{"id":"dn26","title":"The Wheel-Turning Monarch","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn26","title":"The Wheel-Turning Monarch","units":[{"id":"dn26:0","sourceIds":["dn26:0.1","dn26:0.2"],"kind":"text","text":{"pi":"Dīgha Nikāya 26\nCakkavattisutta","en":"Long Discourses 26\nThe Wheel-Turning Monarch"}},{"id":"dn26:1","sourceIds":["dn26:1.0","dn26:1.1","dn26:1.2","dn26:1.3","dn26:1.4","dn26:1.5","dn26:1.6","dn26:1.7","dn26:1.8","dn26:1.9","dn26:1.10","dn26:1.11","dn26:1.12","dn26:1.13","dn26:1.14","dn26:1.15","dn26:1.16"],"kind":"text","text":{"pi":"1. Attadīpasaraṇatā\nEvaṁ me sutaṁ—\nekaṁ samayaṁ bhagavā magadhesu viharati mātulāyaṁ.\nTatra kho bhagavā bhikkhū āmantesi:\n“bhikkhavo”ti.\n“Bhaddante”ti te bhikkhū bhagavato paccassosuṁ.\nBhagavā etadavoca:\n“Attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā.\nKathañca pana, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo?\nIdha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.\nVedanāsu vedanānupassī …pe…\ncitte cittānupassī …pe…\ndhammesu dhammānupassī viharati ātāpī sampajāno satimā vineyya loke abhijjhādomanassaṁ.\nEvaṁ kho, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo.\nGocare, bhikkhave, caratha sake pettike visaye.\nGocare, bhikkhave, carataṁ sake pettike visaye na lacchati māro otāraṁ, na lacchati māro ārammaṇaṁ.\nKusalānaṁ, bhikkhave, dhammānaṁ samādānahetu evamidaṁ puññaṁ pavaḍḍhati.","en":"1. Taking Refuge in Oneself\nSo I have heard.\nAt one time the Buddha was staying in the land of the Magadhans at Mātulā.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:\n“Mendicants, live as your own island, your own refuge, with no other refuge. Let the teaching be your island and your refuge, with no other refuge.\nAnd how does a mendicant do this?\nThey meditate observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nThat’s how a mendicant lives with themselves as island and refuge, without other refuge; with the teachings as island and refuge, without other refuge.\nYou should roam inside your own territory, the domain of your fathers.\nIf you roam inside your own territory, the domain of your fathers, Māra won’t find a vulnerability or get an opportunity.\nIt is due to undertaking skillful qualities that merit grows."}},{"id":"dn26:2","sourceIds":["dn26:2.0","dn26:2.1","dn26:2.2","dn26:2.3","dn26:2.4","dn26:2.5"],"kind":"text","text":{"pi":"2. Daḷhanemicakkavattirājā\nBhūtapubbaṁ, bhikkhave, rājā daḷhanemi nāma ahosi cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato.\nTassimāni satta ratanāni ahesuṁ seyyathidaṁ—\ncakkaratanaṁ hatthiratanaṁ assaratanaṁ maṇiratanaṁ itthiratanaṁ gahapatiratanaṁ pariṇāyakaratanameva sattamaṁ.\nParosahassaṁ kho panassa puttā ahesuṁ sūrā vīraṅgarūpā parasenappamaddanā.\nSo imaṁ pathaviṁ sāgarapariyantaṁ adaṇḍena asatthena dhammena abhivijiya ajjhāvasi.","en":"2. King Daḷhanemi\nOnce upon a time, mendicants, there was a king named Daḷhanemi who was a wheel-turning monarch, a just and principled king. His dominion extended to all four sides, he achieved stability in the country, and he possessed the seven treasures.\nHe had the following seven treasures:\nthe wheel, the elephant, the horse, the jewel, the woman, the householder, and the commander as the seventh treasure.\nHe had over a thousand sons who were valiant and heroic, crushing the armies of his enemies.\nAfter conquering this land girt by sea, he reigned by principle, without rod or sword."}},{"id":"dn26:3","sourceIds":["dn26:3.1","dn26:3.2","dn26:3.3","dn26:3.4","dn26:3.5","dn26:3.6","dn26:3.7","dn26:3.8","dn26:3.9","dn26:3.10","dn26:3.11","dn26:3.12","dn26:3.13","dn26:3.14"],"kind":"text","text":{"pi":"Atha kho, bhikkhave, rājā daḷhanemi bahunnaṁ vassānaṁ bahunnaṁ vassasatānaṁ bahunnaṁ vassasahassānaṁ accayena aññataraṁ purisaṁ āmantesi:\n‘yadā tvaṁ, ambho purisa, passeyyāsi dibbaṁ cakkaratanaṁ osakkitaṁ ṭhānā cutaṁ, atha me āroceyyāsī’ti.\n‘Evaṁ, devā’ti kho, bhikkhave, so puriso rañño daḷhanemissa paccassosi.\nAddasā kho, bhikkhave, so puriso bahunnaṁ vassānaṁ bahunnaṁ vassasatānaṁ bahunnaṁ vassasahassānaṁ accayena dibbaṁ cakkaratanaṁ osakkitaṁ ṭhānā cutaṁ, disvāna yena rājā daḷhanemi tenupasaṅkami; upasaṅkamitvā rājānaṁ daḷhanemiṁ etadavoca:\n‘yagghe, deva, jāneyyāsi, dibbaṁ te cakkaratanaṁ osakkitaṁ ṭhānā cutan’ti.\nAtha kho, bhikkhave, rājā daḷhanemi jeṭṭhaputtaṁ kumāraṁ āmantāpetvā etadavoca:\n‘dibbaṁ kira me, tāta kumāra, cakkaratanaṁ osakkitaṁ ṭhānā cutaṁ.\nSutaṁ kho pana metaṁ—\nyassa rañño cakkavattissa dibbaṁ cakkaratanaṁ osakkati ṭhānā cavati, na dāni tena raññā ciraṁ jīvitabbaṁ hotīti.\nBhuttā kho pana me mānusakā kāmā, samayo dāni me dibbe kāme pariyesituṁ.\nEhi tvaṁ, tāta kumāra, imaṁ samuddapariyantaṁ pathaviṁ paṭipajja.\nAhaṁ pana kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajissāmī’ti.\nAtha kho, bhikkhave, rājā daḷhanemi jeṭṭhaputtaṁ kumāraṁ sādhukaṁ rajje samanusāsitvā kesamassuṁ ohāretvā kāsāyāni vatthāni acchādetvā agārasmā anagāriyaṁ pabbaji.\nSattāhapabbajite kho pana, bhikkhave, rājisimhi dibbaṁ cakkaratanaṁ antaradhāyi.","en":"Then, after many years, many hundred years, many thousand years had passed, King Daḷhanemi addressed one of his men,\n‘My man, when you see that the heavenly wheel-treasure has receded back from its place, please tell me.’\n‘Yes, Your Majesty,’ replied that man.\nAfter many thousand years had passed, that man saw that the heavenly wheel-treasure had receded back from its place. So he went to King Daḷhanemi and said,\n‘Please Your Majesty, you should know that your heavenly wheel-treasure has receded back from its place.’\nSo the king summoned the crown prince and said,\n‘Dear prince, my heavenly wheel-treasure has receded back from its place.\nI’ve heard that\nwhen this happens to a wheel-turning monarch, he does not have long to live.\nI have enjoyed human pleasures. Now it is time for me to seek heavenly pleasures.\nCome, dear prince, rule this land surrounded by ocean!\nI shall shave off my hair and beard, dress in ocher robes, and go forth from the lay life to homelessness.’\nAnd so, after carefully instructing the crown prince in kingship, King Daḷhanemi shaved off his hair and beard, dressed in ocher robes, and went forth from the lay life to homelessness.\nSeven days later the heavenly wheel-treasure vanished."}},{"id":"dn26:4","sourceIds":["dn26:4.1","dn26:4.2","dn26:4.3","dn26:4.4","dn26:4.5","dn26:4.6","dn26:4.7","dn26:4.8","dn26:4.9"],"kind":"text","text":{"pi":"Atha kho, bhikkhave, aññataro puriso yena rājā khattiyo muddhābhisitto tenupasaṅkami; upasaṅkamitvā rājānaṁ khattiyaṁ muddhābhisittaṁ etadavoca:\n‘yagghe, deva, jāneyyāsi, dibbaṁ cakkaratanaṁ antarahitan’ti.\nAtha kho, bhikkhave, rājā khattiyo muddhābhisitto dibbe cakkaratane antarahite anattamano ahosi, anattamanatañca paṭisaṁvedesi.\nSo yena rājisi tenupasaṅkami; upasaṅkamitvā rājisiṁ etadavoca:\n‘yagghe, deva, jāneyyāsi, dibbaṁ cakkaratanaṁ antarahitan’ti.\nEvaṁ vutte, bhikkhave, rājisi rājānaṁ khattiyaṁ muddhābhisittaṁ etadavoca:\n‘mā kho tvaṁ, tāta, dibbe cakkaratane antarahite anattamano ahosi, mā anattamanatañca paṭisaṁvedesi, na hi te, tāta, dibbaṁ cakkaratanaṁ pettikaṁ dāyajjaṁ.\nIṅgha tvaṁ, tāta, ariye cakkavattivatte vattāhi.\nṬhānaṁ kho panetaṁ vijjati, yaṁ te ariye cakkavattivatte vattamānassa tadahuposathe pannarase sīsaṁnhātassa uposathikassa uparipāsādavaragatassa dibbaṁ cakkaratanaṁ pātubhavissati sahassāraṁ sanemikaṁ sanābhikaṁ sabbākāraparipūran’ti.","en":"Then a certain man approached the newly anointed aristocrat king and said,\n‘Please Your Majesty, you should know that the heavenly wheel-treasure has vanished.’\nAt that the king was unhappy and experienced unhappiness.\nHe went to the royal seer and said,\n‘Please Your Majesty, you should know that the heavenly wheel-treasure has vanished.’\nWhen he said this, the royal seer said to him,\n‘Don’t be unhappy at the vanishing of the wheel-treasure. My dear, the wheel-treasure is not inherited from your father.\nCome now, my dear, proceed in the noble duty of a wheel-turning monarch.\nIf you do so, it’s possible that—on a fifteenth day sabbath, having bathed your head and gone upstairs in the royal longhouse to observe the sabbath—the heavenly wheel-treasure will appear to you, with a thousand spokes, with rim and hub, complete in every detail.’"}},{"id":"dn26:5","sourceIds":["dn26:5.0","dn26:5.1","dn26:5.2","dn26:5.3","dn26:5.4","dn26:5.5","dn26:5.6","dn26:5.7","dn26:5.8"],"kind":"text","text":{"pi":"2.1. Cakkavattiariyavatta\n‘Katamaṁ pana taṁ, deva, ariyaṁ cakkavattivattan’ti?\n‘Tena hi tvaṁ, tāta, dhammaṁyeva nissāya dhammaṁ sakkaronto dhammaṁ garuṁ karonto dhammaṁ mānento dhammaṁ pūjento dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahassu antojanasmiṁ balakāyasmiṁ khattiyesu anuyantesu brāhmaṇagahapatikesu negamajānapadesu samaṇabrāhmaṇesu migapakkhīsu.\nMā ca te, tāta, vijite adhammakāro pavattittha.\nYe ca te, tāta, vijite adhanā assu, tesañca dhanamanuppadeyyāsi.\nYe ca te, tāta, vijite samaṇabrāhmaṇā madappamādā paṭiviratā khantisoracce niviṭṭhā ekamattānaṁ damenti, ekamattānaṁ samenti, ekamattānaṁ parinibbāpenti, te kālena kālaṁ upasaṅkamitvā paripuccheyyāsi pariggaṇheyyāsi:\n“kiṁ, bhante, kusalaṁ, kiṁ akusalaṁ, kiṁ sāvajjaṁ, kiṁ anavajjaṁ, kiṁ sevitabbaṁ, kiṁ na sevitabbaṁ, kiṁ me karīyamānaṁ dīgharattaṁ ahitāya dukkhāya assa, kiṁ vā pana me karīyamānaṁ dīgharattaṁ hitāya sukhāya assā”ti?\nTesaṁ sutvā yaṁ akusalaṁ taṁ abhinivajjeyyāsi, yaṁ kusalaṁ taṁ samādāya vatteyyāsi.\nIdaṁ kho, tāta, taṁ ariyaṁ cakkavattivattan’ti.","en":"2.1. The Noble Duty of a Wheel-Turning Monarch\n‘But Your Majesty, what is the noble duty of a wheel-turning monarch?’\n‘Well then, my dear, relying only on principle—honoring, respecting, and venerating principle, having principle as your flag, banner, and authority—provide just protection and security for your court, troops, aristocrats, vassals, brahmins and householders, people of town and country, ascetics and brahmins, beasts and birds.\nDo not let injustice prevail in the realm.\nProvide money to the penniless in the realm.\nAnd there are ascetics and brahmins in the realm who refrain from intoxication and negligence, are settled in patience and gentleness, and who tame, calm, and extinguish themselves. From time to time you should go up to them and ask and learn:\n“Sirs, what is skillful? What is unskillful? What is blameworthy? What is blameless? What should be cultivated? What should not be cultivated? Doing what leads to my lasting harm and suffering? Doing what leads to my lasting welfare and happiness?”\nHaving heard them, you should shun what is unskillful and proceed having undertaken what is skillful.\nThis is the noble duty of a wheel-turning monarch.’"}},{"id":"dn26:5.9","sourceIds":["dn26:5.9.0"],"kind":"text","text":{"pi":"2.2. Cakkaratanapātubhāva","en":"2.2. The Wheel-Treasure Appears"}},{"id":"dn26:5-from-dn26-5.10","sourceIds":["dn26:5.10","dn26:5.11","dn26:5.12","dn26:5.13","dn26:5.14","dn26:5.15"],"kind":"text","text":{"pi":"‘Evaṁ, devā’ti kho, bhikkhave, rājā khattiyo muddhābhisitto rājisissa paṭissutvā ariye cakkavattivatte vatti.\nTassa ariye cakkavattivatte vattamānassa tadahuposathe pannarase sīsaṁnhātassa uposathikassa uparipāsādavaragatassa\ndibbaṁ cakkaratanaṁ pāturahosi sahassāraṁ sanemikaṁ sanābhikaṁ sabbākāraparipūraṁ.\nDisvāna rañño khattiyassa muddhābhisittassa etadahosi:\n‘sutaṁ kho pana metaṁ—yassa rañño khattiyassa muddhābhisittassa tadahuposathe pannarase sīsaṁnhātassa uposathikassa uparipāsādavaragatassa dibbaṁ cakkaratanaṁ pātubhavati sahassāraṁ sanemikaṁ sanābhikaṁ sabbākāraparipūraṁ, so hoti rājā cakkavattīti.\nAssaṁ nu kho ahaṁ rājā cakkavattī’ti.","en":"‘Yes, Your Majesty,’ replied the new king to the royal seer. And he proceeded in the noble duty of a wheel-turning monarch.\nWhile he was proceeding in that duty, on a fifteenth day sabbath, he had bathed his head and gone upstairs in the royal longhouse to observe the sabbath.\nAnd the heavenly wheel-treasure appeared to him, with a thousand spokes, with rim and hub, complete in every detail.\nSeeing this, the king thought,\n‘I have heard that when the heavenly wheel-treasure appears to a king in this way, he becomes a wheel-turning monarch.\nAm I then a wheel-turning monarch?’"}},{"id":"dn26:6","sourceIds":["dn26:6.1","dn26:6.2","dn26:6.3","dn26:6.4","dn26:6.5","dn26:6.6","dn26:6.7","dn26:6.8"],"kind":"text","text":{"pi":"Atha kho, bhikkhave, rājā khattiyo muddhābhisitto uṭṭhāyāsanā ekaṁsaṁ uttarāsaṅgaṁ karitvā vāmena hatthena bhiṅkāraṁ gahetvā dakkhiṇena hatthena cakkaratanaṁ abbhukkiri:\n‘pavattatu bhavaṁ cakkaratanaṁ, abhivijinātu bhavaṁ cakkaratanan’ti.\nAtha kho taṁ, bhikkhave, cakkaratanaṁ puratthimaṁ disaṁ pavatti, anvadeva rājā cakkavattī saddhiṁ caturaṅginiyā senāya. Yasmiṁ kho pana, bhikkhave, padese cakkaratanaṁ patiṭṭhāsi, tattha rājā cakkavattī vāsaṁ upagacchi saddhiṁ caturaṅginiyā senāya.\nYe kho pana, bhikkhave, puratthimāya disāya paṭirājāno, te rājānaṁ cakkavattiṁ upasaṅkamitvā evamāhaṁsu:\n‘ehi kho, mahārāja, svāgataṁ te mahārāja, sakaṁ te, mahārāja, anusāsa, mahārājā’ti.\nRājā cakkavattī evamāha:\n‘pāṇo na hantabbo, adinnaṁ nādātabbaṁ, kāmesumicchā na caritabbā, musā na bhāsitabbā, majjaṁ na pātabbaṁ, yathābhuttañca bhuñjathā’ti.\nYe kho pana, bhikkhave, puratthimāya disāya paṭirājāno, te rañño cakkavattissa anuyantā ahesuṁ.","en":"Then the anointed king, rising from his seat and arranging his robe over one shoulder, took a ceremonial vase in his left hand and besprinkled the wheel-treasure with his right hand, saying,\n‘Roll forth, O wheel-treasure! Triumph, O wheel-treasure!’\nThen the wheel-treasure rolled toward the east. And the king followed it together with his army of four divisions. In whatever place the wheel-treasure stood still, there the king came to stay together with his army.\nAnd any opposing rulers of the eastern quarter came to the wheel-turning monarch and said,\n‘Come, Great King! Welcome, Great King! We are yours, Great King, instruct us.’\nThe wheel-turning monarch said,\n‘Do not kill living creatures. Do not steal. Do not commit sexual misconduct. Do not lie. Do not drink liquor. Maintain the current level of taxation.’\nAnd so the opposing rulers of the eastern quarter became his vassals."}},{"id":"dn26:7","sourceIds":["dn26:7.1","dn26:7.2","dn26:7.3","dn26:7.4","dn26:7.5","dn26:7.6","dn26:7.7","dn26:7.8","dn26:7.9","dn26:7.10","dn26:7.11","dn26:7.12","dn26:7.13","dn26:7.14","dn26:7.15","dn26:7.16"],"kind":"text","text":{"pi":"Atha kho taṁ, bhikkhave, cakkaratanaṁ puratthimaṁ samuddaṁ ajjhogāhetvā paccuttaritvā dakkhiṇaṁ disaṁ pavatti …pe…\ndakkhiṇaṁ samuddaṁ ajjhogāhetvā paccuttaritvā pacchimaṁ disaṁ pavatti, anvadeva rājā cakkavattī saddhiṁ caturaṅginiyā senāya.\nYasmiṁ kho pana, bhikkhave, padese cakkaratanaṁ patiṭṭhāsi, tattha rājā cakkavattī vāsaṁ upagacchi saddhiṁ caturaṅginiyā senāya.\nYe kho pana, bhikkhave, pacchimāya disāya paṭirājāno, te rājānaṁ cakkavattiṁ upasaṅkamitvā evamāhaṁsu:\n‘ehi kho, mahārāja, svāgataṁ te, mahārāja, sakaṁ te, mahārāja, anusāsa, mahārājā’ti.\nRājā cakkavattī evamāha:\n‘pāṇo na hantabbo, adinnaṁ nādātabbaṁ, kāmesumicchā na caritabbā, musā na bhāsitabbā, majjaṁ na pātabbaṁ, yathābhuttañca bhuñjathā’ti.\nYe kho pana, bhikkhave, pacchimāya disāya paṭirājāno, te rañño cakkavattissa anuyantā ahesuṁ.\nAtha kho taṁ, bhikkhave, cakkaratanaṁ pacchimaṁ samuddaṁ ajjhogāhetvā paccuttaritvā uttaraṁ disaṁ pavatti, anvadeva rājā cakkavattī saddhiṁ caturaṅginiyā senāya.\nYasmiṁ kho pana, bhikkhave, padese cakkaratanaṁ patiṭṭhāsi, tattha rājā cakkavattī vāsaṁ upagacchi saddhiṁ caturaṅginiyā senāya.\nYe kho pana, bhikkhave, uttarāya disāya paṭirājāno, te rājānaṁ cakkavattiṁ upasaṅkamitvā evamāhaṁsu:\n‘ehi kho, mahārāja, svāgataṁ te, mahārāja, sakaṁ te, mahārāja, anusāsa, mahārājā’ti.\nRājā cakkavattī evamāha:\n‘pāṇo na hantabbo, adinnaṁ nādātabbaṁ, kāmesumicchā na caritabbā, musā na bhāsitabbā, majjaṁ na pātabbaṁ, yathābhuttañca bhuñjathā’ti.\nYe kho pana, bhikkhave, uttarāya disāya paṭirājāno, te rañño cakkavattissa anuyantā ahesuṁ.\nAtha kho taṁ, bhikkhave, cakkaratanaṁ samuddapariyantaṁ pathaviṁ abhivijinitvā tameva rājadhāniṁ paccāgantvā rañño cakkavattissa antepuradvāre atthakaraṇapamukhe akkhāhataṁ maññe aṭṭhāsi rañño cakkavattissa antepuraṁ upasobhayamānaṁ.","en":"Then the wheel-treasure, having plunged into the eastern ocean and emerged again, rolled toward the south. …\nHaving plunged into the southern ocean and emerged again, it rolled toward the west. …\nHaving plunged into the western ocean and emerged again, it rolled toward the north, followed by the king together with his army of four divisions.\nIn whatever place the wheel-treasure stood still, there the king came to stay together with his army.\nAnd any opposing rulers of the northern quarter came to the wheel-turning monarch and said,\n‘Come, Great King! Welcome, Great King! We are yours, Great King, instruct us.’\nThe wheel-turning monarch said,\n‘Do not kill living creatures. Do not steal. Do not commit sexual misconduct. Do not lie. Do not drink liquor. Maintain the current level of taxation.’\nAnd so the rulers of the northern quarter became his vassals.\nAnd then the wheel-treasure, having triumphed over this land surrounded by ocean, returned to the royal capital. There it stood still by the gate to the royal compound at the High Court as if fixed to an axle, illuminating the royal compound."}},{"id":"dn26:8","sourceIds":["dn26:8.0","dn26:8.1","dn26:8.2","dn26:8.3","dn26:8.4","dn26:8.5","dn26:8.6","dn26:8.7","dn26:8.8","dn26:8.9","dn26:8.10","dn26:8.11","dn26:8.12","dn26:8.13","dn26:8.14","dn26:8.15","dn26:8.16","dn26:8.17","dn26:8.18"],"kind":"text","text":{"pi":"3. Dutiyādicakkavattikathā\nDutiyopi kho, bhikkhave, rājā cakkavattī …pe…\ntatiyopi kho, bhikkhave, rājā cakkavattī …\ncatutthopi kho, bhikkhave, rājā cakkavattī …\npañcamopi kho, bhikkhave, rājā cakkavattī …\nchaṭṭhopi kho, bhikkhave, rājā cakkavattī …\nsattamopi kho, bhikkhave, rājā cakkavattī bahunnaṁ vassānaṁ bahunnaṁ vassasatānaṁ bahunnaṁ vassasahassānaṁ accayena aññataraṁ purisaṁ āmantesi:\n‘yadā tvaṁ, ambho purisa, passeyyāsi dibbaṁ cakkaratanaṁ osakkitaṁ ṭhānā cutaṁ, atha me āroceyyāsī’ti.\n‘Evaṁ, devā’ti kho, bhikkhave, so puriso rañño cakkavattissa paccassosi.\nAddasā kho, bhikkhave, so puriso bahunnaṁ vassānaṁ bahunnaṁ vassasatānaṁ bahunnaṁ vassasahassānaṁ accayena dibbaṁ cakkaratanaṁ osakkitaṁ ṭhānā cutaṁ.\nDisvāna yena rājā cakkavattī tenupasaṅkami; upasaṅkamitvā rājānaṁ cakkavattiṁ etadavoca:\n‘yagghe, deva, jāneyyāsi, dibbaṁ te cakkaratanaṁ osakkitaṁ ṭhānā cutan’ti?\nAtha kho, bhikkhave, rājā cakkavattī jeṭṭhaputtaṁ kumāraṁ āmantāpetvā etadavoca:\n‘dibbaṁ kira me, tāta kumāra, cakkaratanaṁ osakkitaṁ, ṭhānā cutaṁ, sutaṁ kho pana metaṁ—\nyassa rañño cakkavattissa dibbaṁ cakkaratanaṁ osakkati, ṭhānā cavati, na dāni tena raññā ciraṁ jīvitabbaṁ hotīti.\nBhuttā kho pana me mānusakā kāmā, samayo dāni me dibbe kāme pariyesituṁ, ehi tvaṁ, tāta kumāra, imaṁ samuddapariyantaṁ pathaviṁ paṭipajja.\nAhaṁ pana kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajissāmī’ti.\nAtha kho, bhikkhave, rājā cakkavattī jeṭṭhaputtaṁ kumāraṁ sādhukaṁ rajje samanusāsitvā kesamassuṁ ohāretvā kāsāyāni vatthāni acchādetvā agārasmā anagāriyaṁ pabbaji.\nSattāhapabbajite kho pana, bhikkhave, rājisimhi dibbaṁ cakkaratanaṁ antaradhāyi.","en":"3. On Subsequent Wheel-Turning Monarchs\nAnd for a second time,\nand a third,\na fourth,\na fifth,\na sixth,\nand a seventh time, a wheel-turning monarch was established in exactly the same way. And after many years the seventh wheel-turning monarch went forth, handing the realm over to the crown prince.\nSeven days later the heavenly wheel-treasure vanished."}},{"id":"dn26:9","sourceIds":["dn26:9.1","dn26:9.2","dn26:9.3","dn26:9.4","dn26:9.5","dn26:9.6","dn26:9.7","dn26:9.8","dn26:9.9","dn26:9.10","dn26:9.11"],"kind":"text","text":{"pi":"Atha kho, bhikkhave, aññataro puriso yena rājā khattiyo muddhābhisitto tenupasaṅkami; upasaṅkamitvā rājānaṁ khattiyaṁ muddhābhisittaṁ etadavoca:\n‘yagghe, deva, jāneyyāsi, dibbaṁ cakkaratanaṁ antarahitan’ti?\nAtha kho, bhikkhave, rājā khattiyo muddhābhisitto dibbe cakkaratane antarahite anattamano ahosi. Anattamanatañca paṭisaṁvedesi;\nno ca kho rājisiṁ upasaṅkamitvā ariyaṁ cakkavattivattaṁ pucchi.\nSo samateneva sudaṁ janapadaṁ pasāsati.\nTassa samatena janapadaṁ pasāsato pubbenāparaṁ janapadā na pabbanti, yathā taṁ pubbakānaṁ rājūnaṁ ariye cakkavattivatte vattamānānaṁ.\nAtha kho, bhikkhave, amaccā pārisajjā gaṇakamahāmattā anīkaṭṭhā dovārikā mantassājīvino sannipatitvā rājānaṁ khattiyaṁ muddhābhisittaṁ etadavocuṁ:\n‘na kho te, deva, samatena sudaṁ janapadaṁ pasāsato pubbenāparaṁ janapadā pabbanti, yathā taṁ pubbakānaṁ rājūnaṁ ariye cakkavattivatte vattamānānaṁ.\nSaṁvijjanti kho te, deva, vijite amaccā pārisajjā gaṇakamahāmattā anīkaṭṭhā dovārikā mantassājīvino mayañceva aññe ca ye mayaṁ ariyaṁ cakkavattivattaṁ dhārema.\nIṅgha tvaṁ, deva, amhe ariyaṁ cakkavattivattaṁ puccha.\nTassa te mayaṁ ariyaṁ cakkavattivattaṁ puṭṭhā byākarissāmā’ti.","en":"Then a certain man approached the newly anointed aristocrat king and said,\n‘Please Your Majesty, you should know that the heavenly wheel-treasure has vanished.’\nAt that the king was unhappy and experienced unhappiness.\nBut he didn’t go to the royal seer and ask about the noble duty of a wheel-turning monarch.\nHe just governed the country according to his own ideas.\nSo governed, the country’s people did not prosper like before, as they had when former kings proceeded in the noble duty of a wheel-turning monarch.\nThen the ministers and councillors, the treasurers and chief ministers, military officers, guardsmen, and professional advisers gathered and said to the king,\n‘Your Majesty, when governed according to your own ideas, the country’s people do not prosper like before, as they did when former kings proceeded in the noble duty of a wheel-turning monarch.\nIn your realm are found ministers and councillors, treasurers and chief ministers, military officers, guardsmen, and professional advisers—both ourselves and others—who remember the noble duty of a wheel-turning monarch.\nPlease, Your Majesty, ask us about the noble duty of a wheel-turning monarch.\nWe will answer you.’"}},{"id":"dn26:10","sourceIds":["dn26:10.0","dn26:10.1","dn26:10.2","dn26:10.3","dn26:10.4","dn26:10.5","dn26:10.6","dn26:10.7","dn26:10.8","dn26:10.9","dn26:10.10","dn26:10.11","dn26:10.12","dn26:10.13","dn26:10.14","dn26:10.15","dn26:10.16"],"kind":"text","text":{"pi":"4. Āyuvaṇṇādiparihānikathā\nAtha kho, bhikkhave, rājā khattiyo muddhābhisitto amacce pārisajje gaṇakamahāmatte anīkaṭṭhe dovārike mantassājīvino sannipātetvā ariyaṁ cakkavattivattaṁ pucchi.\nTassa te ariyaṁ cakkavattivattaṁ puṭṭhā byākariṁsu.\nTesaṁ sutvā dhammikañhi kho rakkhāvaraṇaguttiṁ saṁvidahi, no ca kho adhanānaṁ dhanamanuppadāsi.\nAdhanānaṁ dhane ananuppadiyamāne dāliddiyaṁ vepullamagamāsi.\nDāliddiye vepullaṁ gate aññataro puriso paresaṁ adinnaṁ theyyasaṅkhātaṁ ādiyi.\nTamenaṁ aggahesuṁ.\nGahetvā rañño khattiyassa muddhābhisittassa dassesuṁ:\n‘ayaṁ, deva, puriso paresaṁ adinnaṁ theyyasaṅkhātaṁ ādiyī’ti.\nEvaṁ vutte, bhikkhave, rājā khattiyo muddhābhisitto taṁ purisaṁ etadavoca:\n‘saccaṁ kira tvaṁ, ambho purisa, paresaṁ adinnaṁ theyyasaṅkhātaṁ ādiyī’ti?\n‘Saccaṁ, devā’ti.\n‘Kiṁ kāraṇā’ti?\n‘Na hi, deva, jīvāmī’ti.\nAtha kho, bhikkhave, rājā khattiyo muddhābhisitto tassa purisassa dhanamanuppadāsi:\n‘iminā tvaṁ, ambho purisa, dhanena attanā ca jīvāhi, mātāpitaro ca posehi, puttadārañca posehi, kammante ca payojehi, samaṇabrāhmaṇesu uddhaggikaṁ dakkhiṇaṁ patiṭṭhāpehi sovaggikaṁ sukhavipākaṁ saggasaṁvattanikan’ti.\n‘Evaṁ, devā’ti kho, bhikkhave, so puriso rañño khattiyassa muddhābhisittassa paccassosi.","en":"4. On the Period of Decline\nSo the anointed king asked the assembled ministers and councillors, treasurers and chief ministers, military officers, guardsmen, and professional advisers about the noble duty of a wheel-turning monarch.\nAnd they answered him.\nAfter listening to them, he provided just protection and security. But he did not provide money to the penniless in the realm.\nAnd so poverty grew widespread.\nWhen poverty was widespread, a certain person stole from others, with the intention to commit theft.\nThey arrested him\nand presented him to the king, saying,\n‘Your Majesty, this person stole from others with the intention to commit theft.’\nThe king said to that person,\n‘Is it really true, my man, that you stole from others with the intention to commit theft?’\n‘It’s true, Your Majesty.’\n‘What was the reason?’\n‘Your Majesty, I can’t survive.’\nSo the king provided some money to that person, saying,\n‘With this money, my man, keep yourself alive, and provide for your mother and father, partners and children. Work for a living, and establish an uplifting religious donation for ascetics and brahmins that’s conducive to heaven, ripens in happiness, and leads to heaven.’\n‘Yes, Your Majesty,’ replied that man."}},{"id":"dn26:11","sourceIds":["dn26:11.1","dn26:11.2","dn26:11.3","dn26:11.4","dn26:11.5","dn26:11.6","dn26:11.7","dn26:11.8","dn26:11.9","dn26:11.10","dn26:11.11","dn26:11.12"],"kind":"text","text":{"pi":"Aññataropi kho, bhikkhave, puriso paresaṁ adinnaṁ theyyasaṅkhātaṁ ādiyi.\nTamenaṁ aggahesuṁ.\nGahetvā rañño khattiyassa muddhābhisittassa dassesuṁ:\n‘ayaṁ, deva, puriso paresaṁ adinnaṁ theyyasaṅkhātaṁ ādiyī’ti.\nEvaṁ vutte, bhikkhave, rājā khattiyo muddhābhisitto taṁ purisaṁ etadavoca:\n‘saccaṁ kira tvaṁ, ambho purisa, paresaṁ adinnaṁ theyyasaṅkhātaṁ ādiyī’ti?\n‘Saccaṁ, devā’ti.\n‘Kiṁ kāraṇā’ti?\n‘Na hi, deva, jīvāmī’ti.\nAtha kho, bhikkhave, rājā khattiyo muddhābhisitto tassa purisassa dhanamanuppadāsi:\n‘iminā tvaṁ, ambho purisa, dhanena attanā ca jīvāhi, mātāpitaro ca posehi, puttadārañca posehi, kammante ca payojehi, samaṇabrāhmaṇesu uddhaggikaṁ dakkhiṇaṁ patiṭṭhāpehi sovaggikaṁ sukhavipākaṁ saggasaṁvattanikan’ti.\n‘Evaṁ, devā’ti kho, bhikkhave, so puriso rañño khattiyassa muddhābhisittassa paccassosi.","en":"But then another man stole something from others.\nThey arrested him\nand presented him to the king, saying,\n‘Your Majesty, this person stole from others.’\nThe king said to that person,\n‘Is it really true, my man, that you stole from others?’\n‘It’s true, Your Majesty.’\n‘What was the reason?’\n‘Your Majesty, I can’t survive.’\nSo the king provided some money to that person, saying,\n‘With this money, my man, keep yourself alive, and provide for your mother and father, partners and children. Work for a living, and establish an uplifting religious donation for ascetics and brahmins that’s conducive to heaven, ripens in happiness, and leads to heaven.’\n‘Yes, Your Majesty,’ replied that man."}},{"id":"dn26:12","sourceIds":["dn26:12.1","dn26:12.2","dn26:12.3","dn26:12.4","dn26:12.5","dn26:12.6","dn26:12.7","dn26:12.8","dn26:12.9","dn26:12.10","dn26:12.11","dn26:12.12","dn26:12.13","dn26:12.14","dn26:12.15","dn26:12.16","dn26:12.17","dn26:12.18","dn26:12.19"],"kind":"text","text":{"pi":"Assosuṁ kho, bhikkhave, manussā:\n‘ye kira, bho, paresaṁ adinnaṁ theyyasaṅkhātaṁ ādiyanti, tesaṁ rājā dhanamanuppadetī’ti.\nSutvāna tesaṁ etadahosi:\n‘yannūna mayampi paresaṁ adinnaṁ theyyasaṅkhātaṁ ādiyeyyāmā’ti.\nAtha kho, bhikkhave, aññataro puriso paresaṁ adinnaṁ theyyasaṅkhātaṁ ādiyi.\nTamenaṁ aggahesuṁ.\nGahetvā rañño khattiyassa muddhābhisittassa dassesuṁ:\n‘ayaṁ, deva, puriso paresaṁ adinnaṁ theyyasaṅkhātaṁ ādiyī’ti.\nEvaṁ vutte, bhikkhave, rājā khattiyo muddhābhisitto taṁ purisaṁ etadavoca:\n‘saccaṁ kira tvaṁ, ambho purisa, paresaṁ adinnaṁ theyyasaṅkhātaṁ ādiyī’ti?\n‘Saccaṁ, devā’ti.\n‘Kiṁ kāraṇā’ti?\n‘Na hi, deva, jīvāmī’ti.\nAtha kho, bhikkhave, rañño khattiyassa muddhābhisittassa etadahosi:\n‘sace kho ahaṁ yo yo paresaṁ adinnaṁ theyyasaṅkhātaṁ ādiyissati, tassa tassa dhanamanuppadassāmi, evamidaṁ adinnādānaṁ pavaḍḍhissati.\nYannūnāhaṁ imaṁ purisaṁ sunisedhaṁ nisedheyyaṁ, mūlaghaccaṁ kareyyaṁ, sīsamassa chindeyyan’ti.\nAtha kho, bhikkhave, rājā khattiyo muddhābhisitto purise āṇāpesi:\n‘tena hi, bhaṇe, imaṁ purisaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhamitvā dakkhiṇato nagarassa sunisedhaṁ nisedhetha, mūlaghaccaṁ karotha, sīsamassa chindathā’ti.\n‘Evaṁ, devā’ti kho, bhikkhave, te purisā rañño khattiyassa muddhābhisittassa paṭissutvā taṁ purisaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhamitvā dakkhiṇato nagarassa sunisedhaṁ nisedhesuṁ, mūlaghaccaṁ akaṁsu, sīsamassa chindiṁsu.","en":"People heard about this:\n‘It seems the king is providing money to anyone who steals from others!’\nIt occurred to them,\n‘Why don’t we steal from others?’\nSo then another man stole something from others.\nThey arrested him\nand presented him to the king, saying,\n‘Your Majesty, this person stole from others.’\nThe king said to that person,\n‘Is it really true, my man, that you stole from others?’\n‘It’s true, Your Majesty.’\n‘What was the reason?’\n‘Your Majesty, I can’t survive.’\nThen the king thought,\n‘If I provide money to anyone who steals from others, it will only increase the stealing.\nI’d better make an end of this person, finish him off, and chop off his head.’\nThen he ordered his men,\n‘Well then, lads, tie this man’s arms tightly behind his back with a strong rope. Shave his head and march him from street to street and square to square to the beating of a harsh drum. Then take him out the south gate and make an end of him, finish him off, and chop off his head.’\n‘Yes, Your Majesty,’ they replied, and did as he commanded."}},{"id":"dn26:13","sourceIds":["dn26:13.1","dn26:13.2","dn26:13.3","dn26:13.4","dn26:13.5","dn26:13.6"],"kind":"text","text":{"pi":"Assosuṁ kho, bhikkhave, manussā:\n‘ye kira, bho, paresaṁ adinnaṁ theyyasaṅkhātaṁ ādiyanti, te rājā sunisedhaṁ nisedheti, mūlaghaccaṁ karoti, sīsāni tesaṁ chindatī’ti.\nSutvāna tesaṁ etadahosi:\n‘yannūna mayampi tiṇhāni satthāni kārāpessāma, tiṇhāni satthāni kārāpetvā yesaṁ adinnaṁ theyyasaṅkhātaṁ ādiyissāma, te sunisedhaṁ nisedhessāma, mūlaghaccaṁ karissāma, sīsāni tesaṁ chindissāmā’ti.\nTe tiṇhāni satthāni kārāpesuṁ, tiṇhāni satthāni kārāpetvā gāmaghātampi upakkamiṁsu kātuṁ, nigamaghātampi upakkamiṁsu kātuṁ, nagaraghātampi upakkamiṁsu kātuṁ, panthaduhanampi upakkamiṁsu kātuṁ.\nYesaṁ te adinnaṁ theyyasaṅkhātaṁ ādiyanti, te sunisedhaṁ nisedhenti, mūlaghaccaṁ karonti, sīsāni tesaṁ chindanti.","en":"People heard about this:\n‘It seems the king is chopping the head off anyone who steals from others!’\nIt occurred to them,\n‘We’d better have sharp swords made. Then when we steal from others, we’ll make an end of them, finish them off, and chop off their heads.’\nThey had sharp swords made. Then they started to attack villages, towns, and cities, and to infest the highways.\nAnd they chopped the heads off anyone they stole from."}},{"id":"dn26:14","sourceIds":["dn26:14.1","dn26:14.2","dn26:14.3","dn26:14.4","dn26:14.5","dn26:14.6","dn26:14.7","dn26:14.8","dn26:14.9"],"kind":"text","text":{"pi":"Iti kho, bhikkhave, adhanānaṁ dhane ananuppadiyamāne dāliddiyaṁ vepullamagamāsi, dāliddiye vepullaṁ gate adinnādānaṁ vepullamagamāsi, adinnādāne vepullaṁ gate satthaṁ vepullamagamāsi, satthe vepullaṁ gate pāṇātipāto vepullamagamāsi, pāṇātipāte vepullaṁ gate tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ asītivassasahassāyukānaṁ manussānaṁ cattārīsavassasahassāyukā puttā ahesuṁ.\nCattārīsavassasahassāyukesu, bhikkhave, manussesu aññataro puriso paresaṁ adinnaṁ theyyasaṅkhātaṁ ādiyi.\nTamenaṁ aggahesuṁ.\nGahetvā rañño khattiyassa muddhābhisittassa dassesuṁ:\n‘ayaṁ, deva, puriso paresaṁ adinnaṁ theyyasaṅkhātaṁ ādiyī’ti.\nEvaṁ vutte, bhikkhave, rājā khattiyo muddhābhisitto taṁ purisaṁ etadavoca:\n‘saccaṁ kira tvaṁ, ambho purisa, paresaṁ adinnaṁ theyyasaṅkhātaṁ ādiyī’ti?\n‘Na hi, devā’ti sampajānamusā abhāsi.","en":"And so, mendicants, from not providing money to the penniless, poverty became widespread. When poverty was widespread, theft became widespread. When theft was widespread, swords became widespread. When swords were widespread, killing living creatures became widespread. And for the sentient beings among whom killing was widespread, their lifespan and beauty declined.\nThose people lived for 80,000 years, but their children lived for 40,000 years.\nAmong the humans who lived for 40,000 years, a certain person stole something from others.\nThey arrested him\nand presented him to the king, saying,\n‘Your Majesty, this person stole from others.’\nThe king said to that person,\n‘Is it really true, my man, that you stole from others?’\n‘No, Your Majesty,’ he said, deliberately lying."}},{"id":"dn26:15","sourceIds":["dn26:15.1","dn26:15.2","dn26:15.3","dn26:15.4","dn26:15.5"],"kind":"text","text":{"pi":"Iti kho, bhikkhave, adhanānaṁ dhane ananuppadiyamāne dāliddiyaṁ vepullamagamāsi. Dāliddiye vepullaṁ gate adinnādānaṁ vepullamagamāsi, adinnādāne vepullaṁ gate satthaṁ vepullamagamāsi. Satthe vepullaṁ gate pāṇātipāto vepullamagamāsi, pāṇātipāte vepullaṁ gate musāvādo vepullamagamāsi, musāvāde vepullaṁ gate tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ cattārīsavassasahassāyukānaṁ manussānaṁ vīsativassasahassāyukā puttā ahesuṁ.\nVīsativassasahassāyukesu, bhikkhave, manussesu aññataro puriso paresaṁ adinnaṁ theyyasaṅkhātaṁ ādiyi.\nTamenaṁ aññataro puriso rañño khattiyassa muddhābhisittassa ārocesi:\n‘itthannāmo, deva, puriso paresaṁ adinnaṁ theyyasaṅkhātaṁ ādiyī’ti pesuññamakāsi.","en":"And so, mendicants, from not providing money to the penniless, poverty, theft, swords, and killing became widespread. When killing was widespread, lying became widespread. And for the sentient beings among whom lying was widespread, their lifespan and beauty declined.\nThose people who lived for 40,000 years had children who lived for 20,000 years.\nAmong the humans who lived for 20,000 years, a certain person stole something from others.\nSomeone else reported this to the king,\n‘Your Majesty, the person named so-and-so stole from others,’ he said, going behind his back."}},{"id":"dn26:16","sourceIds":["dn26:16.1","dn26:16.2"],"kind":"text","text":{"pi":"Iti kho, bhikkhave, adhanānaṁ dhane ananuppadiyamāne dāliddiyaṁ vepullamagamāsi. Dāliddiye vepullaṁ gate adinnādānaṁ vepullamagamāsi, adinnādāne vepullaṁ gate satthaṁ vepullamagamāsi, satthe vepullaṁ gate pāṇātipāto vepullamagamāsi, pāṇātipāte vepullaṁ gate musāvādo vepullamagamāsi, musāvāde vepullaṁ gate pisuṇā vācā vepullamagamāsi, pisuṇāya vācāya vepullaṁ gatāya tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ vīsativassasahassāyukānaṁ manussānaṁ dasavassasahassāyukā puttā ahesuṁ.","en":"And so, mendicants, from not providing money to the penniless, poverty, theft, swords, killing, and lying became widespread. When lying was widespread, backbiting became widespread. And for the sentient beings among whom backbiting was widespread, their lifespan and beauty declined.\nThose people who lived for 20,000 years had children who lived for 10,000 years."}},{"id":"dn26:17","sourceIds":["dn26:17.1","dn26:17.2","dn26:17.3","dn26:17.4","dn26:17.5","dn26:17.6","dn26:17.7","dn26:17.8","dn26:17.9","dn26:17.10","dn26:17.11","dn26:17.12","dn26:17.13","dn26:17.14","dn26:17.15","dn26:17.16","dn26:17.17","dn26:17.18","dn26:17.19","dn26:17.20"],"kind":"text","text":{"pi":"Dasavassasahassāyukesu, bhikkhave, manussesu ekidaṁ sattā vaṇṇavanto honti, ekidaṁ sattā dubbaṇṇā.\nTattha ye te sattā dubbaṇṇā, te vaṇṇavante satte abhijjhāyantā paresaṁ dāresu cārittaṁ āpajjiṁsu.\nIti kho, bhikkhave, adhanānaṁ dhane ananuppadiyamāne dāliddiyaṁ vepullamagamāsi. Dāliddiye vepullaṁ gate …pe… kāmesumicchācāro vepullamagamāsi, kāmesumicchācāre vepullaṁ gate tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ dasavassasahassāyukānaṁ manussānaṁ pañcavassasahassāyukā puttā ahesuṁ.\nPañcavassasahassāyukesu, bhikkhave, manussesu dve dhammā vepullamagamaṁsu—\npharusāvācā samphappalāpo ca.\nDvīsu dhammesu vepullaṁ gatesu tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ pañcavassasahassāyukānaṁ manussānaṁ appekacce aḍḍhateyyavassasahassāyukā, appekacce dvevassasahassāyukā puttā ahesuṁ.\nAḍḍhateyyavassasahassāyukesu, bhikkhave, manussesu abhijjhābyāpādā vepullamagamaṁsu.\nAbhijjhābyāpādesu vepullaṁ gatesu tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ aḍḍhateyyavassasahassāyukānaṁ manussānaṁ vassasahassāyukā puttā ahesuṁ.\nVassasahassāyukesu, bhikkhave, manussesu micchādiṭṭhi vepullamagamāsi.\nMicchādiṭṭhiyā vepullaṁ gatāya tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ vassasahassāyukānaṁ manussānaṁ pañcavassasatāyukā puttā ahesuṁ.\nPañcavassasatāyukesu, bhikkhave, manussesu tayo dhammā vepullamagamaṁsu—\nadhammarāgo visamalobho micchādhammo.\nTīsu dhammesu vepullaṁ gatesu tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ pañcavassasatāyukānaṁ manussānaṁ appekacce aḍḍhateyyavassasatāyukā, appekacce dvevassasatāyukā puttā ahesuṁ.\nAḍḍhateyyavassasatāyukesu, bhikkhave, manussesu ime dhammā vepullamagamaṁsu.\nAmatteyyatā apetteyyatā asāmaññatā abrahmaññatā na kule jeṭṭhāpacāyitā.","en":"Among the humans who lived for 10,000 years, some were beautiful, some were ugly.\nAnd the ugly beings, coveting the beautiful ones, had relations with the wives of others.\nAnd so, mendicants, from not providing money to the penniless, poverty, theft, swords, killing, lying, and backbiting became widespread. When backbiting was widespread, sexual misconduct became widespread. And for the sentient beings among whom sexual misconduct was widespread, their lifespan and beauty declined.\nThose people who lived for 10,000 years had children who lived for 5,000 years.\nAmong the humans who lived for 5,000 years, two things became widespread:\nharsh speech and talking nonsense.\nFor the sentient beings among whom these two things were widespread, their lifespan and beauty declined.\nThose people who lived for 5,000 years had some children who lived for 2,500 years, while others lived for 2,000 years.\nAmong the humans who lived for 2,500 years, desire and ill will became widespread.\nFor the sentient beings among whom desire and ill will were widespread, their lifespan and beauty declined.\nThose people who lived for 2,500 years had children who lived for 1,000 years.\nAmong the humans who lived for 1,000 years, wrong view became widespread.\nFor the sentient beings among whom wrong view was widespread, their lifespan and beauty declined.\nThose people who lived for 1,000 years had children who lived for five hundred years.\nAmong the humans who lived for five hundred years, three things became widespread:\nillicit desire, immoral greed, and wrong religious teachings.\nFor the sentient beings among whom these three things were widespread, their lifespan and beauty declined.\nThose people who lived for five hundred years had some children who lived for two hundred and fifty years, while others lived for two hundred years.\nAmong the humans who lived for two hundred and fifty years, these things became widespread:\nlack of due respect for mother and father, ascetics and brahmins, and failure to honor the elders in the family."}},{"id":"dn26:18","sourceIds":["dn26:18.1","dn26:18.2","dn26:18.3","dn26:18.4","dn26:18.5","dn26:18.6","dn26:18.7","dn26:18.8","dn26:18.9","dn26:18.10","dn26:18.11","dn26:18.12","dn26:18.13","dn26:18.14"],"kind":"text","text":{"pi":"Iti kho, bhikkhave, adhanānaṁ dhane ananuppadiyamāne dāliddiyaṁ vepullamagamāsi.\nDāliddiye vepullaṁ gate adinnādānaṁ vepullamagamāsi.\nAdinnādāne vepullaṁ gate satthaṁ vepullamagamāsi.\nSatthe vepullaṁ gate pāṇātipāto vepullamagamāsi.\nPāṇātipāte vepullaṁ gate musāvādo vepullamagamāsi.\nMusāvāde vepullaṁ gate pisuṇā vācā vepullamagamāsi.\nPisuṇāya vācāya vepullaṁ gatāya kāmesumicchācāro vepullamagamāsi.\nKāmesumicchācāre vepullaṁ gate dve dhammā vepullamagamaṁsu, pharusā vācā samphappalāpo ca.\nDvīsu dhammesu vepullaṁ gatesu abhijjhābyāpādā vepullamagamaṁsu.\nAbhijjhābyāpādesu vepullaṁ gatesu micchādiṭṭhi vepullamagamāsi.\nMicchādiṭṭhiyā vepullaṁ gatāya tayo dhammā vepullamagamaṁsu, adhammarāgo visamalobho micchādhammo.\nTīsu dhammesu vepullaṁ gatesu ime dhammā vepullamagamaṁsu, amatteyyatā apetteyyatā asāmaññatā abrahmaññatā na kule jeṭṭhāpacāyitā.\nImesu dhammesu vepullaṁ gatesu tesaṁ sattānaṁ āyupi parihāyi, vaṇṇopi parihāyi.\nTesaṁ āyunāpi parihāyamānānaṁ vaṇṇenapi parihāyamānānaṁ aḍḍhateyyavassasatāyukānaṁ manussānaṁ vassasatāyukā puttā ahesuṁ.","en":"And so, mendicants, from not providing money to the penniless, all these things became widespread—poverty,\ntheft,\nswords,\nkilling,\nlying,\nbackbiting,\nsexual misconduct,\nharsh speech and talking nonsense,\ndesire and ill will,\nwrong view,\nillicit desire, immoral greed, and wrong religious teachings,\nand lack of due respect for mother and father, ascetics and brahmins, and failure to honor the elders in the family.\nFor the sentient beings among whom these things were widespread, their lifespan and beauty declined.\nThose people who lived for two hundred and fifty years had children who lived for a hundred years."}},{"id":"dn26:19","sourceIds":["dn26:19.0","dn26:19.1","dn26:19.2","dn26:19.3","dn26:19.4","dn26:19.5","dn26:19.6","dn26:19.7","dn26:19.8","dn26:19.9","dn26:19.10","dn26:19.11","dn26:19.12"],"kind":"text","text":{"pi":"5. Dasavassāyukasamaya\nBhavissati, bhikkhave, so samayo, yaṁ imesaṁ manussānaṁ dasavassāyukā puttā bhavissanti.\nDasavassāyukesu, bhikkhave, manussesu pañcavassikā kumārikā alaṁpateyyā bhavissanti.\nDasavassāyukesu, bhikkhave, manussesu imāni rasāni antaradhāyissanti, seyyathidaṁ—\nsappi navanītaṁ telaṁ madhu phāṇitaṁ loṇaṁ.\nDasavassāyukesu, bhikkhave, manussesu kudrūsako aggaṁ bhojanānaṁ bhavissati.\nSeyyathāpi, bhikkhave, etarahi sālimaṁsodano aggaṁ bhojanānaṁ;\nevameva kho, bhikkhave, dasavassāyukesu manussesu kudrūsako aggaṁ bhojanānaṁ bhavissati.\nDasavassāyukesu, bhikkhave, manussesu dasa kusalakammapathā sabbena sabbaṁ antaradhāyissanti, dasa akusalakammapathā atibyādippissanti.\nDasavassāyukesu, bhikkhave, manussesu kusalantipi na bhavissati, kuto pana kusalassa kārako.\nDasavassāyukesu, bhikkhave, manussesu ye te bhavissanti amatteyyā apetteyyā asāmaññā abrahmaññā na kule jeṭṭhāpacāyino, te pujjā ca bhavissanti pāsaṁsā ca.\nSeyyathāpi, bhikkhave, etarahi matteyyā petteyyā sāmaññā brahmaññā kule jeṭṭhāpacāyino pujjā ca pāsaṁsā ca;\nevameva kho, bhikkhave, dasavassāyukesu manussesu ye te bhavissanti amatteyyā apetteyyā asāmaññā abrahmaññā na kule jeṭṭhāpacāyino, te pujjā ca bhavissanti pāsaṁsā ca.","en":"5. When People Live for Ten Years\nThere will come a time, mendicants, when these people will have children who live for ten years.\nAmong the humans who live for ten years, girls will be marriageable at five.\nThe following flavors will disappear:\nghee, butter, oil, honey, molasses, and salt.\nThe best kind of food will be finger millet,\njust as fine rice with meat is the best kind of food today.\nThe ten ways of doing skillful deeds will totally disappear, and the ten ways of doing unskillful deeds will explode in popularity.\nThose humans will not even have the word ‘skillful’, still less anyone who does what is skillful.\nAnd anyone who disrespects mother and father, ascetics and brahmins, and fails to honor the elders in the family will be venerated and praised,\njust as the opposite is venerated and praised today."}},{"id":"dn26:20","sourceIds":["dn26:20.1","dn26:20.2","dn26:20.3","dn26:20.4","dn26:20.5","dn26:20.6","dn26:20.7","dn26:20.8","dn26:20.9","dn26:20.10","dn26:20.11"],"kind":"text","text":{"pi":"Dasavassāyukesu, bhikkhave, manussesu na bhavissati mātāti vā mātucchāti vā mātulānīti vā ācariyabhariyāti vā garūnaṁ dārāti vā.\nSambhedaṁ loko gamissati yathā ajeḷakā kukkuṭasūkarā soṇasiṅgālā.\nDasavassāyukesu, bhikkhave, manussesu tesaṁ sattānaṁ aññamaññamhi tibbo āghāto paccupaṭṭhito bhavissati tibbo byāpādo tibbo manopadoso tibbaṁ vadhakacittaṁ.\nMātupi puttamhi puttassapi mātari;\npitupi puttamhi puttassapi pitari;\nbhātupi bhaginiyā bhaginiyāpi bhātari tibbo āghāto paccupaṭṭhito bhavissati tibbo byāpādo tibbo manopadoso tibbaṁ vadhakacittaṁ.\nSeyyathāpi, bhikkhave, māgavikassa migaṁ disvā tibbo āghāto paccupaṭṭhito hoti tibbo byāpādo tibbo manopadoso tibbaṁ vadhakacittaṁ;\nevameva kho, bhikkhave, dasavassāyukesu manussesu tesaṁ sattānaṁ aññamaññamhi tibbo āghāto paccupaṭṭhito bhavissati tibbo byāpādo tibbo manopadoso tibbaṁ vadhakacittaṁ.\nMātupi puttamhi puttassapi mātari;\npitupi puttamhi puttassapi pitari;\nbhātupi bhaginiyā bhaginiyāpi bhātari tibbo āghāto paccupaṭṭhito bhavissati tibbo byāpādo tibbo manopadoso tibbaṁ vadhakacittaṁ.","en":"There’ll be no recognition of the status of mother, aunts, or wives and partners of tutors and respected people.\nThe world will become dissolute, like goats and sheep, chickens and pigs, and hounds and jackals.\nThey’ll be full of hostility toward each other, with acute ill will, malevolence, and thoughts of murder.\nEven a mother will feel like this for her child, and the child for its mother,\nfather for child, child for father,\nbrother for sister, and sister for brother.\nThey’ll be just like a deer hunter when he sees a deer—full of hostility, ill will, malevolence, and thoughts of killing."}},{"id":"dn26:21","sourceIds":["dn26:21.1","dn26:21.2","dn26:21.3","dn26:21.4","dn26:21.5","dn26:21.6","dn26:21.7","dn26:21.8","dn26:21.9"],"kind":"text","text":{"pi":"Dasavassāyukesu, bhikkhave, manussesu sattāhaṁ satthantarakappo bhavissati.\nTe aññamaññamhi migasaññaṁ paṭilabhissanti.\nTesaṁ tiṇhāni satthāni hatthesu pātubhavissanti.\nTe tiṇhena satthena ‘esa migo esa migo’ti aññamaññaṁ jīvitā voropessanti.\nAtha kho tesaṁ, bhikkhave, sattānaṁ ekaccānaṁ evaṁ bhavissati:\n‘mā ca mayaṁ kañci, mā ca amhe koci, yannūna mayaṁ tiṇagahanaṁ vā vanagahanaṁ vā rukkhagahanaṁ vā nadīviduggaṁ vā pabbatavisamaṁ vā pavisitvā vanamūlaphalāhārā yāpeyyāmā’ti.\nTe tiṇagahanaṁ vā vanagahanaṁ vā rukkhagahanaṁ vā nadīviduggaṁ vā pabbatavisamaṁ vā pavisitvā sattāhaṁ vanamūlaphalāhārā yāpessanti.\nTe tassa sattāhassa accayena tiṇagahanā vanagahanā rukkhagahanā nadīviduggā pabbatavisamā nikkhamitvā aññamaññaṁ āliṅgitvā sabhāgāyissanti samassāsissanti:\n‘diṭṭhā, bho, sattā jīvasi, diṭṭhā, bho, sattā jīvasī’ti.","en":"Among the humans who live for ten years, there will be an interregnum of swords lasting seven days.\nDuring that time they will see each other as beasts.\nSharp swords will appear in their hands,\nwith which they’ll take each other’s life, crying, ‘It’s a beast! It’s a beast!’\nBut then some of those beings will think,\n‘Let us neither kill nor be killed! Why don’t we hide in thick grass, thick jungle, thick trees, inaccessible riverlands, or rugged mountains and survive on forest roots and fruits?’\nSo that’s what they do.\nWhen those seven days have passed, having emerged from their hiding places and embraced each other, they will come together and cry in one voice,\n‘Fantastic, dear foe, you live! Fantastic, dear foe, you live!’"}},{"id":"dn26:21.10","sourceIds":["dn26:21.10.0"],"kind":"text","text":{"pi":"6. Āyuvaṇṇādivaḍḍhanakathā","en":"6. The Period of Growth"}},{"id":"dn26:21-from-dn26-21.11","sourceIds":["dn26:21.11","dn26:21.12","dn26:21.13","dn26:21.14","dn26:21.15","dn26:21.16","dn26:21.17","dn26:21.18"],"kind":"text","text":{"pi":"Atha kho tesaṁ, bhikkhave, sattānaṁ evaṁ bhavissati:\n‘mayaṁ kho akusalānaṁ dhammānaṁ samādānahetu evarūpaṁ āyataṁ ñātikkhayaṁ pattā.\nYannūna mayaṁ kusalaṁ kareyyāma.\nKiṁ kusalaṁ kareyyāma?\nYannūna mayaṁ pāṇātipātā virameyyāma, idaṁ kusalaṁ dhammaṁ samādāya vatteyyāmā’ti.\nTe pāṇātipātā viramissanti, idaṁ kusalaṁ dhammaṁ samādāya vattissanti.\nTe kusalānaṁ dhammānaṁ samādānahetu āyunāpi vaḍḍhissanti, vaṇṇenapi vaḍḍhissanti.\nTesaṁ āyunāpi vaḍḍhamānānaṁ vaṇṇenapi vaḍḍhamānānaṁ dasavassāyukānaṁ manussānaṁ vīsativassāyukā puttā bhavissanti.","en":"Then those beings will think,\n‘It’s because we undertook unskillful things that we suffered such an extensive loss of our relatives.\nWe’d better do what’s skillful.\nWhat skillful thing should we do?\nWhy don’t we refrain from killing living creatures? Having undertaken this skillful thing we’ll live by it.’\nSo that’s what they do.\nBecause of undertaking this skillful thing, their lifespan and beauty will grow.\nThose people who live for ten years will have children who live for twenty years."}},{"id":"dn26:22","sourceIds":["dn26:22.1","dn26:22.2","dn26:22.3","dn26:22.4","dn26:22.5","dn26:22.6","dn26:22.7","dn26:22.8","dn26:22.9","dn26:22.10","dn26:22.11","dn26:22.12","dn26:22.13","dn26:22.14","dn26:22.15","dn26:22.16","dn26:22.17","dn26:22.18","dn26:22.19","dn26:22.20","dn26:22.21","dn26:22.22","dn26:22.23","dn26:22.24","dn26:22.25","dn26:22.26","dn26:22.27"],"kind":"text","text":{"pi":"Atha kho tesaṁ, bhikkhave, sattānaṁ evaṁ bhavissati:\n‘mayaṁ kho kusalānaṁ dhammānaṁ samādānahetu āyunāpi vaḍḍhāma, vaṇṇenapi vaḍḍhāma.\nYannūna mayaṁ bhiyyoso mattāya kusalaṁ kareyyāma.\nKiṁ kusalaṁ kareyyāma?\nYannūna mayaṁ adinnādānā virameyyāma …\nkāmesumicchācārā virameyyāma …\nmusāvādā virameyyāma …\npisuṇāya vācāya virameyyāma …\npharusāya vācāya virameyyāma …\nsamphappalāpā virameyyāma …\nabhijjhaṁ pajaheyyāma …\nbyāpādaṁ pajaheyyāma …\nmicchādiṭṭhiṁ pajaheyyāma …\ntayo dhamme pajaheyyāma—\nadhammarāgaṁ visamalobhaṁ micchādhammaṁ …\nyannūna mayaṁ matteyyā assāma petteyyā sāmaññā brahmaññā kule jeṭṭhāpacāyino, idaṁ kusalaṁ dhammaṁ samādāya vatteyyāmā’ti.\nTe matteyyā bhavissanti petteyyā sāmaññā brahmaññā kule jeṭṭhāpacāyino, idaṁ kusalaṁ dhammaṁ samādāya vattissanti.\nTe kusalānaṁ dhammānaṁ samādānahetu āyunāpi vaḍḍhissanti, vaṇṇenapi vaḍḍhissanti.\nTesaṁ āyunāpi vaḍḍhamānānaṁ vaṇṇenapi vaḍḍhamānānaṁ vīsativassāyukānaṁ manussānaṁ cattārīsavassāyukā puttā bhavissanti …\ncattārīsavassāyukānaṁ manussānaṁ asītivassāyukā puttā bhavissanti …\nasītivassāyukānaṁ manussānaṁ saṭṭhivassasatāyukā puttā bhavissanti …\nsaṭṭhivassasatāyukānaṁ manussānaṁ vīsatitivassasatāyukā puttā bhavissanti …\nvīsatitivassasatāyukānaṁ manussānaṁ cattārīsachabbassasatāyukā puttā bhavissanti.\nCattārīsachabbassasatāyukānaṁ manussānaṁ dvevassasahassāyukā puttā bhavissanti …\ndvevassasahassāyukānaṁ manussānaṁ cattārivassasahassāyukā puttā bhavissanti …\ncattārivassasahassāyukānaṁ manussānaṁ aṭṭhavassasahassāyukā puttā bhavissanti …\naṭṭhavassasahassāyukānaṁ manussānaṁ vīsativassasahassāyukā puttā bhavissanti …","en":"Then those beings will think,\n‘Because of undertaking this skillful thing, our lifespan and beauty are growing.\nWhy don’t we do even more skillful things?\nWhat skillful thing should we do?\nWhy don’t we refrain from stealing …\nsexual misconduct …\nlying …\nbackbiting …\nharsh speech …\nand talking nonsense.\nWhy don’t we give up covetousness …\nill will …\nwrong view …\nthree things:\nillicit desire, immoral greed, and wrong religious teachings.\nWhy don’t we pay due respect to mother and father, ascetics and brahmins, honoring the elders in our families? Having undertaken this skillful thing we’ll live by it.’\nSo that’s what they do.\nBecause of undertaking this skillful thing, their lifespan and beauty will grow.\nThose people who live for twenty years will have children who live for forty years.\nThose people who live for forty years will have children who live for eighty years,\nthen a hundred and sixty years,\nthree hundred and twenty years,\nsix hundred and forty years,\n2,000 years,\n4,000 years,\n8,000 years,\n20,000 years,"}},{"id":"dn26:23","sourceIds":["dn26:23.1","dn26:23.2","dn26:23.3"],"kind":"text","text":{"pi":"vīsativassasahassāyukānaṁ manussānaṁ cattārīsavassasahassāyukā puttā bhavissanti …\ncattārīsavassasahassāyukānaṁ manussānaṁ asītivassasahassāyukā puttā bhavissanti …\nasītivassasahassāyukesu, bhikkhave, manussesu pañcavassasatikā kumārikā alaṁpateyyā bhavissanti.","en":"40,000 years,\nand finally 80,000 years.\nAmong the humans who live for 80,000 years, girls will be marriageable at five hundred."}},{"id":"dn26:23.4","sourceIds":["dn26:23.4.0"],"kind":"text","text":{"pi":"7. Saṅkharājauppatti","en":"7. The Time of King Saṅkha"}},{"id":"dn26:23-from-dn26-23.5","sourceIds":["dn26:23.5","dn26:23.6","dn26:23.7","dn26:23.8","dn26:23.9"],"kind":"text","text":{"pi":"Asītivassasahassāyukesu, bhikkhave, manussesu tayo ābādhā bhavissanti, icchā, anasanaṁ, jarā.\nAsītivassasahassāyukesu, bhikkhave, manussesu ayaṁ jambudīpo iddho ceva bhavissati phīto ca, kukkuṭasampātikā gāmanigamarājadhāniyo.\nAsītivassasahassāyukesu, bhikkhave, manussesu ayaṁ jambudīpo avīci maññe phuṭo bhavissati manussehi, seyyathāpi naḷavanaṁ vā saravanaṁ vā.\nAsītivassasahassāyukesu, bhikkhave, manussesu ayaṁ bārāṇasī ketumatī nāma rājadhānī bhavissati iddhā ceva phītā ca bahujanā ca ākiṇṇamanussā ca subhikkhā ca.\nAsītivassasahassāyukesu, bhikkhave, manussesu imasmiṁ jambudīpe caturāsītinagarasahassāni bhavissanti ketumatīrājadhānīpamukhāni.","en":"Among the humans who live for 80,000 years, there will be just three afflictions: greed, starvation, and old age.\nThe Black Plum Tree Land will be successful and prosperous. The villages, towns, and capital cities will be no more than a chicken’s flight apart.\nAnd the land will be so full of humans you’d think they were squashed together, like a thicket of rushes or reeds.\nThe royal capital will be Varanasi, renamed Ketumatī. And it will be successful and prosperous, populous and full of people, with plenty of food.\nThere will be 84,000 cities in the Black Plum Tree Land, with the royal capital of Ketumatī foremost."}},{"id":"dn26:24","sourceIds":["dn26:24.1","dn26:24.2","dn26:24.3","dn26:24.4","dn26:24.5"],"kind":"text","text":{"pi":"Asītivassasahassāyukesu, bhikkhave, manussesu ketumatiyā rājadhāniyā saṅkho nāma rājā uppajjissati cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato.\nTassimāni satta ratanāni bhavissanti, seyyathidaṁ—\ncakkaratanaṁ hatthiratanaṁ assaratanaṁ maṇiratanaṁ itthiratanaṁ gahapatiratanaṁ pariṇāyakaratanameva sattamaṁ.\nParosahassaṁ kho panassa puttā bhavissanti sūrā vīraṅgarūpā parasenappamaddanā.\nSo imaṁ pathaviṁ sāgarapariyantaṁ adaṇḍena asatthena dhammena abhivijiya ajjhāvasissati.","en":"And in the royal capital of Ketumatī a king named Saṅkha will arise, a wheel-turning monarch, a just and principled king. His dominion will extend to all four sides, he will achieve stability in the country, and possess the seven treasures.\nHe will have the following seven treasures:\nthe wheel, the elephant, the horse, the jewel, the woman, the householder, and the commander as the seventh treasure.\nHe will have over a thousand sons who are valiant and heroic, crushing the armies of his enemies.\nAfter conquering this land girt by sea, he will reign by principle, without rod or sword."}},{"id":"dn26:25","sourceIds":["dn26:25.0","dn26:25.1","dn26:25.2","dn26:25.3","dn26:25.4","dn26:25.5","dn26:25.6"],"kind":"text","text":{"pi":"8. Metteyyabuddhuppāda\nAsītivassasahassāyukesu, bhikkhave, manussesu metteyyo nāma bhagavā loke uppajjissati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.\nSeyyathāpāhametarahi loke uppanno arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedessati, seyyathāpāhametarahi imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedemi.\nSo dhammaṁ desessati ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsessati;\nseyyathāpāhametarahi dhammaṁ desemi ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsemi.\nSo anekasahassaṁ bhikkhusaṅghaṁ pariharissati, seyyathāpāhametarahi anekasataṁ bhikkhusaṅghaṁ pariharāmi.","en":"8. The Arising of the Buddha Metteyya\nAnd the Blessed One named Metteyya will arise in the world—perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed—\njust as I have arisen today.\nHe will realize with his own insight this world—with its gods, Māras, and divinities, this population with its ascetics and brahmins, gods and humans—and make it known to others, just as I do today.\nHe will teach the Dhamma that’s good in the beginning, good in the middle, and good in the end, meaningful and well-phrased. And he will reveal a spiritual practice that’s entirely full and pure,\njust as I do today.\nHe will lead a Saṅgha of many thousand mendicants, just as I lead a Saṅgha of many hundreds today."}},{"id":"dn26:26","sourceIds":["dn26:26.1","dn26:26.2","dn26:26.3"],"kind":"text","text":{"pi":"Atha kho, bhikkhave, saṅkho nāma rājā yo so yūpo raññā mahāpanādena kārāpito.\nTaṁ yūpaṁ ussāpetvā ajjhāvasitvā taṁ datvā vissajjitvā samaṇabrāhmaṇakapaṇaddhikavaṇibbakayācakānaṁ dānaṁ datvā metteyyassa bhagavato arahato sammāsambuddhassa santike kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajissati.\nSo evaṁ pabbajito samāno eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharissati.","en":"Then King Saṅkha will have the sacrificial post once built by King Mahāpanāda raised up.\nHaving reigned, he will abdicate, offering charity to ascetics and brahmins, paupers, vagrants, supplicants, and beggars. Then, having shaved off his hair and beard and dressed in ocher robes, he will go forth from the lay life to homelessness in the Buddha Metteyya’s presence.\nSoon after going forth, living withdrawn, diligent, keen, and resolute, he will realize the supreme culmination of the spiritual path in this very life. He will live having achieved with his own insight the goal for which gentlemen rightly go forth from the lay life to homelessness."}},{"id":"dn26:27","sourceIds":["dn26:27.1","dn26:27.2","dn26:27.3","dn26:27.4","dn26:27.5","dn26:27.6","dn26:27.7"],"kind":"text","text":{"pi":"Attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā.\nKathañca, bhikkhave, bhikkhu attadīpo viharati attasaraṇo anaññasaraṇo dhammadīpo dhammasaraṇo anaññasaraṇo?\nIdha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.\nVedanāsu vedanānupassī …pe…\ncitte cittānupassī …pe…\ndhammesu dhammānupassī viharati ātāpī sampajāno satimā vineyya loke abhijjhādomanassaṁ.\nEvaṁ kho, bhikkhave, bhikkhu attadīpo viharati attasaraṇo anaññasaraṇo dhammadīpo dhammasaraṇo anaññasaraṇo.","en":"Mendicants, live as your own island, your own refuge, with no other refuge. Let the teaching be your island and your refuge, with no other refuge.\nAnd how does a mendicant do this?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nThat’s how a mendicant lives with themselves as island and refuge, without other refuge; with the teachings as island and refuge, without other refuge."}},{"id":"dn26:28","sourceIds":["dn26:28.0","dn26:28.1","dn26:28.2","dn26:28.3","dn26:28.4","dn26:28.5","dn26:28.6","dn26:28.7","dn26:28.8","dn26:28.9","dn26:28.10","dn26:28.11","dn26:28.12","dn26:28.13","dn26:28.14","dn26:28.15","dn26:28.16","dn26:28.17","dn26:28.18","dn26:28.19","dn26:28.20","dn26:28.21","dn26:28.22","dn26:28.23","dn26:28.24","dn26:28.25","dn26:28.26","dn26:28.27","dn26:28.28","dn26:28.29","dn26:28.30","dn26:28.31","dn26:28.32"],"kind":"text","text":{"pi":"9. Bhikkhunoāyuvaṇṇādivaḍḍhanakathā\nGocare, bhikkhave, caratha sake pettike visaye.\nGocare, bhikkhave, carantā sake pettike visaye āyunāpi vaḍḍhissatha, vaṇṇenapi vaḍḍhissatha, sukhenapi vaḍḍhissatha, bhogenapi vaḍḍhissatha, balenapi vaḍḍhissatha.\nKiñca, bhikkhave, bhikkhuno āyusmiṁ?\nIdha, bhikkhave, bhikkhu chandasamādhipadhānasaṅkhārasamannāgataṁ iddhipādaṁ bhāveti,\nvīriyasamādhipadhānasaṅkhārasamannāgataṁ iddhipādaṁ bhāveti,\ncittasamādhipadhānasaṅkhārasamannāgataṁ iddhipādaṁ bhāveti,\nvīmaṁsāsamādhipadhānasaṅkhārasamannāgataṁ iddhipādaṁ bhāveti.\nSo imesaṁ catunnaṁ iddhipādānaṁ bhāvitattā bahulīkatattā ākaṅkhamāno kappaṁ vā tiṭṭheyya kappāvasesaṁ vā.\nIdaṁ kho, bhikkhave, bhikkhuno āyusmiṁ.\nKiñca, bhikkhave, bhikkhuno vaṇṇasmiṁ?\nIdha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.\nIdaṁ kho, bhikkhave, bhikkhuno vaṇṇasmiṁ.\nKiñca, bhikkhave, bhikkhuno sukhasmiṁ?\nIdha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nVitakkavicārānaṁ vūpasamā …pe… dutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ upasampajja viharati.\nIdaṁ kho, bhikkhave, bhikkhuno, sukhasmiṁ.\nKiñca, bhikkhave, bhikkhuno bhogasmiṁ?\nIdha, bhikkhave, bhikkhu mettāsahagatena cetasā ekaṁ disaṁ pharitvā viharati tathā dutiyaṁ. Tathā tatiyaṁ. Tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.\nKaruṇāsahagatena cetasā …pe…\nmuditāsahagatena cetasā …pe…\nupekkhāsahagatena cetasā ekaṁ disaṁ pharitvā viharati. Tathā dutiyaṁ. Tathā tatiyaṁ. Tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.\nIdaṁ kho, bhikkhave, bhikkhuno bhogasmiṁ.\nKiñca, bhikkhave, bhikkhuno balasmiṁ?\nIdha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nIdaṁ kho, bhikkhave, bhikkhuno balasmiṁ.\nNāhaṁ, bhikkhave, aññaṁ ekabalampi samanupassāmi yaṁ evaṁ duppasahaṁ, yathayidaṁ, bhikkhave, mārabalaṁ.\nKusalānaṁ, bhikkhave, dhammānaṁ samādānahetu evamidaṁ puññaṁ pavaḍḍhatī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nCakkavattisuttaṁ niṭṭhitaṁ tatiyaṁ.","en":"9. On Long Life and Beauty for Mendicants\nMendicants, you should roam inside your own territory, the domain of your fathers.\nDoing so, you will grow in lifespan, beauty, happiness, wealth, and power.\nAnd what is long life for a mendicant?\nIt’s when a mendicant develops the basis of psychic power that has immersion due to enthusiasm, and active effort.\nThey develop the basis of psychic power that has immersion due to energy, and active effort.\nThey develop the basis of psychic power that has immersion due to mental development, and active effort.\nThey develop the basis of psychic power that has immersion due to inquiry, and active effort.\nHaving developed and cultivated these four bases of psychic power they may, if they wish, live for the proper lifespan or what’s left of it.\nThis is long life for a mendicant.\nAnd what is beauty for a mendicant?\nIt’s when a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThis is beauty for a mendicant.\nAnd what is happiness for a mendicant?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nAs the placing of the mind and keeping it connected are stilled, they enter and remain in the second absorption …\nthird absorption …\nfourth absorption.\nThis is happiness for a mendicant.\nAnd what is wealth for a mendicant?\nIt’s when a monk meditates spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nThey meditate spreading a heart full of compassion …\nrejoicing …\nequanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nThis is wealth for a mendicant.\nAnd what is power for a mendicant?\nIt’s when a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThis is power for a mendicant.\nMendicants, I do not see a single power so hard to defeat as the power of Māra.\nIt is due to undertaking skillful qualities that merit grows.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}