{"id":"mn134","title":"Lomasakaṅgiya and One Fine Night","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn134","title":"Lomasakaṅgiya and One Fine Night","units":[{"id":"mn134:0","sourceIds":["mn134:0.1","mn134:0.2"],"kind":"text","text":{"pi":"Majjhima Nikāya 134\nLomasakaṅgiyabhaddekarattasutta","en":"Middle Discourses 134\nLomasakaṅgiya and One Fine Night"}},{"id":"mn134:1","sourceIds":["mn134:1.1","mn134:1.2","mn134:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā lomasakaṅgiyo sakkesu viharati kapilavatthusmiṁ nigrodhārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Venerable Lomasakaṅgiya was staying in the Sakyan country at Kapilavatthu in the Banyan Tree Monastery."}},{"id":"mn134:2","sourceIds":["mn134:2.1","mn134:2.2","mn134:2.3","mn134:2.4","mn134:2.5","mn134:2.6","mn134:2.7","mn134:2.8","mn134:2.9","mn134:2.10","mn134:2.11","mn134:2.12"],"kind":"text","text":{"pi":"Atha kho candano devaputto abhikkantāya rattiyā abhikkantavaṇṇo kevalakappaṁ nigrodhārāmaṁ obhāsetvā yenāyasmā lomasakaṅgiyo tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhito kho candano devaputto āyasmantaṁ lomasakaṅgiyaṁ etadavoca:\n“dhāresi tvaṁ, bhikkhu, bhaddekarattassa uddesañca vibhaṅgañcā”ti?\n“Na kho ahaṁ, āvuso, dhāremi bhaddekarattassa uddesañca vibhaṅgañca.\nTvaṁ panāvuso, dhāresi bhaddekarattassa uddesañca vibhaṅgañcā”ti?\n“Ahampi kho, bhikkhu, na dhāremi bhaddekarattassa uddesañca vibhaṅgañca.\nDhāresi pana tvaṁ, bhikkhu, bhaddekarattiyo gāthā”ti?\n“Na kho ahaṁ, āvuso, dhāremi bhaddekarattiyo gāthā.\nTvaṁ panāvuso, dhāresi bhaddekarattiyo gāthā”ti?\n“Dhāremi kho ahaṁ, bhikkhu, bhaddekarattiyo gāthā”ti.\n“Yathā kathaṁ pana tvaṁ, āvuso, dhāresi bhaddekarattiyo gāthā”ti?\n“Ekamidaṁ, bhikkhu, samayaṁ bhagavā devesu tāvatiṁsesu viharati pāricchattakamūle paṇḍukambalasilāyaṁ.\nTatra bhagavā devānaṁ tāvatiṁsānaṁ bhaddekarattassa uddesañca vibhaṅgañca abhāsi:","en":"Then, late at night, the glorious godling Candana, lighting up the entire Banyan Tree Monastery, went up to the Venerable Lomasakaṅgiya, and stood to one side. Standing to one side, he said to Lomasakaṅgiya:\n“Mendicant, do you remember the summary recital and the analysis of the one who has one fine night?”\n“No, reverend, I do not.\nDo you?”\n“I also do not.\nBut do you remember just the verses on the one who has one fine night?”\n“I do not.\nDo you?”\n“I do.”\n“How do you remember the verses on the one who has one fine night?”\n“This one time, the Buddha was staying among the gods of the thirty-three at the root of the Orchid Tree on the stone spread with a cream rug.\nThere he taught the summary recital and the analysis of the one who has one fine night to the gods of the thirty-three:"}},{"id":"mn134:3","sourceIds":["mn134:3.1","mn134:3.2","mn134:3.3","mn134:3.4","mn134:3.5","mn134:3.6","mn134:3.7","mn134:3.8","mn134:3.9","mn134:3.10","mn134:3.11","mn134:3.12","mn134:3.13","mn134:3.14","mn134:3.15","mn134:3.16"],"kind":"text","text":{"pi":"‘Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī’ti.","en":"‘Don’t run back to the past,\ndon’t anticipate the future.\nWhat’s past is left behind,\nthe future has not arrived;\nand any present phenomenon\nyou clearly discern in every case.\nThe unfaltering, the unshakable:\nhaving known that, foster it.\nToday’s the day to keenly work—\nwho knows, tomorrow may bring death!\nFor there is no bargain to be struck\nwith Death and his mighty horde.\nOne who keenly meditates like this,\ntireless all night and day:\nthat’s who has one fine night—\nso declares the peaceful sage.’"}},{"id":"mn134:4","sourceIds":["mn134:4.1","mn134:4.2","mn134:4.3","mn134:4.4","mn134:4.5","mn134:4.6","mn134:4.7"],"kind":"text","text":{"pi":"Evaṁ kho ahaṁ, bhikkhu, dhāremi bhaddekarattiyo gāthā.\nUggaṇhāhi tvaṁ, bhikkhu, bhaddekarattassa uddesañca vibhaṅgañca;\npariyāpuṇāhi tvaṁ, bhikkhu, bhaddekarattassa uddesañca vibhaṅgañca;\ndhārehi tvaṁ, bhikkhu, bhaddekarattassa uddesañca vibhaṅgañca.\nAtthasaṁhito, bhikkhu, bhaddekarattassa uddeso ca vibhaṅgo ca ādibrahmacariyako”ti.\nIdamavoca candano devaputto.\nIdaṁ vatvā tatthevantaradhāyi.","en":"That’s how I remember the verses of the one who has one fine night.\nLearn the summary recital and the analysis of the one who has one fine night, mendicant,\nmemorize it,\nand remember it.\nIt is beneficial and relevant to the fundamentals of the spiritual life.”\nThat is what the godling Candana said\nbefore vanishing right there."}},{"id":"mn134:5","sourceIds":["mn134:5.1","mn134:5.2","mn134:5.3","mn134:5.4","mn134:5.5","mn134:5.6","mn134:5.7","mn134:5.8","mn134:5.9","mn134:5.10","mn134:5.11","mn134:5.12","mn134:5.13","mn134:5.14","mn134:5.15","mn134:5.16","mn134:5.17","mn134:5.18","mn134:5.19","mn134:5.20","mn134:5.21","mn134:5.22","mn134:5.23","mn134:5.24","mn134:5.25","mn134:5.26","mn134:5.27","mn134:5.28"],"kind":"text","text":{"pi":"Atha kho āyasmā lomasakaṅgiyo tassā rattiyā accayena senāsanaṁ saṁsāmetvā pattacīvaramādāya yena sāvatthi tena cārikaṁ pakkāmi.\nAnupubbena cārikaṁ caramāno yena sāvatthi jetavanaṁ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā lomasakaṅgiyo bhagavantaṁ etadavoca:\n“Ekamidāhaṁ, bhante, samayaṁ sakkesu viharāmi kapilavatthusmiṁ nigrodhārāme.\nAtha kho, bhante, aññataro devaputto abhikkantāya rattiyā abhikkantavaṇṇo kevalakappaṁ nigrodhārāmaṁ obhāsetvā yenāhaṁ tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhito kho, bhante, so devaputto maṁ etadavoca:\n‘dhāresi tvaṁ, bhikkhu, bhaddekarattassa uddesañca vibhaṅgañcā’ti?\nEvaṁ vutte, ahaṁ, bhante, taṁ devaputtaṁ etadavocaṁ:\n‘na kho ahaṁ, āvuso, dhāremi bhaddekarattassa uddesañca vibhaṅgañca.\nTvaṁ panāvuso, dhāresi bhaddekarattassa uddesañca vibhaṅgañcā’ti?\n‘Ahampi kho, bhikkhu, na dhāremi bhaddekarattassa uddesañca vibhaṅgañca.\nDhāresi pana tvaṁ, bhikkhu, bhaddekarattiyo gāthā’ti?\n‘Na kho ahaṁ, āvuso, dhāremi bhaddekarattiyo gāthā.\nTvaṁ panāvuso, dhāresi bhaddekarattiyo gāthā’ti?\n‘Dhāremi kho ahaṁ, bhikkhu, bhaddekarattiyo gāthā’ti.\n‘Yathā kathaṁ pana tvaṁ, āvuso, dhāresi bhaddekarattiyo gāthā’ti?\n‘Ekamidaṁ, bhikkhu, samayaṁ bhagavā devesu tāvatiṁsesu viharati pāricchattakamūle paṇḍukambalasilāyaṁ.\nTatra kho bhagavā devānaṁ tāvatiṁsānaṁ bhaddekarattassa uddesañca vibhaṅgañca abhāsi:\n“Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī”ti.\nEvaṁ kho ahaṁ, bhikkhu, dhāremi bhaddekarattiyo gāthā.\nUggaṇhāhi tvaṁ, bhikkhu, bhaddekarattassa uddesañca vibhaṅgañca;\npariyāpuṇāhi tvaṁ, bhikkhu, bhaddekarattassa uddesañca vibhaṅgañca;\ndhārehi tvaṁ, bhikkhu, bhaddekarattassa uddesañca vibhaṅgañca.\nAtthasaṁhito, bhikkhu, bhaddekarattassa uddeso ca vibhaṅgo ca ādibrahmacariyako’ti.\nIdamavoca, bhante, so devaputto.\nIdaṁ vatvā tatthevantaradhāyi.\nSādhu me, bhante, bhagavā bhaddekarattassa uddesañca vibhaṅgañca desetū”ti.","en":"Then Lomasakaṅgiya set his lodgings in order and, taking his bowl and robe, set out for Sāvatthī.\nEventually he came to Sāvatthī and Jeta’s Grove. He went up to the Buddha, bowed, sat down to one side, and told him what had happened. Then he added:\n“Sir, please teach me the summary recital and the analysis of the one who has one fine night.”"}},{"id":"mn134:6","sourceIds":["mn134:6.1","mn134:6.2","mn134:6.3","mn134:6.4","mn134:6.5","mn134:6.6","mn134:6.7"],"kind":"text","text":{"pi":"“Jānāsi pana tvaṁ, bhikkhu, taṁ devaputtan”ti?\n“Na kho ahaṁ, bhante, jānāmi taṁ devaputtan”ti.\n“Candano nāma so, bhikkhu, devaputto.\nCandano, bhikkhu, devaputto aṭṭhiṁ katvā manasikatvā sabbacetasā samannāharitvā ohitasoto dhammaṁ suṇāti.\nTena hi, bhikkhu, suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho āyasmā lomasakaṅgiyo bhagavato paccassosi.\nBhagavā etadavoca:","en":"“But mendicant, do you know that god?”\n“I do not, sir.”\n“That godling was named Candana.\nCandana pays attention, applies the mind, concentrates wholeheartedly, and actively listens to the teaching.\nWell then, mendicant, listen and apply your mind well, I will speak.”\n“Yes, sir,” Lomasakaṅgiya replied.\nThe Buddha said this:"}},{"id":"mn134:7","sourceIds":["mn134:7.1","mn134:7.2","mn134:7.3","mn134:7.4","mn134:7.5","mn134:7.6","mn134:7.7","mn134:7.8","mn134:7.9","mn134:7.10","mn134:7.11","mn134:7.12","mn134:7.13","mn134:7.14","mn134:7.15","mn134:7.16"],"kind":"text","text":{"pi":"“Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate muni.","en":"“Don’t run back to the past,\ndon’t anticipate the future.\nWhat’s past is left behind,\nthe future has not arrived;\nand any present phenomenon\nyou clearly discern in every case.\nThe unfaltering, the unshakable:\nhaving known that, foster it.\nToday’s the day to keenly work—\nwho knows, tomorrow may bring death!\nFor there is no bargain to be struck\nwith Death and his mighty horde.\nOne who keenly meditates like this,\ntireless all night and day:\nthat’s who has one fine night—\nso declares the peaceful sage."}},{"id":"mn134:8-13","sourceIds":["mn134:8-13.1","mn134:8-13.2","mn134:8-13.3","mn134:8-13.4","mn134:8-13.5","mn134:8-13.6","mn134:8-13.7","mn134:8-13.8","mn134:8-13.9","mn134:8-13.10","mn134:8-13.11","mn134:8-13.12"],"kind":"text","text":{"pi":"Kathañca, bhikkhu, atītaṁ anvāgameti …pe…\nevaṁ kho, bhikkhu, atītaṁ anvāgameti.\nKathañca, bhikkhu, atītaṁ nānvāgameti …pe…\nevaṁ kho, bhikkhu, atītaṁ nānvāgameti.\nKathañca, bhikkhu, anāgataṁ paṭikaṅkhati …pe…\nevaṁ kho, bhikkhu, anāgataṁ paṭikaṅkhati.\nKathañca, bhikkhu, anāgataṁ nappaṭikaṅkhati …pe…\nevaṁ kho, bhikkhu, anāgataṁ nappaṭikaṅkhati.\nKathañca, bhikkhu, paccuppannesu dhammesu saṁhīrati …pe…\nevaṁ kho, bhikkhu, paccuppannesu dhammesu saṁhīrati.\nKathañca, bhikkhu, paccuppannesu dhammesu na saṁhīrati …pe…\nevaṁ kho, bhikkhu, paccuppannesu dhammesu na saṁhīrati.","en":"And how do you run back to the past? …”"}},{"id":"mn134:14","sourceIds":["mn134:14.1","mn134:14.2","mn134:14.3","mn134:14.4","mn134:14.5","mn134:14.6","mn134:14.7","mn134:14.8","mn134:14.9","mn134:14.10","mn134:14.11","mn134:14.12","mn134:14.13","mn134:14.14","mn134:14.15","mn134:14.16","mn134:14.17","mn134:14.18","mn134:14.19"],"kind":"text","text":{"pi":"Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī”ti.\nIdamavoca bhagavā.\nAttamano āyasmā lomasakaṅgiyo bhagavato bhāsitaṁ abhinandīti.\nLomasakaṅgiyabhaddekarattasuttaṁ niṭṭhitaṁ catutthaṁ.","en":"That is what the Buddha said.\nSatisfied, Venerable Lomasakaṅgiya approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn134/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}