{"id":"pli-tv-bu-vb-pc65","title":"Ordaining a person under twenty","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc65","title":"Ordaining a person under twenty","units":[{"id":"pli-tv-bu-vb-pc65:0","sourceIds":["pli-tv-bu-vb-pc65:0.1","pli-tv-bu-vb-pc65:0.2","pli-tv-bu-vb-pc65:0.3","pli-tv-bu-vb-pc65:0.4","pli-tv-bu-vb-pc65:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nSappāṇakavagga\n65. Ūnavīsativassasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on containing living beings\nOrdaining a person under twenty"}},{"id":"pli-tv-bu-vb-pc65:1","sourceIds":["pli-tv-bu-vb-pc65:1.0","pli-tv-bu-vb-pc65:1.1","pli-tv-bu-vb-pc65:1.2","pli-tv-bu-vb-pc65:1.3","pli-tv-bu-vb-pc65:1.4","pli-tv-bu-vb-pc65:1.5","pli-tv-bu-vb-pc65:1.6","pli-tv-bu-vb-pc65:1.7","pli-tv-bu-vb-pc65:1.8","pli-tv-bu-vb-pc65:1.9","pli-tv-bu-vb-pc65:1.10","pli-tv-bu-vb-pc65:1.11","pli-tv-bu-vb-pc65:1.12","pli-tv-bu-vb-pc65:1.13","pli-tv-bu-vb-pc65:1.14","pli-tv-bu-vb-pc65:1.15","pli-tv-bu-vb-pc65:1.16","pli-tv-bu-vb-pc65:1.17","pli-tv-bu-vb-pc65:1.18","pli-tv-bu-vb-pc65:1.19","pli-tv-bu-vb-pc65:1.20","pli-tv-bu-vb-pc65:1.21","pli-tv-bu-vb-pc65:1.22","pli-tv-bu-vb-pc65:1.23","pli-tv-bu-vb-pc65:1.24","pli-tv-bu-vb-pc65:1.25","pli-tv-bu-vb-pc65:1.26","pli-tv-bu-vb-pc65:1.27","pli-tv-bu-vb-pc65:1.28","pli-tv-bu-vb-pc65:1.29","pli-tv-bu-vb-pc65:1.30","pli-tv-bu-vb-pc65:1.31","pli-tv-bu-vb-pc65:1.32","pli-tv-bu-vb-pc65:1.33","pli-tv-bu-vb-pc65:1.34","pli-tv-bu-vb-pc65:1.35","pli-tv-bu-vb-pc65:1.36","pli-tv-bu-vb-pc65:1.37","pli-tv-bu-vb-pc65:1.38","pli-tv-bu-vb-pc65:1.39","pli-tv-bu-vb-pc65:1.40","pli-tv-bu-vb-pc65:1.41","pli-tv-bu-vb-pc65:1.42","pli-tv-bu-vb-pc65:1.43","pli-tv-bu-vb-pc65:1.44","pli-tv-bu-vb-pc65:1.45","pli-tv-bu-vb-pc65:1.46","pli-tv-bu-vb-pc65:1.47","pli-tv-bu-vb-pc65:1.48","pli-tv-bu-vb-pc65:1.49","pli-tv-bu-vb-pc65:1.50","pli-tv-bu-vb-pc65:1.51","pli-tv-bu-vb-pc65:1.52"],"kind":"text","text":{"en":"Origin story\nAt one time the Buddha was staying at Rājagaha in the Bamboo Grove, the squirrel sanctuary.\nAt that time in Rājagaha there was a group of seventeen boys who were friends,\nwith Upāli as their leader.\nUpāli’s parents considered,\n“How can we make sure that Upāli is able to live happily without exhausting himself after we’ve passed away?\nHe could become a clerk,\nbut then his fingers will hurt.\nOr he could become an accountant,\nbut then his chest will hurt.\nOr he could become a banker,\nbut then his eyes will hurt.\nBut these Sakyan monastics have pleasant habits and a happy life. They eat nice food and sleep in beds sheltered from the wind.\nIf Upāli goes forth with them, he’ll be able to live happily without exhausting himself after we’ve passed away.”\nUpāli overheard this conversation between his parents.\nHe then went to the other boys and said,\n“Come, let’s go forth with the Sakyan monastics.”\n“If you go forth, so will we.”\nThe boys went each to his own parents and said,\n“Please allow me to go forth into homelessness.”\nSince the parents knew that the boys all had the same desire and good intention, they gave their approval.\nThe boys then went to the monks and asked for the going forth.\nAnd the monks gave them the going forth and the full ordination.\nSoon afterwards they got up early in the morning and cried,\n“Give us congee, give us a meal, give us fresh food.”\nThe monks said,\n“Wait until it gets light.\nIf any of that becomes available then, you can have it.\nIf not, you’ll eat after walking for alms.”\nBut they carried on as before.\nAnd they defecated and urinated on the furniture.\nAfter rising early in the morning, the Buddha heard the sound of those boys.\nHe asked Venerable Ānanda,\nwho told him what was happening.\nSoon afterwards the Buddha had the Sangha gathered and questioned the monks:\n“Is it true, monks, that the monks give the full ordination to people they know are less than twenty years old?”\n“It’s true, sir.”\nThe Buddha rebuked them …\n“How can those foolish men do this?\nA person who is less than twenty years old is unable to endure cold and heat; hunger and thirst; horseflies, mosquitoes, wind, and the burning sun; creeping animals and insects; and rude and unwelcome speech. And they are unable to bear up with bodily feelings that are painful, severe, sharp, and destructive of life.\nBut a person who’s twenty is able to endure these things.\nThis will affect people’s confidence …” …\n“And, monks, this training rule should be recited like this:","pi":"Tena samayena buddho bhagavā rājagahe viharati veḷuvane kalandakanivāpe.\nTena kho pana samayena rājagahe sattarasavaggiyā dārakā sahāyakā honti.\nUpālidārako tesaṁ pāmokkho hoti.\nAtha kho upālissa mātāpitūnaṁ etadahosi—\n“kena nu kho upāyena upāli amhākaṁ accayena sukhañca jīveyya na ca kilameyyā”ti?\nAtha kho upālissa mātāpitūnaṁ etadahosi—\n“sace kho upāli lekhaṁ sikkheyya, evaṁ kho upāli amhākaṁ accayena sukhañca jīveyya, na ca kilameyyā”ti.\nAtha kho upālissa mātāpitūnaṁ etadahosi—\n“sace kho upāli lekhaṁ sikkhissati, aṅguliyo dukkhā bhavissanti.\nSace kho upāli gaṇanaṁ sikkheyya, evaṁ kho upāli amhākaṁ accayena sukhañca jīveyya na ca kilameyyā”ti.\nAtha kho upālissa mātāpitūnaṁ etadahosi—\n“sace kho upāli gaṇanaṁ sikkhissati, urassa dukkho bhavissati.\nSace kho upāli rūpaṁ sikkheyya, evaṁ kho upāli amhākaṁ accayena sukhañca jīveyya na ca kilameyyā”ti.\nAtha kho upālissa mātāpitūnaṁ etadahosi—\n“sace kho upāli rūpaṁ sikkhissati, akkhīni dukkhā bhavissanti.\nIme kho samaṇā sakyaputtiyā sukhasīlā sukhasamācārā subhojanāni bhuñjitvā nivātesu sayanesu sayanti.\nSace kho upāli samaṇesu sakyaputtiyesu pabbajeyya, evaṁ kho upāli amhākaṁ accayena sukhañca jīveyya, na ca kilameyyā”ti.\nAssosi kho upālidārako mātāpitūnaṁ imaṁ kathāsallāpaṁ.\nAtha kho upālidārako yena te dārakā tenupasaṅkami; upasaṅkamitvā te dārake etadavoca—\n“etha mayaṁ, ayyā, samaṇesu sakyaputtiyesu pabbajissāmā”ti.\n“Sace kho tvaṁ, ayya, pabbajissasi, evaṁ mayampi pabbajissāmā”ti.\nAtha kho te dārakā ekamekassa mātāpitaro upasaṅkamitvā etadavocuṁ—\n“anujānātha maṁ agārasmā anagāriyaṁ pabbajjāyā”ti.\nAtha kho tesaṁ dārakānaṁ mātāpitaro—\n“sabbepime dārakā samānacchandā kalyāṇādhippāyā”ti anujāniṁsu.\nTe bhikkhū upasaṅkamitvā pabbajjaṁ yāciṁsu.\nTe bhikkhū pabbājesuṁ upasampādesuṁ.\nTe rattiyā paccūsasamayaṁ paccuṭṭhāya rodanti—\n“yāguṁ detha, bhattaṁ detha, khādanīyaṁ dethā”ti.\nBhikkhū evamāhaṁsu—\n“āgametha, āvuso, yāva ratti vibhāyati.\nSace yāgu bhavissati, pivissatha.\nSace bhattaṁ bhavissati, bhuñjissatha.\nSace khādanīyaṁ bhavissati, khādissatha.\nNo ce bhavissati yāgu vā bhattaṁ vā khādanīyaṁ vā, piṇḍāya caritvā bhuñjissathā”ti.\nEvampi kho te bhikkhū bhikkhūhi vuccamānā rodantiyeva—\n“yāguṁ detha, bhattaṁ detha, khādanīyaṁ dethā”ti.\nSenāsanaṁ ūhadantipi ummihantipi.\nAssosi kho bhagavā rattiyā paccūsasamayaṁ paccuṭṭhāya dārakasaddaṁ.\nSutvāna āyasmantaṁ ānandaṁ āmantesi—\n“kiṁ nu kho so, ānanda, dārakasaddo”ti?\nAtha kho āyasmā ānando bhagavato etamatthaṁ ārocesi.\nAtha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—\n“saccaṁ kira, bhikkhave, bhikkhū jānaṁ ūnavīsativassaṁ puggalaṁ upasampādentī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma te, bhikkhave, moghapurisā jānaṁ ūnavīsativassaṁ puggalaṁ upasampādessanti.\nŪnakavīsativasso, bhikkhave, puggalo akkhamo hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātiko hoti.\nVīsativassova kho, bhikkhave, puggalo khamo hoti sītassa uṇhassa …pe…\npāṇaharānaṁ adhivāsakajātiko hoti.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc65:1.53","sourceIds":["pli-tv-bu-vb-pc65:1.53.0","pli-tv-bu-vb-pc65:1.53.1"],"kind":"text","text":{"en":"Final ruling\n‘If a monk gives the full ordination to a person he knows is less than twenty years old, he commits an offense entailing confession. Moreover, that person has not received the full ordination and those monks are blameworthy.’”","pi":"“Yo pana bhikkhu jānaṁ ūnavīsativassaṁ puggalaṁ upasampādeyya, so ca puggalo anupasampanno, te ca bhikkhū gārayhā, idaṁ tasmiṁ pācittiyan”ti."}},{"id":"pli-tv-bu-vb-pc65:2.1","sourceIds":["pli-tv-bu-vb-pc65:2.1.0","pli-tv-bu-vb-pc65:2.1.1","pli-tv-bu-vb-pc65:2.1.2","pli-tv-bu-vb-pc65:2.1.3","pli-tv-bu-vb-pc65:2.1.4","pli-tv-bu-vb-pc65:2.1.5","pli-tv-bu-vb-pc65:2.1.6","pli-tv-bu-vb-pc65:2.1.7","pli-tv-bu-vb-pc65:2.1.8","pli-tv-bu-vb-pc65:2.1.9","pli-tv-bu-vb-pc65:2.1.10","pli-tv-bu-vb-pc65:2.1.11","pli-tv-bu-vb-pc65:2.1.12","pli-tv-bu-vb-pc65:2.1.13"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nHe knows:\nhe knows by himself or others have told him or the candidate has told him.\nLess than twenty years old:\nwho has not reached twenty years.\nIf, intending to give the full ordination, he searches for a group, a teacher, a bowl, or a robe, or he establishes a monastery zone, he commits an offense of wrong conduct.\nAfter the motion, he commits an offense of wrong conduct.\nAfter each of the first two announcements, he commits an offense of wrong conduct.\nWhen the last announcement is finished, the preceptor commits an offense entailing confession,\nwhile the group and the teacher commit an offense of wrong conduct.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nJānāti nāma\nsāmaṁ vā jānāti, aññe vā tassa ārocenti, so vā āroceti.\nŪnavīsativasso nāma\nappattavīsativasso.\n“Upasampādessāmī”ti gaṇaṁ vā ācariyaṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.\nÑattiyā dukkaṭaṁ.\nDvīhi kammavācāhi dukkaṭā.\nKammavācāpariyosāne upajjhāyassa āpatti pācittiyassa.\nGaṇassa ca ācariyassa ca āpatti dukkaṭassa."}},{"id":"pli-tv-bu-vb-pc65:2.2","sourceIds":["pli-tv-bu-vb-pc65:2.2.0","pli-tv-bu-vb-pc65:2.2.1","pli-tv-bu-vb-pc65:2.2.2","pli-tv-bu-vb-pc65:2.2.3","pli-tv-bu-vb-pc65:2.2.4","pli-tv-bu-vb-pc65:2.2.5","pli-tv-bu-vb-pc65:2.2.6"],"kind":"text","text":{"en":"Permutations\nIf the other person is less than twenty years old, and he perceives them as less, and he gives them the full ordination, he commits an offense entailing confession.\nIf the other person is less than twenty years old, but he is unsure of it, and he gives them the full ordination, he commits an offense of wrong conduct.\nIf the other person is less than twenty years old, but he perceives them as more, and he gives them the full ordination, there is no offense.\nIf the other person is more than twenty years old, but he perceives them as less, he commits an offense of wrong conduct.\nIf the other person is more than twenty years old, but he is unsure of it, he commits an offense of wrong conduct.\nIf the other person is more than twenty years old, and he perceives them as more, there is no offense.","pi":"Ūnavīsativasse ūnavīsativassasaññī upasampādeti, āpatti pācittiyassa.\nŪnavīsativasse vematiko upasampādeti, āpatti dukkaṭassa.\nŪnavīsativasse paripuṇṇavīsativassasaññī upasampādeti, anāpatti.\nParipuṇṇavīsativasse ūnavīsativassasaññī, āpatti dukkaṭassa.\nParipuṇṇavīsativasse vematiko, āpatti dukkaṭassa.\nParipuṇṇavīsativasse paripuṇṇavīsativassasaññī, anāpatti."}},{"id":"pli-tv-bu-vb-pc65:2.3","sourceIds":["pli-tv-bu-vb-pc65:2.3.0","pli-tv-bu-vb-pc65:2.3.1","pli-tv-bu-vb-pc65:2.3.2","pli-tv-bu-vb-pc65:2.3.3","pli-tv-bu-vb-pc65:2.3.4","pli-tv-bu-vb-pc65:2.3.5","pli-tv-bu-vb-pc65:2.3.6"],"kind":"text","text":{"en":"Non-offenses\nThere is no offense:\nif he gives the full ordination to someone less than twenty years old, but he perceives them as more than twenty;\nif he gives the full ordination to someone more than twenty years old, and he perceives them as more than twenty;\nif he is insane;\nif he is the first offender.\nThe training rule on ordaining a person under twenty, the fifth, is finished.","pi":"Anāpatti—\nūnavīsativassaṁ paripuṇṇavīsativassasaññī upasampādeti,\nparipuṇṇavīsativassaṁ paripuṇṇavīsativassasaññī upasampādeti,\nummattakassa,\nādikammikassāti.\nŪnavīsativassasikkhāpadaṁ niṭṭhitaṁ pañcamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc65/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}