{"id":"mn104","title":"At Sāmagāma","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn104","title":"At Sāmagāma","units":[{"id":"mn104:0","sourceIds":["mn104:0.1","mn104:0.2"],"kind":"text","text":{"pi":"Majjhima Nikāya 104\nSāmagāmasutta","en":"Middle Discourses 104\nAt Sāmagāma"}},{"id":"mn104:1","sourceIds":["mn104:1.1","mn104:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati sāmagāme.","en":"So I have heard.\nAt one time the Buddha was staying in the land of the Sakyans near the village of Sāma."}},{"id":"mn104:2","sourceIds":["mn104:2.1","mn104:2.2","mn104:2.3","mn104:2.4","mn104:2.5"],"kind":"text","text":{"pi":"Tena kho pana samayena nigaṇṭho nāṭaputto pāvāyaṁ adhunākālaṅkato hoti.\nTassa kālaṅkiriyāya bhinnā nigaṇṭhā dvedhikajātā bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti:\n“na tvaṁ imaṁ dhammavinayaṁ ājānāsi, ahaṁ imaṁ dhammavinayaṁ ājānāmi. Kiṁ tvaṁ imaṁ dhammavinayaṁ ājānissasi. Micchāpaṭipanno tvamasi, ahamasmi sammāpaṭipanno. Sahitaṁ me, asahitaṁ te. Purevacanīyaṁ pacchā avaca, pacchāvacanīyaṁ pure avaca. Adhiciṇṇaṁ te viparāvattaṁ. Āropito te vādo. Niggahitosi, cara vādappamokkhāya; nibbeṭhehi vā sace pahosī”ti.\nVadhoyeva kho maññe nigaṇṭhesu nāṭaputtiyesu vattati.\nYepi nigaṇṭhassa nāṭaputtassa sāvakā gihī odātavasanā tepi nigaṇṭhesu nāṭaputtiyesu nibbinnarūpā virattarūpā paṭivānarūpā yathā taṁ durakkhāte dhammavinaye duppavedite aniyyānike anupasamasaṁvattanike asammāsambuddhappavedite bhinnathūpe appaṭisaraṇe.","en":"Now at that time the Jain ascetic of the Ñātika clan had recently passed away at Pāvā.\nWith his passing the Jain ascetics split, dividing into two factions, fighting, quarreling, and disputing, continually wounding each other with barbed words:\n“You don’t understand this teaching and training. I understand this teaching and training. What, you understand this teaching and training? You’re practicing wrong. I’m practicing right. I stay on topic, you don’t. You said last what you should have said first. You said first what you should have said last. What you’ve thought so much about has been disproved. Your doctrine is refuted. Go on, save your doctrine! You’re trapped; get yourself out of this—if you can!”\nYou’d think there was nothing but slaughter going on among the Jain ascetics.\nAnd the Jain Ñātika’s white-clothed lay disciples were disillusioned, dismayed, and disappointed in the Jain ascetics. They were equally disappointed with a teaching and training so poorly explained and poorly propounded, not emancipating, not leading to peace, proclaimed by someone who is not a fully awakened Buddha, with broken monument and without a refuge."}},{"id":"mn104:3","sourceIds":["mn104:3.1","mn104:3.2","mn104:3.3"],"kind":"text","text":{"pi":"Atha kho cundo samaṇuddeso pāvāyaṁ vassaṁvuṭṭho yena sāmagāmo yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho cundo samaṇuddeso āyasmantaṁ ānandaṁ etadavoca:\n“nigaṇṭho, bhante, nāṭaputto pāvāyaṁ adhunākālaṅkato.\nTassa kālaṅkiriyāya bhinnā nigaṇṭhā dvedhikajātā …pe… bhinnathūpe appaṭisaraṇe”ti.","en":"And then, after completing the rainy season residence near Pāvā, the novice Cunda went to see Venerable Ānanda at Sāma village. He bowed, sat down to one side, and told him what had happened."}},{"id":"mn104:4","sourceIds":["mn104:4.1","mn104:4.2","mn104:4.3","mn104:4.4","mn104:4.5","mn104:4.6","mn104:4.7","mn104:4.8","mn104:4.9","mn104:4.10","mn104:4.11"],"kind":"text","text":{"pi":"Evaṁ vutte, āyasmā ānando cundaṁ samaṇuddesaṁ etadavoca:\n“atthi kho idaṁ, āvuso cunda, kathāpābhataṁ bhagavantaṁ dassanāya.\nĀyāma, āvuso cunda, yena bhagavā tenupasaṅkamissāma; upasaṅkamitvā etamatthaṁ bhagavato ārocessāmā”ti.\n“Evaṁ, bhante”ti kho cundo samaṇuddeso āyasmato ānandassa paccassosi.\nAtha kho āyasmā ca ānando cundo ca samaṇuddeso yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā ānando bhagavantaṁ etadavoca:\n“ayaṁ, bhante, cundo samaṇuddeso evamāha:\n‘nigaṇṭho, bhante, nāṭaputto pāvāyaṁ adhunākālaṅkato.\nTassa kālaṅkiriyāya bhinnā nigaṇṭhā dvedhikajātā …pe… bhinnathūpe appaṭisaraṇe’ti.\nTassa mayhaṁ, bhante, evaṁ hoti:\n‘mā heva bhagavato accayena saṅghe vivādo uppajji;\nsvāssa vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānan’”ti.","en":"Ānanda said to him,\n“Reverend Cunda, we should see the Buddha about this matter.\nCome, let’s go to the Buddha and inform him about this.”\n“Yes, sir,” replied Cunda.\nThen Ānanda and Cunda went to the Buddha, bowed, sat down to one side, and Ānanda informed him of what Cunda had said. He went on to say,\n“Sir, it occurs to me:\n‘When the Buddha has passed away, let no dispute arise in the Saṅgha.\nFor such a dispute would be for the detriment and unhappiness of the people, against the people, for the harm, detriment, and suffering of gods and humans.’”"}},{"id":"mn104:5","sourceIds":["mn104:5.1","mn104:5.2","mn104:5.3","mn104:5.4","mn104:5.5","mn104:5.6","mn104:5.7","mn104:5.8","mn104:5.9"],"kind":"text","text":{"pi":"“Taṁ kiṁ maññasi, ānanda,\nye vo mayā dhammā abhiññā desitā, seyyathidaṁ—\ncattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, passasi no tvaṁ, ānanda, imesu dhammesu dvepi bhikkhū nānāvāde”ti?\n“Ye me, bhante, dhammā bhagavatā abhiññā desitā, seyyathidaṁ—\ncattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, nāhaṁ passāmi imesu dhammesu dvepi bhikkhū nānāvāde.\nYe ca kho, bhante, puggalā bhagavantaṁ patissayamānarūpā viharanti tepi bhagavato accayena saṅghe vivādaṁ janeyyuṁ ajjhājīve vā adhipātimokkhe vā.\nSvāssa vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānan”ti.\n“Appamattako so, ānanda, vivādo yadidaṁ—ajjhājīve vā adhipātimokkhe vā.\nMagge vā hi, ānanda, paṭipadāya vā saṅghe vivādo uppajjamāno uppajjeyya; svāssa vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.","en":"“What do you think, Ānanda?\nDo you see even two mendicants whose opinion differs regarding the things I have taught from my direct knowledge, that is,\nthe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path?”\n“No, sir, I do not.\nNevertheless, there are some individuals who appear to live obedient to the Buddha, but when the Buddha has passed away they might create a dispute in the Saṅgha regarding livelihood or the monastic code.\nSuch a dispute would be for the detriment and unhappiness of the people, against the people, for the harm, detriment, and suffering of gods and humans.”\n“Ānanda, dispute about livelihood or the monastic code is a minor matter.\nBut should a dispute arise in the Saṅgha concerning the path or the practice, that would be for the detriment and unhappiness of the people, against the people, for the harm, detriment, and suffering of gods and humans."}},{"id":"mn104:6","sourceIds":["mn104:6.1","mn104:6.2","mn104:6.3","mn104:6.4","mn104:6.5","mn104:6.6","mn104:6.7","mn104:6.8"],"kind":"text","text":{"pi":"Chayimāni, ānanda, vivādamūlāni.\nKatamāni cha?\nIdhānanda, bhikkhu kodhano hoti upanāhī.\nYo so, ānanda, bhikkhu kodhano hoti upanāhī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.\nYo so, ānanda, bhikkhu satthari agāravo viharati appatisso, dhamme … saṅghe agāravo viharati appatisso, sikkhāya na paripūrakārī hoti, so saṅghe vivādaṁ janeti; yo hoti vivādo bahujanāhitāya bahujanāsukhāya, bahuno janassa anatthāya ahitāya dukkhāya devamanussānaṁ.\nEvarūpañce tumhe, ānanda, vivādamūlaṁ ajjhattaṁ vā bahiddhā vā samanupasseyyātha, tatra tumhe, ānanda, tasseva pāpakassa vivādamūlassa pahānāya vāyameyyātha.\nEvarūpañce tumhe, ānanda, vivādamūlaṁ ajjhattaṁ vā bahiddhā vā na samanupasseyyātha. Tatra tumhe, ānanda, tasseva pāpakassa vivādamūlassa āyatiṁ anavassavāya paṭipajjeyyātha.\nEvametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti.","en":"Ānanda, there are these six roots of dispute.\nWhat six?\nFirstly, a mendicant is irritable and acrimonious.\nSuch a mendicant lacks respect and reverence for the Teacher, the teaching, and the Saṅgha, and they don’t fulfill the training.\nThey create a dispute in the Saṅgha, which is for the detriment and unhappiness of the people, against the people, for the harm, detriment, and suffering of gods and humans.\nIf you see such a root of dispute in yourselves or others, you should try to give up this bad thing.\nIf you don’t see it, you should practice so that it doesn’t come up in the future.\nThat’s how to give up this bad root of dispute, so it doesn’t come up in the future."}},{"id":"mn104:7-11","sourceIds":["mn104:7-11.1","mn104:7-11.2","mn104:7-11.3","mn104:7-11.4","mn104:7-11.5","mn104:7-11.6","mn104:7-11.7","mn104:7-11.8","mn104:7-11.9","mn104:7-11.10","mn104:7-11.11"],"kind":"text","text":{"pi":"Puna caparaṁ, ānanda, bhikkhu makkhī hoti paḷāsī …pe…\nissukī hoti maccharī …pe…\nsaṭho hoti māyāvī …pe…\npāpiccho hoti micchādiṭṭhi …pe…\nsandiṭṭhiparāmāsī hoti ādhānaggāhī duppaṭinissaggī.\nYo so, ānanda, bhikkhu sandiṭṭhiparāmāsī hoti ādhānaggāhī duppaṭinissaggī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.\nYo so, ānanda, bhikkhu satthari agāravo viharati appatisso, dhamme … saṅghe … sikkhāya na paripūrakārī hoti so saṅghe vivādaṁ janeti; yo hoti vivādo bahujanāhitāya bahujanāsukhāya, bahuno janassa anatthāya ahitāya dukkhāya devamanussānaṁ.\nEvarūpañce tumhe, ānanda, vivādamūlaṁ ajjhattaṁ vā bahiddhā vā samanupasseyyātha. Tatra tumhe, ānanda, tasseva pāpakassa vivādamūlassa pahānāya vāyameyyātha.\nEvarūpañce tumhe, ānanda, vivādamūlaṁ ajjhattaṁ vā bahiddhā vā na samanupasseyyātha, tatra tumhe, ānanda, tasseva pāpakassa vivādamūlassa āyatiṁ anavassavāya paṭipajjeyyātha.\nEvametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti.\nImāni kho, ānanda, cha vivādamūlāni.","en":"Furthermore, a mendicant is offensive and contemptuous …\nThey’re jealous and stingy …\nThey’re devious and deceitful …\nThey have corrupt wishes and wrong view …\nThey’re attached to their own views, holding them tight, and refusing to let go.\nSuch a mendicant lacks respect and reverence for the Teacher, the teaching, and the Saṅgha, and they don’t fulfill the training.\nThey create a dispute in the Saṅgha, which is for the detriment and unhappiness of the people, against the people, for the harm, detriment, and suffering of gods and humans.\nIf you see such a root of dispute in yourselves or others, you should try to give up this bad thing.\nIf you don’t see it, you should practice so that it doesn’t come up in the future.\nThat’s how to give up this bad root of dispute, so it doesn’t come up in the future.\nThese are the six roots of dispute."}},{"id":"mn104:12","sourceIds":["mn104:12.1","mn104:12.2","mn104:12.3","mn104:12.4"],"kind":"text","text":{"pi":"Cattārimāni, ānanda, adhikaraṇāni.\nKatamāni cattāri?\nVivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ—\nimāni kho, ānanda, cattāri adhikaraṇāni.","en":"There are four kinds of disciplinary issues.\nWhat four?\nDisciplinary issues due to disputes, accusations, offenses, or business.\nThese are the four kinds of disciplinary issues."}},{"id":"mn104:13","sourceIds":["mn104:13.1","mn104:13.2"],"kind":"text","text":{"pi":"Satta kho panime, ānanda, adhikaraṇasamathā uppannuppannānaṁ adhikaraṇānaṁ samathāya vūpasamāya—\nsammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṁ, yebhuyyasikā, tassapāpiyasikā, tiṇavatthārako.","en":"There are these seven means of settling any disciplinary issues that might arise.\nResolution face-to-face to be applied. Resolution through recollection to be granted. Resolution because of past insanity to be granted. Acting according to what has been admitted. Majority decision. Further penalty. Covering over as if with grass."}},{"id":"mn104:14","sourceIds":["mn104:14.1","mn104:14.2","mn104:14.3","mn104:14.4","mn104:14.5","mn104:14.6","mn104:14.7","mn104:14.8"],"kind":"text","text":{"pi":"Kathañcānanda, sammukhāvinayo hoti?\nIdhānanda, bhikkhū vivadanti dhammoti vā adhammoti vā vinayoti vā avinayoti vā.\nTehānanda, bhikkhūhi sabbeheva samaggehi sannipatitabbaṁ.\nSannipatitvā dhammanetti samanumajjitabbā.\nDhammanettiṁ samanumajjitvā yathā tattha sameti tathā taṁ adhikaraṇaṁ vūpasametabbaṁ.\nEvaṁ kho, ānanda, sammukhāvinayo hoti;\nevañca panidhekaccānaṁ adhikaraṇānaṁ vūpasamo hoti yadidaṁ—\nsammukhāvinayena.","en":"And how is there resolution face-to-face?\nIt’s when mendicants are disputing: ‘This is the teaching,’ ‘This is not the teaching,’ ‘This is the monastic law,’ ‘This is not the monastic law.’\nThose mendicants should all sit together in harmony\nand thoroughly go over the guidelines of the teaching.\nThey should settle that disciplinary issue in agreement with the guidelines.\nThat’s how there is resolution face-to-face.\nAnd that’s how certain disciplinary issues are settled, that is,\nby resolution face-to-face."}},{"id":"mn104:15","sourceIds":["mn104:15.1","mn104:15.2","mn104:15.3","mn104:15.4","mn104:15.5","mn104:15.6","mn104:15.7","mn104:15.8"],"kind":"text","text":{"pi":"Kathañcānanda, yebhuyyasikā hoti?\nTe ce, ānanda, bhikkhū na sakkonti taṁ adhikaraṇaṁ tasmiṁ āvāse vūpasametuṁ.\nTehānanda, bhikkhūhi yasmiṁ āvāse bahutarā bhikkhū so āvāso gantabbo.\nTattha sabbeheva samaggehi sannipatitabbaṁ.\nSannipatitvā dhammanetti samanumajjitabbā.\nDhammanettiṁ samanumajjitvā yathā tattha sameti tathā taṁ adhikaraṇaṁ vūpasametabbaṁ.\nEvaṁ kho, ānanda, yebhuyyasikā hoti, evañca panidhekaccānaṁ adhikaraṇānaṁ vūpasamo hoti yadidaṁ—\nyebhuyyasikāya.","en":"And how is there majority decision?\nIf those mendicants are not able to settle that issue in that monastery,\nthey should go to another monastery with more mendicants.\nThere they should all sit together in harmony\nand thoroughly go over the guidelines of the teaching.\nThey should settle that disciplinary issue in agreement with the guidelines.\nThat’s how there is majority decision. And that’s how certain disciplinary issues are settled, that is,\nby majority decision."}},{"id":"mn104:16","sourceIds":["mn104:16.1","mn104:16.2","mn104:16.3","mn104:16.4","mn104:16.5","mn104:16.6","mn104:16.7","mn104:16.8"],"kind":"text","text":{"pi":"Kathañcānanda, sativinayo hoti?\nIdhānanda, bhikkhū bhikkhuṁ evarūpāya garukāya āpattiyā codenti pārājikena vā pārājikasāmantena vā:\n‘saratāyasmā evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti?\nSo evamāha:\n‘na kho ahaṁ, āvuso, sarāmi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nTassa kho, ānanda, bhikkhuno sativinayo dātabbo.\nEvaṁ kho, ānanda, sativinayo hoti, evañca panidhekaccānaṁ adhikaraṇānaṁ vūpasamo hoti yadidaṁ—\nsativinayena.","en":"And how is there resolution through recollection?\nIt’s when a mendicant accuses a mendicant of a heavy offense; one entailing expulsion, or close to it:\n‘Venerable, do you recall committing the kind of serious offense that entails expulsion or close to it?’\nThey say:\n‘No, reverend, I don’t recall committing such an offense.’\nThe resolution through recollection should be granted to them.\nThat’s how there is the resolution through recollection. And that’s how certain disciplinary issues are settled, that is,\nby resolution through recollection."}},{"id":"mn104:17","sourceIds":["mn104:17.1","mn104:17.2","mn104:17.3","mn104:17.4","mn104:17.5","mn104:17.6","mn104:17.7","mn104:17.8","mn104:17.9","mn104:17.10","mn104:17.11","mn104:17.12","mn104:17.13","mn104:17.14","mn104:17.15"],"kind":"text","text":{"pi":"Kathañcānanda, amūḷhavinayo hoti?\nIdhānanda, bhikkhū bhikkhuṁ evarūpāya garukāya āpattiyā codenti pārājikena vā pārājikasāmantena vā:\n‘saratāyasmā evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti?\nSo evamāha:\n‘na kho ahaṁ, āvuso, sarāmi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nTamenaṁ so nibbeṭhentaṁ ativeṭheti:\n‘iṅghāyasmā sādhukameva jānāhi yadi sarasi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nSo evamāha:\n‘ahaṁ kho, āvuso, ummādaṁ pāpuṇiṁ cetaso vipariyāsaṁ.\nTena me ummattakena bahuṁ assāmaṇakaṁ ajjhāciṇṇaṁ bhāsitaparikkantaṁ.\nNāhaṁ taṁ sarāmi.\nMūḷhena me etaṁ katan’ti.\nTassa kho, ānanda, bhikkhuno amūḷhavinayo dātabbo.\nEvaṁ kho, ānanda, amūḷhavinayo hoti, evañca panidhekaccānaṁ adhikaraṇānaṁ vūpasamo hoti yadidaṁ—\namūḷhavinayena.","en":"And how is there resolution because of past insanity?\nIt’s when a mendicant accuses a mendicant of the kind of serious offense that entails expulsion, or close to it:\n‘Venerable, do you recall committing the kind of serious offense that entails expulsion or close to it?’\nThey say:\n‘No, reverend, I don’t recall committing such an offense.’\nBut though they try to get out of it, the mendicant pursues the issue:\n‘Surely the venerable must know perfectly well if you recall committing an offense that entails expulsion or close to it!’\nThey say:\n‘Reverend, I had gone mad, I was out of my mind.\nAnd while I was mad I did and said many things that are not proper for an ascetic.\nI don’t remember any of that,\nI was mad when I did it.’\nThe resolution because of past insanity should be granted to them.\nThat’s how there is resolution because of past insanity. And that’s how certain disciplinary issues are settled, that is,\nby resolution because of past insanity."}},{"id":"mn104:18","sourceIds":["mn104:18.1","mn104:18.2","mn104:18.3","mn104:18.4","mn104:18.5","mn104:18.6","mn104:18.7","mn104:18.8","mn104:18.9","mn104:18.10","mn104:18.11"],"kind":"text","text":{"pi":"Kathañcānanda, paṭiññātakaraṇaṁ hoti?\nIdhānanda, bhikkhu codito vā acodito vā āpattiṁ sarati, vivarati uttānīkaroti.\nTena, ānanda, bhikkhunā vuḍḍhataraṁ bhikkhuṁ upasaṅkamitvā ekaṁsaṁ cīvaraṁ katvā pāde vanditvā ukkuṭikaṁ nisīditvā añjaliṁ paggahetvā evamassa vacanīyo:\n‘ahaṁ, bhante, itthannāmaṁ āpattiṁ āpanno, taṁ paṭidesemī’ti.\nSo evamāha:\n‘passasī’ti?\n‘Āma passāmī’ti.\n‘Āyatiṁ saṁvareyyāsī’ti.\n‘Saṁvarissāmī’ti.\nEvaṁ kho, ānanda, paṭiññātakaraṇaṁ hoti, evañca panidhekaccānaṁ adhikaraṇānaṁ vūpasamo hoti yadidaṁ—\npaṭiññātakaraṇena.","en":"And how is there acting according to what has been admitted?\nIt’s when a mendicant, whether accused or not, recalls an offense and clarifies it and reveals it.\nAfter approaching a more senior mendicant, that mendicant should arrange his robe over one shoulder, bow to that mendicant’s feet, squat on their heels, raise their cupped palms, and say:\n‘Sir, I have fallen into such-and-such an offense. I confess it.’\nThe senior mendicant says:\n‘Do you see it?’\n‘Yes, I see it.’\n‘Then restrain yourself in future.’\n‘I shall restrain myself.’\nThat’s how there is acting according to what has been admitted. And that’s how certain disciplinary issues are settled, that is,\nby acting according to what has been admitted."}},{"id":"mn104:19","sourceIds":["mn104:19.1","mn104:19.2","mn104:19.3","mn104:19.4","mn104:19.5","mn104:19.6","mn104:19.7","mn104:19.8","mn104:19.9","mn104:19.10","mn104:19.11","mn104:19.12","mn104:19.13","mn104:19.14","mn104:19.15","mn104:19.16","mn104:19.17","mn104:19.18","mn104:19.19","mn104:19.20","mn104:19.21","mn104:19.22","mn104:19.23","mn104:19.24"],"kind":"text","text":{"pi":"Kathañcānanda, tassapāpiyasikā hoti?\nIdhānanda, bhikkhu bhikkhuṁ evarūpāya garukāya āpattiyā codeti pārājikena vā pārājikasāmantena vā:\n‘saratāyasmā evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti?\nSo evamāha:\n‘na kho ahaṁ, āvuso, sarāmi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nTamenaṁ so nibbeṭhentaṁ ativeṭheti:\n‘iṅghāyasmā sādhukameva jānāhi yadi sarasi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nSo evamāha:\n‘na kho ahaṁ, āvuso, sarāmi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā;\nsarāmi ca kho ahaṁ, āvuso, evarūpiṁ appamattikaṁ āpattiṁ āpajjitā’ti.\nTamenaṁ so nibbeṭhentaṁ ativeṭheti:\n‘iṅghāyasmā sādhukameva jānāhi yadi sarasi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti?\nSo evamāha:\n‘imañhi nāmāhaṁ, āvuso, appamattikaṁ āpattiṁ āpajjitvā apuṭṭho paṭijānissāmi.\nKiṁ panāhaṁ evarūpiṁ garukaṁ āpattiṁ āpajjitvā pārājikaṁ vā pārājikasāmantaṁ vā puṭṭho na paṭijānissāmī’ti?\nSo evamāha:\n‘imañhi nāma tvaṁ, āvuso, appamattikaṁ āpattiṁ āpajjitvā apuṭṭho na paṭijānissasi, kiṁ pana tvaṁ evarūpiṁ garukaṁ āpattiṁ āpajjitvā pārājikaṁ vā pārājikasāmantaṁ vā puṭṭho paṭijānissasi?\nIṅghāyasmā sādhukameva jānāhi yadi sarasi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nSo evamāha:\n‘sarāmi kho ahaṁ, āvuso, evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā.\nDavā me etaṁ vuttaṁ, ravā me etaṁ vuttaṁ—\nnāhaṁ taṁ sarāmi evarūpiṁ garukaṁ āpattiṁ āpajjitā pārājikaṁ vā pārājikasāmantaṁ vā’ti.\nEvaṁ kho, ānanda, tassapāpiyasikā hoti, evañca panidhekaccānaṁ adhikaraṇānaṁ vūpasamo hoti yadidaṁ—\ntassapāpiyasikāya.","en":"And how is there a verdict of further penalty?\nIt’s when a mendicant accuses a mendicant of the kind of heavy offense that entails expulsion, or close to it:\n‘Venerable, do you recall committing the kind of heavy offense that entails expulsion or close to it?’\nThey say:\n‘No, reverend, I don’t recall committing such an offense.’\nBut though they try to get out of it, the mendicant pursues the issue:\n‘Surely the venerable must know perfectly well if you recall committing an offense that entails expulsion or close to it!’\nThey say:\n‘Reverend, I don’t recall committing a heavy offense of that nature.\nBut I do recall committing a light offense.’\nBut though they try to get out of it, the mendicant pursues the issue:\n‘Surely the venerable must know perfectly well if you recall committing an offense that entails expulsion or close to it!’\nThey say:\n‘Reverend, I’ll go so far as to admit this light offense even when not asked.\nWhy wouldn’t I admit a heavy offense when asked?’\nThey say:\n‘You wouldn’t have admitted that light offense without being asked, so why would you admit a heavy offense?\nSurely the venerable must know perfectly well if you recall committing an offense that entails expulsion or close to it!’\nThey say:\n‘Reverend, I do recall committing the kind of heavy offense that entails expulsion or close to it.\nI spoke too hastily when I said\nthat I didn’t recall it.’\nThat’s how there is further penalty. And that’s how certain disciplinary issues are settled, that is,\nby further penalty."}},{"id":"mn104:20","sourceIds":["mn104:20.1","mn104:20.2","mn104:20.3","mn104:20.4","mn104:20.5","mn104:20.6","mn104:20.7","mn104:20.8","mn104:20.9","mn104:20.10","mn104:20.11","mn104:20.12","mn104:20.13"],"kind":"text","text":{"pi":"Kathañcānanda, tiṇavatthārako hoti?\nIdhānanda, bhikkhūnaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ hoti bhāsitaparikkantaṁ.\nTehānanda, bhikkhūhi sabbeheva samaggehi sannipatitabbaṁ.\nSannipatitvā ekatopakkhikānaṁ bhikkhūnaṁ byattena bhikkhunā uṭṭhāyāsanā ekaṁsaṁ cīvaraṁ katvā añjaliṁ paṇāmetvā saṅgho ñāpetabbo—\nSuṇātu me, bhante, saṅgho.\nIdaṁ amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.\nYadi saṅghassa pattakallaṁ, ahaṁ yā ceva imesaṁ āyasmantānaṁ āpatti yā ca attano āpatti, imesañceva āyasmantānaṁ atthāya attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ ṭhapetvā gihipaṭisaṁyuttan’ti.\nAthāparesaṁ ekatopakkhikānaṁ bhikkhūnaṁ byattena bhikkhunā uṭṭhāyāsanā ekaṁsaṁ cīvaraṁ katvā añjaliṁ paṇāmetvā saṅgho ñāpetabbo:\n‘Suṇātu me, bhante, saṅgho.\nIdaṁ amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.\nYadi saṅghassa pattakallaṁ, ahaṁ yā ceva imesaṁ āyasmantānaṁ āpatti yā ca attano āpatti, imesañceva āyasmantānaṁ atthāya attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ ṭhapetvā gihipaṭisaṁyuttan’ti.\nEvaṁ kho, ānanda, tiṇavatthārako hoti, evañca panidhekaccānaṁ adhikaraṇānaṁ vūpasamo hoti yadidaṁ—\ntiṇavatthārakena.","en":"And how is there the covering over as if with grass?\nIt’s when the mendicants continually fight, quarrel, and dispute, doing and saying many things that are not proper for an ascetic.\nThose mendicants should all sit together in harmony.\nA competent mendicant of one party, having risen from their seat, arranged their robe over one shoulder, and raised their cupped palms, should inform the Saṅgha:\n‘Sir, let the Saṅgha listen to me.\nWe have been continually fighting, quarreling, and disputing, doing and saying many things that are not proper for an ascetic.\nIf it seems appropriate to the Saṅgha, then—for the benefit of these venerables and myself—I disclose in the middle of the Saṅgha by means of covering over as if with grass any offenses committed by these venerables and by myself, excepting only those that are gravely blameworthy and those connected with laypeople.’\nThen a competent mendicant of the other party, having risen from their seat, arranged their robe over one shoulder, and raising their cupped palms, should inform the Saṅgha:\n‘Sir, let the Saṅgha listen to me.\nWe have been continually fighting, quarreling, and disputing, doing and saying many things that are not proper for an ascetic.\nIf it seems appropriate to the Saṅgha, then—for the benefit of these venerables and myself—I disclose in the middle of the Saṅgha by means of covering over as if with grass any offenses committed by these venerables and by myself, excepting only those that are gravely blameworthy and those connected with laypeople.’\nThat’s how there is the covering over as if with grass. And that’s how certain disciplinary issues are settled, that is,\nby covering over as if with grass."}},{"id":"mn104:21","sourceIds":["mn104:21.1","mn104:21.2","mn104:21.3","mn104:21.4","mn104:21.5","mn104:21.6","mn104:21.7","mn104:21.8","mn104:21.9","mn104:21.10","mn104:21.11","mn104:21.12","mn104:21.13","mn104:21.14","mn104:21.15"],"kind":"text","text":{"pi":"Chayime, ānanda, dhammā sāraṇīyā piyakaraṇā garukaraṇā saṅgahāya avivādāya sāmaggiyā ekībhāvāya saṁvattanti.\nKatame cha?\nIdhānanda, bhikkhuno mettaṁ kāyakammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, ānanda, bhikkhuno mettaṁ vacīkammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, ānanda, bhikkhuno mettaṁ manokammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, ānanda, bhikkhu—ye te lābhā dhammikā dhammaladdhā antamaso pattapariyāpannamattampi tathārūpehi lābhehi—apaṭivibhattabhogī hoti, sīlavantehi sabrahmacārīhi sādhāraṇabhogī.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, ānanda, bhikkhu—yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṁvattanikāni tathārūpesu sīlesu—sīlasāmaññagato viharati sabrahmacārīhi āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, ānanda, bhikkhu—yāyaṁ diṭṭhi ariyā niyyānikā niyyāti takkarassa sammā dukkhakkhayāya tathārūpāya diṭṭhiyā—diṭṭhisāmaññagato viharati sabrahmacārīhi āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nIme kho, ānanda, cha sāraṇīyā dhammā piyakaraṇā garukaraṇā saṅgahāya avivādāya sāmaggiyā ekībhāvāya saṁvattanti.","en":"Ānanda, these six warm-hearted qualities make for fondness and respect, conducing to inclusion, harmony, and unity, without quarreling.\nWhat six?\nFirstly, a mendicant consistently treats their spiritual companions with bodily kindness, both in public and in private.\nThis warm-hearted quality makes for fondness and respect, conducing to inclusion, harmony, and unity, without dispute.\nFurthermore, a mendicant consistently treats their spiritual companions with verbal kindness …\nThis too is a warm-hearted quality.\nFurthermore, a mendicant consistently treats their spiritual companions with mental kindness …\nThis too is a warm-hearted quality.\nFurthermore, a mendicant shares without reservation any material things they have gained by legitimate means, even the food placed in the alms-bowl, using them in common with their ethical spiritual companions.\nThis too is a warm-hearted quality.\nFurthermore, a mendicant lives according to the precepts shared with their spiritual companions, both in public and in private. Those precepts are intact, impeccable, spotless, and unmarred, liberating, praised by sensible people, not mistaken, and leading to immersion.\nThis too is a warm-hearted quality.\nFurthermore, a mendicant lives according to the view shared with their spiritual companions, both in public and in private. That view is noble and emancipating, and delivers one who applies it to the complete ending of suffering.\nThis too is a warm-hearted quality.\nThese six warm-hearted qualities make for fondness and respect, conducing to inclusion, harmony, and unity, without dispute."}},{"id":"mn104:22","sourceIds":["mn104:22.1","mn104:22.2","mn104:22.3","mn104:22.4","mn104:22.5","mn104:22.6","mn104:22.7"],"kind":"text","text":{"pi":"Ime ce tumhe, ānanda, cha sāraṇīye dhamme samādāya vatteyyātha, passatha no tumhe, ānanda, taṁ vacanapathaṁ aṇuṁ vā thūlaṁ vā yaṁ tumhe nādhivāseyyāthā”ti?\n“No hetaṁ, bhante”.\n“Tasmātihānanda, ime cha sāraṇīye dhamme samādāya vattatha.\nTaṁ vo bhavissati dīgharattaṁ hitāya sukhāyā”ti.\nIdamavoca bhagavā.\nAttamano āyasmā ānando bhagavato bhāsitaṁ abhinandīti.\nSāmagāmasuttaṁ niṭṭhitaṁ catutthaṁ.","en":"If you should proceed having undertaken these six warm-hearted qualities, do you see any criticism, large or small, that you could not endure?”\n“No, sir.”\n“That’s why, Ānanda, you should proceed having undertaken these six warm-hearted qualities.\nThat will be for your lasting welfare and happiness.”\nThat is what the Buddha said.\nSatisfied, Venerable Ānanda approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn104/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}