{"id":"ne35","title":"Samāropanahārasampāta","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ne35","title":"Samāropanahārasampāta","units":[{"id":"ne35:0","sourceIds":["ne35:0.1","ne35:0.2","ne35:0.3","ne35:0.4"],"kind":"text","text":{"pi":"Netti\nPaṭiniddesavāra\nSampāta 16\nSamāropanahārasampāta"}},{"id":"ne35:1","sourceIds":["ne35:1.1"],"kind":"text","text":{"pi":"Tattha katamo samāropano hārasampāto?"}},{"id":"ne35:2","sourceIds":["ne35:2.1","ne35:2.2","ne35:2.3","ne35:2.4","ne35:2.5","ne35:2.6"],"kind":"text","text":{"pi":"“Tasmā rakkhitacittassa,\nsammāsaṅkappagocaro;\nSammādiṭṭhipurekkhāro,\nñatvāna udayabbayaṁ;\nThinamiddhābhibhū bhikkhu,\nsabbā duggatiyo jahe”ti."}},{"id":"ne35:3","sourceIds":["ne35:3.1","ne35:3.2","ne35:3.3","ne35:3.4","ne35:3.5","ne35:3.6"],"kind":"text","text":{"pi":"“Tasmā rakkhitacittassā”ti tiṇṇaṁ sucaritānaṁ padaṭṭhānaṁ, citte rakkhite taṁ rakkhitaṁ bhavati kāyakammaṁ vacīkammaṁ manokammaṁ.\nSammādiṭṭhipurekkhāroti sammādiṭṭhiyā bhāvitāya bhāvito bhavati ariyo aṭṭhaṅgiko maggo.\nKena kāraṇena?\nSammādiṭṭhito hi sammāsaṅkappo pabhavati, sammāsaṅkappato sammāvācā pabhavati, sammāvācāto sammākammanto pabhavati, sammākammantato sammāājīvo pabhavati, sammāājīvato sammāvāyāmo pabhavati, sammāvāyāmato sammāsati pabhavati, sammāsatito sammāsamādhi pabhavati, sammāsamādhito sammāvimutti pabhavati, sammāvimuttito sammāvimuttiñāṇadassanaṁ pabhavati.\nAyaṁ anupādiseso puggalo anupādisesā ca nibbānadhātu.\nNiyutto samāropano hārasampāto."}},{"id":"ne35:4","sourceIds":["ne35:4.1"],"kind":"text","text":{"pi":"Tenāha āyasmā mahākaccāyano—"}},{"id":"ne35:5","sourceIds":["ne35:5.1","ne35:5.2","ne35:5.3","ne35:5.4","ne35:5.5"],"kind":"text","text":{"pi":"“Soḷasa hārā paṭhamaṁ,\nDisalocanato disā viloketvā;\nSaṅkhipiya aṅkusena hi,\nNayehi tīhi niddise suttan”ti.\nNiyutto hārasampāto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ne35/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}