkhave, āsevitaṁ bhāvitaṁ bahulīkataṁ nirayasaṁvattanikaṁ tiracchānayonisaṁvattanikaṁ pettivisayasaṁvattanikaṁ.\nYo sabbalahuso adinnādānassa vipāko, manussabhūtassa bhogabyasanasaṁvattaniko hoti.","en":"Stealing, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is loss of wealth."}},{"id":"an8.40:3","sourceIds":["an8.40:3.1","an8.40:3.2"],"kind":"text","text":{"pi":"Kāmesumicchācāro, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.\nYo sabbalahuso kāmesumicchācārassa vipāko, manussabhūtassa sapattaverasaṁvattaniko hoti.","en":"Sexual misconduct, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is rivalry and enmity."}},{"id":"an8.40:4","sourceIds":["an8.40:4.1","an8.40:4.2"],"kind":"text","text":{"pi":"Musāvādo, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.\nYo sabbalahuso musāvādassa vipāko, manussabhūtassa abhūtabbhakkhānasaṁvattaniko hoti.","en":"Lying, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is false accusations."}},{"id":"an8.40:5","sourceIds":["an8.40:5.1","an8.40:5.2"],"kind":"text","text":{"pi":"Pisuṇā, bhikkhave, vācā āsevitā bhāvitā bahulīkatā nirayasaṁvattanikā tiracchānayonisaṁvattanikā pettivisayasaṁvattanikā.\nYo sabbalahuso pisuṇāya vācāya vipāko, manussabhūtassa mittehi bhedanasaṁvattaniko hoti.","en":"Backbiting, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is being divided against friends."}},{"id":"an8.40:6","sourceIds":["an8.40:6.1","an8.40:6.2"],"kind":"text","text":{"pi":"Pharusā, bhikkhave, vācā āsevitā bhāvitā bahulīkatā nirayasaṁvattanikā tiracchānayonisaṁvattanikā pettivisayasaṁvattanikā.\nYo sabbalahuso pharusāya vācāya vipāko, manussabhūtassa amanāpasaddasaṁvattaniko hoti.","en":"Harsh speech, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is hearing disagreeable things."}},{"id":"an8.40:7","sourceIds":["an8.40:7.1","an8.40:7.2"],"kind":"text","text":{"pi":"Samphappalāpo, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.\nYo sabbalahuso samphappalāpassa vipāko, manussabhūtassa anādeyyavācāsaṁvattaniko hoti.","en":"Talking nonsense, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is that no one takes what you say seriously."}},{"id":"an8.40:8","sourceIds":["an8.40:8.1","an8.40:8.2","an8.40:8.3","an8.40:8.4"],"kind":"text","text":{"pi":"Surāmerayapānaṁ, bhikkhave, āsevitaṁ bhāvitaṁ bahulīkataṁ nirayasaṁvattanikaṁ tiracchānayonisaṁvattanikaṁ pettivisayasaṁvattanikaṁ.\nYo sabbalahuso surāmerayapānassa vipāko, manussabhūtassa ummattakasaṁvattaniko hotī”ti.\nDasamaṁ.\nDānavaggo catuttho.","en":"Drinking beer and wine, when cultivated, developed, and practiced, leads to hell, the animal realm, or the ghost realm.\nThe minimum result it leads to for a human being is madness.”"}},{"id":"an8.40:9","sourceIds":["an8.40:9.0","an8.40:9.1","an8.40:9.2","an8.40:9.3","an8.40:9.4"],"kind":"text","text":{"pi":"Tassuddānaṁ\nDve dānāni vatthuñca,\nkhettaṁ dānūpapattiyo;\nKiriyaṁ dve sappurisā,\nabhisando vipāko cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.40/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}