{"id":"iti104","title":"Accomplished in Ethics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti104","title":"Accomplished in Ethics","units":[{"id":"iti104:0","sourceIds":["iti104:0.1","iti104:0.2","iti104:0.3","iti104:0.4"],"kind":"text","text":{"pi":"Itivuttaka 104\nCatukkanipāta\nBrāhmaṇadhammayāgavagga\nSīlasampannasutta","en":"So It Was Said 104\nThe Book of the Fours\nThe Chapter on the Brahmin’s Offering of the Teaching\nAccomplished in Ethics"}},{"id":"iti104:1","sourceIds":["iti104:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti104:2","sourceIds":["iti104:2.1","iti104:2.2","iti104:2.3","iti104:2.4","iti104:2.5","iti104:2.6","iti104:2.7","iti104:2.8","iti104:2.9","iti104:2.10","iti104:2.11"],"kind":"text","text":{"pi":"“Ye te, bhikkhave, bhikkhū sīlasampannā samādhisampannā paññāsampannā vimuttisampannā vimuttiñāṇadassanasampannā ovādakā viññāpakā sandassakā samādapakā samuttejakā sampahaṁsakā alaṁsamakkhātāro saddhammassa dassanampahaṁ, bhikkhave, tesaṁ bhikkhūnaṁ bahūpakāraṁ vadāmi;\nsavanampahaṁ, bhikkhave, tesaṁ bhikkhūnaṁ bahūpakāraṁ vadāmi;\nupasaṅkamanampahaṁ, bhikkhave, tesaṁ bhikkhūnaṁ bahūpakāraṁ vadāmi;\npayirupāsanampahaṁ, bhikkhave, tesaṁ bhikkhūnaṁ bahūpakāraṁ vadāmi;\nanussaraṇampahaṁ, bhikkhave, tesaṁ bhikkhūnaṁ bahūpakāraṁ vadāmi;\nanupabbajjampahaṁ, bhikkhave, tesaṁ bhikkhūnaṁ bahūpakāraṁ vadāmi.\nTaṁ kissa hetu?\nTathārūpe, bhikkhave, bhikkhū sevato bhajato payirupāsato aparipūropi sīlakkhandho bhāvanāpāripūriṁ gacchati, aparipūropi samādhikkhandho bhāvanāpāripūriṁ gacchati, aparipūropi paññākkhandho bhāvanāpāripūriṁ gacchati, aparipūropi vimuttikkhandho bhāvanāpāripūriṁ gacchati, aparipūropi vimuttiñāṇadassanakkhandho bhāvanāpāripūriṁ gacchati.\nEvarūpā ca te, bhikkhave, bhikkhū satthārotipi vuccanti, satthavāhātipi vuccanti, raṇañjahātipi vuccanti, tamonudātipi vuccanti, ālokakarātipi vuccanti, obhāsakarātipi vuccanti, pajjotakarātipi vuccanti, ukkādhārātipi vuccanti, pabhaṅkarātipi vuccanti, ariyātipi vuccanti, cakkhumantotipi vuccantī”ti.\nEtamatthaṁ bhagavā avoca.\nTatthetaṁ iti vuccati:","en":"“Mendicants, take a mendicant who is accomplished in ethics, immersion, wisdom, freedom, and the knowledge and vision of freedom. They advise and instruct. They educate, encourage, fire up, and inspire, and can rightly explain the true teaching. Even the sight of those mendicants is very helpful, I say.\nEven to hear them,\napproach them,\npay homage to them,\nrecollect them,\nor go forth after them is very helpful, I say.\nWhy is that?\nFor one who frequents and associates with such mendicants, their incomplete spectrum of ethics is completed. Their incomplete spectrum of immersion … wisdom … freedom … knowledge and vision of freedom is completed.\nSuch mendicants are called ‘teachers’, ‘caravan leaders’, ‘strife-discarders’, ‘dispellers of darkness’, ‘bringers of light’, ‘luminaries’, ‘lamps’, ‘candlebearers’, ‘beacons’, ‘noble ones’, and ‘clear-eyed ones’.”\nThe Buddha spoke this matter.\nOn this it is said:"}},{"id":"iti104:3","sourceIds":["iti104:3.1","iti104:3.2","iti104:3.3","iti104:3.4"],"kind":"text","text":{"pi":"“Pāmojjakaraṇaṁ ṭhānaṁ,\netaṁ hoti vijānataṁ;\nYadidaṁ bhāvitattānaṁ,\nariyānaṁ dhammajīvinaṁ.","en":"“This is a reason for joy\nfor those who understand:\nthat is, those who are evolved,\nthe noble ones living righteously."}},{"id":"iti104:4","sourceIds":["iti104:4.1","iti104:4.2","iti104:4.3","iti104:4.4"],"kind":"text","text":{"pi":"Te jotayanti saddhammaṁ,\nbhāsayanti pabhaṅkarā;\nĀlokakaraṇā dhīrā,\ncakkhumanto raṇañjahā.","en":"They illuminate the true teaching,\nbeacons beaming light,\nthe attentive ones bringing light,\nclear-eyed ones with strife discarded."}},{"id":"iti104:5","sourceIds":["iti104:5.1","iti104:5.2","iti104:5.3","iti104:5.4"],"kind":"text","text":{"pi":"Yesaṁ ve sāsanaṁ sutvā,\nsammadaññāya paṇḍitā;\nJātikkhayamabhiññāya,\nnāgacchanti punabbhavan”ti.","en":"Having heard their instruction,\nthe astute, understanding rightly,\ndirectly know the ending of rebirth,\nthey come not back to future lives.”"}},{"id":"iti104:6","sourceIds":["iti104:6.1","iti104:6.2"],"kind":"text","text":{"pi":"Ayampi attho vutto bhagavatā, iti me sutanti.\nPañcamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti104/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}