{"id":"mn69","title":"With Gulissāni","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn69","title":"With Gulissāni","units":[{"id":"mn69:0","sourceIds":["mn69:0.1","mn69:0.2"],"kind":"text","text":{"pi":"Majjhima Nikāya 69\nGoliyānisutta","en":"Middle Discourses 69\nWith Gulissāni"}},{"id":"mn69:1","sourceIds":["mn69:1.1","mn69:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground."}},{"id":"mn69:2","sourceIds":["mn69:2.1","mn69:2.2"],"kind":"text","text":{"pi":"Tena kho pana samayena goliyāni nāma bhikkhu āraññiko padasamācāro saṅghamajjhe osaṭo hoti kenacideva karaṇīyena.\nTatra kho āyasmā sāriputto goliyāniṁ bhikkhuṁ ārabbha bhikkhū āmantesi:","en":"Now at that time a wilderness mendicant of boorish behavior named Gulissāni had come down to the midst of the Saṅgha on some business.\nThere Venerable Sāriputta spoke to the mendicants about Gulissāni:"}},{"id":"mn69:3","sourceIds":["mn69:3.1","mn69:3.2","mn69:3.3","mn69:3.4","mn69:3.5"],"kind":"text","text":{"pi":"“Āraññikenāvuso, bhikkhunā saṅghagatena saṅghe viharantena sabrahmacārīsu sagāravena bhavitabbaṁ sappatissena.\nSace, āvuso, āraññiko bhikkhu saṅghagato saṅghe viharanto sabrahmacārīsu agāravo hoti appatisso, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena, yo ayamāyasmā sabrahmacārīsu agāravo hoti appatisso’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena sabrahmacārīsu sagāravena bhavitabbaṁ sappatissena.","en":"“Reverends, a wilderness monk who has come to stay in the Saṅgha should have respect and reverence for his spiritual companions.\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he has no respect and reverence for his spiritual companions?’\nThat’s why a wilderness monk who has come to stay in the Saṅgha should have respect and reverence for his spiritual companions."}},{"id":"mn69:4","sourceIds":["mn69:4.1","mn69:4.2","mn69:4.3","mn69:4.4","mn69:4.5","mn69:4.6","mn69:4.7","mn69:4.8","mn69:4.9","mn69:4.10","mn69:4.11"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena āsanakusalena bhavitabbaṁ:\n‘iti there ca bhikkhū nānupakhajja nisīdissāmi nave ca bhikkhū na āsanena paṭibāhissāmī’ti.\nSace, āvuso, āraññiko bhikkhu saṅghagato saṅghe viharanto na āsanakusalo hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena, yo ayamāyasmā āsanakusalo na hotī’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena āsanakusalena bhavitabbaṁ.\nĀraññikenāvuso, bhikkhunā saṅghagatena saṅghe viharantena ābhisamācārikopi dhammo jānitabbo.\nSace, āvuso, āraññiko bhikkhu saṅghagato saṅghe viharanto ābhisamācārikampi dhammaṁ na jānāti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā ābhisamācārikampi dhammaṁ na jānātī’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena ābhisamācārikopi dhammo jānitabbo.","en":"A wilderness monk who has come to stay in the Saṅgha should be careful where he sits, thinking:\n‘I shall sit so that I don’t intrude on the senior monks and I don’t block the junior monks from a seat.’\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s not careful where he sits?’\nThat’s why a wilderness monk who has come to stay in the Saṅgha should be careful where he sits.\nA wilderness monk who has come to stay in the Saṅgha should know even the supplementary regulations.\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he doesn’t even know the supplementary regulations?’\nThat’s why a wilderness monk who has come to stay in the Saṅgha should know even the supplementary regulations."}},{"id":"mn69:5","sourceIds":["mn69:5.1","mn69:5.2","mn69:5.3","mn69:5.4","mn69:5.5"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena nātikālena gāmo pavisitabbo nātidivā paṭikkamitabbaṁ.\nSace, āvuso, āraññiko bhikkhu saṅghagato saṅghe viharanto atikālena gāmaṁ pavisati atidivā paṭikkamati, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā atikālena gāmaṁ pavisati atidivā paṭikkamatī’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena nātikālena gāmo pavisitabbo, nātidivā paṭikkamitabbaṁ.","en":"A wilderness monk who has come to stay in the Saṅgha shouldn’t enter the village too early or return too late in the day.\nIf he does so, there’ll be some who say:\n‘What’s the point of this wilderness venerable’s staying alone and autonomous in the wilderness, since he enters the village too early or returns too late in the day?’\nThat’s why a wilderness monk who has come to stay in the Saṅgha shouldn’t enter the village too early or return too late in the day."}},{"id":"mn69:6","sourceIds":["mn69:6.1","mn69:6.2","mn69:6.3","mn69:6.4","mn69:6.5"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena na purebhattaṁ pacchābhattaṁ kulesu cārittaṁ āpajjitabbaṁ.\nSace, āvuso, āraññiko bhikkhu saṅghagato saṅghe viharanto purebhattaṁ pacchābhattaṁ kulesu cārittaṁ āpajjati, tassa bhavanti vattāro.\n‘Ayaṁ nūnimassāyasmato āraññikassa ekassāraññe serivihārena viharato vikālacariyā bahulīkatā, tamenaṁ saṅghagatampi samudācaratī’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena na purebhattaṁ pacchābhattaṁ kulesu cārittaṁ āpajjitabbaṁ.","en":"A wilderness monk who has come to stay in the Saṅgha shouldn’t have relations with  families before or after the meal.\nIf he does so, there’ll be some who say:\n‘This wilderness venerable, staying alone and autonomous in the wilderness, must be used to wandering about at the wrong time, since he behaves like this when he’s come to the Saṅgha.’\nThat’s why a wilderness monk who has come to stay in the Saṅgha shouldn’t have relations with families before or after the meal."}},{"id":"mn69:7","sourceIds":["mn69:7.1","mn69:7.2","mn69:7.3","mn69:7.4","mn69:7.5"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena anuddhatena bhavitabbaṁ acapalena.\nSace, āvuso, āraññiko bhikkhu saṅghagato saṅghe viharanto uddhato hoti capalo, tassa bhavanti vattāro.\n‘Idaṁ nūnimassāyasmato āraññikassa ekassāraññe serivihārena viharato uddhaccaṁ cāpalyaṁ bahulīkataṁ, tamenaṁ saṅghagatampi samudācaratī’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena anuddhatena bhavitabbaṁ acapalena.","en":"A wilderness monk who has come to stay in the Saṅgha shouldn’t be restless and fickle.\nIf he is, there’ll be some who say:\n‘This wilderness venerable, staying alone and autonomous in the wilderness, must be used to being restless and fickle, since he behaves like this when he’s come to the Saṅgha.’\nThat’s why a wilderness monk who has come to stay in the Saṅgha shouldn’t be restless and fickle."}},{"id":"mn69:8","sourceIds":["mn69:8.1","mn69:8.2","mn69:8.3","mn69:8.4","mn69:8.5"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena amukharena bhavitabbaṁ avikiṇṇavācena.\nSace, āvuso, āraññiko bhikkhu saṅghagato saṅghe viharanto mukharo hoti vikiṇṇavāco, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā mukharo vikiṇṇavāco’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena amukharena bhavitabbaṁ avikiṇṇavācena.","en":"A wilderness monk who has come to stay in the Saṅgha shouldn’t be scurrilous and loose-tongued.\nIf he is, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s scurrilous and loose-tongued?’\nThat’s why a wilderness monk who has come to stay in the Saṅgha shouldn’t be scurrilous and loose-tongued."}},{"id":"mn69:9","sourceIds":["mn69:9.1","mn69:9.2","mn69:9.3","mn69:9.4","mn69:9.5"],"kind":"text","text":{"pi":"Āraññikenāvuso, bhikkhunā saṅghagatena saṅghe viharantena suvacena bhavitabbaṁ kalyāṇamittena.\nSace, āvuso, āraññiko bhikkhu saṅghagato saṅghe viharanto dubbaco hoti pāpamitto, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā dubbaco pāpamitto’ti—\ntassa bhavanti vattāro.\nTasmā āraññikena bhikkhunā saṅghagatena saṅghe viharantena suvacena bhavitabbaṁ kalyāṇamittena.","en":"A wilderness monk who has come to stay in the Saṅgha should be easy to admonish, with good friends.\nIf he’s hard to admonish, with bad friends, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s hard to admonish, with bad friends?’\nThat’s why a wilderness monk who has come to stay in the Saṅgha should be easy to admonish, with good friends."}},{"id":"mn69:10","sourceIds":["mn69:10.1","mn69:10.2","mn69:10.3","mn69:10.4","mn69:10.5"],"kind":"text","text":{"pi":"Āraññikenāvuso, bhikkhunā indriyesu guttadvārena bhavitabbaṁ.\nSace, āvuso, āraññiko bhikkhu indriyesu aguttadvāro hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā indriyesu aguttadvāro’ti—\ntassa bhavanti vattāro.\nTasmā āraññikena bhikkhunā indriyesu guttadvārena bhavitabbaṁ.","en":"A wilderness monk should guard the sense doors.\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he doesn’t guard the sense doors?’\nThat’s why a wilderness monk should guard the sense doors."}},{"id":"mn69:11","sourceIds":["mn69:11.1","mn69:11.2","mn69:11.3","mn69:11.4","mn69:11.5"],"kind":"text","text":{"pi":"Āraññikenāvuso, bhikkhunā bhojane mattaññunā bhavitabbaṁ.\nSace, āvuso, āraññiko bhikkhu bhojane amattaññū hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā bhojane amattaññū’ti—\ntassa bhavanti vattāro.\nTasmā āraññikena bhikkhunā bhojane mattaññunā bhavitabbaṁ.","en":"A wilderness monk should eat in moderation.\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he eats too much?’\nThat’s why a wilderness monk should eat in moderation."}},{"id":"mn69:12","sourceIds":["mn69:12.1","mn69:12.2","mn69:12.3","mn69:12.4","mn69:12.5"],"kind":"text","text":{"pi":"Āraññikenāvuso, bhikkhunā jāgariyaṁ anuyuttena bhavitabbaṁ.\nSace, āvuso, āraññiko bhikkhu jāgariyaṁ ananuyutto hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā jāgariyaṁ ananuyutto’ti—\ntassa bhavanti vattāro.\nTasmā āraññikena bhikkhunā jāgariyaṁ anuyuttena bhavitabbaṁ.","en":"A wilderness monk should be committed to wakefulness.\nIf he isn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s not committed to wakefulness?’\nThat’s why a wilderness monk should be committed to wakefulness."}},{"id":"mn69:13","sourceIds":["mn69:13.1","mn69:13.2","mn69:13.3","mn69:13.4","mn69:13.5"],"kind":"text","text":{"pi":"Āraññikenāvuso, bhikkhunā āraddhavīriyena bhavitabbaṁ.\nSace, āvuso, āraññiko bhikkhu kusīto hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā kusīto’ti—\ntassa bhavanti vattāro.\nTasmā āraññikena bhikkhunā āraddhavīriyena bhavitabbaṁ.","en":"A wilderness monk should be energetic.\nIf he isn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s not energetic?’\nThat’s why a wilderness monk should be energetic."}},{"id":"mn69:14","sourceIds":["mn69:14.1","mn69:14.2","mn69:14.3","mn69:14.4","mn69:14.5"],"kind":"text","text":{"pi":"Āraññikenāvuso, bhikkhunā upaṭṭhitassatinā bhavitabbaṁ.\nSace, āvuso, āraññiko bhikkhu muṭṭhassatī hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā muṭṭhassatī’ti—\ntassa bhavanti vattāro.\nTasmā āraññikena bhikkhunā upaṭṭhitassatinā bhavitabbaṁ.","en":"A wilderness monk should be mindful.\nIf he isn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s not mindful?’\nThat’s why a wilderness monk should be mindful."}},{"id":"mn69:15","sourceIds":["mn69:15.1","mn69:15.2","mn69:15.3","mn69:15.4","mn69:15.5"],"kind":"text","text":{"pi":"Āraññikenāvuso, bhikkhunā samāhitena bhavitabbaṁ.\nSace, āvuso, āraññiko bhikkhu asamāhito hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā asamāhito’ti—\ntassa bhavanti vattāro.\nTasmā āraññikena bhikkhunā samāhitena bhavitabbaṁ.","en":"A wilderness monk should have immersion.\nIf he doesn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he doesn’t have immersion?’\nThat’s why a wilderness monk should have immersion."}},{"id":"mn69:16","sourceIds":["mn69:16.1","mn69:16.2","mn69:16.3","mn69:16.4","mn69:16.5"],"kind":"text","text":{"pi":"Āraññikenāvuso, bhikkhunā paññavatā bhavitabbaṁ.\nSace, āvuso, āraññiko bhikkhu duppañño hoti, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā duppañño’ti—\ntassa bhavanti vattāro.\nTasmā āraññikena bhikkhunā paññavatā bhavitabbaṁ.","en":"A wilderness monk should be wise.\nIf he isn’t, there’ll be some who say:\n‘What’s the point of this wilderness venerable’s staying alone and autonomous in the wilderness, since he’s not wise?’\nThat’s why a wilderness monk should be wise."}},{"id":"mn69:17","sourceIds":["mn69:17.1","mn69:17.2","mn69:17.3","mn69:17.4","mn69:17.5","mn69:17.6"],"kind":"text","text":{"pi":"Āraññikenāvuso, bhikkhunā abhidhamme abhivinaye yogo karaṇīyo.\nSantāvuso, āraññikaṁ bhikkhuṁ abhidhamme abhivinaye pañhaṁ pucchitāro.\nSace, āvuso, āraññiko bhikkhu abhidhamme abhivinaye pañhaṁ puṭṭho na sampāyati, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā abhidhamme abhivinaye pañhaṁ puṭṭho na sampāyatī’ti—\ntassa bhavanti vattāro.\nTasmā āraññikena bhikkhunā abhidhamme abhivinaye yogo karaṇīyo.","en":"A wilderness monk should make an effort in regards to the teaching and training.\nThere are those who will question a wilderness monk about the teaching and training.\nIf he is stumped, there’ll be some who say:\n‘What’s the point of this wilderness venerable’s staying alone and autonomous in the wilderness, since he is stumped by a question about the teaching and training?’\nThat’s why a wilderness monk should make an effort to learn the teaching and training."}},{"id":"mn69:18","sourceIds":["mn69:18.1","mn69:18.2","mn69:18.3","mn69:18.4","mn69:18.5","mn69:18.6"],"kind":"text","text":{"pi":"Āraññikenāvuso, bhikkhunā ye te santā vimokkhā atikkamma rūpe āruppā tattha yogo karaṇīyo.\nSantāvuso, āraññikaṁ bhikkhuṁ ye te santā vimokkhā atikkamma rūpe āruppā tattha pañhaṁ pucchitāro.\nSace, āvuso, āraññiko bhikkhu ye te santā vimokkhā atikkamma rūpe āruppā tattha pañhaṁ puṭṭho na sampāyati, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā ye te santā vimokkhā atikkamma rūpe āruppā tattha pañhaṁ puṭṭho na sampāyatī’ti—\ntassa bhavanti vattāro.\nTasmā āraññikena bhikkhunā ye te santā vimokkhā atikkamma rūpe āruppā tattha yogo karaṇīyo.","en":"A wilderness monk should practice meditation to realize the peaceful liberations that are formless, transcending form.\nThere are those who will question a wilderness monk about the formless liberations.\nIf he is stumped, there’ll be some who say:\n‘What’s the point of this wilderness venerable’s staying alone and autonomous in the wilderness, since he is stumped by a question about the formless liberations?’\nThat’s why a wilderness monk should practice meditation to realize the peaceful liberations that are formless, transcending form."}},{"id":"mn69:19","sourceIds":["mn69:19.1","mn69:19.2","mn69:19.3","mn69:19.4","mn69:19.5","mn69:19.6","mn69:19.7","mn69:19.8","mn69:19.9","mn69:19.10"],"kind":"text","text":{"pi":"Āraññikenāvuso, bhikkhunā uttari manussadhamme yogo karaṇīyo.\nSantāvuso, āraññikaṁ bhikkhuṁ uttari manussadhamme pañhaṁ pucchitāro.\nSace, āvuso, āraññiko bhikkhu uttari manussadhamme pañhaṁ puṭṭho na sampāyati, tassa bhavanti vattāro.\n‘Kiṁ panimassāyasmato āraññikassa ekassāraññe serivihārena yo ayamāyasmā yassatthāya pabbajito tamatthaṁ na jānātī’ti—\ntassa bhavanti vattāro.\nTasmā āraññikena bhikkhunā uttari manussadhamme yogo karaṇīyo”ti.\nEvaṁ vutte, āyasmā mahāmoggallāno āyasmantaṁ sāriputtaṁ etadavoca:\n“āraññikeneva nu kho, āvuso sāriputta, bhikkhunā ime dhammā samādāya vattitabbā udāhu gāmantavihārināpī”ti?\n“Āraññikenāpi kho, āvuso moggallāna, bhikkhunā ime dhammā samādāya vattitabbā pageva gāmantavihārinā”ti.\nGoliyānisuttaṁ niṭṭhitaṁ navamaṁ.","en":"A wilderness monk should practice meditation to realize the superhuman state.\nThere are those who will question a wilderness monk about the superhuman state.\nIf he is stumped, there’ll be some who say:\n‘What’s the point of this wilderness venerable’s staying alone and autonomous in the wilderness, since he doesn’t know the goal for which he went forth?’\nThat’s why a wilderness monk should practice meditation to realize the superhuman state.”\nWhen Venerable Sāriputta said this, Venerable Mahāmoggallāna said to him,\n“Reverend Sāriputta, should these things be undertaken and followed only by wilderness monks, or by those who live within a village as well?”\n“Reverend Moggallāna, these things should be undertaken and followed by wilderness monks, and still more by those who live within a village.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn69/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}