{"id":"mn126","title":"With Bhūmija","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn126","title":"With Bhūmija","units":[{"id":"mn126:0","sourceIds":["mn126:0.1","mn126:0.2"],"kind":"text","text":{"pi":"Majjhima Nikāya 126\nBhūmijasutta","en":"Middle Discourses 126\nWith Bhūmija"}},{"id":"mn126:1","sourceIds":["mn126:1.1","mn126:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground."}},{"id":"mn126:2","sourceIds":["mn126:2.1"],"kind":"text","text":{"pi":"Atha kho āyasmā bhūmijo pubbaṇhasamayaṁ nivāsetvā pattacīvaramādāya yena jayasenassa rājakumārassa nivesanaṁ tenupasaṅkami; upasaṅkamitvā paññatte āsane nisīdi.","en":"Then Venerable Bhūmija robed up in the morning and, taking his bowl and robe, went to the home of Prince Jayasena, where he sat down on the seat spread out."}},{"id":"mn126:3","sourceIds":["mn126:3.1","mn126:3.2","mn126:3.3","mn126:3.4","mn126:3.5","mn126:3.6","mn126:3.7","mn126:3.8"],"kind":"text","text":{"pi":"Atha kho jayaseno rājakumāro yenāyasmā bhūmijo tenupasaṅkami; upasaṅkamitvā āyasmatā bhūmijena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jayaseno rājakumāro āyasmantaṁ bhūmijaṁ etadavoca:\n“santi, bho bhūmija, eke samaṇabrāhmaṇā evaṁvādino evaṁdiṭṭhino:\n‘āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā brahmacariyaṁ caranti, abhabbā phalassa adhigamāya;\nāsañca anāsañcepi karitvā brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāyā’ti.\nIdha bhoto bhūmijassa satthā kiṁvādī kimakkhāyī”ti?","en":"Then Jayasena approached and exchanged greetings with him.\nWhen the greetings and polite conversation were over, he sat down to one side and said to Bhūmija:\n“Worthy Bhūmija, there are some ascetics and brahmins who have this doctrine and view:\n‘If you make a wish and lead the spiritual life, you can’t win the fruit.\nIf you don’t make a wish and lead the spiritual life, you can’t win the fruit.\nIf you both make a wish and don’t make a wish and lead the spiritual life, you can’t win the fruit.\nIf you neither make a wish nor don’t make a wish and lead the spiritual life, you can’t win the fruit.’\nWhat does the worthy Bhūmija’s Teacher say about this? How does he explain it?”"}},{"id":"mn126:4","sourceIds":["mn126:4.1","mn126:4.2","mn126:4.3","mn126:4.4","mn126:4.5","mn126:4.6","mn126:4.7","mn126:4.8","mn126:4.9","mn126:4.10","mn126:4.11","mn126:4.12"],"kind":"text","text":{"pi":"“Na kho metaṁ, rājakumāra, bhagavato sammukhā sutaṁ, sammukhā paṭiggahitaṁ.\nṬhānañca kho etaṁ vijjati yaṁ bhagavā evaṁ byākareyya:\n‘āsañcepi karitvā ayoniso brahmacariyaṁ caranti, abhabbā phalassa adhigamāya;\nanāsañcepi karitvā ayoniso brahmacariyaṁ caranti, abhabbā phalassa adhigamāya;\nāsañca anāsañcepi karitvā ayoniso brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā ayoniso brahmacariyaṁ caranti, abhabbā phalassa adhigamāya.\nĀsañcepi karitvā yoniso brahmacariyaṁ caranti, bhabbā phalassa adhigamāya;\nanāsañcepi karitvā yoniso brahmacariyaṁ caranti, bhabbā phalassa adhigamāya;\nāsañca anāsañcepi karitvā yoniso brahmacariyaṁ caranti, bhabbā phalassa adhigamāya;\nnevāsaṁ nānāsañcepi karitvā yoniso brahmacariyaṁ caranti, bhabbā phalassa adhigamāyā’ti.\nNa kho me taṁ, rājakumāra, bhagavato sammukhā sutaṁ, sammukhā paṭiggahitaṁ.\nṬhānañca kho etaṁ vijjati yaṁ bhagavā evaṁ byākareyyā”ti.","en":"“Prince, I haven’t heard and learned this in the presence of the Buddha.\nBut it’s possible that he might explain it like this:\n‘If you lead the spiritual life irrationally, you can’t win the fruit, regardless of whether you make a wish,\nyou don’t make a wish,\nyou both do and do not make a wish,\nor you neither do nor don’t make a wish.\nBut if you lead the spiritual life rationally, you can win the fruit, regardless of whether you make a wish,\nyou don’t make a wish,\nyou both do and do not make a wish,\nor you neither do nor don’t make a wish.’\nI haven’t heard and learned this in the presence of the Buddha.\nBut it’s possible that he might explain it like that.”"}},{"id":"mn126:5","sourceIds":["mn126:5.1"],"kind":"text","text":{"pi":"“Sace kho bhoto bhūmijassa satthā evaṁvādī evamakkhāyī, addhā bhoto bhūmijassa satthā sabbesaṁyeva puthusamaṇabrāhmaṇānaṁ muddhānaṁ maññe āhacca tiṭṭhatī”ti.","en":"“If that’s what your teacher says, worthy Bhūmija, he clearly stands head and shoulders above all the various other ascetics and brahmins.”"}},{"id":"mn126:6","sourceIds":["mn126:6.1"],"kind":"text","text":{"pi":"Atha kho jayaseno rājakumāro āyasmantaṁ bhūmijaṁ sakeneva thālipākena parivisi.","en":"Then Prince Jayasena served Venerable Bhūmija from his own dish."}},{"id":"mn126:7","sourceIds":["mn126:7.1","mn126:7.2","mn126:7.3","mn126:7.4","mn126:7.5","mn126:7.6","mn126:7.7","mn126:7.8","mn126:7.9","mn126:7.10","mn126:7.11","mn126:7.12","mn126:7.13","mn126:7.14","mn126:7.15","mn126:7.16","mn126:7.17","mn126:7.18","mn126:7.19","mn126:7.20","mn126:7.21","mn126:7.22","mn126:7.23","mn126:7.24","mn126:7.25"],"kind":"text","text":{"pi":"Atha kho āyasmā bhūmijo pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā bhūmijo bhagavantaṁ etadavoca:\n“idhāhaṁ, bhante, pubbaṇhasamayaṁ nivāsetvā pattacīvaramādāya yena jayasenassa rājakumārassa nivesanaṁ tenupasaṅkamiṁ; upasaṅkamitvā paññatte āsane nisīdiṁ.\nAtha kho, bhante, jayaseno rājakumāro yenāhaṁ tenupasaṅkami; upasaṅkamitvā mayā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho, bhante, jayaseno rājakumāro maṁ etadavoca:\n‘santi, bho bhūmija, eke samaṇabrāhmaṇā evaṁvādino evaṁdiṭṭhino—\nāsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā …pe…\nāsañca anāsañcepi karitvā brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāyā’ti.\n‘Idha bhoto bhūmijassa satthā kiṁvādī kimakkhāyī’ti?\nEvaṁ vutte, ahaṁ, bhante, jayasenaṁ rājakumāraṁ etadavocaṁ:\n‘na kho me taṁ, rājakumāra, bhagavato sammukhā sutaṁ, sammukhā paṭiggahitaṁ.\nṬhānañca kho etaṁ vijjati yaṁ bhagavā evaṁ byākareyya—\nāsañcepi karitvā ayoniso brahmacariyaṁ caranti, abhabbā phalassa adhigamāya;\nanāsañcepi karitvā ayoniso brahmacariyaṁ caranti, abhabbā phalassa adhigamāya;\nāsañca anāsañcepi karitvā ayoniso brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā ayoniso brahmacariyaṁ caranti, abhabbā phalassa adhigamāya.\nĀsañcepi karitvā yoniso brahmacariyaṁ caranti, bhabbā phalassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā yoniso brahmacariyaṁ caranti, bhabbā phalassa adhigamāyāti.\nNa kho me taṁ, rājakumāra, bhagavato sammukhā sutaṁ, sammukhā paṭiggahitaṁ.\nṬhānañca kho etaṁ vijjati yaṁ bhagavā evaṁ byākareyyā’ti.\n‘Sace bhoto bhūmijassa satthā evaṁvādī evamakkhāyī, addhā bhoto bhūmijassa satthā sabbesaṁyeva puthusamaṇabrāhmaṇānaṁ muddhānaṁ maññe āhacca tiṭṭhatī’ti.\n‘Kaccāhaṁ, bhante, evaṁ puṭṭho evaṁ byākaramāno vuttavādī ceva bhagavato homi, na ca bhagavantaṁ abhūtena abbhācikkhāmi, dhammassa cānudhammaṁ byākaromi, na ca koci sahadhammiko vādānuvādo gārayhaṁ ṭhānaṁ āgacchatī’”ti?","en":"Then after the meal, on his return from almsround, Bhūmija went to the Buddha, bowed, sat down to one side, and told him all that had happened, adding:\n“Answering this way, I trust that I repeated what the Buddha has said, and didn’t misrepresent him with an untruth. I trust my explanation was in line with the teaching, and that there are no legitimate grounds for rebuttal or criticism.”"}},{"id":"mn126:8","sourceIds":["mn126:8.1"],"kind":"text","text":{"pi":"“Taggha tvaṁ, bhūmija, evaṁ puṭṭho evaṁ byākaramāno vuttavādī ceva me hosi, na ca maṁ abhūtena abbhācikkhasi, dhammassa cānudhammaṁ byākarosi, na ca koci sahadhammiko vādānuvādo gārayhaṁ ṭhānaṁ āgacchati.","en":"“Indeed, Bhūmija, in answering this way you repeated what I’ve said, and didn’t misrepresent me with an untruth. Your explanation was in line with the teaching, and there are no legitimate grounds for rebuttal or criticism."}},{"id":"mn126:9","sourceIds":["mn126:9.1","mn126:9.2","mn126:9.3","mn126:9.4","mn126:9.5","mn126:9.6"],"kind":"text","text":{"pi":"Ye hi keci, bhūmija, samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā brahmacariyaṁ caranti, abhabbā phalassa adhigamāya;\nāsañca anāsañcepi karitvā brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāya.\nTaṁ kissa hetu?\nAyoni hesā, bhūmija, phalassa adhigamāya.","en":"There are some ascetics and brahmins who have wrong view, wrong purpose, wrong speech, wrong action, wrong livelihood, wrong effort, wrong mindfulness, and wrong immersion. If they lead the spiritual life, they can’t win the fruit, regardless of whether they make a wish,\nthey don’t make a wish,\nthey both do and do not make a wish,\nor they neither do nor don’t make a wish.\nWhy is that?\nBecause that’s an irrational way to win the fruit."}},{"id":"mn126:10","sourceIds":["mn126:10.1","mn126:10.2","mn126:10.3","mn126:10.4","mn126:10.5","mn126:10.6","mn126:10.7","mn126:10.8","mn126:10.9","mn126:10.10","mn126:10.11","mn126:10.12","mn126:10.13"],"kind":"text","text":{"pi":"Seyyathāpi, bhūmija, puriso telatthiko telagavesī telapariyesanaṁ caramāno vālikaṁ doṇiyā ākiritvā udakena paripphosakaṁ paripphosakaṁ pīḷeyya.\nĀsañcepi karitvā vālikaṁ doṇiyā ākiritvā udakena paripphosakaṁ paripphosakaṁ pīḷeyya, abhabbo telassa adhigamāya;\nanāsañcepi karitvā vālikaṁ doṇiyā ākiritvā udakena paripphosakaṁ paripphosakaṁ pīḷeyya, abhabbo telassa adhigamāya;\nāsañca anāsañcepi karitvā vālikaṁ doṇiyā ākiritvā udakena paripphosakaṁ paripphosakaṁ pīḷeyya, abhabbo telassa adhigamāya;\nnevāsaṁ nānāsañcepi karitvā vālikaṁ doṇiyā ākiritvā udakena paripphosakaṁ paripphosakaṁ pīḷeyya, abhabbo telassa adhigamāya.\nTaṁ kissa hetu?\nAyoni hesā, bhūmija, telassa adhigamāya.\nEvameva kho, bhūmija, ye hi keci samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā brahmacariyaṁ caranti, abhabbā phalassa adhigamāya;\nāsañca anāsañcepi karitvā brahmacariyaṁ caranti, abhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāya.\nTaṁ kissa hetu?\nAyoni hesā, bhūmija, phalassa adhigamāya.","en":"Suppose there was a person in need of oil. While wandering in search of oil, they tried heaping sand in a bucket, sprinkling it little by little with water, and pressing it out.\nBut by doing this, they couldn’t extract any oil, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s an irrational way to extract oil.\nAnd so it is for any ascetics and brahmins who have wrong view, wrong purpose, wrong speech, wrong action, wrong livelihood, wrong effort, wrong mindfulness, and wrong immersion. If they lead the spiritual life, they can’t win the fruit, regardless of whether or not they make a wish.\nWhy is that?\nBecause that’s an irrational way to win the fruit."}},{"id":"mn126:11","sourceIds":["mn126:11.1","mn126:11.2","mn126:11.3","mn126:11.4","mn126:11.5","mn126:11.6","mn126:11.7","mn126:11.8","mn126:11.9","mn126:11.10","mn126:11.11","mn126:11.12","mn126:11.13","mn126:11.14"],"kind":"text","text":{"pi":"Seyyathāpi, bhūmija, puriso khīratthiko khīragavesī khīrapariyesanaṁ caramāno gāviṁ taruṇavacchaṁ visāṇato āviñcheyya.\nĀsañcepi karitvā gāviṁ taruṇavacchaṁ visāṇato āviñcheyya, abhabbo khīrassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā gāviṁ taruṇavacchaṁ visāṇato āviñcheyya, abhabbo khīrassa adhigamāya.\nTaṁ kissa hetu?\nAyoni hesā, bhūmija, khīrassa adhigamāya.\nEvameva kho, bhūmija, ye hi keci samaṇā vā brāhmaṇā vā micchādiṭṭhino …pe…\nmicchāsamādhino te āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāya.\nTaṁ kissa hetu?\nAyoni hesā, bhūmija, phalassa adhigamāya.","en":"Suppose there was a person in need of milk. While wandering in search of milk, they tried pulling the horn of a newly-calved cow.\nBut by doing this, they couldn’t get any milk, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s an irrational way to get milk.\nAnd so it is for any ascetics and brahmins who have wrong view …\nBecause that’s an irrational way to win the fruit."}},{"id":"mn126:12","sourceIds":["mn126:12.1","mn126:12.2","mn126:12.3","mn126:12.4","mn126:12.5","mn126:12.6","mn126:12.7","mn126:12.8","mn126:12.9","mn126:12.10","mn126:12.11","mn126:12.12","mn126:12.13","mn126:12.14"],"kind":"text","text":{"pi":"Seyyathāpi, bhūmija, puriso navanītatthiko navanītagavesī navanītapariyesanaṁ caramāno udakaṁ kalase āsiñcitvā matthena āviñcheyya.\nĀsañcepi karitvā udakaṁ kalase āsiñcitvā matthena āviñcheyya, abhabbo navanītassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā udakaṁ kalase āsiñcitvā matthena āviñcheyya, abhabbo navanītassa adhigamāya.\nTaṁ kissa hetu?\nAyoni hesā, bhūmija, navanītassa adhigamāya.\nEvameva kho, bhūmija, ye hi keci samaṇā vā brāhmaṇā vā micchādiṭṭhino …pe…\nmicchāsamādhino te āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāya.\nTaṁ kissa hetu?\nAyoni hesā, bhūmija, phalassa adhigamāya.","en":"Suppose there was a person in need of butter. While wandering in search of butter, they tried pouring water into a pot and churning it with a stick.\nBut by doing this, they couldn’t produce any butter, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s an irrational way to produce butter.\nAnd so it is for any ascetics and brahmins who have wrong view …\nBecause that’s an irrational way to win the fruit."}},{"id":"mn126:13","sourceIds":["mn126:13.1","mn126:13.2","mn126:13.3","mn126:13.4","mn126:13.5","mn126:13.6","mn126:13.7","mn126:13.8","mn126:13.9","mn126:13.10","mn126:13.11","mn126:13.12","mn126:13.13","mn126:13.14"],"kind":"text","text":{"pi":"Seyyathāpi, bhūmija, puriso aggitthiko aggigavesī aggipariyesanaṁ caramāno allaṁ kaṭṭhaṁ sasnehaṁ uttarāraṇiṁ ādāya abhimantheyya.\nĀsañcepi karitvā allaṁ kaṭṭhaṁ sasnehaṁ uttarāraṇiṁ ādāya abhimantheyya, abhabbo aggissa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā allaṁ kaṭṭhaṁ sasnehaṁ uttarāraṇiṁ ādāya abhimantheyya, abhabbo aggissa adhigamāya.\nTaṁ kissa hetu?\nAyoni hesā, bhūmija, aggissa adhigamāya.\nEvameva kho, bhūmija, ye hi keci samaṇā vā brāhmaṇā vā micchādiṭṭhino …pe…\nmicchāsamādhino te āsañcepi karitvā brahmacariyaṁ caranti, abhabbā phalassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā brahmacariyaṁ caranti, abhabbā phalassa adhigamāya.\nTaṁ kissa hetu?\nAyoni hesā, bhūmija, phalassa adhigamāya.","en":"Suppose there was a person in need of fire. While wandering in search of fire, they tried drilling a green, sappy log with a drill-stick.\nBut by doing this, they couldn’t start a fire, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s an irrational way to start a fire.\nAnd so it is for any ascetics and brahmins who have wrong view …\nBecause that’s an irrational way to win the fruit."}},{"id":"mn126:14","sourceIds":["mn126:14.1","mn126:14.2","mn126:14.3","mn126:14.4","mn126:14.5","mn126:14.6"],"kind":"text","text":{"pi":"Ye hi keci, bhūmija, samaṇā vā brāhmaṇā vā sammādiṭṭhino sammāsaṅkappā sammāvācā sammākammantā sammāājīvā sammāvāyāmā sammāsatī sammāsamādhino te āsañcepi karitvā brahmacariyaṁ caranti, bhabbā phalassa adhigamāya;\nanāsañcepi karitvā brahmacariyaṁ caranti, bhabbā phalassa adhigamāya;\nāsañca anāsañcepi karitvā brahmacariyaṁ caranti, bhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, bhabbā phalassa adhigamāya.\nTaṁ kissa hetu?\nYoni hesā, bhūmija, phalassa adhigamāya.","en":"There are some ascetics and brahmins who have right view, right purpose, right speech, right action, right livelihood, right effort, right mindfulness, and right immersion. If they lead the spiritual life, they can win the fruit, regardless of whether they make a wish,\nthey don’t make a wish,\nthey both do and do not make a wish,\nor they neither do nor do not make a wish.\nWhy is that?\nBecause that’s a rational way to win the fruit."}},{"id":"mn126:15","sourceIds":["mn126:15.1","mn126:15.2","mn126:15.3","mn126:15.4","mn126:15.5","mn126:15.6","mn126:15.7","mn126:15.8","mn126:15.9","mn126:15.10","mn126:15.11","mn126:15.12","mn126:15.13","mn126:15.14"],"kind":"text","text":{"pi":"Seyyathāpi, bhūmija, puriso telatthiko telagavesī telapariyesanaṁ caramāno tilapiṭṭhaṁ doṇiyā ākiritvā udakena paripphosakaṁ paripphosakaṁ pīḷeyya.\nĀsañcepi karitvā tilapiṭṭhaṁ doṇiyā ākiritvā udakena paripphosakaṁ paripphosakaṁ pīḷeyya, bhabbo telassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā tilapiṭṭhaṁ doṇiyā ākiritvā udakena paripphosakaṁ paripphosakaṁ pīḷeyya, bhabbo telassa adhigamāya.\nTaṁ kissa hetu?\nYoni hesā, bhūmija, telassa adhigamāya.\nEvameva kho, bhūmija, ye hi keci samaṇā vā brāhmaṇā vā sammādiṭṭhino …pe…\nsammāsamādhino te āsañcepi karitvā brahmacariyaṁ caranti, bhabbā phalassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā brahmacariyaṁ caranti, bhabbā phalassa adhigamāya.\nTaṁ kissa hetu?\nYoni hesā, bhūmija, phalassa adhigamāya.","en":"Suppose there was a person in need of oil. While wandering in search of oil, they tried heaping sesame flour in a bucket, sprinkling it little by little with water, and pressing it out.\nBy doing this, they could extract oil, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s a rational way to extract oil.\nAnd so it is for any ascetics and brahmins who have right view …\nBecause that’s a rational way to win the fruit."}},{"id":"mn126:16","sourceIds":["mn126:16.1","mn126:16.2","mn126:16.3","mn126:16.4","mn126:16.5","mn126:16.6","mn126:16.7","mn126:16.8","mn126:16.9","mn126:16.10","mn126:16.11","mn126:16.12","mn126:16.13","mn126:16.14"],"kind":"text","text":{"pi":"Seyyathāpi, bhūmija, puriso khīratthiko khīragavesī khīrapariyesanaṁ caramāno gāviṁ taruṇavacchaṁ thanato āviñcheyya.\nĀsañcepi karitvā gāviṁ taruṇavacchaṁ thanato āviñcheyya, bhabbo khīrassa adhigamāya;\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā gāviṁ taruṇavacchaṁ thanato āviñcheyya, bhabbo khīrassa adhigamāya.\nTaṁ kissa hetu?\nYoni hesā, bhūmija, khīrassa adhigamāya.\nEvameva kho, bhūmija, ye hi keci samaṇā vā brāhmaṇā vā sammādiṭṭhino …pe…\nsammāsamādhino te āsañcepi karitvā …pe…\nanāsañcepi karitvā …pe…\nāsañca anāsañcepi karitvā …pe…\nnevāsaṁ nānāsañcepi karitvā brahmacariyaṁ caranti, bhabbā phalassa adhigamāya.\nTaṁ kissa hetu?\nYoni hesā, bhūmija, phalassa adhigamāya.","en":"Suppose there was a person in need of milk. While wandering in search of milk, they tried pulling the udder of a newly-calved cow.\nBy doing this, they could get milk, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s a rational way to get milk.\nAnd so it is for any ascetics and brahmins who have right view …\nBecause that’s a rational way to win the fruit."}},{"id":"mn126:17","sourceIds":["mn126:17.1","mn126:17.2","mn126:17.3","mn126:17.4","mn126:17.5","mn126:17.6","mn126:17.7","mn126:17.8","mn126:17.9","mn126:17.10","mn126:17.11","mn126:17.12","mn126:17.13","mn126:17.14"],"kind":"text","text":{"pi":"Seyyathāpi, bhūmija, puriso navanītatthiko navanītagavesī navanītapariyesanaṁ caramāno dadhiṁ kalase āsiñcitvā matthena āviñcheyya.\nĀsañcepi karitvā dadhiṁ kalase āsiñcitvā matthena āviñcheyya, bhabbo navanītassa adhigamāya;\nanāsañcepi karitvā …\nāsañca anāsañcepi karitvā …\nnevāsaṁ nānāsañcepi karitvā dadhiṁ kalase āsiñcitvā matthena āviñcheyya, bhabbo navanītassa adhigamāya.\nTaṁ kissa hetu?\nYoni hesā, bhūmija, navanītassa adhigamāya.\nEvameva kho, bhūmija, ye hi keci samaṇā vā brāhmaṇā vā sammādiṭṭhino …pe…\nsammāsamādhino te āsañcepi karitvā brahmacariyaṁ caranti, bhabbā phalassa adhigamāya;\nanāsañcepi karitvā …\nāsañca anāsañcepi karitvā …\nnevāsaṁ nānāsañcepi karitvā brahmacariyaṁ caranti, bhabbā phalassa adhigamāya.\nTaṁ kissa hetu?\nYoni hesā, bhūmija, phalassa adhigamāya.","en":"Suppose there was a person in need of butter. While wandering in search of butter, they tried pouring curds into a pot and churning them with a stick.\nBy doing this, they could produce butter, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s a rational way to produce butter.\nAnd so it is for any ascetics and brahmins who have right view …\nBecause that’s a rational way to win the fruit."}},{"id":"mn126:18","sourceIds":["mn126:18.1","mn126:18.2","mn126:18.3","mn126:18.4","mn126:18.5","mn126:18.6","mn126:18.7","mn126:18.8","mn126:18.9","mn126:18.10","mn126:18.11","mn126:18.12","mn126:18.13","mn126:18.14"],"kind":"text","text":{"pi":"Seyyathāpi, bhūmija, puriso aggitthiko aggigavesī aggipariyesanaṁ caramāno sukkhaṁ kaṭṭhaṁ koḷāpaṁ uttarāraṇiṁ ādāya abhimantheyya;\n(…) āsañcepi karitvā …\nanāsañcepi karitvā …\nāsañca anāsañcepi karitvā …\nnevāsaṁ nānāsañcepi karitvā sukkhaṁ kaṭṭhaṁ koḷāpaṁ uttarāraṇiṁ ādāya abhimantheyya, bhabbo aggissa adhigamāya.\nTaṁ kissa hetu?\nYoni hesā, bhūmija, aggissa adhigamāya.\nEvameva kho, bhūmija, ye hi keci samaṇā vā brāhmaṇā vā sammādiṭṭhino …pe…\nsammāsamādhino te āsañcepi karitvā brahmacariyaṁ caranti, bhabbā phalassa adhigamāya;\nanāsañcepi karitvā brahmacariyaṁ caranti, bhabbā phalassa adhigamāya;\nāsañca anāsañcepi karitvā brahmacariyaṁ caranti, bhabbā phalassa adhigamāya;\nnevāsaṁ nānāsañcepi karitvā brahmacariyaṁ caranti, bhabbā phalassa adhigamāya.\nTaṁ kissa hetu?\nYoni hesā, bhūmija, phalassa adhigamāya.","en":"Suppose there was a person in need of fire. While wandering in search of fire, they tried drilling a dried up, withered log with a drill-stick.\nBy doing this, they could start a fire, regardless of whether they made a wish,\ndidn’t make a wish,\nboth did and did not make a wish,\nor neither did nor did not make a wish.\nWhy is that?\nBecause that’s a rational way to start a fire.\nAnd so it is for any ascetics and brahmins who have right view …\nBecause that’s a rational way to win the fruit."}},{"id":"mn126:19","sourceIds":["mn126:19.1","mn126:19.2","mn126:19.3","mn126:19.4","mn126:19.5"],"kind":"text","text":{"pi":"Sace kho taṁ, bhūmija, jayasenassa rājakumārassa imā catasso upamā paṭibhāyeyyuṁ anacchariyaṁ te jayaseno rājakumāro pasīdeyya, pasanno ca te pasannākāraṁ kareyyā”ti.\n“Kuto pana maṁ, bhante, jayasenassa rājakumārassa imā catasso upamā paṭibhāyissanti anacchariyā pubbe assutapubbā, seyyathāpi bhagavantan”ti?\nIdamavoca bhagavā.\nAttamano āyasmā bhūmijo bhagavato bhāsitaṁ abhinandīti.\nBhūmijasuttaṁ niṭṭhitaṁ chaṭṭhaṁ.","en":"Bhūmija, it would be no wonder if, had these four similes occurred to you, Prince Jayasena would have gained confidence in you and shown his confidence.”\n“But sir, how could these four similes have occurred to me as they did to the Buddha, since they were neither supernaturally inspired, nor learned before in the past?”\nThat is what the Buddha said.\nSatisfied, Venerable Bhūmija approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn126/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}