{"id":"an9.19","title":"A Deity","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.19","title":"A Deity","units":[{"id":"an9.19:0","sourceIds":["an9.19:0.1","an9.19:0.2","an9.19:0.3"],"kind":"text","text":{"pi":"Aṅguttara Nikāya 9.19\n2. Sīhanādavagga\nDevatāsutta","en":"Numbered Discourses 9.19\n2. The Lion’s Roar\nA Deity"}},{"id":"an9.19:1","sourceIds":["an9.19:1.1","an9.19:1.2","an9.19:1.3","an9.19:1.4"],"kind":"text","text":{"pi":"“Imañca, bhikkhave, rattiṁ sambahulā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:\n‘upasaṅkamiṁsu no, bhante, pubbe manussabhūtānaṁ pabbajitā agārāni.\nTe mayaṁ, bhante, paccuṭṭhimha, no ca kho abhivādimha.\nTā mayaṁ, bhante, aparipuṇṇakammantā vippaṭisāriniyo paccānutāpiniyo hīnaṁ kāyaṁ upapannā’ti.","en":"“Mendicants, tonight, several glorious deities, lighting up the entire Jeta’s Grove, came to me, bowed, stood to one side, and said to me:\n‘Sir, formerly when we were human beings, renunciates came to our homes.\nWe politely rose for them, but we didn’t bow.\nAnd so, having not fulfilled our duty, full of remorse and regret, we were reborn in a lesser realm.’"}},{"id":"an9.19:2","sourceIds":["an9.19:2.1","an9.19:2.2","an9.19:2.3","an9.19:2.4"],"kind":"text","text":{"pi":"Aparāpi maṁ, bhikkhave, sambahulā devatā upasaṅkamitvā etadavocuṁ:\n‘upasaṅkamiṁsu no, bhante, pubbe manussabhūtānaṁ pabbajitā agārāni.\nTe mayaṁ, bhante, paccuṭṭhimha abhivādimha, no ca tesaṁ āsanaṁ adamha.\nTā mayaṁ, bhante, aparipuṇṇakammantā vippaṭisāriniyo paccānutāpiniyo hīnaṁ kāyaṁ upapannā’ti.","en":"Then several other deities came to me and said:\n‘Sir, formerly when we were human beings, renunciates came to our homes.\nWe politely rose for them and bowed, but we didn’t offer a seat.\nAnd so, having not fulfilled our duty, full of remorse and regret, we were reborn in a lesser realm.’"}},{"id":"an9.19:3","sourceIds":["an9.19:3.1","an9.19:3.2","an9.19:3.3","an9.19:3.4","an9.19:3.5","an9.19:3.6","an9.19:3.7","an9.19:3.8","an9.19:3.9"],"kind":"text","text":{"pi":"Aparāpi maṁ, bhikkhave, sambahulā devatā upasaṅkamitvā etadavocuṁ:\n‘upasaṅkamiṁsu no, bhante, pubbe manussabhūtānaṁ pabbajitā agārāni.\nTe mayaṁ, bhante, paccuṭṭhimha abhivādimha āsanaṁ adamha, no ca kho yathāsatti yathābalaṁ saṁvibhajimha …pe…\nyathāsatti yathābalaṁ saṁvibhajimha, no ca kho upanisīdimha dhammassavanāya …pe…\nupanisīdimha dhammassavanāya, no ca kho ohitasotā dhammaṁ suṇimha …pe…\nohitasotā ca dhammaṁ suṇimha, no ca kho sutvā dhammaṁ dhārayimha …pe…\nsutvā ca dhammaṁ dhārayimha, no ca kho dhātānaṁ dhammānaṁ atthaṁ upaparikkhimha …pe…\ndhātānañca dhammānaṁ atthaṁ upaparikkhimha, no ca kho atthamaññāya dhammamaññāya dhammānudhammaṁ paṭipajjimha.\nTā mayaṁ, bhante, aparipuṇṇakammantā vippaṭisāriniyo paccānutāpiniyo hīnaṁ kāyaṁ upapannā’ti.","en":"Then several other deities came to me and said:\n‘Sir, formerly when we were human beings, renunciates came to our homes.\nWe politely rose for them, bowed, and offered a seat, but we didn’t share as best we could. …’\n‘… we didn’t sit nearby to listen to the teachings. …’\n‘… we didn’t actively listen to the teachings. …’\n‘… we didn’t memorize the teachings. …’\n‘… we didn’t examine the meaning of teachings we’d memorized. …’\n‘… not having understood the meaning and the teaching, we didn’t practice in line with the teaching.\nAnd so, having not fulfilled our duty, full of remorse and regret, we were reborn in a lesser realm.’"}},{"id":"an9.19:4","sourceIds":["an9.19:4.1","an9.19:4.2","an9.19:4.3","an9.19:4.4","an9.19:4.5","an9.19:4.6"],"kind":"text","text":{"pi":"Aparāpi maṁ, bhikkhave, sambahulā devatā upasaṅkamitvā etadavocuṁ:\n‘upasaṅkamiṁsu no, bhante, pubbe manussabhūtānaṁ pabbajitā agārāni.\nTe mayaṁ, bhante, paccuṭṭhimha abhivādimha, āsanaṁ adamha, yathāsatti yathābalaṁ saṁvibhajimha, upanisīdimha dhammassavanāya, ohitasotā ca dhammaṁ suṇimha, sutvā ca dhammaṁ dhārayimha, dhātānañca dhammānaṁ atthaṁ upaparikkhimha, atthamaññāya dhammamaññāya dhammānudhammaṁ paṭipajjimha.\nTā mayaṁ, bhante, paripuṇṇakammantā avippaṭisāriniyo apaccānutāpiniyo paṇītaṁ kāyaṁ upapannā’ti.\nEtāni, bhikkhave, rukkhamūlāni etāni suññāgārāni. Jhāyatha, bhikkhave, mā pamādattha, mā pacchā vippaṭisārino ahuvattha seyyathāpi tā purimikā devatā”ti.\nNavamaṁ.","en":"Then several other deities came to me and said:\n‘Sir, formerly when we were human beings, renunciates came to our homes.\nWe politely rose, bowed, and offered them a seat. We shared as best we could. We sat nearby to listen to the teachings, lent an ear, memorized them, and examined their meaning. Understanding the teaching and the meaning we practiced in line with the teaching.\nAnd so, having fulfilled our duty, free of remorse and regret, we were reborn in a superior realm.’\nHere, mendicants, are these roots of trees, and here are these empty huts. Practice absorption, mendicants! Don’t be negligent! Don’t regret it later, like those former deities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}