{"id":"mil3.1.14","title":"14. Samādhipañha","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil3.1.14","title":"14. Samādhipañha","units":[{"id":"mil3.1.14:0","sourceIds":["mil3.1.14:0.1","mil3.1.14:0.2","mil3.1.14:0.3"],"kind":"text","text":{"pi":"Milindapañha\nMahāvagga\n14. Samādhipañha"}},{"id":"mil3.1.14:1","sourceIds":["mil3.1.14:1.1","mil3.1.14:1.2","mil3.1.14:1.3"],"kind":"text","text":{"pi":"Rājā āha—\n“bhante nāgasena, kiṁlakkhaṇo samādhī”ti?\n“Pamukhalakkhaṇo, mahārāja, samādhi, ye keci kusalā dhammā, sabbe te samādhipamukhā honti samādhininnā samādhipoṇā samādhipabbhārā”ti."}},{"id":"mil3.1.14:2","sourceIds":["mil3.1.14:2.1","mil3.1.14:2.2","mil3.1.14:2.3"],"kind":"text","text":{"pi":"“Opammaṁ karohī”ti.\n“Yathā, mahārāja, kūṭāgārassa yā kāci gopānasiyo, sabbā tā kūṭaṅgamā honti kūṭaninnā kūṭasamosaraṇā, kūṭaṁ tāsaṁ aggamakkhāyati;\nevameva kho, mahārāja, ye keci kusalā dhammā, sabbe te samādhipamukhā honti samādhininnā samādhipoṇā samādhipabbhārā”ti."}},{"id":"mil3.1.14:3","sourceIds":["mil3.1.14:3.1","mil3.1.14:3.2","mil3.1.14:3.3","mil3.1.14:3.4","mil3.1.14:3.5","mil3.1.14:3.6"],"kind":"text","text":{"pi":"“Bhiyyo opammaṁ karohī”ti.\n“Yathā, mahārāja, koci rājā caturaṅginiyā senāya saddhiṁ saṅgāmaṁ otareyya, sabbāva senā hatthī ca assā ca rathā ca pattī ca tappamukhā bhaveyyuṁ tanninnā tappoṇā tappabbhārā taṁyeva anupariyāyeyyuṁ;\nevameva kho, mahārāja, ye keci kusalā dhammā, sabbe te samādhipamukhā honti samādhininnā samādhipoṇā samādhipabbhārā.\nEvaṁ kho, mahārāja, pamukhalakkhaṇo samādhi.\nBhāsitampetaṁ, mahārāja, bhagavatā—\n‘samādhiṁ, bhikkhave, bhāvetha, samāhito, bhikkhave, bhikkhu yathābhūtaṁ pajānātī’”ti."}},{"id":"mil3.1.14:4","sourceIds":["mil3.1.14:4.1"],"kind":"text","text":{"pi":"“Kallosi, bhante nāgasenā”ti."}},{"id":"mil3.1.14:5","sourceIds":["mil3.1.14:5.1"],"kind":"text","text":{"pi":"Samādhipañho cuddasamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil3.1.14/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}