{"id":"an9.22","title":"A Wild Colt","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.22","title":"A Wild Colt","units":[{"id":"an9.22:0","sourceIds":["an9.22:0.1","an9.22:0.2","an9.22:0.3"],"kind":"text","text":{"pi":"Aṅguttara Nikāya 9.22\n3. Sattāvāsavagga\nAssakhaḷuṅkasutta","en":"Numbered Discourses 9.22\n3. Abodes of Sentient Beings\nA Wild Colt"}},{"id":"an9.22:1","sourceIds":["an9.22:1.1","an9.22:1.2"],"kind":"text","text":{"pi":"“Tayo ca, bhikkhave, assakhaḷuṅke desessāmi tayo ca purisakhaḷuṅke tayo ca assaparasse tayo ca purisaparasse tayo ca bhadde assājānīye tayo ca bhadde purisājānīye.\nTaṁ suṇātha. (…)","en":"“Mendicants, I will teach you about three wild colts and three wild people; three excellent horses and three excellent people; and three fine thoroughbred horses and three fine thoroughbred people.\nListen and apply your mind well, I will speak."}},{"id":"an9.22:2","sourceIds":["an9.22:2.1","an9.22:2.2","an9.22:2.3","an9.22:2.4","an9.22:2.5"],"kind":"text","text":{"pi":"Katame ca, bhikkhave, tayo assakhaḷuṅkā?\nIdha, bhikkhave, ekacco assakhaḷuṅko javasampanno hoti, na vaṇṇasampanno, na ārohapariṇāhasampanno.\nIdha pana, bhikkhave, ekacco assakhaḷuṅko javasampanno ca hoti vaṇṇasampanno ca, na ārohapariṇāhasampanno.\nIdha pana, bhikkhave, ekacco assakhaḷuṅko javasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo assakhaḷuṅkā.","en":"And what are the three wild colts?\nOne wild colt is fast, but not beautiful or well proportioned.\nAnother wild colt is fast and beautiful, but not well proportioned.\nWhile another wild colt is fast, beautiful, and well proportioned.\nThese are the three wild colts."}},{"id":"an9.22:3","sourceIds":["an9.22:3.1","an9.22:3.2","an9.22:3.3","an9.22:3.4"],"kind":"text","text":{"pi":"Katame ca, bhikkhave, tayo purisakhaḷuṅkā?\nIdha, bhikkhave, ekacco purisakhaḷuṅko javasampanno hoti, na vaṇṇasampanno, na ārohapariṇāhasampanno.\nIdha pana, bhikkhave, ekacco purisakhaḷuṅko javasampanno ca hoti vaṇṇasampanno ca, na ārohapariṇāhasampanno.\nIdha pana, bhikkhave, ekacco purisakhaḷuṅko javasampanno ca hoti vaṇṇasampanno ca ārohapariṇāhasampanno ca.","en":"And what are the three wild people?\nOne wild person is fast, but not beautiful or well proportioned.\nAnother wild person is fast and beautiful, but not well proportioned.\nWhile another wild person is fast, beautiful, and well proportioned."}},{"id":"an9.22:4","sourceIds":["an9.22:4.1","an9.22:4.2","an9.22:4.3","an9.22:4.4","an9.22:4.5","an9.22:4.6","an9.22:4.7","an9.22:4.8"],"kind":"text","text":{"pi":"Kathañca, bhikkhave, purisakhaḷuṅko javasampanno hoti, na vaṇṇasampanno na ārohapariṇāhasampanno?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti.\nIdamassa javasmiṁ vadāmi.\nAbhidhamme kho pana abhivinaye pañhaṁ puṭṭho saṁsādeti, no vissajjeti.\nIdamassa na vaṇṇasmiṁ vadāmi.\nNa kho pana lābhī hoti cīvarapiṇḍapātasenāsanagilānapaccayabhesajjaparikkhārānaṁ.\nIdamassa na ārohapariṇāhasmiṁ vadāmi.\nEvaṁ kho, bhikkhave, purisakhaḷuṅko javasampanno hoti, na vaṇṇasampanno na ārohapariṇāhasampanno.","en":"And how is a wild person fast, but not beautiful or well proportioned?\nIt’s when a mendicant truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is how they’re fast, I say.\nBut when asked a question about the teaching or training, they falter without answering.\nThis is how they’re not beautiful, I say.\nAnd they don’t receive robes, almsfood, lodgings, and medicines and supplies for the sick.\nThis is how they’re not well proportioned, I say.\nThis is how a wild person is fast, but not beautiful or well proportioned."}},{"id":"an9.22:5","sourceIds":["an9.22:5.1","an9.22:5.2","an9.22:5.3","an9.22:5.4","an9.22:5.5","an9.22:5.6","an9.22:5.7","an9.22:5.8"],"kind":"text","text":{"pi":"Kathañca, bhikkhave, purisakhaḷuṅko javasampanno ca hoti vaṇṇasampanno ca, na ārohapariṇāhasampanno?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nIdamassa javasmiṁ vadāmi.\nAbhidhamme kho pana abhivinaye pañhaṁ puṭṭho vissajjeti, no saṁsādeti.\nIdamassa vaṇṇasmiṁ vadāmi.\nNa kho pana lābhī hoti cīvarapiṇḍapātasenāsanagilānapaccayabhesajjaparikkhārānaṁ.\nIdamassa na ārohapariṇāhasmiṁ vadāmi.\nEvaṁ kho, bhikkhave, purisakhaḷuṅko javasampanno ca hoti vaṇṇasampanno ca, na ārohapariṇāhasampanno.","en":"And how is a wild person fast and beautiful, but not well proportioned?\nThey truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is how they’re fast, I say.\nWhen asked a question about the teaching or training, they answer without faltering.\nThis is how they’re beautiful, I say.\nBut they don’t receive robes, almsfood, lodgings, and medicines and supplies for the sick.\nThis is how they’re not well proportioned, I say.\nThis is how a wild person is fast and beautiful, but not well proportioned."}},{"id":"an9.22:6","sourceIds":["an9.22:6.1","an9.22:6.2","an9.22:6.3","an9.22:6.4","an9.22:6.5","an9.22:6.6","an9.22:6.7","an9.22:6.8","an9.22:6.9"],"kind":"text","text":{"pi":"Kathañca, bhikkhave, purisakhaḷuṅko javasampanno ca hoti vaṇṇasampanno ca ārohapariṇāhasampanno ca?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nIdamassa javasmiṁ vadāmi.\nAbhidhamme kho pana abhivinaye pañhaṁ puṭṭho vissajjeti, no saṁsādeti.\nIdamassa vaṇṇasmiṁ vadāmi.\nLābhī kho pana hoti cīvarapiṇḍapātasenāsanagilānapaccayabhesajjaparikkhārānaṁ.\nIdamassa ārohapariṇāhasmiṁ vadāmi.\nEvaṁ kho, bhikkhave, purisakhaḷuṅko javasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo purisakhaḷuṅkā.","en":"And how is a wild person fast, beautiful, and well proportioned?\nThey truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is how they’re fast, I say.\nWhen asked a question about the teaching or training, they answer without faltering.\nThis is how they’re beautiful, I say.\nThey receive robes, almsfood, lodgings, and medicines and supplies for the sick.\nThis is how they’re well proportioned, I say.\nThis is how a wild person is fast, beautiful, and well proportioned.\nThese are the three wild people."}},{"id":"an9.22:7","sourceIds":["an9.22:7.1","an9.22:7.2","an9.22:7.3","an9.22:7.4"],"kind":"text","text":{"pi":"Katame ca, bhikkhave, tayo assaparassā?\nIdha, bhikkhave, ekacco assaparasso …pe…\njavasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo assaparassā.","en":"And what are the three excellent horses?\nOne excellent horse …\nis fast, beautiful, and well proportioned.\nThese are the three excellent horses."}},{"id":"an9.22:8","sourceIds":["an9.22:8.1","an9.22:8.2","an9.22:8.3"],"kind":"text","text":{"pi":"Katame ca, bhikkhave, tayo purisaparassā?\nIdha, bhikkhave, ekacco purisaparasso …pe…\njavasampanno ca hoti vaṇṇasampanno ca ārohapariṇāhasampanno ca.","en":"What are the three excellent people?\nOne excellent person …\nis fast, beautiful, and well proportioned."}},{"id":"an9.22:9","sourceIds":["an9.22:9.1","an9.22:9.2","an9.22:9.3","an9.22:9.4","an9.22:9.5","an9.22:9.6","an9.22:9.7","an9.22:9.8","an9.22:9.9","an9.22:9.10"],"kind":"text","text":{"pi":"Kathañca, bhikkhave, purisaparasso …pe…\njavasampanno ca hoti vaṇṇasampanno ca ārohapariṇāhasampanno ca?\nIdha, bhikkhave, bhikkhu pañcannaṁ orambhāgiyānaṁ saṁyojanānaṁ parikkhayā opapātiko hoti, tattha parinibbāyī anāvattidhammo tasmā lokā.\nIdamassa javasmiṁ vadāmi.\nAbhidhamme kho pana abhivinaye pañhaṁ puṭṭho vissajjeti, no saṁsādeti.\nIdamassa vaṇṇasmiṁ vadāmi.\nLābhī kho pana hoti cīvarapiṇḍapātasenāsanagilānapaccayabhesajjaparikkhārānaṁ.\nIdamassa ārohapariṇāhasmiṁ vadāmi.\nEvaṁ kho, bhikkhave, purisaparasso javasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo purisaparassā.","en":"And how is an excellent person …\nfast, beautiful, and well proportioned?\nIt’s when a mendicant, with the ending of the five lower fetters, is reborn spontaneously. They’re extinguished there, and are not liable to return from that world.\nThis is how they’re fast, I say.\nWhen asked a question about the teaching or training, they answer without faltering.\nThis is how they’re beautiful, I say.\nThey receive robes, almsfood, lodgings, and medicines and supplies for the sick.\nThis is how they’re well proportioned, I say.\nThis is how an excellent person is fast, beautiful, and well proportioned.\nThese are the three excellent people."}},{"id":"an9.22:10","sourceIds":["an9.22:10.1","an9.22:10.2","an9.22:10.3","an9.22:10.4"],"kind":"text","text":{"pi":"Katame ca, bhikkhave, tayo bhaddā assājānīyā?\nIdha, bhikkhave, ekacco bhaddo assājānīyo …pe…\njavasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo bhaddā assājānīyā.","en":"And what are the three fine thoroughbred horses?\nOne fine thoroughbred horse …\nis fast, beautiful, and well proportioned.\nThese are the three fine thoroughbred horses."}},{"id":"an9.22:11","sourceIds":["an9.22:11.1","an9.22:11.2","an9.22:11.3"],"kind":"text","text":{"pi":"Katame ca, bhikkhave, tayo bhaddā purisājānīyā?\nIdha, bhikkhave, ekacco bhaddo purisājānīyo …pe…\njavasampanno ca hoti vaṇṇasampanno ca ārohapariṇāhasampanno ca.","en":"And what are the three fine thoroughbred people?\nOne fine thoroughbred person …\nis fast, beautiful, and well proportioned."}},{"id":"an9.22:12","sourceIds":["an9.22:12.1","an9.22:12.2","an9.22:12.3","an9.22:12.4","an9.22:12.5","an9.22:12.6","an9.22:12.7","an9.22:12.8","an9.22:12.9","an9.22:12.10","an9.22:12.11"],"kind":"text","text":{"pi":"Kathañca, bhikkhave, bhaddo purisājānīyo …pe…\njavasampanno ca hoti vaṇṇasampanno ca ārohapariṇāhasampanno ca?\nIdha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nIdamassa javasmiṁ vadāmi.\nAbhidhamme kho pana abhivinaye pañhaṁ puṭṭho vissajjeti, no saṁsādeti.\nIdamassa vaṇṇasmiṁ vadāmi.\nLābhī kho pana hoti cīvarapiṇḍapātasenāsanagilānapaccayabhesajjaparikkhārānaṁ.\nIdamassa ārohapariṇāhasmiṁ vadāmi.\nEvaṁ kho, bhikkhave, bhaddo purisājānīyo javasampanno ca hoti vaṇṇasampanno ca ārohapariṇāhasampanno ca.\nIme kho, bhikkhave, tayo bhaddā purisājānīyā”ti.\nDutiyaṁ.","en":"And how is a fine thoroughbred person …\nfast, beautiful, and well proportioned?\nIt’s a mendicant who realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThis is how they’re fast, I say.\nWhen asked a question about the teaching or training, they answer without faltering.\nThis is how they’re beautiful, I say.\nThey receive robes, almsfood, lodgings, and medicines and supplies for the sick.\nThis is how they’re well proportioned, I say.\nThis is how a fine thoroughbred person is fast, beautiful, and well proportioned.\nThese are the three fine thoroughbred people.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}