{"id":"pli-tv-bu-vb-np23","title":"Storing the five tonics too long","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np23","title":"Storing the five tonics too long","units":[{"id":"pli-tv-bu-vb-np23:0","sourceIds":["pli-tv-bu-vb-np23:0.1","pli-tv-bu-vb-np23:0.2","pli-tv-bu-vb-np23:0.3","pli-tv-bu-vb-np23:0.4","pli-tv-bu-vb-np23:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nPattavagga\n23. Bhesajjasikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on almsbowls\nStoring the five tonics too long"}},{"id":"pli-tv-bu-vb-np23:1.1","sourceIds":["pli-tv-bu-vb-np23:1.1.0","pli-tv-bu-vb-np23:1.1.1","pli-tv-bu-vb-np23:1.1.2","pli-tv-bu-vb-np23:1.1.3","pli-tv-bu-vb-np23:1.1.4","pli-tv-bu-vb-np23:1.1.5","pli-tv-bu-vb-np23:1.1.6","pli-tv-bu-vb-np23:1.1.7","pli-tv-bu-vb-np23:1.1.8","pli-tv-bu-vb-np23:1.1.9","pli-tv-bu-vb-np23:1.1.10","pli-tv-bu-vb-np23:1.1.11","pli-tv-bu-vb-np23:1.1.12","pli-tv-bu-vb-np23:1.1.13","pli-tv-bu-vb-np23:1.1.14","pli-tv-bu-vb-np23:1.1.15","pli-tv-bu-vb-np23:1.1.16","pli-tv-bu-vb-np23:1.1.17","pli-tv-bu-vb-np23:1.1.18","pli-tv-bu-vb-np23:1.1.19","pli-tv-bu-vb-np23:1.1.20","pli-tv-bu-vb-np23:1.1.21","pli-tv-bu-vb-np23:1.1.22","pli-tv-bu-vb-np23:1.1.23","pli-tv-bu-vb-np23:1.1.24","pli-tv-bu-vb-np23:1.1.25","pli-tv-bu-vb-np23:1.1.26","pli-tv-bu-vb-np23:1.1.27"],"kind":"text","text":{"en":"Origin story\nAt one time when the Buddha was staying at Sāvatthī in Anāthapiṇḍika’s Monastery,\nVenerable Pilindavaccha was clearing a slope near Rājagaha, intending to build a shelter.\nJust then King Seniya Bimbisāra of Magadha went to Pilindavaccha, bowed, sat down, and said, “Venerable, what are you having made?”\n“I’m clearing a slope, great king. I want to build a shelter.”\n“Do you need a monastery worker?”\n“The Buddha hasn’t allowed monastery workers.”\n“Well then, sir, please ask the Buddha and tell me the outcome.”\n“Yes, great king.”\nPilindavaccha then instructed, inspired, and gladdened King Bimbisāra with a teaching,\nafter which the king got up from his seat, bowed down, circumambulated Pilindavaccha with his right side toward him, and left.\nSoon afterwards Pilindavaccha sent a message to the Buddha:\n“Sir, King Seniya Bimbisāra of Magadha wishes to provide a monastery worker.\nWhat should I tell him?”\nThe Buddha then gave a teaching and addressed the monks:\n“Monks, I allow monastery workers.”\nOnce again King Bimbisāra went to Pilindavaccha, bowed, sat down, and said,\n“Sir, has the Buddha allowed monastery workers?”\n“Yes, great king.”\n“Well then, I’ll provide you with a monastery worker.”\nBut after making this promise, he forgot, and only remembered after a long time. He then addressed the official in charge of all practical affairs: “Listen, has the monastery worker I promised been provided?”\n“No, sir, he hasn’t.”\n“How long has it been since we made that promise?”\nThe official counted the days and said, “It’s been five hundred days.”\n“Well then, provide him with five hundred monastery workers.”\n“Yes.”\nThe official provided Pilindavaccha with those monastery workers and a separate village was established.\nThey called it “The Monastery Workers’ Village” and “Pilinda Village”.","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā pilindavaccho rājagahe pabbhāraṁ sodhāpeti leṇaṁ kattukāmo.\nAtha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi. Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—“kiṁ, bhante, thero kārāpetī”ti?\n“Pabbhāraṁ, mahārāja, sodhāpemi leṇaṁ kattukāmo”ti.\n“Attho, bhante, ayyassa ārāmikenā”ti?\n“Na kho, mahārāja, bhagavatā ārāmiko anuññāto”ti.\n“Tena hi, bhante, bhagavantaṁ paṭipucchitvā mama āroceyyāthā”ti.\n“Evaṁ, mahārājā”ti kho āyasmā pilindavaccho rañño māgadhassa seniyassa bimbisārassa paccassosi.\nAtha kho āyasmā pilindavaccho rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi.\nAtha kho rājā māgadho seniyo bimbisāro āyasmatā pilindavacchena dhammiyā kathāya sandassito samādapito samuttejito sampahaṁsito uṭṭhāyāsanā āyasmantaṁ pilindavacchaṁ abhivādetvā padakkhiṇaṁ katvā pakkāmi.\nAtha kho āyasmā pilindavaccho bhagavato santike dūtaṁ pāhesi—\n“rājā, bhante, māgadho seniyo bimbisāro ārāmikaṁ dātukāmo.\nKathaṁ nu kho, bhante, mayā paṭipajjitabban”ti?\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, ārāmikan”ti.\nDutiyampi kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi. Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—\n“anuññāto, bhante, bhagavatā ārāmiko”ti?\n“Evaṁ, mahārājā”ti.\n“Tena hi, bhante, ayyassa ārāmikaṁ dammī”ti.\nAtha kho rājā māgadho seniyo bimbisāro āyasmato pilindavacchassa ārāmikaṁ paṭissuṇitvā vissaritvā cirena satiṁ paṭilabhitvā aññataraṁ sabbatthakaṁ mahāmattaṁ āmantesi—“yo mayā, bhaṇe, ayyassa ārāmiko paṭissuto, dinno so ārāmiko”ti?\n“Na kho, deva, ayyassa ārāmiko dinno”ti.\n“Kīvaciraṁ nu kho, bhaṇe, ito hi taṁ hotī”ti?\nAtha kho so mahāmatto rattiyo gaṇetvā rājānaṁ māgadhaṁ seniyaṁ bimbisāraṁ etadavoca—“pañca, deva, rattisatānī”ti.\n“Tena hi, bhaṇe, ayyassa pañca ārāmikasatāni dehī”ti.\n“Evaṁ, devā”ti\nkho so mahāmatto rañño māgadhassa seniyassa bimbisārassa paṭissuṇitvā āyasmato pilindavacchassa pañca ārāmikasatāni pādāsi, pāṭiyekko gāmo nivisi.\nĀrāmikagāmakotipi naṁ āhaṁsu, pilindagāmakotipi naṁ āhaṁsu."}},{"id":"pli-tv-bu-vb-np23:1.2","sourceIds":["pli-tv-bu-vb-np23:1.2.1","pli-tv-bu-vb-np23:1.2.2","pli-tv-bu-vb-np23:1.2.3","pli-tv-bu-vb-np23:1.2.4","pli-tv-bu-vb-np23:1.2.5","pli-tv-bu-vb-np23:1.2.6","pli-tv-bu-vb-np23:1.2.7","pli-tv-bu-vb-np23:1.2.8","pli-tv-bu-vb-np23:1.2.9","pli-tv-bu-vb-np23:1.2.10","pli-tv-bu-vb-np23:1.2.11","pli-tv-bu-vb-np23:1.2.12","pli-tv-bu-vb-np23:1.2.13","pli-tv-bu-vb-np23:1.2.14","pli-tv-bu-vb-np23:1.2.15","pli-tv-bu-vb-np23:1.2.16","pli-tv-bu-vb-np23:1.2.17","pli-tv-bu-vb-np23:1.2.18"],"kind":"text","text":{"pi":"Tena kho pana samayena āyasmā pilindavaccho tasmiṁ gāmake kulūpako hoti.\nAtha kho āyasmā pilindavaccho pubbaṇhasamayaṁ nivāsetvā pattacīvaraṁ ādāya pilindagāmakaṁ piṇḍāya pāvisi.\nTena kho pana samayena tasmiṁ gāmake ussavo hoti. Dārakā alaṅkatā mālākitā kīḷanti.\nAtha kho āyasmā pilindavaccho pilindagāmake sapadānaṁ piṇḍāya caramāno yena aññatarassa ārāmikassa nivesanaṁ tenupasaṅkami; upasaṅkamitvā paññatte āsane nisīdi.\nTena kho pana samayena tassā ārāmikiniyā dhītā aññe dārake alaṅkate mālākite passitvā rodati—“mālaṁ me detha, alaṅkāraṁ me dethā”ti.\nAtha kho āyasmā pilindavaccho taṁ ārāmikiniṁ etadavoca—“kissāyaṁ dārikā rodatī”ti?\n“Ayaṁ, bhante, dārikā aññe dārake alaṅkate mālākite passitvā rodati—‘mālaṁ me detha, alaṅkāraṁ me dethā’ti. Kuto amhākaṁ duggatānaṁ mālā kuto, alaṅkāro”ti?\nAtha kho āyasmā pilindavaccho aññataraṁ tiṇaṇḍupakaṁ gahetvā taṁ ārāmikiniṁ etadavoca—“handimaṁ tiṇaṇḍupakaṁ tassā dārikāya sīse paṭimuñcā”ti.\nAtha kho sā ārāmikinī taṁ tiṇaṇḍupakaṁ gahetvā tassā dārikāya sīse paṭimuñci. Sā ahosi suvaṇṇamālā abhirūpā dassanīyā pāsādikā.\nNatthi tādisā raññopi antepure suvaṇṇamālā.\nManussā rañño māgadhassa seniyassa bimbisārassa ārocesuṁ—“amukassa, deva, ārāmikassa ghare suvaṇṇamālā abhirūpā dassanīyā pāsādikā.\nNatthi tādisā devassāpi antepure suvaṇṇamālā.\nKuto tassa duggatassa.\nNissaṁsayaṁ corikāya ābhatā”ti.\nAtha kho rājā māgadho seniyo bimbisāro taṁ ārāmikakulaṁ bandhāpesi.\nDutiyampi kho āyasmā pilindavaccho pubbaṇhasamayaṁ nivāsetvā pattacīvaraṁ ādāya pilindagāmakaṁ piṇḍāya pāvisi.\nPilindagāmake sapadānaṁ piṇḍāya caramāno yena tassa ārāmikassa nivesanaṁ tenupasaṅkami; upasaṅkamitvā paṭivissake pucchi—“kahaṁ imaṁ ārāmikakulaṁ gatan”ti?\n“Etissā, bhante, suvaṇṇamālāya kāraṇā raññā bandhāpitan”ti.","en":"And Pilindavaccha began associating with the families in that village.\nAfter robing up one morning, he took his bowl and robe and went to Pilinda Village for alms.\nAt that time they were holding a celebration in that village and the children were dressed up with ornaments and garlands.\nAs Pilindavaccha was walking on continuous almsround, he came to the house of a certain monastery worker where he sat down on the prepared seat.\nJust then the daughter of that house had seen the other children dressed up in ornaments and garlands. She cried, saying, “Give me a garland! Give me ornaments!”\nPilindavaccha asked her mother why the girl was crying.\nShe told him, adding, “Poor people like us can’t afford garlands and ornaments.”\nPilindavaccha took a pad of grass and said to the mother, “Here, place this on the girl’s head.”\nShe did, and it turned into a beautiful golden garland.\nEven the royal compound had nothing like it.\nPeople told King Bimbisāra, “In the house of such-and-such a monastery worker there’s a beautiful golden garland.\nEven in your court, sir, there’s nothing like it.\nSo how did those poor people get it?\nThey must have stolen it.”\nKing Bimbisāra had that family imprisoned.\nOnce again Pilindavaccha robed up in the morning, took his bowl and robe, and went to Pilinda Village for alms.\nAs he was walking on continuous almsround, he came to the house of that monastery worker. He then asked the neighbors what had happened to that family.\n“The king has jailed them, venerable, because of that golden garland.”"}},{"id":"pli-tv-bu-vb-np23:1.3","sourceIds":["pli-tv-bu-vb-np23:1.3.1","pli-tv-bu-vb-np23:1.3.2","pli-tv-bu-vb-np23:1.3.3","pli-tv-bu-vb-np23:1.3.4","pli-tv-bu-vb-np23:1.3.5","pli-tv-bu-vb-np23:1.3.6","pli-tv-bu-vb-np23:1.3.7","pli-tv-bu-vb-np23:1.3.8","pli-tv-bu-vb-np23:1.3.9","pli-tv-bu-vb-np23:1.3.10","pli-tv-bu-vb-np23:1.3.11","pli-tv-bu-vb-np23:1.3.12","pli-tv-bu-vb-np23:1.3.13","pli-tv-bu-vb-np23:1.3.14","pli-tv-bu-vb-np23:1.3.15","pli-tv-bu-vb-np23:1.3.16","pli-tv-bu-vb-np23:1.3.17","pli-tv-bu-vb-np23:1.3.18","pli-tv-bu-vb-np23:1.3.19","pli-tv-bu-vb-np23:1.3.20","pli-tv-bu-vb-np23:1.3.21","pli-tv-bu-vb-np23:1.3.22","pli-tv-bu-vb-np23:1.3.23","pli-tv-bu-vb-np23:1.3.24","pli-tv-bu-vb-np23:1.3.25","pli-tv-bu-vb-np23:1.3.26","pli-tv-bu-vb-np23:1.3.27","pli-tv-bu-vb-np23:1.3.28","pli-tv-bu-vb-np23:1.3.29","pli-tv-bu-vb-np23:1.3.30","pli-tv-bu-vb-np23:1.3.31"],"kind":"text","text":{"pi":"Atha kho āyasmā pilindavaccho yena rañño māgadhassa seniyassa bimbisārassa nivesanaṁ tenupasaṅkami; upasaṅkamitvā paññatte āsane nisīdi.\nAtha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi.\nEkamantaṁ nisinnaṁ kho rājānaṁ māgadhaṁ seniyaṁ bimbisāraṁ āyasmā pilindavaccho etadavoca—“kissa, mahārāja, ārāmikakulaṁ bandhāpitan”ti?\n“Tassa, bhante, ārāmikassa ghare suvaṇṇamālā abhirūpā dassanīyā pāsādikā.\nNatthi tādisā amhākampi antepure suvaṇṇamālā.\nKuto tassa duggatassa.\nNissaṁsayaṁ corikāya ābhatā”ti.\nAtha kho āyasmā pilindavaccho rañño māgadhassa seniyassa bimbisārassa pāsādaṁ suvaṇṇanti adhimucci.\nSo ahosi sabbasovaṇṇamayo.\n“Idaṁ pana te, mahārāja, tāva bahuṁ suvaṇṇaṁ kuto”ti?\n“Aññātaṁ, bhante, ayyasseveso iddhānubhāvo”ti.\nTaṁ ārāmikakulaṁ muñcāpesi.\nManussā—“ayyena kira pilindavacchena sarājikāya parisāya uttarimanussadhammaṁ iddhipāṭihāriyaṁ dassitan”ti,\nattamanā abhippasannā āyasmato pilindavacchassa pañca bhesajjāni abhihariṁsu, seyyathidaṁ—sappi navanītaṁ telaṁ madhu phāṇitaṁ.\nPakatiyāpi ca āyasmā pilindavaccho lābhī hoti pañcannaṁ bhesajjānaṁ.\nLaddhaṁ laddhaṁ parisāya vissajjeti.\nParisā cassa hoti bāhullikā.\nLaddhaṁ laddhaṁ kolambepi ghaṭepi pūretvā paṭisāmeti, parissāvanānipi thavikāyopi pūretvā vātapānesu laggeti.\nTāni olīnavilīnāni tiṭṭhanti. Undūrehipi vihārā okiṇṇavikiṇṇā honti.\nManussā vihāracārikaṁ āhiṇḍantā passitvā ujjhāyanti khiyyanti vipācenti—\n“antokoṭṭhāgārikā ime samaṇā sakyaputtiyā, seyyathāpi rājā māgadho seniyo bimbisāro”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma bhikkhū evarūpāya bāhullāya cetessantī”ti.\nAtha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira, bhikkhave, bhikkhū evarūpāya bāhullāya cetentī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma te, bhikkhave, moghapurisā evarūpāya bāhullāya cetessanti.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"Pilindavaccha then went to King Bimbisāra’s house and sat down on the prepared seat.\nKing Bimbisāra approached Pilindavaccha, bowed, and sat down.\nPilindavaccha said, “Great king, why have you jailed the family of that monastery worker?”\n“Sir, in the house of that monastery worker there was a beautiful golden garland.\nEven the royal compound has nothing like it.\nSo how did those poor people get it?\nThey must have stolen it.”\nPilindavaccha then focused his mind on turning King Bimbisāra’s stilt house into gold.\nAs a result, the whole house became gold.\nHe said, “Great king, how did you get so much gold?”\n“Understood, sir! It’s your supernormal power.”\nHe then released that family.\nPeople said, “They say Venerable Pilindavaccha has performed a superhuman feat, a wonder of supernormal power, for the king and his court!”\nBeing delighted and gaining confidence in Pilindavaccha, they brought him the five tonics: ghee, butter, oil, honey, and syrup.\nOrdinarily, too, Pilindavaccha was getting the five tonics.\nSince he was getting so much, he gave it away to his followers,\nwho ended up with an abundance of tonics.\nAfter filling up basins and waterpots and setting these aside, they filled their water filters and bags and hung these in the windows.\nBut the tonics were dripping, and the dwellings became infested with rats.\nWhen people walking about the dwellings saw this, they complained and criticized them,\n“These Sakyan monastics are hoarding things indoors, just like King Seniya Bimbisāra of Magadha.”\nThe monks heard the complaints of those people\nand the monks of few desires complained and criticized those monks,\n“How can these monks choose to live with such abundance?”\nAfter rebuking those monks in many ways, they told the Buddha. Soon afterwards he had the Sangha gathered and questioned the monks:\n“Is it true, monks, that there are monks who live like this?”\n“It’s true, sir.”\nThe Buddha rebuked them …\n“How can those foolish men live like this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-np23:1.3.32","sourceIds":["pli-tv-bu-vb-np23:1.3.32.0","pli-tv-bu-vb-np23:1.3.32.1"],"kind":"text","text":{"en":"Final ruling\n‘After being received, the tonics allowable for sick monks—that is, ghee, butter, oil, honey, and syrup—should be used from storage for at most seven days.","pi":"“Yāni kho pana tāni gilānānaṁ bhikkhūnaṁ paṭisāyanīyāni bhesajjāni, seyyathidaṁ— sappi navanītaṁ telaṁ madhu phāṇitaṁ, tāni paṭiggahetvā sattāhaparamaṁ sannidhikārakaṁ paribhuñjitabbāni."}},{"id":"pli-tv-bu-vb-np23:1.3-from-pli-tv-bu-vb-np23-1.3.33","sourceIds":["pli-tv-bu-vb-np23:1.3.33"],"kind":"text","text":{"pi":"Taṁ atikkāmayato nissaggiyaṁ pācittiyan”ti.","en":"If one uses them longer than that, one commits an offense entailing relinquishment and confession.’”"}},{"id":"pli-tv-bu-vb-np23:2","sourceIds":["pli-tv-bu-vb-np23:2.0","pli-tv-bu-vb-np23:2.1","pli-tv-bu-vb-np23:2.2","pli-tv-bu-vb-np23:2.3","pli-tv-bu-vb-np23:2.4","pli-tv-bu-vb-np23:2.5","pli-tv-bu-vb-np23:2.6","pli-tv-bu-vb-np23:2.7","pli-tv-bu-vb-np23:2.8","pli-tv-bu-vb-np23:2.9","pli-tv-bu-vb-np23:2.10","pli-tv-bu-vb-np23:2.11","pli-tv-bu-vb-np23:2.12","pli-tv-bu-vb-np23:2.13","pli-tv-bu-vb-np23:2.14","pli-tv-bu-vb-np23:2.15","pli-tv-bu-vb-np23:2.16","pli-tv-bu-vb-np23:2.17","pli-tv-bu-vb-np23:2.18","pli-tv-bu-vb-np23:2.19","pli-tv-bu-vb-np23:2.20","pli-tv-bu-vb-np23:2.21","pli-tv-bu-vb-np23:2.22","pli-tv-bu-vb-np23:2.23"],"kind":"text","text":{"en":"Definitions\nThe tonics allowable for sick monks:\nGhee:\nghee from cows, ghee from goats, ghee from buffaloes, or ghee from whatever animal whose meat is allowable.\nButter:\nbutter from the same animals.\nOil:\nsesame oil, mustard oil, honey-tree oil, castor oil, oil from fat.\nHoney:\nhoney from bees.\nSyrup:\nfrom sugarcane.\nAfter being received, they should be used from storage for at most seven days:\nthey are to be used for seven days at a maximum.\nIf one uses them longer than that, one commits an offense entailing relinquishment:\nit becomes subject to relinquishment at dawn on the eighth day.\nThe tonics should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, these tonics, which I have kept over seven days, are to be relinquished.\nI relinquish it to the Sangha.” …\n“the Sangha should give …”\n“you should give …”\n“I give these tonics back to you.”","pi":"Yāni kho pana tāni gilānānaṁ bhikkhūnaṁ paṭisāyanīyāni bhesajjānīti\nsappi nāma\ngosappi vā ajikāsappi vā mahiṁsasappi vā yesaṁ maṁsaṁ kappati tesaṁ sappi.\nNavanītaṁ nāma\ntesaṁyeva navanītaṁ.\nTelaṁ nāma\ntilatelaṁ sāsapatelaṁ madhukatelaṁ eraṇḍatelaṁ vasātelaṁ.\nMadhu nāma\nmakkhikāmadhu.\nPhāṇitaṁ nāma\nucchumhā nibbattaṁ.\nTāni paṭiggahetvā sattāhaparamaṁ sannidhikārakaṁ paribhuñjitabbānīti\nsattāhaparamatā paribhuñjitabbāni.\nTaṁ atikkāmayato nissaggiyaṁ hotīti\naṭṭhame aruṇuggamane nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ.\n…pe…\nidaṁ me, bhante, bhesajjaṁ sattāhātikkantaṁ nissaggiyaṁ,\nimāhaṁ saṅghassa nissajjāmīti …pe…\ndadeyyāti …pe…\ndadeyyunti …pe…\nāyasmato dammīti."}},{"id":"pli-tv-bu-vb-np23:2.24","sourceIds":["pli-tv-bu-vb-np23:2.24.0","pli-tv-bu-vb-np23:2.24.1"],"kind":"text","text":{"en":"Permutations\nIf it is more than seven days and he perceives it as more, he commits an offense entailing relinquishment and confession.","pi":"Sattāhātikkante atikkantasaññī, nissaggiyaṁ pācittiyaṁ."}},{"id":"pli-tv-bu-vb-np23:2-from-pli-tv-bu-vb-np23-2.25","sourceIds":["pli-tv-bu-vb-np23:2.25","pli-tv-bu-vb-np23:2.26","pli-tv-bu-vb-np23:2.27","pli-tv-bu-vb-np23:2.28","pli-tv-bu-vb-np23:2.29","pli-tv-bu-vb-np23:2.30","pli-tv-bu-vb-np23:2.31","pli-tv-bu-vb-np23:2.32","pli-tv-bu-vb-np23:2.33","pli-tv-bu-vb-np23:2.34","pli-tv-bu-vb-np23:2.35","pli-tv-bu-vb-np23:2.36","pli-tv-bu-vb-np23:2.37","pli-tv-bu-vb-np23:2.38"],"kind":"text","text":{"pi":"Sattāhātikkante vematiko, nissaggiyaṁ pācittiyaṁ.\nSattāhātikkante anatikkantasaññī, nissaggiyaṁ pācittiyaṁ.\nAnadhiṭṭhite adhiṭṭhitasaññī, nissaggiyaṁ pācittiyaṁ.\nAvissajjite vissajjitasaññī, nissaggiyaṁ pācittiyaṁ.\nAnaṭṭhe naṭṭhasaññī, nissaggiyaṁ pācittiyaṁ.\nAvinaṭṭhe vinaṭṭhasaññī, nissaggiyaṁ pācittiyaṁ.\nAdaḍḍhe daḍḍhasaññī, nissaggiyaṁ pācittiyaṁ.\nAvilutte viluttasaññī, nissaggiyaṁ pācittiyaṁ.\nNissaṭṭhaṁ paṭilabhitvā na kāyikena paribhogena paribhuñjitabbaṁ, na ajjhoharitabbaṁ,\npadīpe vā kāḷavaṇṇe vā upanetabbaṁ,\naññena bhikkhunā kāyikena paribhogena paribhuñjitabbaṁ, na ajjhoharitabbaṁ.\nSattāhānatikkante atikkantasaññī, āpatti dukkaṭassa.\nSattāhānatikkante vematiko, āpatti dukkaṭassa.\nSattāhānatikkante anatikkantasaññī, anāpatti.","en":"If it is more than seven days, but he is unsure of it, he commits an offense entailing relinquishment and confession.\nIf it is more than seven days, but he perceives it as less, he commits an offense entailing relinquishment and confession.\nIf they have not been determined, but he perceives that they have, he commits an offense entailing relinquishment and confession.\nIf they have not been given away, but he perceives that they have, he commits an offense entailing relinquishment and confession.\nIf they have not been lost, but he perceives that they have, he commits an offense entailing relinquishment and confession.\nIf they have not been destroyed, but he perceives that they have, he commits an offense entailing relinquishment and confession.\nIf they have not been burned, but he perceives that they have, he commits an offense entailing relinquishment and confession.\nIf they have not been stolen, but he perceives that they have, he commits an offense entailing relinquishment and confession.\nAfter the relinquished tonics have been returned, they are not to be used on the body, nor are they to be eaten.\nThey may be used in lamps or as a black coloring agent.\nOther monks may use them on the body, but they may not eat them.\nIf it is less than seven days, but he perceives it as more, he commits an offense of wrong conduct.\nIf it is less than seven days, but he is unsure of it, he commits an offense of wrong conduct.\nIf it is less than seven days and he perceives it as less, there is no offense."}},{"id":"pli-tv-bu-vb-np23:2.39","sourceIds":["pli-tv-bu-vb-np23:2.39.0","pli-tv-bu-vb-np23:2.39.1"],"kind":"text","text":{"en":"Non-offenses\nThere is no offense:","pi":"Anāpatti—"}},{"id":"pli-tv-bu-vb-np23:2-from-pli-tv-bu-vb-np23-2.40","sourceIds":["pli-tv-bu-vb-np23:2.40","pli-tv-bu-vb-np23:2.41","pli-tv-bu-vb-np23:2.42","pli-tv-bu-vb-np23:2.43","pli-tv-bu-vb-np23:2.44"],"kind":"text","text":{"pi":"antosattāhaṁ adhiṭṭheti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,\nanupasampannassa cattena vantena muttena anapekkho datvā paṭilabhitvā paribhuñjati,\nummattakassa,\nādikammikassāti.\nBhesajjasikkhāpadaṁ niṭṭhitaṁ tatiyaṁ.","en":"if within seven days they have been determined, given away, lost, destroyed, burned, stolen, or taken on trust;\nif, without any desire for them, he gives them up to a person who is not fully ordained, and he then obtains them again and then uses them;\nif he is insane;\nif he is the first offender.\nThe training rule on storing the five tonics too long, the third, is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np23/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}