{"id":"mil7.6.5","title":"5. Ulūkaṅgapañha","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil7.6.5","title":"5. Ulūkaṅgapañha","units":[{"id":"mil7.6.5:0","sourceIds":["mil7.6.5:0.1","mil7.6.5:0.2","mil7.6.5:0.3","mil7.6.5:0.4"],"kind":"text","text":{"pi":"Milindapañha\nOpammakathāpañha\nSīhavagga\n5. Ulūkaṅgapañha"}},{"id":"mil7.6.5:1","sourceIds":["mil7.6.5:1.1","mil7.6.5:1.2","mil7.6.5:1.3","mil7.6.5:1.4"],"kind":"text","text":{"pi":"“Bhante nāgasena, ‘ulūkassa dve aṅgāni gahetabbānī’ti yaṁ vadesi, katamāni tāni dve aṅgāni gahetabbānī”ti?\n“Yathā, mahārāja, ulūko kākehi paṭiviruddho, rattiṁ kākasaṅghaṁ gantvā bahūpi kāke hanati;\nevameva kho, mahārāja, yoginā yogāvacarena aññāṇena paṭiviruddho kātabbo, ekena raho nisīditvā aññāṇaṁ sampamadditabbaṁ, mūlato chinditabbaṁ.\nIdaṁ, mahārāja, ulūkassa paṭhamaṁ aṅgaṁ gahetabbaṁ."}},{"id":"mil7.6.5:2","sourceIds":["mil7.6.5:2.1","mil7.6.5:2.2","mil7.6.5:2.3","mil7.6.5:2.4"],"kind":"text","text":{"pi":"Puna caparaṁ, mahārāja, ulūko suppaṭisallīno hoti;\nevameva kho, mahārāja, yoginā yogāvacarena paṭisallānārāmena bhavitabbaṁ paṭisallānaratena.\nIdaṁ, mahārāja, ulūkassa dutiyaṁ aṅgaṁ gahetabbaṁ.\nBhāsitampetaṁ, mahārāja, bhagavatā devātidevena saṁyuttanikāyavare—"}},{"id":"mil7.6.5:3","sourceIds":["mil7.6.5:3.1"],"kind":"text","text":{"pi":"‘Idha, bhikkhave, bhikkhu paṭisallānārāmo paṭisallānarato “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānātī’”ti."}},{"id":"mil7.6.5:4","sourceIds":["mil7.6.5:4.1"],"kind":"text","text":{"pi":"Ulūkaṅgapañho pañcamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil7.6.5/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}