{"id":"iti74","title":"A Child","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti74","title":"A Child","units":[{"id":"iti74:0","sourceIds":["iti74:0.1","iti74:0.2","iti74:0.3","iti74:0.4"],"kind":"text","text":{"pi":"Itivuttaka 74\nTikanipāta\nTatiyavagga\nPuttasutta","en":"So It Was Said 74\nThe Book of the Threes\nChapter Three\nA Child"}},{"id":"iti74:1","sourceIds":["iti74:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti74:2","sourceIds":["iti74:2.1","iti74:2.2","iti74:2.3"],"kind":"text","text":{"pi":"“Tayome, bhikkhave, puttā santo saṁvijjamānā lokasmiṁ.\nKatame tayo?\nAtijāto, anujāto, avajātoti.","en":"“These three kinds of children are found in the world.\nWhat three?\nOne who betters their birth, one who equals their birth, one who fails their birth."}},{"id":"iti74:3","sourceIds":["iti74:3.1","iti74:3.2","iti74:3.3","iti74:3.4","iti74:3.5","iti74:3.6","iti74:3.7","iti74:3.8"],"kind":"text","text":{"pi":"Kathañca, bhikkhave, putto atijāto hoti?\nIdha, bhikkhave, puttassa mātāpitaro honti—\nna buddhaṁ saraṇaṁ gatā, na dhammaṁ saraṇaṁ gatā, na saṅghaṁ saraṇaṁ gatā;\npāṇātipātā appaṭiviratā, adinnādānā appaṭiviratā, kāmesumicchācārā appaṭiviratā, musāvādā appaṭiviratā, surāmerayamajjapamādaṭṭhānā appaṭiviratā, dussīlā pāpadhammā.\nPutto ca nesaṁ hoti—\nbuddhaṁ saraṇaṁ gato, dhammaṁ saraṇaṁ gato, saṅghaṁ saraṇaṁ gato;\npāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato, sīlavā kalyāṇadhammo.\nEvaṁ kho, bhikkhave, putto atijāto hoti.","en":"And how does a child better their birth?\nIt’s when a child’s parents\nhave not gone for refuge to the Buddha, the teaching, and the Saṅgha.\nThey kill living creatures, steal, commit sexual misconduct, lie, and consume intoxicants of beer, wine, and liquor. They’re immoral, of bad character.\nBut their child\nhas gone for refuge to the Buddha, the teaching, and the Saṅgha.\nThey don’t kill living creatures, steal, commit sexual misconduct, lie, or consume intoxicants of beer, wine, and liquor. They’re ethical, of good character.\nThat’s how a child betters their birth."}},{"id":"iti74:4","sourceIds":["iti74:4.1","iti74:4.2","iti74:4.3","iti74:4.4","iti74:4.5","iti74:4.6","iti74:4.7","iti74:4.8"],"kind":"text","text":{"pi":"Kathañca, bhikkhave, putto anujāto hoti?\nIdha, bhikkhave, puttassa mātāpitaro honti—\nbuddhaṁ saraṇaṁ gatā, dhammaṁ saraṇaṁ gatā, saṅghaṁ saraṇaṁ gatā;\npāṇātipātā paṭiviratā, adinnādānā paṭiviratā, kāmesumicchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā, sīlavanto kalyāṇadhammā.\nPuttopi nesaṁ hoti—\nbuddhaṁ saraṇaṁ gato, dhammaṁ saraṇaṁ gato, saṅghaṁ saraṇaṁ gato;\npāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato, sīlavā kalyāṇadhammo.\nEvaṁ kho, bhikkhave, putto anujāto hoti.","en":"And how does a child equal their birth?\nIt’s when a child’s parents\nhave gone for refuge to the Buddha, the teaching, and the Saṅgha.\nThey don’t kill living creatures, steal, commit sexual misconduct, lie, or consume intoxicants of beer, wine, and liquor. They’re ethical, of good character.\nAnd their child\nhas gone for refuge to the Buddha, the teaching, and the Saṅgha.\nThey don’t kill living creatures, steal, commit sexual misconduct, lie, or consume intoxicants of beer, wine, and liquor. They’re ethical, of good character.\nThat’s how a child equals their birth."}},{"id":"iti74:5","sourceIds":["iti74:5.1","iti74:5.2","iti74:5.3","iti74:5.4","iti74:5.5","iti74:5.6","iti74:5.7","iti74:5.8","iti74:5.9","iti74:5.10","iti74:5.11"],"kind":"text","text":{"pi":"Kathañca, bhikkhave, putto avajāto hoti?\nIdha, bhikkhave, puttassa mātāpitaro honti—\nbuddhaṁ saraṇaṁ gatā, dhammaṁ saraṇaṁ gatā, saṅghaṁ saraṇaṁ gatā;\npāṇātipātā paṭiviratā, adinnādānā paṭiviratā, kāmesumicchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā, sīlavanto kalyāṇadhammā.\nPutto ca nesaṁ hoti—\nna buddhaṁ saraṇaṁ gato, na dhammaṁ saraṇaṁ gato, na saṅghaṁ saraṇaṁ gato;\npāṇātipātā appaṭivirato, adinnādānā appaṭivirato, kāmesumicchācārā appaṭivirato, musāvādā appaṭivirato, surāmerayamajjapamādaṭṭhānā appaṭivirato, dussīlo pāpadhammo.\nEvaṁ kho, bhikkhave, putto avajāto hoti.\nIme kho, bhikkhave, tayo puttā santo saṁvijjamānā lokasmin”ti.\nEtamatthaṁ bhagavā avoca.\nTatthetaṁ iti vuccati:","en":"And how does a child fail their birth?\nIt’s when a child’s parents\nhave gone for refuge to the Buddha, the teaching, and the Saṅgha.\nThey don’t kill living creatures, steal, commit sexual misconduct, lie, or consume intoxicants of beer, wine, and liquor. They’re ethical, of good character.\nBut their child\nhas not gone for refuge to the Buddha, the teaching, and the Saṅgha.\nThey kill living creatures, steal, commit sexual misconduct, lie, and consume intoxicants of beer, wine, and liquor. They’re immoral, of bad character.\nThat’s how a child fails their birth.\nThese are the three kinds of children found in the world.”\nThe Buddha spoke this matter.\nOn this it is said:"}},{"id":"iti74:6","sourceIds":["iti74:6.1","iti74:6.2","iti74:6.3","iti74:6.4"],"kind":"text","text":{"pi":"“Atijātaṁ anujātaṁ,\nputtamicchanti paṇḍitā;\nAvajātaṁ na icchanti,\nyo hoti kulagandhano.","en":"“The astute wish for a child\nwho betters or equals their birth;\nnot one who fails their birth,\ndisgracing their family."}},{"id":"iti74:7","sourceIds":["iti74:7.1","iti74:7.2","iti74:7.3","iti74:7.4","iti74:7.5","iti74:7.6"],"kind":"text","text":{"pi":"Ete kho puttā lokasmiṁ,\nye bhavanti upāsakā;\nSaddhā sīlena sampannā,\nvadaññū vītamaccharā;\nCando abbhaghanā mutto,\nparisāsu virocare”ti.","en":"These are the children in the world\nwho become lay devotees;\nfaithful, accomplished in ethics,\nbountiful, rid of stinginess.\nLike the moon freed from clouds,\nthey dazzle in the assemblies.”"}},{"id":"iti74:8","sourceIds":["iti74:8.1","iti74:8.2"],"kind":"text","text":{"pi":"Ayampi attho vutto bhagavatā, iti me sutanti.\nPañcamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti74/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}