{"id":"dn5","title":"With Kūṭadanta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn5","title":"With Kūṭadanta","units":[{"id":"dn5:0","sourceIds":["dn5:0.1","dn5:0.2"],"kind":"text","text":{"pi":"Dīgha Nikāya 5\nKūṭadantasutta","en":"Long Discourses 5\nWith Kūṭadanta"}},{"id":"dn5:1","sourceIds":["dn5:1.0","dn5:1.1","dn5:1.2","dn5:1.3","dn5:1.4","dn5:1.5","dn5:1.6"],"kind":"text","text":{"pi":"1. Khāṇumatakabrāhmaṇagahapatikā\nEvaṁ me sutaṁ—\nekaṁ samayaṁ bhagavā magadhesu cārikaṁ caramāno mahatā bhikkhusaṅghena saddhiṁ pañcamattehi bhikkhusatehi yena khāṇumataṁ nāma magadhānaṁ brāhmaṇagāmo tadavasari.\nTatra sudaṁ bhagavā khāṇumate viharati ambalaṭṭhikāyaṁ.\nTena kho pana samayena kūṭadanto brāhmaṇo khāṇumataṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā māgadhena seniyena bimbisārena dinnaṁ rājadāyaṁ brahmadeyyaṁ.\nTena kho pana samayena kūṭadantassa brāhmaṇassa mahāyañño upakkhaṭo hoti.\nSatta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni thūṇūpanītāni honti yaññatthāya.","en":"1. The Brahmins and Householders of Khāṇumata\nSo I have heard.\nAt one time the Buddha was wandering in the land of the Magadhans together with a large Saṅgha of five hundred mendicants when he arrived at a village of the Magadhan brahmins named Khāṇumata.\nThere he stayed nearby at Ambalaṭṭhikā.\nNow at that time the brahmin Kūṭadanta was living in Khāṇumata. It was a crown property given by King Seniya Bimbisāra of Magadha, teeming with living creatures, full of hay, wood, water, and grain, a royal park endowed to a brahmin.\nNow at that time Kūṭadanta had prepared a great sacrifice.\nBulls, bullocks, heifers, goats and rams—seven hundred of each—had been led to the post for the sacrifice."}},{"id":"dn5:2","sourceIds":["dn5:2.1","dn5:2.2","dn5:2.3","dn5:2.4","dn5:2.5","dn5:2.6","dn5:2.7","dn5:2.8"],"kind":"text","text":{"pi":"Assosuṁ kho khāṇumatakā brāhmaṇagahapatikā:\n“samaṇo khalu, bho, gotamo sakyaputto sakyakulā pabbajito magadhesu cārikaṁ caramāno mahatā bhikkhusaṅghena saddhiṁ pañcamattehi bhikkhusatehi khāṇumataṁ anuppatto khāṇumate viharati ambalaṭṭhikāyaṁ.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.\nAtha kho khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamanti.","en":"The brahmins and householders of Khāṇumata heard:\n“It seems the ascetic Gotama—a Sakyan, gone forth from a Sakyan family—has arrived at Khāṇumata and is staying at Ambalaṭṭhikā.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”\nThen, exiting Khāṇumata, they formed into companies and headed to Ambalaṭṭhikā."}},{"id":"dn5:3","sourceIds":["dn5:3.1","dn5:3.2","dn5:3.3","dn5:3.4","dn5:3.5","dn5:3.6","dn5:3.7","dn5:3.8"],"kind":"text","text":{"pi":"Tena kho pana samayena kūṭadanto brāhmaṇo uparipāsāde divāseyyaṁ upagato hoti.\nAddasā kho kūṭadanto brāhmaṇo khāṇumatake brāhmaṇagahapatike khāṇumatā nikkhamitvā saṅghasaṅghī gaṇībhūte yena ambalaṭṭhikā tenupasaṅkamante.\nDisvā khattaṁ āmantesi:\n“kiṁ nu kho, bho khatte, khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamantī”ti?\n“Atthi kho, bho, samaṇo gotamo sakyaputto sakyakulā pabbajito magadhesu cārikaṁ caramāno mahatā bhikkhusaṅghena saddhiṁ pañcamattehi bhikkhusatehi khāṇumataṁ anuppatto, khāṇumate viharati ambalaṭṭhikāyaṁ.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nTamete bhavantaṁ gotamaṁ dassanāya upasaṅkamantī”ti.","en":"Now at that time the brahmin Kūṭadanta had retired to the upper floor of his stilt longhouse for his midday nap.\nHe saw the brahmins and householders heading for Ambalaṭṭhikā,\nand addressed his butler,\n“My butler, why are the brahmins and householders headed for Ambalaṭṭhikā?”\n“The ascetic Gotama has arrived at Khāṇumata and is staying at Ambalaṭṭhikā.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nThey’re going to see that worthy Gotama.”"}},{"id":"dn5:4","sourceIds":["dn5:4.1","dn5:4.2","dn5:4.3","dn5:4.4","dn5:4.5","dn5:4.6","dn5:4.7","dn5:4.8","dn5:4.9","dn5:4.10","dn5:4.11","dn5:4.12","dn5:4.13"],"kind":"text","text":{"pi":"Atha kho kūṭadantassa brāhmaṇassa etadahosi:\n“sutaṁ kho pana metaṁ:\n‘samaṇo gotamo tividhaṁ yaññasampadaṁ soḷasaparikkhāraṁ jānātī’ti.\nNa kho panāhaṁ jānāmi tividhaṁ yaññasampadaṁ soḷasaparikkhāraṁ.\nIcchāmi cāhaṁ mahāyaññaṁ yajituṁ.\nYannūnāhaṁ samaṇaṁ gotamaṁ upasaṅkamitvā tividhaṁ yaññasampadaṁ soḷasaparikkhāraṁ puccheyyan”ti.\nAtha kho kūṭadanto brāhmaṇo khattaṁ āmantesi:\n“tena hi, bho khatte, yena khāṇumatakā brāhmaṇagahapatikā tenupasaṅkama. upasaṅkamitvā khāṇumatake brāhmaṇagahapatike evaṁ vadehi:\n‘kūṭadanto, bho, brāhmaṇo evamāha—\nāgamentu kira bhavanto, kūṭadantopi brāhmaṇo samaṇaṁ gotamaṁ dassanāya upasaṅkamissatī’”ti.\n“Evaṁ, bho”ti kho so khattā kūṭadantassa brāhmaṇassa paṭissutvā yena khāṇumatakā brāhmaṇagahapatikā tenupasaṅkami. upasaṅkamitvā khāṇumatake brāhmaṇagahapatike etadavoca:\n“kūṭadanto, bho, brāhmaṇo evamāha:\n‘āgamentu kira bhonto, kūṭadantopi brāhmaṇo samaṇaṁ gotamaṁ dassanāya upasaṅkamissatī’”ti.","en":"Then Kūṭadanta thought,\n“I’ve heard that\nthe ascetic Gotama knows how to accomplish the sacrifice with three modes and sixteen accessories.\nI don’t know about that,\nbut I wish to perform a great sacrifice.\nWhy don’t I ask him how to accomplish the sacrifice with three modes and sixteen accessories?”\nThen Kūṭadanta addressed his butler,\n“Well then, go to the brahmins and householders and say to them:\n‘Sirs, the brahmin Kūṭadanta asks\nyou to wait, as he will also go to see the ascetic Gotama.’”\n“Yes, worthy sir,” replied the butler, and did as he was asked."}},{"id":"dn5:5","sourceIds":["dn5:5.0","dn5:5.1","dn5:5.2","dn5:5.3","dn5:5.4","dn5:5.5","dn5:5.6","dn5:5.7","dn5:5.8"],"kind":"text","text":{"pi":"2. Kūṭadantaguṇakathā\nTena kho pana samayena anekāni brāhmaṇasatāni khāṇumate paṭivasanti:\n“kūṭadantassa brāhmaṇassa mahāyaññaṁ anubhavissāmā”ti.\nAssosuṁ kho te brāhmaṇā:\n“kūṭadanto kira brāhmaṇo samaṇaṁ gotamaṁ dassanāya upasaṅkamissatī”ti.\nAtha kho te brāhmaṇā yena kūṭadanto brāhmaṇo tenupasaṅkamiṁsu. upasaṅkamitvā kūṭadantaṁ brāhmaṇaṁ etadavocuṁ:\n“saccaṁ kira bhavaṁ kūṭadanto samaṇaṁ gotamaṁ dassanāya upasaṅkamissatī”ti?\n“Evaṁ kho me, bho, hoti:\n‘ahampi samaṇaṁ gotamaṁ dassanāya upasaṅkamissāmī’”ti.","en":"2. The Qualities of Kūṭadanta\nNow at that time several hundred brahmins were residing in Khāṇumata\nthinking to participate in Kūṭadanta’s sacrifice.\nThey heard that\nKūṭadanta was going to see the ascetic Gotama.\nThey approached Kūṭadanta and said to him:\n“Is it really true that you are going to see the ascetic Gotama?”\n“Yes, worthy sir, it is true.”"}},{"id":"dn5:6","sourceIds":["dn5:6.1","dn5:6.2","dn5:6.3","dn5:6.4","dn5:6.5","dn5:6.6","dn5:6.7","dn5:6.8","dn5:6.9","dn5:6.10","dn5:6.11","dn5:6.12","dn5:6.13","dn5:6.14","dn5:6.15","dn5:6.16","dn5:6.17","dn5:6.18","dn5:6.19","dn5:6.20","dn5:6.21"],"kind":"text","text":{"pi":"“Mā bhavaṁ kūṭadanto samaṇaṁ gotamaṁ dassanāya upasaṅkami.\nNa arahati bhavaṁ kūṭadanto samaṇaṁ gotamaṁ dassanāya upasaṅkamituṁ.\nSace bhavaṁ kūṭadanto samaṇaṁ gotamaṁ dassanāya upasaṅkamissati, bhoto kūṭadantassa yaso hāyissati, samaṇassa gotamassa yaso abhivaḍḍhissati.\nYampi bhoto kūṭadantassa yaso hāyissati, samaṇassa gotamassa yaso abhivaḍḍhissati, imināpaṅgena na arahati bhavaṁ kūṭadanto samaṇaṁ gotamaṁ dassanāya upasaṅkamituṁ.\nSamaṇo tveva gotamo arahati bhavantaṁ kūṭadantaṁ dassanāya upasaṅkamituṁ.\nBhavañhi kūṭadanto ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nYampi bhavaṁ kūṭadanto ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṁ kūṭadanto samaṇaṁ gotamaṁ dassanāya upasaṅkamituṁ.\nSamaṇo tveva gotamo arahati bhavantaṁ kūṭadantaṁ dassanāya upasaṅkamituṁ.\nBhavañhi kūṭadanto aḍḍho mahaddhano mahābhogo pahūtavittūpakaraṇo pahūtajātarūparajato …pe…\nBhavañhi kūṭadanto ajjhāyako mantadharo tiṇṇaṁ vedānaṁ pāragū sanighaṇḍukeṭubhānaṁ sākkharappabhedānaṁ itihāsapañcamānaṁ padako veyyākaraṇo lokāyatamahāpurisalakkhaṇesu anavayo …pe…\nBhavañhi kūṭadanto abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…\nBhavañhi kūṭadanto sīlavā vuddhasīlī vuddhasīlena samannāgato …pe…\nBhavañhi kūṭadanto kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā …pe…\nBhavañhi kūṭadanto bahūnaṁ ācariyapācariyo tīṇi māṇavakasatāni mante vāceti, bahū kho pana nānādisā nānājanapadā māṇavakā āgacchanti bhoto kūṭadantassa santike mantatthikā mante adhiyitukāmā …pe…\nBhavañhi kūṭadanto jiṇṇo vuddho mahallako addhagato vayoanuppatto.\nSamaṇo gotamo taruṇo ceva taruṇapabbajito ca …pe…\nBhavañhi kūṭadanto rañño māgadhassa seniyassa bimbisārassa sakkato garukato mānito pūjito apacito …pe…\nBhavañhi kūṭadanto brāhmaṇassa pokkharasātissa sakkato garukato mānito pūjito apacito …pe…\nBhavañhi kūṭadanto khāṇumataṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā māgadhena seniyena bimbisārena dinnaṁ rājadāyaṁ brahmadeyyaṁ.\nYampi bhavaṁ kūṭadanto khāṇumataṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ, raññā māgadhena seniyena bimbisārena dinnaṁ rājadāyaṁ brahmadeyyaṁ, imināpaṅgena na arahati bhavaṁ kūṭadanto samaṇaṁ gotamaṁ dassanāya upasaṅkamituṁ.\nSamaṇo tveva gotamo arahati bhavantaṁ kūṭadantaṁ dassanāya upasaṅkamitun”ti.","en":"“Please don’t!\nIt’s not appropriate for you to go to see the ascetic Gotama.\nFor if you do so, your reputation will diminish and his will increase.\nFor this reason it’s not appropriate for you to go to see the ascetic Gotama;\nit’s appropriate that he comes to see you.\nYou are well born on both your mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nFor this reason it’s not appropriate for you to go to see the ascetic Gotama;\nit’s appropriate that he comes to see you.\nYou’re rich, affluent, and wealthy, with lots of property and assets, and lots of money and grain …\nYou recite and remember the hymns, and have mastered the three Vedas, together with their vocabularies and ritual performance, their phonology and word classification, and the testaments as fifth. You know them word-by-word, and their grammar. You are well versed in cosmology and the marks of a great man. …\nYou are attractive, good-looking, lovely, of surpassing beauty. You have divine looks and lustre, remarkable to behold. …\nYou are ethical, mature in ethical conduct. …\nYou’re a good speaker who enunciates well, with a polished, clear, and articulate voice that expresses the meaning. …\nYou’re the tutor of tutors for many, and teach three hundred young students to recite the hymns. Many students come from various districts and countries for the sake of the hymns, wishing to learn the hymns. …\nYou’re old, elderly and senior, advanced in years, and have reached the final stage of life.\nThe ascetic Gotama is young, and has newly gone forth. …\nYou’re honored, respected, revered, venerated, and esteemed by King Bimbisāra of Magadha …\nand the brahmin Pokkharasāti. …\nYou live in Khāṇumata, a crown property given by King Seniya Bimbisāra of Magadha, teeming with living creatures, full of hay, wood, water, and grain, a royal park endowed to a brahmin.\nFor this reason it’s not appropriate for you to go to see the ascetic Gotama;\nit’s appropriate that he comes to see you.”"}},{"id":"dn5:7","sourceIds":["dn5:7.0","dn5:7.1","dn5:7.2","dn5:7.3","dn5:7.4","dn5:7.5","dn5:7.6","dn5:7.7","dn5:7.8","dn5:7.9","dn5:7.10","dn5:7.11","dn5:7.12","dn5:7.13","dn5:7.14","dn5:7.15","dn5:7.16","dn5:7.17","dn5:7.18","dn5:7.19","dn5:7.20","dn5:7.21","dn5:7.22","dn5:7.23","dn5:7.24","dn5:7.25","dn5:7.26","dn5:7.27","dn5:7.28","dn5:7.29","dn5:7.30","dn5:7.31","dn5:7.32","dn5:7.33","dn5:7.34","dn5:7.35","dn5:7.36","dn5:7.37","dn5:7.38","dn5:7.39","dn5:7.40","dn5:7.41","dn5:7.42","dn5:7.43","dn5:7.44","dn5:7.45","dn5:7.46","dn5:7.47"],"kind":"text","text":{"pi":"3. Buddhaguṇakathā\nEvaṁ vutte, kūṭadanto brāhmaṇo te brāhmaṇe etadavoca:\n“Tena hi, bho, mamapi suṇātha, yathā mayameva arahāma taṁ bhavantaṁ gotamaṁ dassanāya upasaṅkamituṁ,\nna tveva arahati so bhavaṁ gotamo amhākaṁ dassanāya upasaṅkamituṁ.\nSamaṇo khalu, bho, gotamo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nYampi, bho, samaṇo gotamo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati so bhavaṁ gotamo amhākaṁ dassanāya upasaṅkamituṁ.\nAtha kho mayameva arahāma taṁ bhavantaṁ gotamaṁ dassanāya upasaṅkamituṁ.\nSamaṇo khalu, bho, gotamo mahantaṁ ñātisaṅghaṁ ohāya pabbajito …pe…\nSamaṇo khalu, bho, gotamo pahūtaṁ hiraññasuvaṇṇaṁ ohāya pabbajito bhūmigatañca vehāsaṭṭhaṁ ca …pe…\nSamaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṁ pabbajito …pe…\nSamaṇo khalu, bho, gotamo akāmakānaṁ mātāpitūnaṁ assumukhānaṁ rudantānaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito …pe…\nSamaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…\nSamaṇo khalu, bho, gotamo sīlavā ariyasīlī kusalasīlī kusalasīlena samannāgato …pe…\nSamaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā …pe…\nSamaṇo khalu, bho, gotamo bahūnaṁ ācariyapācariyo …pe…\nSamaṇo khalu, bho, gotamo khīṇakāmarāgo vigatacāpallo …pe…\nSamaṇo khalu, bho, gotamo kammavādī kiriyavādī apāpapurekkhāro brahmaññāya pajāya …pe…\nSamaṇo khalu, bho, gotamo uccā kulā pabbajito asambhinnakhattiyakulā …pe…\nSamaṇo khalu, bho, gotamo aḍḍhā kulā pabbajito mahaddhanā mahābhogā …pe…\nSamaṇaṁ khalu, bho, gotamaṁ tiroraṭṭhā tirojanapadā pañhaṁ pucchituṁ āgacchanti …pe…\nSamaṇaṁ khalu, bho, gotamaṁ anekāni devatāsahassāni pāṇehi saraṇaṁ gatāni …pe…\nSamaṇaṁ khalu, bho, gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti …pe…\nSamaṇo khalu, bho, gotamo dvattiṁsamahāpurisalakkhaṇehi samannāgato …pe…\nSamaṇo khalu, bho, gotamo ehisvāgatavādī sakhilo sammodako abbhākuṭiko uttānamukho pubbabhāsī …pe…\nSamaṇo khalu, bho, gotamo catunnaṁ parisānaṁ sakkato garukato mānito pūjito apacito …pe…\nSamaṇe khalu, bho, gotame bahū devā ca manussā ca abhippasannā …pe…\nSamaṇo khalu, bho, gotamo yasmiṁ gāme vā nigame vā paṭivasati na tasmiṁ gāme vā nigame vā amanussā manusse viheṭhenti …pe…\nSamaṇo khalu, bho, gotamo saṅghī gaṇī gaṇācariyo puthutitthakarānaṁ aggamakkhāyati, yathā kho pana, bho, etesaṁ samaṇabrāhmaṇānaṁ yathā vā tathā vā yaso samudāgacchati, na hevaṁ samaṇassa gotamassa yaso samudāgato.\nAtha kho anuttarāya vijjācaraṇasampadāya samaṇassa gotamassa yaso samudāgato …pe…\nSamaṇaṁ khalu, bho, gotamaṁ rājā māgadho seniyo bimbisāro saputto sabhariyo sapariso sāmacco pāṇehi saraṇaṁ gato …pe…\nSamaṇaṁ khalu, bho, gotamaṁ rājā pasenadi kosalo saputto sabhariyo sapariso sāmacco pāṇehi saraṇaṁ gato …pe…\nSamaṇaṁ khalu, bho, gotamaṁ brāhmaṇo pokkharasāti saputto sabhariyo sapariso sāmacco pāṇehi saraṇaṁ gato …pe…\nSamaṇo khalu, bho, gotamo rañño māgadhassa seniyassa bimbisārassa sakkato garukato mānito pūjito apacito …pe…\nSamaṇo khalu, bho, gotamo rañño pasenadissa kosalassa sakkato garukato mānito pūjito apacito …pe…\nSamaṇo khalu, bho, gotamo brāhmaṇassa pokkharasātissa sakkato garukato mānito pūjito apacito …pe…\nSamaṇo khalu, bho, gotamo khāṇumataṁ anuppatto khāṇumate viharati ambalaṭṭhikāyaṁ.\nYe kho pana, bho, keci samaṇā vā brāhmaṇā vā amhākaṁ gāmakhettaṁ āgacchanti, atithī no te honti.\nAtithī kho panamhehi sakkātabbā garukātabbā mānetabbā pūjetabbā apacetabbā.\nYampi, bho, samaṇo gotamo khāṇumataṁ anuppatto khāṇumate viharati ambalaṭṭhikāyaṁ, atithimhākaṁ samaṇo gotamo.\nAtithi kho panamhehi sakkātabbo garukātabbo mānetabbo pūjetabbo apacetabbo.\nImināpaṅgena nārahati so bhavaṁ gotamo amhākaṁ dassanāya upasaṅkamituṁ.\nAtha kho mayameva arahāma taṁ bhavantaṁ gotamaṁ dassanāya upasaṅkamituṁ.\nEttake kho ahaṁ, bho, tassa bhoto gotamassa vaṇṇe pariyāpuṇāmi, no ca kho so bhavaṁ gotamo ettakavaṇṇo.\nAparimāṇavaṇṇo hi so bhavaṁ gotamo”ti.\nEvaṁ vutte, te brāhmaṇā kūṭadantaṁ brāhmaṇaṁ etadavocuṁ:\n“yathā kho bhavaṁ kūṭadanto samaṇassa gotamassa vaṇṇe bhāsati, ito cepi so bhavaṁ gotamo yojanasate viharati, alameva saddhena kulaputtena dassanāya upasaṅkamituṁ api puṭosenā”ti.\n“Tena hi, bho, sabbeva mayaṁ samaṇaṁ gotamaṁ dassanāya upasaṅkamissāmā”ti.","en":"3. The Qualities of the Buddha\nWhen they had spoken, Kūṭadanta said to those brahmins:\n“Well then, gentlemen, listen to why it’s appropriate for me to go to see the ascetic Gotama,\nand it’s not appropriate for him to come to see me.\nHe is well born on both his mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nFor this reason it’s not appropriate for the ascetic Gotama to come to see me;\nrather, it’s appropriate for me to go to see him.\nWhen he went forth he abandoned a large family circle. …\nWhen he went forth he abandoned abundant gold, both coined and uncoined, stored above and below ground. …\nHe went forth from the lay life to homelessness while still a youth, young, with pristine black hair, blessed with youth, in the prime of life. …\nThough his mother and father wished otherwise, weeping with tearful faces, he shaved off his hair and beard, dressed in ocher robes, and went forth from the lay life to homelessness. …\nHe is attractive, good-looking, lovely, of surpassing beauty. He has divine looks and lustre, remarkable to behold. …\nHe is ethical, possessing ethical conduct that is noble and skillful. …\nHe’s a good speaker who enunciates well, with a polished, clear, and articulate voice that expresses the meaning. …\nHe’s a tutor of tutors. …\nHe has ended sensual desire, and is rid of caprice. …\nHe teaches the efficacy of deeds and action. He doesn’t wish any harm upon the community of brahmins. …\nHe went forth from an eminent family of unbroken aristocratic lineage. …\nHe went forth from a rich, affluent, and wealthy family. …\nPeople come from distant lands and distant countries to question him. …\nMany thousands of deities have gone for refuge for life to him. …\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’ …\nHe has the thirty-two marks of a great man. …\nHe is welcoming, congenial, polite, smiling, open, the first to speak. …\nHe’s honored, respected, revered, venerated, and esteemed by the four assemblies. …\nMany gods and humans are devoted to him. …\nWhile he is residing in a village or town, non-human entities do not harass them. …\nHe leads an order and a community, and tutors a community, and is said to be the best of the various religious founders. He didn’t come by his fame in the same ways as those other ascetics and brahmins.\nRather, he came by his fame due to his supreme knowledge and conduct. …\nKing Seniya Bimbisāra of Magadha and his wives and children have gone for refuge for life to the ascetic Gotama. …\nKing Pasenadi of Kosala and his wives and children have gone for refuge for life to the ascetic Gotama. …\nThe brahmin Pokkharasāti and his wives and children have gone for refuge for life to the ascetic Gotama. …\nHe’s honored, respected, revered, venerated, and esteemed by King Bimbisāra of Magadha …\nKing Pasenadi of Kosala …\nand the brahmin Pokkharasāti.\nThe ascetic Gotama has arrived at Khāṇumata and is staying at Ambalaṭṭhikā.\nAny ascetic or brahmin who comes to stay in our village district is our guest,\nand should be honored and respected as such.\nFor this reason, too, it’s not appropriate for Worthy Gotama to come to see me;\nrather, it’s appropriate for me to go to see him.\nThis is the extent of the worthy Gotama’s praise that I have memorized. But his praises are not confined to this,\nfor the praise of the worthy Gotama is limitless.”\nWhen he had spoken, those brahmins said to him,\n“According to Kūṭadanta’s praises, if the worthy Gotama were staying within a hundred leagues, it’d be worthwhile for a faithful gentleman to go to see him, even if he had to carry his own provisions in a knapsack.”\n“Well then, gentlemen, let’s all go to see the ascetic Gotama.”"}},{"id":"dn5:8","sourceIds":["dn5:8.0","dn5:8.1","dn5:8.2","dn5:8.3"],"kind":"text","text":{"pi":"4. Mahāvijitarājayaññakathā\nAtha kho kūṭadanto brāhmaṇo mahatā brāhmaṇagaṇena saddhiṁ yena ambalaṭṭhikā yena bhagavā tenupasaṅkami, upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi.\nKhāṇumatakāpi kho brāhmaṇagahapatikā appekacce bhagavantaṁ abhivādetvā ekamantaṁ nisīdiṁsu; appekacce bhagavatā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu; appekacce yena bhagavā tenañjaliṁ paṇāmetvā ekamantaṁ nisīdiṁsu; appekacce nāmagottaṁ sāvetvā ekamantaṁ nisīdiṁsu; appekacce tuṇhībhūtā ekamantaṁ nisīdiṁsu.","en":"4. The Story of King Mahāvijita’s Sacrifice\nThen Kūṭadanta together with a large group of brahmins went to Ambalaṭṭhikā, approached the Buddha, and exchanged greetings with him.\nWhen the greetings and polite conversation were over, he sat down to one side.\nBefore sitting down to one side, some of the brahmins and householders of Khāṇumata bowed, some exchanged greetings and polite conversation, some held up their cupped palms toward the Buddha, some announced their name and clan, while some kept silent."}},{"id":"dn5:9","sourceIds":["dn5:9.1","dn5:9.2","dn5:9.3","dn5:9.4","dn5:9.5","dn5:9.6","dn5:9.7","dn5:9.8","dn5:9.9"],"kind":"text","text":{"pi":"Ekamantaṁ nisinno kho kūṭadanto brāhmaṇo bhagavantaṁ etadavoca:\n“sutaṁ metaṁ, bho gotama:\n‘samaṇo gotamo tividhaṁ yaññasampadaṁ soḷasaparikkhāraṁ jānātī’ti.\nNa kho panāhaṁ jānāmi tividhaṁ yaññasampadaṁ soḷasaparikkhāraṁ.\nIcchāmi cāhaṁ mahāyaññaṁ yajituṁ.\nSādhu me bhavaṁ gotamo tividhaṁ yaññasampadaṁ soḷasaparikkhāraṁ desetū”ti.\n“Tena hi, brāhmaṇa, suṇāhi sādhukaṁ manasikarohi, bhāsissāmī”ti.\n“Evaṁ, bho”ti kho kūṭadanto brāhmaṇo bhagavato paccassosi.\nBhagavā etadavoca:","en":"Kūṭadanta said to the Buddha,\n“Worthy Gotama, I’ve heard that\nyou know how to accomplish the sacrifice with three modes and sixteen accessories.\nI don’t know about that,\nbut I wish to perform a great sacrifice.\nPlease teach me how to accomplish the sacrifice with three modes and sixteen accessories.”\n“Well then, brahmin, listen and apply your mind well, I will speak.”\n“Yes, worthy sir,” Kūṭadanta replied.\nThe Buddha said this:"}},{"id":"dn5:10","sourceIds":["dn5:10.1","dn5:10.2","dn5:10.3","dn5:10.4","dn5:10.5","dn5:10.6","dn5:10.7","dn5:10.8"],"kind":"text","text":{"pi":"“bhūtapubbaṁ, brāhmaṇa, rājā mahāvijito nāma ahosi aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro.\nAtha kho, brāhmaṇa, rañño mahāvijitassa rahogatassa paṭisallīnassa evaṁ cetaso parivitakko udapādi:\n‘adhigatā kho me vipulā mānusakā bhogā, mahantaṁ pathavimaṇḍalaṁ abhivijiya ajjhāvasāmi, yannūnāhaṁ mahāyaññaṁ yajeyyaṁ, yaṁ mama assa dīgharattaṁ hitāya sukhāyā’ti.\nAtha kho, brāhmaṇa, rājā mahāvijito purohitaṁ brāhmaṇaṁ āmantetvā etadavoca:\n‘idha mayhaṁ, brāhmaṇa, rahogatassa paṭisallīnassa evaṁ cetaso parivitakko udapādi:\n“adhigatā kho me vipulā mānusakā bhogā, mahantaṁ pathavimaṇḍalaṁ abhivijiya ajjhāvasāmi. Yannūnāhaṁ mahāyaññaṁ yajeyyaṁ yaṁ mama assa dīgharattaṁ hitāya sukhāyā”ti.\nIcchāmahaṁ, brāhmaṇa, mahāyaññaṁ yajituṁ.\nAnusāsatu maṁ bhavaṁ yaṁ mama assa dīgharattaṁ hitāya sukhāyā’ti.","en":"“Once upon a time, brahmin, there was a king named Mahāvijita. He was rich, affluent, and wealthy, with lots of gold and silver, lots of property and assets, lots of money and grain, and a full treasury and storehouses.\nThen as King Mahāvijita was in private retreat this thought came to his mind:\n‘I have achieved human wealth, and reign after conquering this vast territory. Why don’t I hold a large sacrifice? That will be for my lasting welfare and happiness.’\nThen he summoned the brahmin high priest and said to him:\n‘Just now, brahmin, as I was in private retreat this thought came to mind,\n“I have achieved human wealth, and reign after conquering this vast territory. Why don’t I perform a great sacrifice? That will be for my lasting welfare and happiness.”\nBrahmin, I wish to perform a great sacrifice.\nPlease instruct me. It will be for my lasting welfare and happiness.’"}},{"id":"dn5:11","sourceIds":["dn5:11.1","dn5:11.2","dn5:11.3","dn5:11.4","dn5:11.5","dn5:11.6","dn5:11.7","dn5:11.8","dn5:11.9","dn5:11.10","dn5:11.11","dn5:11.12","dn5:11.13","dn5:11.14","dn5:11.15","dn5:11.16","dn5:11.17","dn5:11.18","dn5:11.19","dn5:11.20","dn5:11.21","dn5:11.22","dn5:11.23"],"kind":"text","text":{"pi":"Evaṁ vutte, brāhmaṇa, purohito brāhmaṇo rājānaṁ mahāvijitaṁ etadavoca:\n‘bhoto kho rañño janapado sakaṇṭako sauppīḷo, gāmaghātāpi dissanti, nigamaghātāpi dissanti, nagaraghātāpi dissanti, panthaduhanāpi dissanti.\nBhavaṁ kho pana rājā evaṁ sakaṇṭake janapade sauppīḷe balimuddhareyya, akiccakārī assa tena bhavaṁ rājā.\nSiyā kho pana bhoto rañño evamassa:\n“ahametaṁ dassukhīlaṁ vadhena vā bandhena vā jāniyā vā garahāya vā pabbājanāya vā samūhanissāmī”ti, na kho panetassa dassukhīlassa evaṁ sammā samugghāto hoti.\nYe te hatāvasesakā bhavissanti, te pacchā rañño janapadaṁ viheṭhessanti.\nApi ca kho idaṁ saṁvidhānaṁ āgamma evametassa dassukhīlassa sammā samugghāto hoti.\nTena hi bhavaṁ rājā ye bhoto rañño janapade ussahanti kasigorakkhe, tesaṁ bhavaṁ rājā bījabhattaṁ anuppadetu.\nYe bhoto rañño janapade ussahanti vāṇijjāya, tesaṁ bhavaṁ rājā pābhataṁ anuppadetu.\nYe bhoto rañño janapade ussahanti rājaporise, tesaṁ bhavaṁ rājā bhattavetanaṁ pakappetu.\nTe ca manussā sakammapasutā rañño janapadaṁ na viheṭhessanti;\nmahā ca rañño rāsiko bhavissati.\nKhemaṭṭhitā janapadā akaṇṭakā anuppīḷā. Manussā mudā modamānā ure putte naccentā apārutagharā maññe viharissantī’ti.\n‘Evaṁ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade ussahiṁsu kasigorakkhe, tesaṁ rājā mahāvijito bījabhattaṁ anuppadāsi.\nYe ca rañño janapade ussahiṁsu vāṇijjāya, tesaṁ rājā mahāvijito pābhataṁ anuppadāsi.\nYe ca rañño janapade ussahiṁsu rājaporise, tesaṁ rājā mahāvijito bhattavetanaṁ pakappesi.\nTe ca manussā sakammapasutā rañño janapadaṁ na viheṭhiṁsu, mahā ca rañño rāsiko ahosi.\nKhemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe vihariṁsu.\nAtha kho, brāhmaṇa, rājā mahāvijito purohitaṁ brāhmaṇaṁ āmantetvā etadavoca:\n‘samūhato kho me bhoto dassukhīlo, bhoto saṁvidhānaṁ āgamma mahā ca me rāsiko.\nKhemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe viharanti.\nIcchāmahaṁ brāhmaṇa mahāyaññaṁ yajituṁ.\nAnusāsatu maṁ bhavaṁ yaṁ mama assa dīgharattaṁ hitāya sukhāyā’ti.","en":"When he had spoken, the brahmin high priest said to him:\n‘Sir, the king’s realm is harried and oppressed. Raiding of villages, towns, and cities has been seen, and infesting of highways.\nBut if the king were to extract more taxes while his realm is thus harried and oppressed, he would not be doing his duty.\nNow the king might think,\n“I’ll eradicate this plague of savages by execution or imprisonment or confiscation or condemnation or banishment!” But that’s not the right way to eradicate this plague of savages.\nThose who remain after the killing will return to harass the king’s realm.\nRather, here is a plan, relying on which the plague of savages will be properly uprooted.\nSo let the king provide seed and fodder for those in the realm who work in growing crops and raising cattle.\nLet the king provide funding for those who work in trade.\nLet the king guarantee food and wages for those in government service.\nThen the people, occupied with their own work, will not harass the realm.\nThe king’s revenues will be great.\nWhen the country is secured as a sanctuary, free of being harried and oppressed, the happy people, with joy in their hearts, dancing with children at their breast, will dwell as if their houses were wide open.’\nThe king agreed with the high priest’s advice and followed his recommendation.\nThen the king summoned the brahmin high priest and said to him:\n‘I have eradicated the plague of savages. And relying on your plan my revenue is now great.\nSince the country is secured as a sanctuary, free of being harried and oppressed, the happy people, with joy in their hearts, dancing with children at their breast, dwell as if their houses were wide open.\nBrahmin, I wish to perform a great sacrifice.\nPlease instruct me. It will be for my lasting welfare and happiness.’"}},{"id":"dn5:12","sourceIds":["dn5:12.0","dn5:12.1","dn5:12.2","dn5:12.3","dn5:12.4","dn5:12.5","dn5:12.6","dn5:12.7","dn5:12.8","dn5:12.9"],"kind":"text","text":{"pi":"4.1. Catuparikkhāra\nTena hi bhavaṁ rājā ye bhoto rañño janapade khattiyā ānuyantā negamā ceva jānapadā ca te bhavaṁ rājā āmantayataṁ: ‘icchāmahaṁ, bho, mahāyaññaṁ yajituṁ, anujānantu me bhavanto yaṁ mama assa dīgharattaṁ hitāya sukhāyā’ti. Ye bhoto rañño janapade amaccā pārisajjā negamā ceva jānapadā ca …pe… brāhmaṇamahāsālā negamā ceva jānapadā ca …pe… gahapatinecayikā negamā ceva jānapadā ca, te bhavaṁ rājā āmantayataṁ:\n‘icchāmahaṁ, bho, mahāyaññaṁ yajituṁ, anujānantu me bhavanto yaṁ mama assa dīgharattaṁ hitāya sukhāyā’ti.\n‘Evaṁ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade khattiyā ānuyantā negamā ceva jānapadā ca, te rājā mahāvijito āmantesi:\n‘icchāmahaṁ, bho, mahāyaññaṁ yajituṁ, anujānantu me bhavanto yaṁ mama assa dīgharattaṁ hitāya sukhāyā’ti.\n‘Yajataṁ bhavaṁ rājā yaññaṁ, yaññakālo, mahārājā’ti.\nYe rañño janapade amaccā pārisajjā negamā ceva jānapadā ca …pe… brāhmaṇamahāsālā negamā ceva jānapadā ca …pe… gahapatinecayikā negamā ceva jānapadā ca, te rājā mahāvijito āmantesi:\n‘icchāmahaṁ, bho, mahāyaññaṁ yajituṁ. Anujānantu me bhavanto yaṁ mama assa dīgharattaṁ hitāya sukhāyā’ti.\n‘Yajataṁ bhavaṁ rājā yaññaṁ, yaññakālo, mahārājā’ti.\nItime cattāro anumatipakkhā tasseva yaññassa parikkhārā bhavanti.","en":"4.1. The Four Accessories\n‘In that case, let the king announce this throughout the realm to the aristocrat vassals of both town and country; the ministers and councillors of both town and country; the well-to-do brahmins of both town and country; and the well-off householders of both town and country.\n“I wish to perform a great sacrifice. Please grant your approval, worthy sirs; it will be for my lasting welfare and happiness.”’\nThe king agreed with the high priest’s advice and followed his recommendation.\nAnd all of the people who were thus informed responded by saying:\n‘May the king perform a sacrifice! It is time for a sacrifice, Great King.’\nAnd so these four consenting factions became accessories to the sacrifice."}},{"id":"dn5:13","sourceIds":["dn5:13.0","dn5:13.1","dn5:13.2","dn5:13.3","dn5:13.4","dn5:13.5","dn5:13.6","dn5:13.7","dn5:13.8","dn5:13.9","dn5:13.10","dn5:13.11"],"kind":"text","text":{"pi":"4.2. Aṭṭhaparikkhāra\nRājā mahāvijito aṭṭhahaṅgehi samannāgato—\nubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena;\nabhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya;\naḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro;\nbalavā caturaṅginiyā senāya samannāgato assavāya ovādapaṭikarāya sahati maññe paccatthike yasasā;\nsaddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṁ opānabhūto puññāni karoti;\nbahussuto tassa tassa sutajātassa, tassa tasseva kho pana bhāsitassa atthaṁ jānāti:\n‘ayaṁ imassa bhāsitassa attho ayaṁ imassa bhāsitassa attho’ti;\npaṇḍito, viyatto, medhāvī, paṭibalo, atītānāgatapaccuppanne atthe cintetuṁ.\nRājā mahāvijito imehi aṭṭhahaṅgehi samannāgato.\nIti imānipi aṭṭhaṅgāni tasseva yaññassa parikkhārā bhavanti.","en":"4.2. The Eight Accessories\nKing Mahāvijita possessed eight factors.\nHe was well born on both his mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nHe was attractive, good-looking, lovely, of surpassing beauty. He had divine looks and lustre, remarkable to behold.\nHe was rich, affluent, and wealthy, with lots of gold and silver, lots of property and assets, lots of money and grain, and a full treasury and storehouses.\nHe was powerful, having an army of four divisions that was obedient and carried out instructions. He’d probably prevail over his enemies just with his reputation.\nHe was faithful, generous, a donor, his door always open. He was a well-spring of support, making merit with ascetics and brahmins, for paupers, vagrants, supplicants, and beggars.\nHe was very learned in diverse fields of learning. He understood the meaning of diverse statements, saying:\n‘This is what that statement means; that is what this statement means.’\nHe was astute, competent, and intelligent, able to think issues through as they bear upon the past, future, and present.\nThese are the eight factors that King Mahāvijita possessed.\nAnd so these eight factors also became accessories to the sacrifice."}},{"id":"dn5:14","sourceIds":["dn5:14.0","dn5:14.1","dn5:14.2","dn5:14.3","dn5:14.4","dn5:14.5","dn5:14.6","dn5:14.7"],"kind":"text","text":{"pi":"4.3. Catuparikkhāra\nPurohito brāhmaṇo catūhaṅgehi samannāgato,\nubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena;\najjhāyako mantadharo tiṇṇaṁ vedānaṁ pāragū sanighaṇḍukeṭubhānaṁ sākkharappabhedānaṁ itihāsapañcamānaṁ padako veyyākaraṇo lokāyatamahāpurisalakkhaṇesu anavayo;\nsīlavā vuddhasīlī vuddhasīlena samannāgato;\npaṇḍito viyatto medhāvī paṭhamo vā dutiyo vā sujaṁ paggaṇhantānaṁ.\nPurohito brāhmaṇo imehi catūhaṅgehi samannāgato.\nIti imānipi cattāri aṅgāni tasseva yaññassa parikkhārā bhavanti.","en":"4.3. Four More Accessories\nAnd the brahmin high priest had four factors.\nHe was well born on both his mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nHe recited and remembered the hymns, and had mastered the three Vedas, together with their vocabularies and ritual performance, their phonology and word classification, and the testaments as fifth. He knew them word-by-word, and their grammar. He was well versed in cosmology and the marks of a great man.\nHe was ethical, mature in ethical conduct.\nHe was astute, competent, and intelligent, being the first or second to hold the sacrificial ladle.\nThese are the four factors that the brahmin high priest possessed.\nAnd so these four factors also became accessories to the sacrifice."}},{"id":"dn5:15","sourceIds":["dn5:15.0","dn5:15.1","dn5:15.2","dn5:15.3","dn5:15.4","dn5:15.5","dn5:15.6","dn5:15.7","dn5:15.8"],"kind":"text","text":{"pi":"4.4. Tissovidhā\nAtha kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi.\nSiyā kho pana bhoto rañño mahāyaññaṁ yiṭṭhukāmassa kocideva vippaṭisāro:\n‘“mahā vata me bhogakkhandho vigacchissatī”ti, so bhotā raññā vippaṭisāro na karaṇīyo.\nSiyā kho pana bhoto rañño mahāyaññaṁ yajamānassa kocideva vippaṭisāro:\n“mahā vata me bhogakkhandho vigacchatī”ti, so bhotā raññā vippaṭisāro na karaṇīyo.\nSiyā kho pana bhoto rañño mahāyaññaṁ yiṭṭhassa kocideva vippaṭisāro:\n“mahā vata me bhogakkhandho vigato”ti, so bhotā raññā vippaṭisāro na karaṇīyo’ti.\nImā kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi.","en":"4.4. The Three Modes\nNext, before the sacrifice, the brahmin high priest taught the three modes to the king.\n‘Now, though the king wants to perform a great sacrifice, he might have certain regrets, thinking:\n“I shall lose a great fortune,” or\n“I am losing a great fortune,” or\n“I have lost a great fortune.” But the king should not harbor such regrets.’\nThese are the three modes that the brahmin high priest taught to the king before the sacrifice."}},{"id":"dn5:16","sourceIds":["dn5:16.0","dn5:16.1","dn5:16.2","dn5:16.3","dn5:16.4","dn5:16.5","dn5:16.6","dn5:16.7","dn5:16.8","dn5:16.9","dn5:16.10","dn5:16.11","dn5:16.12","dn5:16.13","dn5:16.14","dn5:16.15","dn5:16.16"],"kind":"text","text":{"pi":"4.5. Dasaākāra\nAtha kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṁ paṭivinesi.\n‘Āgamissanti kho bhoto yaññaṁ pāṇātipātinopi pāṇātipātā paṭiviratāpi.\nYe tattha pāṇātipātino, tesaññeva tena.\nYe tattha pāṇātipātā paṭiviratā, te ārabbha yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nĀgamissanti kho bhoto yaññaṁ adinnādāyinopi adinnādānā paṭiviratāpi …pe…\nkāmesu micchācārinopi kāmesumicchācārā paṭiviratāpi …\nmusāvādinopi musāvādā paṭiviratāpi …\npisuṇavācinopi pisuṇāya vācāya paṭiviratāpi …\npharusavācinopi pharusāya vācāya paṭiviratāpi …\nsamphappalāpinopi samphappalāpā paṭiviratāpi …\nabhijjhālunopi anabhijjhālunopi …\nbyāpannacittāpi abyāpannacittāpi …\nmicchādiṭṭhikāpi sammādiṭṭhikāpi ….\nYe tattha micchādiṭṭhikā, tesaññeva tena.\nYe tattha sammādiṭṭhikā, te ārabbha yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetū’ti.\nImehi kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṁ paṭivinesi.","en":"4.5. The Ten Respects\nNext, before the sacrifice, the brahmin high priest dispelled the king’s regret regarding the recipients in ten respects:\n‘There will come to the sacrifice those who kill living creatures and those who refrain from killing living creatures.\nAs to those who kill living creatures, the outcome of that is theirs alone.\nBut as to those who refrain from killing living creatures, it is for their sakes that the king should sacrifice, relinquish, rejoice, and gain confidence in his heart.\nThere will come to the sacrifice those who steal …\ncommit sexual misconduct …\nlie …\nuse backbiting …\nuse harsh speech …\ntalk nonsense …\nare covetous …\nhave ill will …\nhave wrong view and those who have right view.\nAs to those who have wrong view, the outcome of that is theirs alone.\nBut as to those who have right view, it is for their sakes that the king should sacrifice, relinquish, rejoice, and gain confidence in his heart.’\nThese are the ten respects in which the high priest dispelled the king’s regret regarding the recipients before the sacrifice."}},{"id":"dn5:17","sourceIds":["dn5:17.0","dn5:17.1","dn5:17.2","dn5:17.3","dn5:17.4","dn5:17.5","dn5:17.6","dn5:17.7","dn5:17.8","dn5:17.9","dn5:17.10","dn5:17.11","dn5:17.12","dn5:17.13","dn5:17.14","dn5:17.15","dn5:17.16","dn5:17.17","dn5:17.18","dn5:17.19","dn5:17.20","dn5:17.21","dn5:17.22","dn5:17.23","dn5:17.24","dn5:17.25","dn5:17.26","dn5:17.27","dn5:17.28","dn5:17.29","dn5:17.30","dn5:17.31","dn5:17.32","dn5:17.33","dn5:17.34","dn5:17.35","dn5:17.36","dn5:17.37","dn5:17.38","dn5:17.39","dn5:17.40","dn5:17.41","dn5:17.42","dn5:17.43","dn5:17.44","dn5:17.45"],"kind":"text","text":{"pi":"4.6. Soḷasākāra\nAtha kho, brāhmaṇa, purohito brāhmaṇo rañño mahāvijitassa mahāyaññaṁ yajamānassa soḷasahākārehi cittaṁ sandassesi samādapesi samuttejesi sampahaṁsesi\nsiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati, no ca kho tassa āmantitā khattiyā ānuyantā negamā ceva jānapadā ca;\natha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhotā kho pana raññā āmantitā khattiyā ānuyantā negamā ceva jānapadā ca.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nSiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati, no ca kho tassa āmantitā amaccā pārisajjā negamā ceva jānapadā ca …pe… brāhmaṇamahāsālā negamā ceva jānapadā ca …pe… gahapatinecayikā negamā ceva jānapadā ca, atha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhotā kho pana raññā āmantitā gahapatinecayikā negamā ceva jānapadā ca.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nSiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati, no ca kho ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena, atha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhavaṁ kho pana rājā ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nSiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati no ca kho abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…\nno ca kho aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro …pe…\nno ca kho balavā caturaṅginiyā senāya samannāgato assavāya ovādapaṭikarāya sahati maññe paccatthike yasasā …pe…\nno ca kho saddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṁ opānabhūto puññāni karoti …pe…\nno ca kho bahussuto tassa tassa sutajātassa …pe…\nno ca kho tassa tasseva kho pana bhāsitassa atthaṁ jānāti:\n“ayaṁ imassa bhāsitassa attho, ayaṁ imassa bhāsitassa attho”ti …pe…\nno ca kho paṇḍito viyatto medhāvī paṭibalo atītānāgatapaccuppanne atthe cintetuṁ, atha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhavaṁ kho pana rājā paṇḍito viyatto medhāvī paṭibalo atītānāgatapaccuppanne atthe cintetuṁ.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nSiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati.\nNo ca khvassa purohito brāhmaṇo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena;\natha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhoto kho pana rañño purohito brāhmaṇo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetu.\nSiyā kho pana bhoto rañño mahāyaññaṁ yajamānassa kocideva vattā:\n‘rājā kho mahāvijito mahāyaññaṁ yajati.\nNo ca khvassa purohito brāhmaṇo ajjhāyako mantadharo tiṇṇaṁ vedānaṁ pāragū sanighaṇḍukeṭubhānaṁ sākkharappabhedānaṁ itihāsapañcamānaṁ padako veyyākaraṇo lokāyatamahāpurisalakkhaṇesu anavayo …pe…\nno ca khvassa purohito brāhmaṇo sīlavā vuddhasīlī vuddhasīlena samannāgato …pe…\nno ca khvassa purohito brāhmaṇo paṇḍito viyatto medhāvī paṭhamo vā dutiyo vā sujaṁ paggaṇhantānaṁ, atha ca pana bhavaṁ rājā evarūpaṁ mahāyaññaṁ yajatī’ti.\nEvampi bhoto rañño vattā dhammato natthi.\nBhoto kho pana rañño purohito brāhmaṇo paṇḍito viyatto medhāvī paṭhamo vā dutiyo vā sujaṁ paggaṇhantānaṁ.\nImināpetaṁ bhavaṁ rājā jānātu, yajataṁ bhavaṁ, sajjataṁ bhavaṁ, modataṁ bhavaṁ, cittameva bhavaṁ antaraṁ pasādetūti.\nImehi kho, brāhmaṇa, purohito brāhmaṇo rañño mahāvijitassa mahāyaññaṁ yajamānassa soḷasahi ākārehi cittaṁ sandassesi samādapesi samuttejesi sampahaṁsesi.","en":"4.6. The Sixteen Respects\nNext, while the king was performing the great sacrifice, the brahmin high priest educated, encouraged, fired up, and inspired the king’s mind in sixteen respects:\n‘Now, while the king is performing the great sacrifice, someone might say,\n“King Mahāvijita performs a great sacrifice, but he did not announce it to the aristocrat vassals of town and country.\nThat’s the kind of great sacrifice that this king performs.”\nThose who speak against the king in this way have no legitimacy.\nFor the king did indeed announce it to the aristocrat vassals of town and country.\nLet the king know this as a reason to sacrifice, relinquish, rejoice, and gain confidence in his heart.\nWhile the king is performing the great sacrifice, someone might say,\n“King Mahāvijita performs a great sacrifice, but he did not announce it to the aristocrat vassals; the ministers and councillors; the well-to-do brahmins; and the well-off householders. That’s the kind of great sacrifice that this king performs.”\nThose who speak against the king in this way have no legitimacy.\nFor the king did indeed announce it to all these people.\nLet the king know this too as a reason to sacrifice, relinquish, rejoice, and gain confidence in his heart.\nWhile the king is performing the great sacrifice, someone might say\nthat he does not possess the eight factors.\nThose who speak against the king in this way have no legitimacy.\nFor the king does indeed possess the eight factors.\nLet the king know this too as a reason to sacrifice, relinquish, rejoice, and gain confidence in his heart.\nWhile the king is performing the great sacrifice, someone might say\nthat the high priest does not possess the four factors.\nThose who speak against the king in this way have no legitimacy.\nFor the high priest does indeed possess the four factors.\nLet the king know this too as a reason to sacrifice, relinquish, rejoice, and gain confidence in his heart.’\nThese are the sixteen respects in which the high priest educated, encouraged, fired up, and inspired the king’s mind while he was performing the sacrifice."}},{"id":"dn5:18","sourceIds":["dn5:18.1","dn5:18.2","dn5:18.3","dn5:18.4","dn5:18.5"],"kind":"text","text":{"pi":"Tasmiṁ kho, brāhmaṇa, yaññe neva gāvo haññiṁsu, na ajeḷakā haññiṁsu, na kukkuṭasūkarā haññiṁsu, na vividhā pāṇā saṅghātaṁ āpajjiṁsu, na rukkhā chijjiṁsu yūpatthāya, na dabbhā lūyiṁsu barihisatthāya.\nYepissa ahesuṁ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṁsu.\nAtha kho ye icchiṁsu, te akaṁsu, ye na icchiṁsu, na te akaṁsu;\nyaṁ icchiṁsu, taṁ akaṁsu, yaṁ na icchiṁsu, na taṁ akaṁsu.\nSappitelanavanītadadhimadhuphāṇitena ceva so yañño niṭṭhānamagamāsi.","en":"And brahmin, in that sacrifice no cattle were killed, no goats or sheep were killed, and no chickens or pigs were killed. There was no slaughter of various kinds of creatures. No trees were felled for the sacrificial post. No grass was reaped to strew over the place of sacrifice.\nNo bondservants, servants, or workers did their jobs under threat of punishment and danger, weeping with tearful faces.\nThose who wished to work did so, while those who did not wish to did not.\nThey did the work they wanted to, and did not do what they didn’t want to.\nThe sacrifice was completed with just ghee, oil, butter, curds, honey, and molasses."}},{"id":"dn5:19","sourceIds":["dn5:19.1","dn5:19.2","dn5:19.3","dn5:19.4","dn5:19.5","dn5:19.6","dn5:19.7"],"kind":"text","text":{"pi":"Atha kho, brāhmaṇa, khattiyā ānuyantā negamā ceva jānapadā ca, amaccā pārisajjā negamā ceva jānapadā ca, brāhmaṇamahāsālā negamā ceva jānapadā ca, gahapatinecayikā negamā ceva jānapadā ca pahūtaṁ sāpateyyaṁ ādāya rājānaṁ mahāvijitaṁ upasaṅkamitvā evamāhaṁsu:\n‘idaṁ, deva, pahūtaṁ sāpateyyaṁ devaññeva uddissābhataṁ, taṁ devo paṭiggaṇhātū’ti.\n‘Alaṁ, bho, mamāpidaṁ pahūtaṁ sāpateyyaṁ dhammikena balinā abhisaṅkhataṁ;\ntañca vo hotu, ito ca bhiyyo harathā’ti.\nTe raññā paṭikkhittā ekamantaṁ apakkamma evaṁ samacintesuṁ:\n‘na kho etaṁ amhākaṁ patirūpaṁ, yaṁ mayaṁ imāni sāpateyyāni punadeva sakāni gharāni paṭihareyyāma.\nRājā kho mahāvijito mahāyaññaṁ yajati, handassa mayaṁ anuyāgino homā’ti.","en":"Then the aristocrat vassals, ministers and councillors, well-to-do brahmins, and well-off householders came to the king bringing abundant wealth and said,\n‘Your Majesty, this abundant wealth is specially for you alone; may Your Majesty accept it!’\n‘There’s enough raised for me through regular taxes. Let this be for you; and here, take even more!’\nWhen the king turned them down, they withdrew to one side to think up a plan,\n‘It wouldn’t be proper for us to take this abundant wealth back to our own homes.\nKing Mahāvijita is performing a great sacrifice. Let us make an offering as an auxiliary sacrifice.’"}},{"id":"dn5:20","sourceIds":["dn5:20.1","dn5:20.2","dn5:20.3","dn5:20.4","dn5:20.5","dn5:20.6","dn5:20.7","dn5:20.8","dn5:20.9","dn5:20.10","dn5:20.11","dn5:20.12"],"kind":"text","text":{"pi":"Atha kho, brāhmaṇa, puratthimena yaññavāṭassa khattiyā ānuyantā negamā ceva jānapadā ca dānāni paṭṭhapesuṁ.\nDakkhiṇena yaññavāṭassa amaccā pārisajjā negamā ceva jānapadā ca dānāni paṭṭhapesuṁ.\nPacchimena yaññavāṭassa brāhmaṇamahāsālā negamā ceva jānapadā ca dānāni paṭṭhapesuṁ.\nUttarena yaññavāṭassa gahapatinecayikā negamā ceva jānapadā ca dānāni paṭṭhapesuṁ.\nTesupi kho, brāhmaṇa, yaññesu neva gāvo haññiṁsu, na ajeḷakā haññiṁsu, na kukkuṭasūkarā haññiṁsu, na vividhā pāṇā saṅghātaṁ āpajjiṁsu, na rukkhā chijjiṁsu yūpatthāya, na dabbhā lūyiṁsu barihisatthāya.\nYepi nesaṁ ahesuṁ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṁsu.\nAtha kho ye icchiṁsu, te akaṁsu, ye na icchiṁsu, na te akaṁsu;\nyaṁ icchiṁsu, taṁ akaṁsu, yaṁ na icchiṁsu na taṁ akaṁsu.\nSappitelanavanītadadhimadhuphāṇitena ceva te yaññā niṭṭhānamagamaṁsu.\nIti cattāro ca anumatipakkhā, rājā mahāvijito aṭṭhahaṅgehi samannāgato, purohito brāhmaṇo catūhaṅgehi samannāgato;\ntisso ca vidhā.\nAyaṁ vuccati, brāhmaṇa, tividhā yaññasampadā soḷasaparikkhārā”ti.","en":"Then the aristocrat vassals of town and country set up gifts to the east of the sacrificial enclosure.\nThe ministers and councillors of town and country set up gifts to the south of the sacrificial enclosure.\nThe well-to-do brahmins of town and country set up gifts to the west of the sacrificial enclosure.\nThe well-off householders of town and country set up gifts to the north of the sacrificial enclosure.\nAnd brahmin, in that sacrifice too no cattle were killed, no goats were killed, and no chickens or pigs were killed. There was no slaughter of various kinds of creatures. No trees were felled for the sacrificial post. No grass was reaped to strew over the place of sacrifice.\nNo bondservants, servants, or workers did their jobs under threat of punishment and danger, weeping with tearful faces.\nThose who wished to work did so, while those who did not wish to did not.\nThey did the work they wanted to, and did not do what they didn’t want to.\nThe sacrifice was completed with just ghee, oil, butter, curds, honey, and molasses.\nAnd so there were four consenting factions, eight factors possessed by King Mahāvijita, four factors possessed by the high priest,\nand three modes.\nBrahmin, this is called the sacrifice accomplished with three modes and sixteen accessories.”"}},{"id":"dn5:21","sourceIds":["dn5:21.1","dn5:21.2","dn5:21.3","dn5:21.4","dn5:21.5","dn5:21.6","dn5:21.7","dn5:21.8","dn5:21.9","dn5:21.10","dn5:21.11","dn5:21.12","dn5:21.13","dn5:21.14","dn5:21.15","dn5:21.16"],"kind":"text","text":{"pi":"Evaṁ vutte, te brāhmaṇā unnādino uccāsaddamahāsaddā ahesuṁ:\n“aho yañño, aho yaññasampadā”ti.\nKūṭadanto pana brāhmaṇo tūṇhībhūtova nisinno hoti.\nAtha kho te brāhmaṇā kūṭadantaṁ brāhmaṇaṁ etadavocuṁ:\n“kasmā pana bhavaṁ kūṭadanto samaṇassa gotamassa subhāsitaṁ subhāsitato nābbhanumodatī”ti?\n“Nāhaṁ, bho, samaṇassa gotamassa subhāsitaṁ subhāsitato nābbhanumodāmi.\nMuddhāpi tassa vipateyya, yo samaṇassa gotamassa subhāsitaṁ subhāsitato nābbhanumodeyya.\nApi ca me, bho, evaṁ hoti—\nsamaṇo gotamo na evamāha:\n‘evaṁ me sutan’ti vā ‘evaṁ arahati bhavitun’ti vā;\napi ca samaṇo gotamo:\n‘evaṁ tadā āsi, itthaṁ tadā āsi’ tveva bhāsati.\nTassa mayhaṁ bho evaṁ hoti:\n‘addhā samaṇo gotamo tena samayena rājā vā ahosi mahāvijito yaññassāmi purohito vā brāhmaṇo tassa yaññassa yājetā’ti.\nAbhijānāti pana bhavaṁ gotamo evarūpaṁ yaññaṁ yajitvā vā yājetvā vā kāyassa bhedā paraṁ maraṇā sugatiṁ saggaṁ lokaṁ upapajjitā”ti?\n“Abhijānāmahaṁ, brāhmaṇa, evarūpaṁ yaññaṁ yajitvā vā yājetvā vā kāyassa bhedā paraṁ maraṇā sugatiṁ saggaṁ lokaṁ upapajjitā, ahaṁ tena samayena purohito brāhmaṇo ahosiṁ tassa yaññassa yājetā”ti.","en":"When he said this, those brahmins made an uproar,\n“Hooray for such sacrifice! Hooray for the accomplishment of such sacrifice!”\nBut the brahmin Kūṭadanta sat in silence.\nSo those brahmins said to him,\n“How can you not applaud the ascetic Gotama’s fine words?”\n“It’s not that I don’t applaud what he said.\nIf anyone didn’t applaud such fine words, their head would explode!\nBut, gentlemen, it occurs to me that\nthe ascetic Gotama does not say:\n‘So I have heard’ or ‘It ought to be like this.’\nRather, he just says:\n‘So it was then, this is how it was then.’\nIt occurs to me that\nthe ascetic Gotama at that time must have been King Mahāvijita, the owner of the sacrifice, or else the brahmin high priest who facilitated the sacrifice for him.\nDoes the worthy Gotama recall having performed such a sacrifice, or having facilitated it, and then, when his body broke up, after death, being reborn in a good place, a heavenly realm?”\n“I do recall that, brahmin. For I myself was the brahmin high priest at that time who facilitated the sacrifice.”"}},{"id":"dn5:22","sourceIds":["dn5:22.0","dn5:22.1","dn5:22.2","dn5:22.3","dn5:22.4","dn5:22.5"],"kind":"text","text":{"pi":"5. Niccadānaanukulayañña\n“Atthi pana, bho gotama, añño yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Atthi kho, brāhmaṇa, añño yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṁsataro cā”ti.\n“Katamo pana so, bho gotama, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Yāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti;\nayaṁ kho, brāhmaṇa, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṁsataro cā”ti.","en":"5. A Regular Gift as a Propitious Sacrifice.\n“But Worthy Gotama, apart from that sacrifice accomplished with three modes and sixteen accessories, is there any other sacrifice that has fewer obligations and undertakings, yet is more fruitful and beneficial?”\n“There is, brahmin.”\n“But what is it?”\n“The regular gifts as propitious sacrifice given specially to ethical renunciates;\nthis sacrifice, brahmin, has fewer obligations and undertakings, yet is more fruitful and beneficial.”"}},{"id":"dn5:23","sourceIds":["dn5:23.1","dn5:23.2","dn5:23.3","dn5:23.4","dn5:23.5","dn5:23.6","dn5:23.7","dn5:23.8","dn5:23.9"],"kind":"text","text":{"pi":"“Ko nu kho, bho gotama, hetu ko paccayo, yena taṁ niccadānaṁ anukulayaññaṁ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṁsatarañcā”ti?\n“Na kho, brāhmaṇa, evarūpaṁ yaññaṁ upasaṅkamanti arahanto vā arahattamaggaṁ vā samāpannā.\nTaṁ kissa hetu?\nDissanti hettha, brāhmaṇa, daṇḍappahārāpi galaggahāpi, tasmā evarūpaṁ yaññaṁ na upasaṅkamanti arahanto vā arahattamaggaṁ vā samāpannā.\nYāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti;\nevarūpaṁ kho, brāhmaṇa, yaññaṁ upasaṅkamanti arahanto vā arahattamaggaṁ vā samāpannā.\nTaṁ kissa hetu?\nNa hettha, brāhmaṇa, dissanti daṇḍappahārāpi galaggahāpi, tasmā evarūpaṁ yaññaṁ upasaṅkamanti arahanto vā arahattamaggaṁ vā samāpannā.\nAyaṁ kho, brāhmaṇa, hetu ayaṁ paccayo, yena taṁ niccadānaṁ anukulayaññaṁ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṁsatarañcā”ti.","en":"“What is the cause, Worthy Gotama, what is the reason why those regular gifts as propitious sacrifice have fewer obligations and undertakings, yet are more fruitful and beneficial, compared with the sacrifice accomplished with three modes and sixteen accessories?”\n“Because neither perfected ones nor those who are on the path to perfection will attend such a sacrifice.\nWhy is that?\nBecause beatings and throttlings are seen there.\nBut the regular gifts as propitious sacrifice given specially to ethical renunciates;\nperfected ones and those who are on the path to perfection will attend such a sacrifice.\nWhy is that?\nBecause no beatings and throttlings are seen there.\nThis is the cause, brahmin, this is the reason why those regular gifts as propitious sacrifice have fewer obligations and undertakings, yet are more fruitful and beneficial, compared with the sacrifice accomplished with three modes and sixteen accessories.”"}},{"id":"dn5:24","sourceIds":["dn5:24.1","dn5:24.2","dn5:24.3","dn5:24.4"],"kind":"text","text":{"pi":"“Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṁsataro cā”ti.\n“Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Yo kho, brāhmaṇa, cātuddisaṁ saṅghaṁ uddissa vihāraṁ karoti, ayaṁ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṁsataro cā”ti.","en":"“But Worthy Gotama, apart from that sacrifice accomplished with three modes and sixteen accessories and those regular gifts as propitious sacrifice, is there any other sacrifice that has fewer obligations and undertakings, yet is more fruitful and beneficial?”\n“There is, brahmin.”\n“But what is it?”\n“When someone gives a dwelling specially for the Saṅgha of the four quarters.”"}},{"id":"dn5:25","sourceIds":["dn5:25.1","dn5:25.2","dn5:25.3","dn5:25.4","dn5:25.5"],"kind":"text","text":{"pi":"“Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṁsataro cā”ti.\n“Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Yo kho, brāhmaṇa, pasannacitto buddhaṁ saraṇaṁ gacchati, dhammaṁ saraṇaṁ gacchati, saṅghaṁ saraṇaṁ gacchati;\nayaṁ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṁsataro cā”ti.","en":"“But is there any other sacrifice that has fewer obligations and undertakings, yet is more fruitful and beneficial?”\n“When someone with confident heart goes for refuge to the Buddha, the teaching, and the Saṅgha.”"}},{"id":"dn5:26","sourceIds":["dn5:26.1","dn5:26.2","dn5:26.3","dn5:26.4","dn5:26.5","dn5:26.6"],"kind":"text","text":{"pi":"“Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṁsataro cā”ti.\n“Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Yo kho, brāhmaṇa, pasannacitto sikkhāpadāni samādiyati—\npāṇātipātā veramaṇiṁ, adinnādānā veramaṇiṁ, kāmesumicchācārā veramaṇiṁ, musāvādā veramaṇiṁ, surāmerayamajjapamādaṭṭhānā veramaṇiṁ.\nAyaṁ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṁsataro cā”ti.","en":"“But is there any other sacrifice that has fewer obligations and undertakings, yet is more fruitful and beneficial?”\n“When someone with a confident heart undertakes the training rules\nto refrain from killing living creatures, stealing, sexual misconduct, lying, and intoxicants of beer, wine, and liquor.”"}},{"id":"dn5:27","sourceIds":["dn5:27.1","dn5:27.2","dn5:27.3","dn5:27.4","dn5:27.5","dn5:27.6","dn5:27.7","dn5:27.8","dn5:27.9","dn5:27.10","dn5:27.11","dn5:27.12","dn5:27.13","dn5:27.14","dn5:27.15","dn5:27.16"],"kind":"text","text":{"pi":"“Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṁsataro cā”ti.\n“Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṁsataro cā”ti?\n“Idha, brāhmaṇa, tathāgato loke uppajjati arahaṁ sammāsambuddho …pe…\nEvaṁ kho, brāhmaṇa, bhikkhu sīlasampanno hoti …pe…\npaṭhamaṁ jhānaṁ upasampajja viharati.\nAyaṁ kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṁsataro ca …pe…\nDutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ upasampajja viharati.\nAyampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṁsataro cāti. …pe…\nÑāṇadassanāya cittaṁ abhinīharati abhininnāmeti …\nayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṁsataro ca …pe…\nnāparaṁ itthattāyāti pajānāti.\nAyampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṁsataro ca.\nImāya ca, brāhmaṇa, yaññasampadāya aññā yaññasampadā uttaritarā vā paṇītatarā vā natthī”ti.","en":"“But is there any other sacrifice that has fewer obligations and undertakings, yet is more fruitful and beneficial?”\n“There is, brahmin.\nIt’s when a Realized One arises in the world, perfected, a fully awakened Buddha …\nThat’s how a mendicant is accomplished in ethics. …\nThey enter and remain in the first absorption …\nThis sacrifice has fewer obligations and undertakings than the former, yet is more fruitful and beneficial. …\nThey enter and remain in the second absorption …\nthird absorption …\nfourth absorption.\nThis sacrifice has fewer obligations and undertakings than the former, yet is more fruitful and beneficial. …\nThey project and extend the mind toward knowledge and vision …\nThis sacrifice has fewer obligations and undertakings than the former, yet is more fruitful and beneficial.\nThey understand: ‘… there is nothing further for this place.’\nThis sacrifice has fewer obligations and undertakings than the former, yet is more fruitful and beneficial.\nAnd, brahmin, there is no other accomplishment of sacrifice which is better and finer than this.”"}},{"id":"dn5:28","sourceIds":["dn5:28.0","dn5:28.1","dn5:28.2","dn5:28.3","dn5:28.4","dn5:28.5","dn5:28.6"],"kind":"text","text":{"pi":"6. Kūṭadantaupāsakattapaṭivedanā\nEvaṁ vutte, kūṭadanto brāhmaṇo bhagavantaṁ etadavoca:\n“abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gataṁ.\nEsāhaṁ, bho gotama, satta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni muñcāmi, jīvitaṁ demi, haritāni ceva tiṇāni khādantu, sītāni ca pānīyāni pivantu, sīto ca nesaṁ vāto upavāyatū”ti.","en":"6. Kūṭadanta Declares Himself a Lay Follower\nWhen he had spoken, Kūṭadanta said to the Buddha,\n“Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the Teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.\nAnd these bulls, bullocks, heifers, goats, and rams—seven hundred of each—I release them, I grant them life! Let them eat green grass and drink cool water, and may a cool breeze blow upon them!”"}},{"id":"dn5:29","sourceIds":["dn5:29.0","dn5:29.1","dn5:29.2","dn5:29.3","dn5:29.4","dn5:29.5","dn5:29.6","dn5:29.7"],"kind":"text","text":{"pi":"7. Sotāpattiphalasacchikiriyā\nAtha kho bhagavā kūṭadantassa brāhmaṇassa anupubbiṁ kathaṁ kathesi, seyyathidaṁ—\ndānakathaṁ sīlakathaṁ saggakathaṁ; kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ pakāsesi.\nYadā bhagavā aññāsi kūṭadantaṁ brāhmaṇaṁ kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā, taṁ pakāsesi—\ndukkhaṁ samudayaṁ nirodhaṁ maggaṁ.\nSeyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;\nevameva kūṭadantassa brāhmaṇassa tasmiññeva āsane virajaṁ vītamalaṁ dhammacakkhuṁ udapādi:\n“yaṁ kiñci samudayadhammaṁ sabbaṁ taṁ nirodhadhamman”ti.","en":"7. The Realization of the Fruit of Stream-Entry\nThen the Buddha taught Kūṭadanta step by step, with\na talk on giving, ethical conduct, and heaven. He revealed the drawbacks of sensual pleasures, so sordid and corrupt, and the benefit of renunciation.\nAnd when he knew that Kūṭadanta’s mind was ready, pliable, rid of hindrances, elated, and confident he revealed the special teaching of the Buddhas:\nsuffering, its origin, its cessation, and the path.\nJust as a clean cloth rid of stains would properly absorb dye,\nin that very seat the stainless, immaculate vision of the Dhamma arose in the brahmin Kūṭadanta:\n“Everything that is liable to arise is liable to cease.”"}},{"id":"dn5:30","sourceIds":["dn5:30.1","dn5:30.2","dn5:30.3","dn5:30.4","dn5:30.5","dn5:30.6","dn5:30.7","dn5:30.8","dn5:30.9","dn5:30.10","dn5:30.11"],"kind":"text","text":{"pi":"Atha kho kūṭadanto brāhmaṇo diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca:\n“adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.\nAdhivāsesi bhagavā tuṇhībhāvena.\nAtha kho kūṭadanto brāhmaṇo bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho kūṭadanto brāhmaṇo tassā rattiyā accayena sake yaññavāṭe paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi:\n“kālo, bho gotama; niṭṭhitaṁ bhattan”ti.\nAtha kho bhagavā pubbaṇhasamayaṁ nivāsetvā pattacīvaramādāya saddhiṁ bhikkhusaṅghena yena kūṭadantassa brāhmaṇassa yaññavāṭo tenupasaṅkami; upasaṅkamitvā paññatte āsane nisīdi.\nAtha kho kūṭadanto brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi.\nAtha kho kūṭadanto brāhmaṇo bhagavantaṁ bhuttāviṁ onītapattapāṇiṁ aññataraṁ nīcaṁ āsanaṁ gahetvā ekamantaṁ nisīdi.\nEkamantaṁ nisinnaṁ kho kūṭadantaṁ brāhmaṇaṁ bhagavā dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmīti.\nKūṭadantasuttaṁ niṭṭhitaṁ pañcamaṁ.","en":"Then Kūṭadanta saw, attained, understood, and fathomed the Dhamma. He went beyond doubt, got rid of indecision, and became self-assured and independent of others regarding the Teacher’s instructions. He said to the Buddha,\n“Would the worthy Gotama together with the mendicant Saṅgha please accept tomorrow’s meal from me?”\nThe Buddha consented with silence.\nThen, knowing that the Buddha had consented, Kūṭadanta rose from his seat, bowed, and respectfully circled the Buddha, keeping him on his right, before leaving.\nAnd when the night had passed Kūṭadanta had delicious fresh and cooked foods prepared in his own sacrificial enclosure. Then he had the Buddha informed of the time, saying,\n“It’s time, worthy Gotama, the meal is ready.”\nThen the Buddha robed up in the morning and, taking his bowl and robe, went to the sacrificial enclosure of Kūṭadanta together with the mendicant Saṅgha, where he sat down on the seat spread out.\nThen Kūṭadanta served and satisfied the mendicant Saṅgha headed by the Buddha with his own hands with delicious fresh and cooked foods.\nWhen the Buddha had eaten and washed his hand and bowl, Kūṭadanta took a low seat and sat to one side.\nThen the Buddha educated, encouraged, fired up, and inspired him with a Dhamma talk, after which he rose from his seat and left."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}