{"id":"mn106","title":"Conducive to the Imperturbable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn106","title":"Conducive to the Imperturbable","units":[{"id":"mn106:0","sourceIds":["mn106:0.1","mn106:0.2"],"kind":"text","text":{"pi":"Majjhima Nikāya 106\nĀneñjasappāyasutta","en":"Middle Discourses 106\nConducive to the Imperturbable"}},{"id":"mn106:1","sourceIds":["mn106:1.1","mn106:1.2","mn106:1.3","mn106:1.4","mn106:1.5","mn106:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kurūsu viharati kammāsadhammaṁ nāma kurūnaṁ nigamo.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying in the land of the Kurus, near the Kuru town named Kammāsadamma.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn106:2","sourceIds":["mn106:2.1","mn106:2.2","mn106:2.3","mn106:2.4","mn106:2.5","mn106:2.6","mn106:2.7"],"kind":"text","text":{"pi":"“Aniccā, bhikkhave, kāmā tucchā musā mosadhammā.\nMāyākatametaṁ, bhikkhave, bālalāpanaṁ.\nYe ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā—\nubhayametaṁ māradheyyaṁ, mārassesa visayo, mārassesa nivāpo, mārassesa gocaro.\nEtthete pāpakā akusalā mānasā abhijjhāpi byāpādāpi sārambhāpi saṁvattanti.\nTeva ariyasāvakassa idhamanusikkhato antarāyāya sambhavanti.","en":"“Mendicants, sensual pleasures are impermanent, hollow, false, and deceptive.\nThis is made by illusion, mendicants, lamented by fools.\nSensual pleasures in this life and in lives to come,\nsensual perceptions in this life and in lives to come;\nboth of these are Māra’s dominion, Māra’s domain, Māra’s lair, and Māra’s range.\nThey conduce to bad, unskillful notions such as desire, ill will, and aggression.\nAnd they create an obstacle for a noble disciple training here."}},{"id":"mn106:3","sourceIds":["mn106:3.1","mn106:3.2","mn106:3.3","mn106:3.4","mn106:3.5","mn106:3.6","mn106:3.7","mn106:3.8","mn106:3.9","mn106:3.10","mn106:3.11","mn106:3.12","mn106:3.13"],"kind":"text","text":{"pi":"Tatra, bhikkhave, ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā—\nubhayametaṁ māradheyyaṁ, mārassesa visayo, mārassesa nivāpo, mārassesa gocaro.\nEtthete pāpakā akusalā mānasā abhijjhāpi byāpādāpi sārambhāpi saṁvattanti,\nteva ariyasāvakassa idhamanusikkhato antarāyāya sambhavanti.\nYannūnāhaṁ vipulena mahaggatena cetasā vihareyyaṁ abhibhuyya lokaṁ adhiṭṭhāya manasā.\nVipulena hi me mahaggatena cetasā viharato abhibhuyya lokaṁ adhiṭṭhāya manasā ye pāpakā akusalā mānasā abhijjhāpi byāpādāpi sārambhāpi te na bhavissanti.\nTesaṁ pahānā aparittañca me cittaṁ bhavissati appamāṇaṁ subhāvitan’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā āneñjaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa āneñjūpagaṁ.\nAyaṁ, bhikkhave, paṭhamā āneñjasappāyā paṭipadā akkhāyati.","en":"A noble disciple reflects on this:\n‘Sensual pleasures in this life and in lives to come,\nsensual perceptions in this life and in lives to come;\nboth of these are Māra’s dominion, Māra’s domain, Māra’s lair, and Māra’s range.\nThey conduce to bad, unskillful notions such as desire, ill will, and aggression.\nAnd they create an obstacle for a noble disciple training here.\nWhy don’t I meditate with an abundant, expansive heart, having mastered the world and stabilized the mind?\nThen I will have no more bad, unskillful notions such as desire, ill will, and aggression.\nAnd by giving them up my mind, no longer limited, will become limitless and well developed.’\nPracticing in this way and meditating on it often their mind becomes confident in this dimension.\nBeing confident, they either attain the imperturbable now, or are freed by wisdom.\nWhen their body breaks up, after death, it’s possible that that conducive consciousness will be reborn in the imperturbable.\nThis is said to be the first way of practice suitable for attaining the imperturbable."}},{"id":"mn106:4","sourceIds":["mn106:4.1","mn106:4.2","mn106:4.3","mn106:4.4","mn106:4.5","mn106:4.6","mn106:4.7","mn106:4.8"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā;\nyaṁ kiñci rūpaṁ sabbaṁ rūpaṁ cattāri ca mahābhūtāni, catunnañca mahābhūtānaṁ upādāyarūpan’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā āneñjaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa āneñjūpagaṁ.\nAyaṁ, bhikkhave, dutiyā āneñjasappāyā paṭipadā akkhāyati.","en":"Furthermore, a noble disciple reflects:\n‘Sensual pleasures in this life and in lives to come,\nsensual perceptions in this life and in lives to come;\nwhatever form there is, all form is the four principal states, or form derived from the four principal states.’\nPracticing in this way and meditating on it often their mind becomes confident in this dimension.\nBeing confident, they either attain the imperturbable now, or are freed by wisdom.\nWhen their body breaks up, after death, it’s possible that that conducive consciousness will be reborn in the imperturbable.\nThis is said to be the second way of practice suitable for attaining the imperturbable."}},{"id":"mn106:5","sourceIds":["mn106:5.1","mn106:5.2","mn106:5.3","mn106:5.4","mn106:5.5","mn106:5.6","mn106:5.7","mn106:5.8","mn106:5.9","mn106:5.10","mn106:5.11"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā;\nye ca diṭṭhadhammikā rūpā, ye ca samparāyikā rūpā;\nyā ca diṭṭhadhammikā rūpasaññā, yā ca samparāyikā rūpasaññā—\nubhayametaṁ aniccaṁ.\nYadaniccaṁ taṁ nālaṁ abhinandituṁ, nālaṁ abhivadituṁ, nālaṁ ajjhositun’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā āneñjaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa āneñjūpagaṁ.\nAyaṁ, bhikkhave, tatiyā āneñjasappāyā paṭipadā akkhāyati.","en":"Furthermore, a noble disciple reflects:\n‘Sensual pleasures in this life and in lives to come,\nsensual perceptions in this life and in lives to come,\nvisions in this life and in lives to come,\nperceptions of visions in this life and in lives to come;\nall of these are impermanent.\nAnd what’s impermanent is not worth approving, welcoming, or clinging to.’\nPracticing in this way and meditating on it often their mind becomes confident in this dimension.\nBeing confident, they either attain the imperturbable now, or are freed by wisdom.\nWhen their body breaks up, after death, it’s possible that that conducive consciousness will be reborn in the imperturbable.\nThis is said to be the third way of practice suitable for attaining the imperturbable."}},{"id":"mn106:6","sourceIds":["mn106:6.1","mn106:6.2","mn106:6.3","mn106:6.4","mn106:6.5","mn106:6.6","mn106:6.7","mn106:6.8","mn106:6.9","mn106:6.10","mn106:6.11","mn106:6.12","mn106:6.13"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā;\nye ca diṭṭhadhammikā rūpā, ye ca samparāyikā rūpā;\nyā ca diṭṭhadhammikā rūpasaññā, yā ca samparāyikā rūpasaññā;\nyā ca āneñjasaññā—\nsabbā saññā.\nYatthetā aparisesā nirujjhanti etaṁ santaṁ etaṁ paṇītaṁ—\nyadidaṁ ākiñcaññāyatanan’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā ākiñcaññāyatanaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa ākiñcaññāyatanūpagaṁ.\nAyaṁ, bhikkhave, paṭhamā ākiñcaññāyatanasappāyā paṭipadā akkhāyati.","en":"Furthermore, a noble disciple reflects:\n‘Sensual pleasures in this life and in lives to come,\nsensual perceptions in this life and in lives to come,\nvisions in this life and in lives to come,\nperceptions of visions in this life and in lives to come,\nand perceptions of the imperturbable;\nall are perceptions.\nWhere they cease without remainder, that is peaceful, that is sublime,\nnamely the dimension of nothingness.’\nPracticing in this way and meditating on it often their mind becomes confident in this dimension.\nBeing confident, they either attain the dimension of nothingness now, or are freed by wisdom.\nWhen their body breaks up, after death, it’s possible that that conducive consciousness will be reborn in the dimension of nothingness.\nThis is said to be the first way of practice suitable for attaining the dimension of nothingness."}},{"id":"mn106:7","sourceIds":["mn106:7.1","mn106:7.2","mn106:7.3","mn106:7.4","mn106:7.5","mn106:7.6"],"kind":"text","text":{"pi":"Puna caparaṁ, bhikkhave, ariyasāvako araññagato vā rukkhamūlagato vā suññāgāragato vā iti paṭisañcikkhati:\n‘suññamidaṁ attena vā attaniyena vā’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā ākiñcaññāyatanaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa ākiñcaññāyatanūpagaṁ.\nAyaṁ, bhikkhave, dutiyā ākiñcaññāyatanasappāyā paṭipadā akkhāyati.","en":"Furthermore, a noble disciple has gone to a wilderness, or to the root of a tree, or to an empty hut, and reflects like this:\n‘This is empty of a self or what belongs to a self.’\nPracticing in this way and meditating on it often their mind becomes confident in this dimension.\nBeing confident, they either attain the dimension of nothingness now, or are freed by wisdom.\nWhen their body breaks up, after death, it’s possible that that conducive consciousness will be reborn in the dimension of nothingness.\nThis is said to be the second way of practice suitable for attaining the dimension of nothingness."}},{"id":"mn106:8","sourceIds":["mn106:8.1","mn106:8.2","mn106:8.3","mn106:8.4","mn106:8.5","mn106:8.6"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘nāhaṁ kvacani kassaci kiñcanatasmiṁ, na ca mama kvacani kismiñci kiñcanaṁ natthī’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā ākiñcaññāyatanaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa ākiñcaññāyatanūpagaṁ.\nAyaṁ, bhikkhave, tatiyā ākiñcaññāyatanasappāyā paṭipadā akkhāyati.","en":"Furthermore, a noble disciple reflects:\n‘I don’t belong to anyone anywhere! And nothing belongs to me anywhere!’\nPracticing in this way and meditating on it often their mind becomes confident in this dimension.\nBeing confident, they either attain the dimension of nothingness now, or are freed by wisdom.\nWhen their body breaks up, after death, it’s possible that that conducive consciousness will be reborn in the dimension of nothingness.\nThis is said to be the third way of practice suitable for attaining the dimension of nothingness."}},{"id":"mn106:9","sourceIds":["mn106:9.1","mn106:9.2","mn106:9.3","mn106:9.4","mn106:9.5","mn106:9.6","mn106:9.7","mn106:9.8","mn106:9.9","mn106:9.10","mn106:9.11","mn106:9.12","mn106:9.13"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā;\nye ca diṭṭhadhammikā rūpā, ye ca samparāyikā rūpā;\nyā ca diṭṭhadhammikā rūpasaññā, yā ca samparāyikā rūpasaññā;\nyā ca āneñjasaññā, yā ca ākiñcaññāyatanasaññā—\nsabbā saññā.\nYatthetā aparisesā nirujjhanti etaṁ santaṁ etaṁ paṇītaṁ—\nyadidaṁ nevasaññānāsaññāyatanan’ti.\nTassa evaṁpaṭipannassa tabbahulavihārino āyatane cittaṁ pasīdati.\nSampasāde sati etarahi vā nevasaññānāsaññāyatanaṁ samāpajjati paññāya vā adhimuccati.\nKāyassa bhedā paraṁ maraṇā, ṭhānametaṁ vijjati yaṁ taṁsaṁvattanikaṁ viññāṇaṁ assa nevasaññānāsaññāyatanūpagaṁ.\nAyaṁ, bhikkhave, nevasaññānāsaññāyatanasappāyā paṭipadā akkhāyatī”ti.","en":"Furthermore, a noble disciple reflects:\n‘Sensual pleasures in this life and in lives to come,\nsensual perceptions in this life and in lives to come,\nvisions in this life and in lives to come,\nperceptions of visions in this life and in lives to come,\nperceptions of the imperturbable, and perceptions of the dimension of nothingness;\nall are perceptions.\nWhere they cease without remainder, that is peaceful, that is sublime,\nnamely the dimension of neither perception nor non-perception.’\nPracticing in this way and meditating on it often their mind becomes confident in this dimension.\nBeing confident, they either attain the dimension of neither perception nor non-perception now, or are freed by wisdom.\nWhen their body breaks up, after death, it’s possible that that conducive consciousness will be reborn in the dimension of neither perception nor non-perception.\nThis is said to be the way of practice suitable for attaining the dimension of neither perception nor non-perception.”"}},{"id":"mn106:10","sourceIds":["mn106:10.1","mn106:10.2","mn106:10.3","mn106:10.4","mn106:10.5","mn106:10.6","mn106:10.7","mn106:10.8","mn106:10.9","mn106:10.10","mn106:10.11","mn106:10.12","mn106:10.13"],"kind":"text","text":{"pi":"Evaṁ vutte, āyasmā ānando bhagavantaṁ etadavoca:\n“idha, bhante, bhikkhu evaṁ paṭipanno hoti:\n‘no cassa, no ca me siyā; na bhavissati, na me bhavissati; yadatthi yaṁ, bhūtaṁ—taṁ pajahāmī’ti.\nEvaṁ upekkhaṁ paṭilabhati.\nParinibbāyeyya nu kho so, bhante, bhikkhu na vā parinibbāyeyyā”ti?\n“Apetthekacco, ānanda, bhikkhu parinibbāyeyya, apetthekacco bhikkhu na parinibbāyeyyā”ti.\n“Ko nu kho, bhante, hetu ko paccayo yenapetthekacco bhikkhu parinibbāyeyya, apetthekacco bhikkhu na parinibbāyeyyā”ti?\n“Idhānanda, bhikkhu evaṁ paṭipanno hoti:\n‘no cassa, no ca me siyā; na bhavissati, na me bhavissati; yadatthi, yaṁ bhūtaṁ—taṁ pajahāmī’ti.\nEvaṁ upekkhaṁ paṭilabhati.\nSo taṁ upekkhaṁ abhinandati, abhivadati, ajjhosāya tiṭṭhati.\nTassa taṁ upekkhaṁ abhinandato abhivadato ajjhosāya tiṭṭhato tannissitaṁ hoti viññāṇaṁ tadupādānaṁ.\nSaupādāno, ānanda, bhikkhu na parinibbāyatī”ti.","en":"When he said this, Venerable Ānanda said to the Buddha:\n“Sir, take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’\nIn this way they gain equanimity.\nWould that mendicant become extinguished or not?”\n“One such mendicant might become extinguished, Ānanda, while another might not.”\n“What is the cause, sir, what is the reason for this?”\n“Ānanda, take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’\nIn this way they gain equanimity.\nThey approve, welcome, and keep clinging to that equanimity.\nTheir consciousness has that as support and fuel for grasping.\nA mendicant with fuel for grasping does not become extinguished.”"}},{"id":"mn106:11","sourceIds":["mn106:11.1","mn106:11.2","mn106:11.3","mn106:11.4","mn106:11.5","mn106:11.6"],"kind":"text","text":{"pi":"“Kahaṁ pana so, bhante, bhikkhu upādiyamāno upādiyatī”ti?\n“Nevasaññānāsaññāyatanaṁ, ānandā”ti.\n“Upādānaseṭṭhaṁ kira so, bhante, bhikkhu upādiyamāno upādiyatī”ti?\n“Upādānaseṭṭhañhi so, ānanda, bhikkhu upādiyamāno upādiyati.\nUpādānaseṭṭhañhetaṁ, ānanda, yadidaṁ—\nnevasaññānāsaññāyatanaṁ.","en":"“But sir, what is that mendicant grasping?”\n“The dimension of neither perception nor non-perception.”\n“Sir, it seems that mendicant is grasping the best thing to grasp!”\n“Indeed, Ānanda.\nFor the best thing to grasp is\nthe dimension of neither perception nor non-perception."}},{"id":"mn106:12","sourceIds":["mn106:12.1","mn106:12.2","mn106:12.3","mn106:12.4","mn106:12.5","mn106:12.6"],"kind":"text","text":{"pi":"Idhānanda, bhikkhu evaṁ paṭipanno hoti:\n‘no cassa, no ca me siyā; na bhavissati, na me bhavissati; yadatthi, yaṁ bhūtaṁ—taṁ pajahāmī’ti.\nEvaṁ upekkhaṁ paṭilabhati.\nSo taṁ upekkhaṁ nābhinandati, nābhivadati, na ajjhosāya tiṭṭhati.\nTassa taṁ upekkhaṁ anabhinandato anabhivadato anajjhosāya tiṭṭhato na tannissitaṁ hoti viññāṇaṁ na tadupādānaṁ.\nAnupādāno, ānanda, bhikkhu parinibbāyatī”ti.","en":"Take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’\nIn this way they gain equanimity.\nThey don’t approve, welcome, or keep clinging to that equanimity.\nSo their consciousness doesn’t have that as support and fuel for grasping.\nA mendicant free of grasping becomes extinguished.”"}},{"id":"mn106:13","sourceIds":["mn106:13.1","mn106:13.2","mn106:13.3","mn106:13.4","mn106:13.5","mn106:13.6","mn106:13.7","mn106:13.8","mn106:13.9","mn106:13.10","mn106:13.11"],"kind":"text","text":{"pi":"“Acchariyaṁ, bhante, abbhutaṁ, bhante.\nNissāya nissāya kira no, bhante, bhagavatā oghassa nittharaṇā akkhātā.\nKatamo pana, bhante, ariyo vimokkho”ti?\n“Idhānanda, bhikkhu ariyasāvako iti paṭisañcikkhati:\n‘ye ca diṭṭhadhammikā kāmā, ye ca samparāyikā kāmā;\nyā ca diṭṭhadhammikā kāmasaññā, yā ca samparāyikā kāmasaññā;\nye ca diṭṭhadhammikā rūpā, ye ca samparāyikā rūpā;\nyā ca diṭṭhadhammikā rūpasaññā, yā ca samparāyikā rūpasaññā;\nyā ca āneñjasaññā, yā ca ākiñcaññāyatanasaññā, yā ca nevasaññānāsaññāyatanasaññā—\nesa sakkāyo yāvatā sakkāyo.\nEtaṁ amataṁ yadidaṁ anupādā cittassa vimokkho.","en":"“It’s incredible, sir, it’s amazing!\nIt seems the Buddha has explained to us how to cross over the flood by relying on one support or another.\nBut sir, what is noble liberation?”\n“Ānanda, it’s when a noble disciple reflects like this:\n‘Sensual pleasures in this life and in lives to come,\nsensual perceptions in this life and in lives to come,\nvisions in this life and in lives to come,\nperceptions of visions in this life and in lives to come,\nperceptions of the imperturbable, perceptions of the dimension of nothingness, perceptions of the dimension of neither perception nor non-perception;\nthat is substantial reality as far as substantial reality extends.\nBut this is freedom from death, namely the liberation of the mind by not grasping.’"}},{"id":"mn106:14","sourceIds":["mn106:14.1"],"kind":"text","text":{"pi":"Iti, kho, ānanda, desitā mayā āneñjasappāyā paṭipadā, desitā ākiñcaññāyatanasappāyā paṭipadā, desitā nevasaññānāsaññāyatanasappāyā paṭipadā, desitā nissāya nissāya oghassa nittharaṇā, desito ariyo vimokkho.","en":"So, Ānanda, I have taught the ways of practice suitable for attaining the imperturbable, the dimension of nothingness, and the dimension of neither perception nor non-perception. I have taught how to cross the flood by relying on one support or another, and I have taught noble liberation."}},{"id":"mn106:15","sourceIds":["mn106:15.1","mn106:15.2","mn106:15.3","mn106:15.4","mn106:15.5"],"kind":"text","text":{"pi":"Yaṁ kho, ānanda, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, ānanda, rukkhamūlāni, etāni suññāgārāni. Jhāyathānanda, mā pamādattha, mā pacchā vippaṭisārino ahuvattha. Ayaṁ vo amhākaṁ anusāsanī’”ti.\nIdamavoca bhagavā.\nAttamano āyasmā ānando bhagavato bhāsitaṁ abhinandīti.\nĀneñjasappāyasuttaṁ niṭṭhitaṁ chaṭṭhaṁ.","en":"Out of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, Ānanda! Don’t be negligent! Don’t regret it later! This is my instruction to you.”\nThat is what the Buddha said.\nSatisfied, Venerable Ānanda approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn106/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}