{"id":"kv20.6","title":"Ñāṇakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv20.6","title":"Ñāṇakathā","units":[{"id":"kv20.6:0","sourceIds":["kv20.6:0.1","kv20.6:0.2","kv20.6:0.3","kv20.6:0.4"],"kind":"text","text":{"pi":"Kathāvatthu\nMahāpaṇṇāsaka\nVīsatimavagga\nÑāṇakathā"}},{"id":"kv20.6:1","sourceIds":["kv20.6:1.1","kv20.6:1.2","kv20.6:1.3","kv20.6:1.4","kv20.6:1.5","kv20.6:1.6","kv20.6:1.7","kv20.6:1.8","kv20.6:1.9","kv20.6:1.10","kv20.6:1.11","kv20.6:1.12","kv20.6:1.13","kv20.6:1.14","kv20.6:1.15","kv20.6:1.16","kv20.6:1.17","kv20.6:1.18","kv20.6:1.19","kv20.6:1.20"],"kind":"text","text":{"pi":"Dvādasavatthukaṁ ñāṇaṁ lokuttaranti?\nĀmantā.\nDvādasa lokuttarañāṇānīti?\nNa hevaṁ vattabbe …pe…\ndvādasa lokuttarañāṇānīti?\nĀmantā.\nDvādasa sotāpattimaggāti?\nNa hevaṁ vattabbe …pe…\ndvādasa sotāpattimaggāti?\nĀmantā.\nDvādasa sotāpattiphalānīti?\nNa hevaṁ vattabbe …pe…\ndvādasa sakadāgāmimaggā …pe…\nanāgāmimaggā …pe…\narahattamaggāti?\nNa hevaṁ vattabbe …pe…\ndvādasa arahattamaggāti?\nĀmantā.\nDvādasa arahattaphalānīti?\nNa hevaṁ vattabbe …pe…."}},{"id":"kv20.6:2","sourceIds":["kv20.6:2.1","kv20.6:2.2","kv20.6:2.3","kv20.6:2.4","kv20.6:2.5","kv20.6:2.6","kv20.6:2.7","kv20.6:2.8","kv20.6:2.9","kv20.6:2.10","kv20.6:2.11","kv20.6:2.12","kv20.6:2.13","kv20.6:2.14","kv20.6:2.15","kv20.6:2.16","kv20.6:2.17","kv20.6:2.18","kv20.6:2.19","kv20.6:2.20","kv20.6:2.21","kv20.6:2.22","kv20.6:2.23"],"kind":"text","text":{"pi":"Na vattabbaṁ—\n“dvādasavatthukaṁ ñāṇaṁ lokuttaran”ti?\nĀmantā.\nNanu vuttaṁ bhagavatā—\n“‘idaṁ dukkhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.\n‘Taṁ kho panidaṁ dukkhaṁ ariyasaccaṁ pariññeyyan’ti me, bhikkhave …pe…\npariññātanti me, bhikkhave …pe…\n‘idaṁ dukkhasamudayaṁ ariyasaccan’ti me, bhikkhave …pe…\n‘taṁ kho panidaṁ dukkhasamudayaṁ ariyasaccaṁ pahātabban’ti me, bhikkhave …pe…\npahīnanti me, bhikkhave …pe…\n‘idaṁ dukkhanirodhaṁ ariyasaccan’ti me, bhikkhave …pe…\n‘taṁ kho panidaṁ dukkhanirodhaṁ ariyasaccaṁ sacchikātabban’ti me, bhikkhave …pe…\nsacchikatanti me, bhikkhave …pe…\n‘idaṁ dukkhanirodhagāminī paṭipadā ariyasaccan’ti me, bhikkhave …pe…\n‘taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti me, bhikkhave …pe…\nbhāvitanti me, bhikkhave, pubbe ananussutesu dhammesu cakkhuṁ udapādi …pe…\nāloko udapādī”ti.\nAttheva suttantoti?\nĀmantā.\nTena hi dvādasavatthukaṁ ñāṇaṁ lokuttaranti.\nÑāṇakathā niṭṭhitā.\nVīsatimo vaggo.\nTassuddānaṁ"}},{"id":"kv20.6:3","sourceIds":["kv20.6:3.1","kv20.6:3.2","kv20.6:3.3"],"kind":"text","text":{"pi":"Mātughātako ānantariko pitughātako ānantariko arahantaghātako ānantariko ruhiruppādako ānantariko saṅghabhedako ānantariko, natthi puthujjanassa ñāṇaṁ, natthi nirayesu nirayapālā, atthi devesu tiracchānagatā, pañcaṅgiko maggo, dvādasavatthukaṁ ñāṇaṁ lokuttaranti.\nCatuttho paṇṇāsako.\nTassuddānaṁ"}},{"id":"kv20.6:4","sourceIds":["kv20.6:4.1"],"kind":"text","text":{"pi":"Niggaho, puññasañcayo, aṭṭhāsi, atītena ca mātughātako."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv20.6/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}