{"id":"mn133","title":"Mahākaccāna and One Fine Night","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn133","title":"Mahākaccāna and One Fine Night","units":[{"id":"mn133:0","sourceIds":["mn133:0.1","mn133:0.2"],"kind":"text","text":{"pi":"Majjhima Nikāya 133\nMahākaccānabhaddekarattasutta","en":"Middle Discourses 133\nMahākaccāna and One Fine Night"}},{"id":"mn133:1","sourceIds":["mn133:1.1","mn133:1.2","mn133:1.3","mn133:1.4","mn133:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati tapodārāme.\nAtha kho āyasmā samiddhi rattiyā paccūsasamayaṁ paccuṭṭhāya yena tapodo tenupasaṅkami gattāni parisiñcituṁ.\nTapode gattāni parisiñcitvā paccuttaritvā ekacīvaro aṭṭhāsi gattāni pubbāpayamāno.\nAtha kho aññatarā devatā abhikkantāya rattiyā abhikkantavaṇṇā kevalakappaṁ tapodaṁ obhāsetvā yenāyasmā samiddhi tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhitā kho sā devatā āyasmantaṁ samiddhiṁ etadavoca:","en":"So I have heard.\nAt one time the Buddha was staying near Rājagaha in the Hot Springs Monastery.\nThen Venerable Samiddhi rose at the crack of dawn and went to the hot springs to bathe.\nWhen he had bathed and emerged from the water he stood in one robe drying his limbs.\nThen, late at night, a glorious deity, lighting up the entire hot springs, went up to Samiddhi, stood to one side, and said to Samiddhi:"}},{"id":"mn133:2","sourceIds":["mn133:2.1","mn133:2.2","mn133:2.3","mn133:2.4","mn133:2.5","mn133:2.6","mn133:2.7","mn133:2.8","mn133:2.9","mn133:2.10","mn133:2.11","mn133:2.12","mn133:2.13","mn133:2.14"],"kind":"text","text":{"pi":"“dhāresi tvaṁ, bhikkhu, bhaddekarattassa uddesañca vibhaṅgañcā”ti?\n“Na kho ahaṁ, āvuso, dhāremi bhaddekarattassa uddesañca vibhaṅgañca.\nTvaṁ panāvuso, dhāresi bhaddekarattassa uddesañca vibhaṅgañcā”ti?\n“Ahampi kho, bhikkhu, na dhāremi bhaddekarattassa uddesañca vibhaṅgañca.\nDhāresi pana tvaṁ, bhikkhu, bhaddekarattiyo gāthā”ti?\n“Na kho ahaṁ, āvuso, dhāremi bhaddekarattiyo gāthāti.\nTvaṁ panāvuso, dhāresi bhaddekarattiyo gāthā”ti?\n“Ahampi kho, bhikkhu na dhāremi bhaddekarattiyo gāthāti.\nUggaṇhāhi tvaṁ, bhikkhu, bhaddekarattassa uddesañca vibhaṅgañca;\npariyāpuṇāhi tvaṁ, bhikkhu, bhaddekarattassa uddesañca vibhaṅgañca;\ndhārehi tvaṁ, bhikkhu, bhaddekarattassa uddesañca vibhaṅgañca.\nAtthasaṁhito, bhikkhu, bhaddekarattassa uddeso ca vibhaṅgo ca ādibrahmacariyako”ti.\nIdamavoca sā devatā.\nIdaṁ vatvā tatthevantaradhāyi.","en":"“Mendicant, do you remember the summary recital and the analysis of the one who has one fine night?”\n“No, reverend, I do not.\nDo you?”\n“I also do not.\nBut do you remember just the verses on the one who has one fine night?”\n“I do not.\nDo you?”\n“I also do not.\nLearn the summary recital and the analysis of the one who has one fine night, mendicant,\nmemorize it,\nand remember it.\nIt is beneficial and relevant to the fundamentals of the spiritual life.”\nThat is what that deity said,\nbefore vanishing right there."}},{"id":"mn133:3","sourceIds":["mn133:3.1","mn133:3.2","mn133:3.3","mn133:3.4","mn133:3.5"],"kind":"text","text":{"pi":"Atha kho āyasmā samiddhi tassā rattiyā accayena yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā samiddhi bhagavantaṁ etadavoca:\n“Idhāhaṁ, bhante, rattiyā paccūsasamayaṁ paccuṭṭhāya yena tapodo tenupasaṅkamiṁ gattāni parisiñcituṁ.\nTapode gattāni parisiñcitvā paccuttaritvā ekacīvaro aṭṭhāsiṁ gattāni pubbāpayamāno.\nAtha kho bhante, aññatarā devatā abhikkantāya rattiyā abhikkantavaṇṇā kevalakappaṁ tapodaṁ obhāsetvā yenāhaṁ tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhitā kho sā devatā maṁ etadavoca:\n‘dhāresi tvaṁ, bhikkhu, bhaddekarattassa uddesañca vibhaṅgañcā’ti?","en":"Then, when the night had passed, Samiddhi went to the Buddha, bowed, sat down to one side, and told him what had happened. Then he added:"}},{"id":"mn133:4","sourceIds":["mn133:4.1","mn133:4.2","mn133:4.3","mn133:4.4","mn133:4.5","mn133:4.6","mn133:4.7","mn133:4.8","mn133:4.9","mn133:4.10","mn133:4.11","mn133:4.12","mn133:4.13","mn133:4.14","mn133:4.15","mn133:4.16","mn133:4.17","mn133:4.18"],"kind":"text","text":{"pi":"Evaṁ vutte, ahaṁ, bhante, taṁ devataṁ etadavocaṁ:\n‘na kho ahaṁ, āvuso, dhāremi bhaddekarattassa uddesañca vibhaṅgañca.\nTvaṁ panāvuso, dhāresi bhaddekarattassa uddesañca vibhaṅgañcā’ti?\n‘Ahampi kho, bhikkhu, na dhāremi bhaddekarattassa uddesañca vibhaṅgañca.\nDhāresi pana tvaṁ, bhikkhu, bhaddekarattiyo gāthā’ti?\n‘Na kho ahaṁ, āvuso, dhāremi bhaddekarattiyo gāthāti.\nTvaṁ panāvuso, dhāresi bhaddekarattiyo gāthā’ti?\n‘Ahampi kho, bhikkhu, na dhāremi bhaddekarattiyo gāthāti.\nUggaṇhāhi tvaṁ, bhikkhu, bhaddekarattassa uddesañca vibhaṅgañca;\npariyāpuṇāhi tvaṁ, bhikkhu, bhaddekarattassa uddesañca vibhaṅgañca;\ndhārehi tvaṁ, bhikkhu, bhaddekarattassa uddesañca vibhaṅgañca.\nAtthasaṁhito, bhikkhu, bhaddekarattassa uddeso ca vibhaṅgo ca ādibrahmacariyako’ti.\nIdamavoca, bhante, sā devatā.\nIdaṁ vatvā tatthevantaradhāyi.\nSādhu me, bhante, bhagavā bhaddekarattassa uddesañca vibhaṅgañca desetū”ti.\n“Tena hi, bhikkhu, suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho āyasmā samiddhi bhagavato paccassosi.\nBhagavā etadavoca:","en":"“Sir, please teach me the summary recital and the analysis of the one who has one fine night.”\n“Well then, mendicant, listen and apply your mind well, I will speak.”\n“Yes, sir,” Samiddhi replied.\nThe Buddha said this:"}},{"id":"mn133:5","sourceIds":["mn133:5.1","mn133:5.2","mn133:5.3","mn133:5.4","mn133:5.5","mn133:5.6","mn133:5.7","mn133:5.8","mn133:5.9","mn133:5.10","mn133:5.11","mn133:5.12","mn133:5.13","mn133:5.14","mn133:5.15","mn133:5.16"],"kind":"text","text":{"pi":"“Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī”ti.","en":"“Don’t run back to the past,\ndon’t anticipate the future.\nWhat’s past is left behind,\nthe future has not arrived;\nand any present phenomenon\nyou clearly discern in every case.\nThe unfaltering, the unshakable:\nhaving known that, foster it.\nToday’s the day to keenly work—\nwho knows, tomorrow may bring death!\nFor there is no bargain to be struck\nwith Death and his mighty horde.\nOne who keenly meditates like this,\ntireless all night and day:\nthat’s who has one fine night—\nso declares the peaceful sage.”"}},{"id":"mn133:6","sourceIds":["mn133:6.1","mn133:6.2"],"kind":"text","text":{"pi":"Idamavoca bhagavā;\nidaṁ vatvāna sugato uṭṭhāyāsanā vihāraṁ pāvisi.","en":"That is what the Buddha said.\nWhen he had spoken, the Holy One rose from his seat and entered his dwelling."}},{"id":"mn133:7","sourceIds":["mn133:7.1","mn133:7.2","mn133:7.3","mn133:7.4","mn133:7.5","mn133:7.6","mn133:7.7","mn133:7.8","mn133:7.9","mn133:7.10","mn133:7.11","mn133:7.12","mn133:7.13","mn133:7.14","mn133:7.15","mn133:7.16","mn133:7.17","mn133:7.18","mn133:7.19","mn133:7.20","mn133:7.21","mn133:7.22","mn133:7.23","mn133:7.24","mn133:7.25","mn133:7.26","mn133:7.27","mn133:7.28","mn133:7.29","mn133:7.30","mn133:7.31","mn133:7.32","mn133:7.33","mn133:7.34","mn133:7.35","mn133:7.36"],"kind":"text","text":{"pi":"Atha kho tesaṁ bhikkhūnaṁ, acirapakkantassa bhagavato, etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?\nAtha kho tesaṁ bhikkhūnaṁ etadahosi:\n“ayaṁ kho āyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ;\npahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā”ti.\nAtha kho te bhikkhū yenāyasmā mahākaccāno tenupasaṅkamiṁsu; upasaṅkamitvā āyasmatā mahākaccānena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ mahākaccānaṁ etadavocuṁ:\n“idaṁ kho no, āvuso kaccāna, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti.\nTesaṁ no, āvuso kaccāna, amhākaṁ, acirapakkantassa bhagavato, etadahosi—\nidaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti.","en":"Soon after the Buddha left, those mendicants considered,\n“The Buddha gave this brief summary recital, then entered his dwelling without explaining the meaning in detail. …\nWho can explain in detail the meaning of this brief summary given by the Buddha?”\nThen those mendicants thought:\n“This Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nLet’s go to him, and ask him about this matter.”\nThen those mendicants went to Mahākaccāna, and exchanged greetings with him.\nWhen the greetings and polite conversation were over, they sat down to one side. They told him what had happened, and said:"}},{"id":"mn133:8","sourceIds":["mn133:8.1","mn133:8.2","mn133:8.3","mn133:8.4","mn133:8.5","mn133:8.6"],"kind":"text","text":{"pi":"Ko nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyāti?\nTesaṁ no, āvuso kaccāna, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā’ti.\nVibhajatāyasmā mahākaccāno”ti.","en":"“May Venerable Mahākaccāna please explain this.”"}},{"id":"mn133:9","sourceIds":["mn133:9.1","mn133:9.2","mn133:9.3","mn133:9.4"],"kind":"text","text":{"pi":"“Seyyathāpi, āvuso, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva mūlaṁ atikkamma khandhaṁ sākhāpalāse sāraṁ pariyesitabbaṁ maññeyya;\nevaṁsampadamidaṁ āyasmantānaṁ satthari sammukhībhūte taṁ bhagavantaṁ atisitvā amhe etamatthaṁ paṭipucchitabbaṁ maññatha.\nSo hāvuso, bhagavā jānaṁ jānāti, passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyātha, yathā vo bhagavā byākareyya tathā naṁ dhāreyyāthā”ti.","en":"“Reverends, suppose there was a person in need of heartwood. And while wandering in search of heartwood he’d come across a large tree standing with heartwood. But he’d pass over the roots and trunk, imagining that the heartwood should be sought in the branches and leaves.\nSuch is the consequence for the venerables. Though you were face to face with the Buddha, you bypassed him, imagining that you should ask me about this matter.\nFor he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter. You should have remembered it in line with the Buddha’s answer.”"}},{"id":"mn133:10","sourceIds":["mn133:10.1","mn133:10.2","mn133:10.3","mn133:10.4","mn133:10.5","mn133:10.6"],"kind":"text","text":{"pi":"“Addhāvuso kaccāna, bhagavā jānaṁ jānāti, passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyāma;\nyathā no bhagavā byākareyya tathā naṁ dhāreyyāma.\nApi cāyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ;\npahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nVibhajatāyasmā mahākaccāno agaruṁ karitvā”ti.","en":"“Certainly he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nWe should have remembered it in line with the Buddha’s answer.\nStill, Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nPlease explain this, if it’s no trouble.”"}},{"id":"mn133:11","sourceIds":["mn133:11.1","mn133:11.2","mn133:11.3"],"kind":"text","text":{"pi":"“Tena hāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato mahākaccānassa paccassosuṁ.\nĀyasmā mahākaccāno etadavoca:","en":"“Well then, reverends, listen and apply your mind well, I will speak.”\n“Yes, reverend,” they replied.\nVenerable Mahākaccāna said this:"}},{"id":"mn133:12","sourceIds":["mn133:12.1","mn133:12.2","mn133:12.3","mn133:12.4","mn133:12.5","mn133:12.6"],"kind":"text","text":{"pi":"“Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti.\nImassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi—","en":"“Reverends, the Buddha gave this brief summary recital, then entered his dwelling without explaining the meaning in detail:\n‘Don’t run back to the past …\nthat’s who has one fine night—\nso declares the peaceful sage.’\nAnd this is how I understand the detailed meaning of this summary recital."}},{"id":"mn133:13","sourceIds":["mn133:13.1","mn133:13.2","mn133:13.3","mn133:13.4","mn133:13.5","mn133:13.6","mn133:13.7","mn133:13.8","mn133:13.9","mn133:13.10"],"kind":"text","text":{"pi":"Kathañca, āvuso, atītaṁ anvāgameti?\nIti me cakkhu ahosi atītamaddhānaṁ iti rūpāti—\ntattha chandarāgappaṭibaddhaṁ hoti viññāṇaṁ, chandarāgappaṭibaddhattā viññāṇassa tadabhinandati, tadabhinandanto atītaṁ anvāgameti.\nIti me sotaṁ ahosi atītamaddhānaṁ iti saddāti …pe…\niti me ghānaṁ ahosi atītamaddhānaṁ iti gandhāti …\niti me jivhā ahosi atītamaddhānaṁ iti rasāti …\niti me kāyo ahosi atītamaddhānaṁ iti phoṭṭhabbāti …\niti me mano ahosi atītamaddhānaṁ iti dhammāti—\ntattha chandarāgappaṭibaddhaṁ hoti viññāṇaṁ, chandarāgappaṭibaddhattā viññāṇassa tadabhinandati, tadabhinandanto atītaṁ anvāgameti—\nevaṁ kho, āvuso, atītaṁ anvāgameti.","en":"And how do you run back to the past?\nConsciousness gets tied up there with desire and lust, thinking: ‘In the past I had such eyes and such sights.’\nSo you take pleasure in that, and that’s when you run back to the past.\nConsciousness gets tied up there with desire and lust, thinking: ‘In the past I had such ears and such sounds …\nsuch a nose and such smells …\nsuch a tongue and such tastes …\nsuch a body and such touches …\nsuch a mind and such ideas.’\nSo you take pleasure in that, and that’s when you run back to the past.\nThat’s how you run back to the past."}},{"id":"mn133:14","sourceIds":["mn133:14.1","mn133:14.2","mn133:14.3","mn133:14.4","mn133:14.5","mn133:14.6","mn133:14.7","mn133:14.8","mn133:14.9","mn133:14.10"],"kind":"text","text":{"pi":"Kathañca, āvuso, atītaṁ nānvāgameti?\nIti me cakkhu ahosi atītamaddhānaṁ iti rūpāti—\ntattha na chandarāgappaṭibaddhaṁ hoti viññāṇaṁ, na chandarāgappaṭibaddhattā viññāṇassa na tadabhinandati, na tadabhinandanto atītaṁ nānvāgameti.\nIti me sotaṁ ahosi atītamaddhānaṁ iti saddāti …pe…\niti me ghānaṁ ahosi atītamaddhānaṁ iti gandhāti …\niti me jivhā ahosi atītamaddhānaṁ iti rasāti …\niti me kāyo ahosi atītamaddhānaṁ iti phoṭṭhabbāti …\niti me mano ahosi atītamaddhānaṁ iti dhammāti—\ntattha na chandarāgappaṭibaddhaṁ hoti viññāṇaṁ, na chandarāgappaṭibaddhattā viññāṇassa, na tadabhinandati, na tadabhinandanto atītaṁ nānvāgameti—\nevaṁ kho, āvuso, atītaṁ nānvāgameti.","en":"And how do you not run back to the past?\nConsciousness doesn’t get tied up there with desire and lust, thinking: ‘In the past I had such eyes and such sights.’\nSo you don’t take pleasure in that, and that’s when you no longer run back to the past.\nConsciousness doesn’t get tied up there with desire and lust, thinking: ‘In the past I had such ears and such sounds …\nsuch a nose and such smells …\nsuch a tongue and such tastes …\nsuch a body and such touches …\nsuch a mind and such ideas.’\nSo you don’t take pleasure in that, and that’s when you no longer run back to the past.\nThat’s how you don’t run back to the past."}},{"id":"mn133:15","sourceIds":["mn133:15.1","mn133:15.2","mn133:15.3","mn133:15.4","mn133:15.5","mn133:15.6","mn133:15.7","mn133:15.8","mn133:15.9","mn133:15.10"],"kind":"text","text":{"pi":"Kathañca, āvuso, anāgataṁ paṭikaṅkhati?\nIti me cakkhu siyā anāgatamaddhānaṁ iti rūpāti—\nappaṭiladdhassa paṭilābhāya cittaṁ paṇidahati, cetaso paṇidhānapaccayā tadabhinandati, tadabhinandanto anāgataṁ paṭikaṅkhati.\nIti me sotaṁ siyā anāgatamaddhānaṁ iti saddāti …pe…\niti me ghānaṁ siyā anāgatamaddhānaṁ iti gandhāti …\niti me jivhā siyā anāgatamaddhānaṁ iti rasāti …\niti me kāyo siyā anāgatamaddhānaṁ iti phoṭṭhabbāti …\niti me mano siyā anāgatamaddhānaṁ iti dhammāti—\nappaṭiladdhassa paṭilābhāya cittaṁ paṇidahati, cetaso paṇidhānapaccayā tadabhinandati, tadabhinandanto anāgataṁ paṭikaṅkhati—\nevaṁ kho, āvuso, anāgataṁ paṭikaṅkhati.","en":"And how do you anticipate the future?\nThe heart is set on getting what it does not have, thinking: ‘May I have such eyes and such sights in the future.’\nSo you take pleasure in that, and that’s when you anticipate the future.\nThe heart is set on getting what it does not have, thinking: ‘May I have such ears and such sounds …\nsuch a nose and such smells …\nsuch a tongue and such tastes …\nsuch a body and such touches …\nsuch a mind and such ideas in the future.’\nSo you take pleasure in that, and that’s when you anticipate the future.\nThat’s how you anticipate the future."}},{"id":"mn133:16","sourceIds":["mn133:16.1","mn133:16.2","mn133:16.3","mn133:16.4","mn133:16.5","mn133:16.6","mn133:16.7","mn133:16.8","mn133:16.9","mn133:16.10"],"kind":"text","text":{"pi":"Kathañca, āvuso, anāgataṁ nappaṭikaṅkhati?\nIti me cakkhu siyā anāgatamaddhānaṁ iti rūpāti—\nappaṭiladdhassa paṭilābhāya cittaṁ nappaṇidahati, cetaso appaṇidhānapaccayā na tadabhinandati, na tadabhinandanto anāgataṁ nappaṭikaṅkhati.\nIti me sotaṁ siyā anāgatamaddhānaṁ iti saddāti …pe…\niti me ghānaṁ siyā anāgatamaddhānaṁ iti gandhāti …\niti me jivhā siyā anāgatamaddhānaṁ iti rasāti …\niti me kāyo siyā anāgatamaddhānaṁ iti phoṭṭhabbāti …\niti me mano siyā anāgatamaddhānaṁ iti dhammāti—\nappaṭiladdhassa paṭilābhāya cittaṁ nappaṇidahati, cetaso appaṇidhānapaccayā na tadabhinandati, na tadabhinandanto anāgataṁ nappaṭikaṅkhati—\nevaṁ kho, āvuso, anāgataṁ nappaṭikaṅkhati.","en":"And how do you not anticipate the future?\nThe heart is not set on getting what it does not have, thinking: ‘May I have such eyes and such sights in the future.’\nSo you don’t take pleasure in that, and that’s when you no longer anticipate the future.\nThe heart is not set on getting what it does not have, thinking: ‘May I have such ears and such sounds …\nsuch a nose and such smells …\nsuch a tongue and such tastes …\nsuch a body and such touches …\nsuch a mind and such ideas in the future.’\nSo you don’t take pleasure in that, and that’s when you no longer anticipate the future.\nThat’s how you don’t anticipate the future."}},{"id":"mn133:17","sourceIds":["mn133:17.1","mn133:17.2","mn133:17.3","mn133:17.4","mn133:17.5","mn133:17.6","mn133:17.7","mn133:17.8","mn133:17.9","mn133:17.10","mn133:17.11","mn133:17.12"],"kind":"text","text":{"pi":"Kathañca, āvuso, paccuppannesu dhammesu saṁhīrati?\nYañcāvuso, cakkhu ye ca rūpā—\nubhayametaṁ paccuppannaṁ.\nTasmiñce paccuppanne chandarāgappaṭibaddhaṁ hoti viññāṇaṁ, chandarāgappaṭibaddhattā viññāṇassa tadabhinandati, tadabhinandanto paccuppannesu dhammesu saṁhīrati.\nYañcāvuso, sotaṁ ye ca saddā …pe…\nyañcāvuso, ghānaṁ ye ca gandhā …\nyā cāvuso, jivhā ye ca rasā …\nyo cāvuso, kāyo ye ca phoṭṭhabbā …\nyo cāvuso, mano ye ca dhammā—\nubhayametaṁ paccuppannaṁ.\nTasmiñce paccuppanne chandarāgappaṭibaddhaṁ hoti viññāṇaṁ, chandarāgappaṭibaddhattā viññāṇassa tadabhinandati, tadabhinandanto paccuppannesu dhammesu saṁhīrati—\nevaṁ kho, āvuso, paccuppannesu dhammesu saṁhīrati.","en":"And how do you falter amid presently arisen phenomena?\nBoth the eye and sights\nare presently arisen.\nIf consciousness gets tied up there in the present with desire and lust, you take pleasure in that, and that’s when you falter amid presently arisen phenomena.\nBoth the ear and sounds …\nnose and smells …\ntongue and tastes …\nbody and touches …\nmind and ideas\nare presently arisen.\nIf consciousness gets tied up there in the present with desire and lust, you take pleasure in that, and that’s when you falter amid presently arisen phenomena.\nThat’s how you falter amid presently arisen phenomena."}},{"id":"mn133:18","sourceIds":["mn133:18.1","mn133:18.2","mn133:18.3","mn133:18.4","mn133:18.5","mn133:18.6","mn133:18.7","mn133:18.8","mn133:18.9","mn133:18.10","mn133:18.11","mn133:18.12"],"kind":"text","text":{"pi":"Kathañca, āvuso, paccuppannesu dhammesu na saṁhīrati?\nYañcāvuso, cakkhu ye ca rūpā—\nubhayametaṁ paccuppannaṁ.\nTasmiñce paccuppanne na chandarāgappaṭibaddhaṁ hoti viññāṇaṁ, na chandarāgappaṭibaddhattā viññāṇassa na tadabhinandati, na tadabhinandanto paccuppannesu dhammesu na saṁhīrati.\nYañcāvuso, sotaṁ ye ca saddā …pe…\nyañcāvuso, ghānaṁ ye ca gandhā …\nyā cāvuso, jivhā ye ca rasā …\nyo cāvuso, kāyo ye ca phoṭṭhabbā …\nyo cāvuso, mano ye ca dhammā—\nubhayametaṁ paccuppannaṁ.\nTasmiñce paccuppanne na chandarāgappaṭibaddhaṁ hoti viññāṇaṁ, na chandarāgappaṭibaddhattā viññāṇassa na tadabhinandati, na tadabhinandanto paccuppannesu dhammesu na saṁhīrati—\nevaṁ kho, āvuso, paccuppannesu dhammesu na saṁhīrati.","en":"And how do you not falter amid presently arisen phenomena?\nBoth the eye and sights\nare presently arisen.\nIf consciousness doesn’t get tied up there in the present with desire and lust, you don’t take pleasure in that, and that’s when you no longer falter amid presently arisen phenomena.\nBoth the ear and sounds …\nnose and smells …\ntongue and tastes …\nbody and touches …\nmind and ideas\nare presently arisen.\nIf consciousness doesn’t get tied up there in the present with desire and lust, you don’t take pleasure in that, and that’s when you no longer falter amid presently arisen phenomena.\nThat’s how you don’t falter amid presently arisen phenomena."}},{"id":"mn133:19","sourceIds":["mn133:19.1","mn133:19.2","mn133:19.3","mn133:19.4","mn133:19.5","mn133:19.6","mn133:19.7","mn133:19.8"],"kind":"text","text":{"pi":"Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti.\nImassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe āyasmanto bhagavantaṁyeva upasaṅkamitvā etamatthaṁ paṭipuccheyyātha,\nyathā vo bhagavā byākaroti tathā naṁ dhāreyyāthā”ti.","en":"This is how I understand the detailed meaning of that brief summary recital given by the Buddha.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"mn133:20","sourceIds":["mn133:20.1","mn133:20.2","mn133:20.3","mn133:20.4","mn133:20.5","mn133:20.6","mn133:20.7","mn133:20.8","mn133:20.9","mn133:20.10","mn133:20.11","mn133:20.12","mn133:20.13","mn133:20.14","mn133:20.15","mn133:20.16","mn133:20.17","mn133:20.18","mn133:20.19","mn133:20.20","mn133:20.21","mn133:20.22","mn133:20.23","mn133:20.24","mn133:20.25","mn133:20.26","mn133:20.27","mn133:20.28","mn133:20.29","mn133:20.30","mn133:20.31"],"kind":"text","text":{"pi":"Atha kho te bhikkhū āyasmato mahākaccānassa bhāsitaṁ abhinanditvā anumoditvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“yaṁ kho no, bhante, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti.\nTesaṁ no, bhante, amhākaṁ, acirapakkantassa bhagavato, etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n“Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī”ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, bhante, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā’ti.\nAtha kho mayaṁ, bhante, yenāyasmā mahākaccāno tenupasaṅkamimha; upasaṅkamitvā āyasmantaṁ mahākaccānaṁ etamatthaṁ paṭipucchimha.\nTesaṁ no, bhante, āyasmatā mahākaccānena imehi ākārehi imehi padehi imehi byañjanehi attho vibhatto”ti.","en":"Then those mendicants, approving and agreeing with what Mahākaccāna said, rose from their seats and went to the Buddha, bowed, sat down to one side, and told him what had happened, adding:\n“Mahākaccāna clearly explained the meaning to us in this manner, with these words and phrases.”"}},{"id":"mn133:21","sourceIds":["mn133:21.1","mn133:21.2","mn133:21.3","mn133:21.4","mn133:21.5","mn133:21.6"],"kind":"text","text":{"pi":"“Paṇḍito, bhikkhave, mahākaccāno; mahāpañño, bhikkhave mahākaccāno.\nMañcepi tumhe, bhikkhave, etamatthaṁ paṭipuccheyyātha, ahampi taṁ evamevaṁ byākareyyaṁ yathā taṁ mahākaccānena byākataṁ.\nEso cevetassa attho. Evañca naṁ dhārethā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nMahākaccānabhaddekarattasuttaṁ niṭṭhitaṁ tatiyaṁ.","en":"“Mahākaccāna is astute, mendicants, he has great wisdom.\nIf you came to me and asked this question, I would answer it in exactly the same way as Mahākaccāna.\nThat is what it means, and that’s how you should remember it.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn133/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}